ལྷོ་ཁ་རྒྱ་ཆེ་མང་ཚོགས་ཀྱི་མཐུན་འགྱུར་འོག་བསྟན་སྲུང་དྭང་བླངས་དམག་གི་མི་རྟའི་འཚོ་རྟེན་གོ་སྒྲིག་བྱས་པ།

Comments (33) on “ལྷོ་ཁ་རྒྱ་ཆེ་མང་ཚོགས་ཀྱི་མཐུན་འགྱུར་འོག་བསྟན་སྲུང་དྭང་བླངས་དམག་གི་མི་རྟའི་འཚོ་རྟེན་གོ་སྒྲིག་བྱས་པ།”

1. སྟོང་པ་ཉིད་དུ་གྱུར། ལྷོ་ཁའི་བསྟན་སྲུང་གིས་གང་བྱས་གང་དུ་འཚོལ།

2. སྟོང་པའི་ངང་ལས་ལྷོ་ཁ་རྒྱ་ཆེ་མང་ཚོགས་ཀྱི་མཐུན་འགྱུར་འོག་བསྟན་སྲུང་དྭང་བླངས་དམག་གི་མི་རྟའི་འཚོ་རྟེན་གོ་སྒྲིག་ནམ་མཁའི་མཐའ་དང་མཉམ་པར་གྱུར།

3. གསར་ལམ་ཁག་ཏུ་༧རྒྱལ་བ་ཀརྨ་པ་དཀར་འདོན་བྱེད་རྒྱུའི་གོ་སྐབས་ཡག་ཤོས་གཅིག་ཁོང་གི་དྲུང་ཡིག་ཆེན་མོས་འཕྲོ་བརླག་ཏུ་བཏང་སོང་། རྒྱ་གར་གསར་འགོད་པ་མང་པོས་ཨུ་ཚུགས་ཆེན་པོས་དྲུང་ཡིག་ཆེན་པོ་ཟེར་བ་དེ་དངུལ་དེ་དག་གང་ནས་ཡོང་བ་རེད་ཅེས་འདྲི་སྐབས། དངུལ་རྣམས་དད་ལྡན་ཚོས་འབུལ་བ་དང་ཞལ་འདེབས་རེད་ཅེས་པའི་ལན་སྟབས་བདེ་འདི་འདྲ་ཞིག་བརྒྱག་རོགས་ཅེས་ན་བསམ་སོང་། དེ་ཙམ་ཡང་བརྒྱབ་མ་སོང་། དེ་ལས་ལྡོག་དེ་གསར་འགོད་པ་ཚོར་ལན་ཚིག་བཞི་བརྒྱབ་སོང་། ལན་དང་པོ། ང་ལ་ལན་མེད་ཅེས་དང་། ལན་གཉིས་པ་ང་ལ་ནན་ཚུགས་མ་བརྒྱག ལན་གསུམ་པ། ང་ཁུ་སིམ་པོར་འདུག་རྒྱུའི་རང་དབང་ཡོད། ལན་བཞི་བ། ཁྱེད་ཚོས་མགྱོགས་པོ་གཏིང་ནས་ཧ་གོ་གི་རེད་ཟེར་ཞོར་ལ་ནང་ལ་འཛུལ་སོང་། ངས་བསམ་པར་ལས་དྲུང་གི་བྱེད་སྟངས་དེ་མཐོང་བ་འཕང་སེམས་ཚད་མེད་བྱུང་། ཁོས་་ལྷོད་ལྷོད་བྱས་ནས་གསོར་འགོད་པ་ཚོར་གདོང་གཏད་ནས་སྐད་སངས་པོས། དངུལ་དེ་རྣམས་ཕྱོགས་མཐའ་ཀུན་ན་ཡོད་པའི་དད་ལྡན་མི་མང་གི་འབུལ་དང་ཞལ་འདེབས་རྐྱང་རེད་ཅེས་ལན་གསལ་ཞིང་དག་པ་གཅིག་བརྒྱབ་ཐུབ་ཡོད་ན་ཅི་མ་རུང་། http://timesofindia.indiatimes.com/videos/news/Currency-seizure-Karmapas-gen-secy-quizzed/videoshow/7384613.cms ཉེ་གནས་འདི་འདྲ་ཚོས་ཚོས་ཀརྨ་པ་སྲུང་སྐྱོབ་དང་བདག་པོ་ཡག་པོ་བྱེད་ས་མ་རེད། ཡང་བསྐྱར་གོ་སྐབས་དེ་འདྲ་བྱུང་ན་འཕྲོ་བརླག་ཏུ་མ་རོགས་ཞུ་གི་ཡོད།

4. འདི་ན་དྲུང་ཡིག་ཆེན་མོས་སྟག་སྨྱོན་པ་ཞིག་གི་ཁ་ནང་ལ་མྱི་ལྕེ་ཞིག་སྤྲད་འདུག།

5. ནོར་བཅོས།
   གསར་ལམ་ཁག་ཏུ་༧རྒྱལ་བ་ཀརྨ་པ་དཀར་འདོན་བྱེད་རྒྱུའི་གོ་སྐབས་ཡག་ཤོས་གཅིག་ཁོང་གི་དྲུང་ཡིག་ཆེན་མོས་འཕྲོ་བརླག་ཏུ་བཏང་སོང་། རྒྱ་གར་གསར་འགོད་པ་ཚོས་ཨུ་ཚུགས་ཆེན་པོས་དྲུང་ཡིག་ཆེན་མོ་ཟེར་བ་དེར་དངུལ་དེ་དག་གང་ནས་ཡོང་བ་རེད་ཅེས་འདྲི་སྐབས། ཁོང་ཀིས་དངུལ་རྣམས་འཛམ་གང་སར་ཡོད་པའི་དད་ལྡན་མང་ཚོགས་ཀྱིས་ཕུལ་བ་དང་ཞལ་འདེབས་ཁོ་ན་རེད་ཅེས་པའི་ལན་སྟབས་བདེ་འདི་འདྲ་ཞིག་བརྒྱག་རོགས་ཅེས་ན་བསམ་ནས་རེ་བ་བརྒྱབ་པ་ཡིན། ཡིན་ནའང་དྲུག་ཡིག་གིས་དེ་ཙམ་ཡང་བརྒྱབ་མ་སོང་། དེ་ལས་ལྡོག་དེ་གསར་འགོད་པ་ཚོར་ལན་ཚིག་བཞི་ཙམ་བརྒྱབ་སོང་། ལན་དང་པོ། ང་ལ་ལན་མེད་ཅེས་དང་། ལན་གཉིས་པ། ང་ལ་ནན་ཚུགས་མ་བརྒྱག་ཟེར་ནས་རྫིག་རྫིག་བཏང་སོང་། ལན་གསུམ་པ། ང་ཁུ་སིམ་པོར་འདུག་རྒྱུའི་ཐོབ་ཐང་ཡོད། ལན་བཞི་བ། ཁྱེད་ཚོས་མགྱོགས་པོ་གཏིང་ནས་ཧ་གོ་གི་རེད་ཟེར་ཞོར་ལ་ནང་ལ་འཛུལ་སོང་། དེ་ནས་ངས་བསམ་པར་ལས་དྲུང་ཆེན་མོས་ཇི་འདྲའི་གོ་སྐབས་རྩ་ཆེན་གཅིག་འཕྲོ་བརླག་བཏང་སོང་དྲན་འཕང་སེམས་ཚད་མེད་བྱུང་། ངོ་ནས་ཡིན་ཁོས་་གསར་འགོད་པ་ཚོར་ཚུར་གདོང་གཏད་ནས་ལྷོད་ལྷོད་བྱས་ཏེ། དངུལ་དེ་རྣམས་ཕྱོགས་མཐའ་ཀུན་ན་ཡོད་པའི་དད་ལྡན་མི་མང་གི་འབུལ་བ་དང་ཞལ་འདེབས་རྐྱང་ཡིན་པ་ལས་ཡོང་ཁུངས་གཞན་ཡོད་མ་རེད་ཅེས་ལན་གསལ་བོ་ཞིག་བརྒྱབ་ཐུབ་ཡོད་ན་ཅི་མ་རུང་། ལས་བྱེད་ཁེངས་དྲེགས་ཅན་ཆོ་མེད་འདི་འདྲ་བ་ཚོས་ཀརྨ་པ་སྲུང་སྐྱོབ་དང་བདག་པོ་ཡག་པོ་བྱེད་ཐུབ་ས་མ་རེད། གང་ལྟར་ཡང་བསྐྱར་གོ་སྐབས་དེ་འདྲ་སུ་ལ་བྱུང་ན་འཕྲོ་བརླག་ཏུ་མ་གཏོང་རོགས་ཞུ་གི་ཡོད།
   གཤམ་གྱི་དྲ་ཐག་འདིར་གཟིགས་ན་དྲུང་ཡིག་ཆེན་མོའི་བྱེད་སྟངས་སྐྱོ་བོ་དེ་མཐོང་ན་བློ་ཕམ་ཡོང་གི་རེད།

   ttp://timesofindia.indiatimes.com/videos/news/Currency-seizure-Karmapas-gen-secy-quizzed/videoshow/7384613.cms

6. སྟག་སྨྱོན་གྱི་ཀརྨ་པ་ཆེད་རྩོམ་འདིར་འབྲེལ་བ་མིན་འདུག
   བི་བི་སིས་བོད་པ་ལུས་སྲོག་ལོངས་སྤྱོད་བོད་དོན་ལ་བཏང་བའི་ལོ་རྒྱུས་ལ་ཀུ་རེའི་ངོ་བོར་བལྟས་ནས་ཁ་བདེ་བཤད་པར་ཤར་ཕྱོགས་འོད་སྣང་གིས་ཀྱང་ཅལ་འགྲོགས་ཀྱིས་དེའི་རྗེས་སུ་འབྲངས་བ་མི་འོས་པ་མཐོང་།

7. མེ་དཀར་ཁྱེད་གིས་ཤེས་མེད། གོང་གི་དཔྱད་རྩོམ་དེར་རྩོམ་ལུས་དངོས་མེད་པར་དཔྱད་རྩོམ་གྱི་ཁ་བྱང་གཅིག་པུ་དུས་ཡུན་གང་ཙམ་རིང་བཞག་སོང་། དེར་བརྟེན་ངོས་ནས་རྩོམ་ལུས་འགོད་རྒྱུའི་ཆེད་དེ་ལྟར་བཤད་པ་ལས་བོད་ཀྱི་བསྟན་པ་ཆབ་སྲིད་ཀྱི་ཆེད་དུ་ལུས་སྲོག་ལོངས་སྤྱོད་འབུལ་མཁན་གྱི་དཔའ་བོ་རྣམས་ལ་ཀྱལ་ཀ་བྱས་མེད་དོ།་།

8. མེ་དཀར་ཁྱེད་ཀྱིས་ཞེས་བཅོས་རོགས།

9. སྔོན་ཆད་དཔའ་བོ་དཔའ་མོ།
   དེང་སང་གཤིན་པོའི་རྣམ་གཤིས།
   ད་ལྟ་ཆུ་བཞི་སྒང་དྲུག
   མ་འོངས་གངས་ལྗོངས་སྲོག་རྩ།

   ལྷོ་ཁ་བསྟན་སྲུང་དང་དམག
   ད་ལྟ་རྣ་བའི་གཏམ་ཙམ།
   མདོ་ཁམས་ཆུ་བཞི་སྒང་དྲུག
   འབྱུང་འགྱུར་བོད་ཀྱི་ལས་དབང།

   གློ་ཡུལ་བསྟན་སྲུང་དམག་མི།
   ད་ལྟ་ས་འོག་གཏེར་རྫས།
   མ་འོངས་ཆུ་བཞི་སྒང་དྲུག
   གདོང་དམར་བོད་ཀྱི་མདུན་མཆོངས།

   དགྲ་རྒོལ་བོད་དམག་བསྟན་སྲུང།
   དེ་རིང་ཤོག་བུའི་རིས་མོ།
   སང་གི་ཆུ་བཞི་སྒང་དྲུག
   བོད་ཀྱི་མེས་པོ་གསར་པ།

10. མེ་ཏོག་དཀར་པོ་ལགས།
    བི་བི་སིས་གསུངས་པ་དེ་ག་རང་རེད། དུས་ཡུན་གང་ཙམ་ཞིག་རྩོམ་ཡིག་གི་འགོ་བརྗོད་གཅིག་པུ་ལས་བཀོད་མེད་པར་བརྟེན་ངས་ཀྱང་གསལ་འདེབས་ཤིག་བྱས་པ་ལས། ཅལ་འདྲོགས་བྱས་པ་ཞིག་གཏན་ནས་མིན།
    ཐུགས་ལ་ཕོག་ཐུག་ཏུ་གྱུར་ན་དགོངས་འགལ་མེད་པར་འཚལ།
    __________________________________________________________
    ་་་་་་་་་་རིང་ནས་སྙིང་དུ་བརྣགས་པའི་འདོད་པའི་དོན།།
    ཡོངས་རྫོགས་བོད་ལྗོངས་རང་དབང་གཙང་མའི་དཔལ།།
    ལྷུན་གྲུབ་ཆོས་སྲིད་ཟུང་འབྲེལ་དགའ་སྟོན་ལ།།
    སྤྱོད་པའི་སྐལ་བཟང་མྱུར་བ་ཉིད་དུ་སྩོལ།།

    བསྟན་དང་དེ་འཛིན་ཆབ་སྲིད་རང་རིགས་སླད།།
    གཅེས་པའི་ལུས་སྲོག་ལོངས་སྤྱོད་ཡོངས་བཏང་སྟེ།།
    དཀའ་བ་བརྒྱ་ཕྲག་བསྒྲུབས་པའི་སྐྱེ་བོ་རྣམས།།
    གྲུ་འཛིན་མགོན་དེས་ཐུགས་རྗེས་སྐྱོང་བར་མཛོད།།

    མདོར་ན་མགོན་པོ་སྤྱན་རས་གཟིགས་དབང་གིས།།
    སྲས་བཅས་རྒྱལ་བའི་སྤྱན་སྔར་གངས་ཅན་ཞིང་།།
    ཡོངས་བཟུང་རྒྱ་ཆེན་སྨོན་ལམ་གང་མཛད་པའི།།
    འབྲས་བཟང་དེང་འདིར་མྱུར་དུ་འཆར་བར་གསོལ།།་་་་་་་་་་་་
    __________________________________________________________

11. དགོངས་དག ཉེ་དུས་ནས་གུས་པས་དུས་བབ་ནང་མཆན་འབྲི་མེད་པ་དང་ཁ་བརྡ་ནང་དུའང་ཉུང་དུ་འབྲི་གི་ཡོད། འདིར་མཆན་འབྲི་རྒྱུར་རྒྱུད་རིམ་སླ་བས་ཡིན། བྱས་ཙང་སྐད་ཆ་ག་རེ་ཡོད་ན་ཁ་བརྡ་ནང་བཤད་ན་འདོད་པའི་བརྗོད་གཞི་དང་འབྲེལ་བ་ཡོད་པ་ཞིག་རྙེད་ན་འགྲིག་རེད། གལ་སྲིད་ངའི་བཤད་འདོད་པའི་བརྗོད་གཞི་དང་འབྲེལ་བ་ཡོད་གཅིག་ཁ་བརྡ་ནང་མེད་ན། ང་རང་གིས་བསམ་ས་ཞིག་བྲིས་བཞག་གི་ཡོད། ད་གཟབ་གཟབ་མ་བྱས་ན་༧རྒྱལ་བ་ཀརྨ་པའི་ཉེ་འཁོར་གྱི་མི་ངན་དེ་ཚོས་ཀརྨ་པའི་མཚན་སྙན་བེད་སྤྱོད་ལོག་པར་གཏོང་མེད་པའི་ངེས་པ་མི་འདུག ད་ལམ་དངུལ་གྱི་ཉོག་དྲ་ཡོང་སྟངས་དེའང་༧ཀརྨ་པས་མཁྱེན་རྟོག་གསལ་བོ་མེད་པར་ཡིད་ཆེས་ཡོད།
    ཕྱག་མཛོད་དང་དྲུང་ཡིག་སོགས་ཀྱིས་ཁོང་གི་མཚན་ལོག་པར་སྤྱད་ནས་གང་བྱུང་མང་བྱུང་བྱེད་ཀྱི་མེད་པའི་ངེས་པ་མི་འདུག དཔེར་ན་ཀརྨ་ཆོས་འཕེལ་བཀའ་རྒྱུད་པའི་སྤྱི་འཐུས་འོས་མིའི་ནང་བཅུག་འདེམས་ནས་བོད་མི་ནང་ཁུལ་ལ་དཔུང་ཤུགས་ངོམ་ནའང་། བོད་པའི་སྤྱི་ཚོགས་ཉམ་ཆུང་འདིའི་ནང་ཞེད་དགོས་ས་ཡོད་མ་རེད། འོན་ཀྱང་རྒྱལ་སྤྱིའི་ཁྲིམས་དང་སྐྱབས་བཅོལ་ཡུལ་རྒྱ་གར་གྱི་ཁྲིམས་ལ་ཚུལ་བཞིན་བརྩི་ཤེས་ན་ཡག་པོ་ཡོད་རེད། མདོ་དོན་ཉེ་འཁོར་གྱི་ཕྱག་མཛོད་དང་དྲུང་ཡིག་སོགས་ཀྱིས་ལྐོག་ནས་རྒྱལ་བ་ཀརྨ་པའི་མཚན་སྙན་དང་བོད་མའི་འཆི་གསོན་ལ་རྐྱེན་བཟོ་སྲིད་པའི་ཚུལ་མིན་གྱི་ལས་ཀ་བྱེད་སྲིད་པས། ཀརྨ་པ་མཆོག་ནས་འཕྱིས་སུ་སྟངས་འཛིན་ནན་པོ་གནང་བའི་སྐྱབས་འཇུག་ཞུ་བ་སྦྲགས། ད་ལམ་གྱི་རྐྱེན་ངན་འདི་ཡང་གང་མྱུར་གཙང་མ་དང་དཀར་འདོན་ཡོང་བའི་ཡིད་ཆེས་ཡོད།

12. དགོངས་དག ཉེ་དུས་ནས་གུས་པས་དུས་བབ་ནང་མཆན་འབྲི་མེད་པ་དང་ཁ་བརྡ་ནང་དུའང་ཉུང་དུ་འབྲི་གི་ཡོད། འདིར་མཆན་འབྲི་རྒྱུར་རྒྱུད་རིམ་སླ་བས་ཡིན། བྱས་ཙང་སྐད་ཆ་ག་རེ་ཡོད་ན་ཁ་བརྡ་ནང་བཤད་ན་འདོད་པའི་བརྗོད་གཞི་དང་འབྲེལ་བ་ཡོད་པ་ཞིག་རྙེད་ན་འགྲིག་རེད། གལ་སྲིད་ངའི་བཤད་འདོད་པའི་བརྗོད་གཞི་དང་འབྲེལ་བ་ཡོད་གཅིག་ཁ་བརྡ་ནང་མེད་ན། ང་རང་གིས་བསམ་ས་ཞིག་བྲིས་བཞག་གི་ཡོད། ད་གཟབ་གཟབ་མ་བྱས་ན་༧རྒྱལ་བ་ཀརྨ་པའི་ཉེ་འཁོར་གྱི་མི་ངན་དེ་ཚོས་ཀརྨ་པའི་མཚན་སྙན་བེད་སྤྱོད་ལོག་པར་གཏོང་མེད་པའི་ངེས་པ་མི་འདུག ད་ལམ་དངུལ་གྱི་ཉོག་དྲ་ཡོང་སྟངས་དེའང་༧ཀརྨ་པས་མཁྱེན་རྟོག་གསལ་བོ་མེད་པར་ཡིད་ཆེས་ཡོད།
    ཕྱག་མཛོད་དང་དྲུང་ཡིག་སོགས་ཀྱིས་ཁོང་གི་མཚན་ལོག་པར་སྤྱད་ནས་གང་བྱུང་མང་བྱུང་བྱེད་ཀྱི་མེད་པའི་ངེས་པ་མི་འདུག དཔེར་ན་ཀརྨ་ཆོས་འཕེལ་བཀའ་རྒྱུད་པའི་སྤྱི་འཐུས་འོས་མིའི་ནང་བཅུག་འདེམས་ནས་བོད་མི་ནང་ཁུལ་ལ་དཔུང་ཤུགས་ངོམ་ནའང་། བོད་པའི་སྤྱི་ཚོགས་ཉམ་ཆུང་འདིའི་ནང་ཞེད་དགོས་ས་ཡོད་མ་རེད། འོན་ཀྱང་རྒྱལ་སྤྱིའི་ཁྲིམས་དང་སྐྱབས་བཅོལ་ཡུལ་རྒྱ་གར་གྱི་ཁྲིམས་ལ་ཚུལ་བཞིན་བརྩི་ཤེས་ན་ཡག་པོ་ཡོད་རེད། མདོ་དོན་ཉེ་འཁོར་གྱི་ཕྱག་མཛོད་དང་དྲུང་ཡིག་སོགས་ཀྱིས་ལྐོག་ནས་རྒྱལ་བ་ཀརྨ་པའི་མཚན་སྙན་དང་བོད་མའི་འཆི་གསོན་ལ་རྐྱེན་བཟོ་སྲིད་པའི་ཚུལ་མིན་གྱི་ལས་ཀ་བྱེད་སྲིད་པས། ཀརྨ་པ་མཆོག་ནས་འཕྱིས་སུ་སྟངས་འཛིན་ནན་པོ་གནང་བའི་སྐྱབས་འཇུག་ཞུ་བ་སྦྲགས། ད་ལམ་གྱི་རྐྱེན་ངན་འདི་ཡང་གང་མྱུར་གཙང་མ་དང་དཀར་འདོན་ཡོང་བའི་ཡིད་ཆེས་ཡོད།

13. ད་འུར་ཞེ་དྲགས་མ་རྒྱབ་ན་དགའ་ཀི་རེད་དྰ།

14. ཁ་དཔེ་ལ།
    བསོད་བདེ་ཆེ་ན་ཆག་སྒོ་ཆེ་ཞེས་པ་འདི་ཡིན་པ་འདྲ།
    གནས་ཚུལ་ཛ་དྲག་ཆེ་རུ་ཆེ་རུ།
    དོན་རྐྱེན་ཟིང་ཆ་མང་དུ་མང་དུ།
    འདི་འདྲའི་ཁྲོད་ནས་གཟབ་གཟབ་ཅི་ཙམ་བྱས་ཀྱང་རང་དབང་མེད་པར་བག་མེད་དུ་ཤོར་ཉེན་འདུག

15. ༡༽དགེ་བཤེས་བེར་འཇིགས་ལགས་ཀྱིས་དེ་སྔ་ཆབ་སྲིད་ཀྱི་ལས་ལ་ཞུགས་ན་རྙོག་ཕྲ་རླངས་ཀྱི་ཡོད།ལོ་རྒྱུས་ཀྱི་རྩོམ་ཡིག་རེ་བྲིས་ན་ཕྱོགས་རིས་རྐྱང་བྲིས་ཀྱི་ཡོད་མོད།ད་ཐེངས་ཅུང་བློ་རྣལ་དུ་གནས་ཀྱི་བྲིས་པ་འདྲ་པོ་མཐོང་སོང་།
    ༢༽ས་མིང་ལ་དག་ནོར་ཅུང་ཙམ་ཡོད་རུང་གཞི་རྐང་ཡག་པོ་བྲིས་འདུག
    ༣༽ཆབ་སྲིད་མ་ཤེས་པར་ཆབ་སྲིད་འཁྲབ་པ་ལས་དེ་བས་རིག་གནས་དང་ལོ་རྒྱུས་ལ་ཞིབ་འཇུག་དང་འཆད་འཁྲིད་སོགས་བོད་ཀྱི་རིག་གནས་དར་སྤེལ་གྱི་ལས་ལ་རྩེ་གཅིག་ཏུ་ཆེན་པོ་གཞོལ་ན་དོན་དང་ལྡན་པར་སྙམ།

16. སྐུ་ངོ་ཕ་ལྷ་དེ་བོད་མིང་མང་གིས་བརྗེད་མི་ཐུབ་པའི་དཔའ་བོ་ཞིག་ཡིད།

17. བེ་རི་ལགས། མགྲོན་གཉེར་ཕ་ལྷ་བར་བཅའ་འདྲི་ཞུས་པའི་དེབ་དེ་གཟིགས་ཡོད་ན། བསྟན་སྲུང་དྭང་བླང་དམག་ལ་ལྟ་སྟངས་མ་འདྲ་བ་ཞིག་འདུག་བསམ་སོང། དེ་ནི་གཅིག་བྱས་ན་བཙན་བྱོལ་དུ་འབྱོར་རྗེས་ཁོང་ཚོས་བྱས་པ་ཡང་ཡང་བསྒྲགས་ནས་གོ་སྐབས་ཚང་མ་ལེན་འདོད་བྱས་པས་ཡིན་ནམ། ཡང་ན་དྭང་བླང་དམག་འདི་ཁམས་པས་ཁམས་པ་ཁོ་ནའི་མགོ་ལ་ཚུར་བསྐོན། བསྐོན་ནས་ཀྱང་ལྟོས་མེད་ཀྱི་བྱེད་ཕྱོགས་དག་གི་དབང་གིས་ཡིན་ནམ། གང་ལྟར་སྐབས་དེར་ཨ་འབྲུག་མགོན་བཀྲ་གསང་བ་ཡག་ཉར་བྱེད་མཁན་གྱི་བློ་གཏོད་བཅོལ་སར་རྩིས་མི་འདུག ལྷ་དང་སྲུང་མས་མགོན་སྐྱབས་ཀྱིས་ཁོང་ཚོར་ཕ་ལྷས་འབྲེལ་འདྲིས་བྱས་པ་གུང་བྲན་གྱིས་མ་ཤེས་ཚུལ་གསུངས་འདུག ད་དུང་ལྷོ་ཁ་ཁུལ་དུ་འབྱོར་དུས་དྭང་དམག་གིས་༧སྐུ་མདུན་སྲུང་སྐྱོབ་བྱེད་སྟངས་སོགས་ཀྱང་ཡི་རངས་པ་ཞིག་གནང་མེད་ཚུལ་གསུངས་པ་རྣམས་ལ་གཟིགས་ཚུལ་ག་རེ་ཡོད་དམ།

    ད་ལྟའི་ཆུ་བཞི་སྒང་དྲུག་ཟེར་བ་དག་གིས་ལོ་རྒྱུས་ཀྱི་བརྒྱུད་རིམ་མ་དེད་པར་འཁྱོག་ལམ་དུ་ཕྱིན་ཚར་བ་ནི་གཡོལ་ཐབས་མེད་པ་ཞིག་རེད། ང་ཚོས་དེའི་བྱུང་རབས་ལ་མནོ་བསམ་མཐིལ་ཕྱིན་པ་ཞིག་བཏང་ནས། མི་རབས་གསར་བ་ཚོར་དེ་ངོས་འཛིན་གནང་སྟངས་མ་ནོར་བ་ཞིག་སྤྲོད་དགོས་ས་མ་རེད་དམ།

18. ས་ཆ་དེ་དམག་སླེབས་ཡོང་དུས་འུ་ཐུག་སྟེ་སྤྲོད་པའི་རིགས་ཤིག་དང་སེམས་བསམ་པས་སྤྲོད་པའི་རིགས་ཤིག རང་དབང་མེད་པར་སྤྲོད་དགོས་པར་ཐུག་པ་སྣ་མང་པོས་འདི་དག་ནི་ལོ་རྒྱུས་ཀྱི་ཁྲོད་དུ་འཚོ་བའི་བསྟན་སྲུང་དམག་མིར་འབྲི་རྒྱུ་གཙོ་བོ་བྱ་རྒྱུ་གལ་ཆེ། འུ་ཚོ་ཅོག་ཙེ་དང་རྐུབ་སྟེགས་བར་ནས་ཡོད་ཚད་སྡོམ་ཚིག་རྒྱག་སླ་བ་ཞིག་མིནལས་ཆེ།

19. བཀུར་འོས་རྒན་བེ་རི་ལགས། ཁམས་བཟང། བསྟན་སྲུང་དྭང་བླངས་དམག་གི་སྐོར་ལ་ངེད་ནས་ཅིག་ལྟ་ཁུལ་བྱེད་ཀྱིན་ཡོད། ཉིད་ཀྱི་རྩོམ་ཡིག་འདིས་ཕན་བྱུང།

    ཨོ། གོང་ན་རིན་པོ་ཆེ་ཟེར་བ་དེའི་དེབ་དེ་ངས་ལྟོས་མྱོང། དཔེ་མཛོད་ཁང་གིས་བཅའ་འདྲི་བྱས་པ་ཞིག་རེད་འདུག འདྲ་བོ་ཅིག་མཐོང་སོང།

    མཇལ་ཡོང།

20. སྔོན་གྱི་ལོ་རྒྱུས་བཤད་པ་ལས་དེ་རིང་ནས་འཇུག་སྐྱོངས་ཐུབ་ན་བཟང་། ཨ་རོགས་དྲྭ་གྲོགས་ཚོ།

21. དྲ་ཐོག་གི་གྲོགས་པོ་ཚོ།

    ད་ལྟའི་ཆུ་བཞི་སྒང་དྲུག་གི་རྗེས་འཛིན་པ་ཡིན་ཟེར་མཁན་ཚོར།ནོར་འཁྲུལ་ཡོ་བསྲང་བྱེད་དགོས་པ་མང་བོ་ཡོད་པས་ཀུན་ལ་ཕན་པའི་བསམ་ཚུལ་རེ་འབུལ་ཐུབ་ན་ལེགས།འོན་ཀྱང་།སྔོན་ཆད་བོད་བསྟན་པ་ཆབ་སྲིད་ཀྱི་ཆེད་དུ་ཡོད་ཚད་བློས་གཏོང་མཁན་ཚོར་བརྩི་བཀུར་མེད་པའི་སྨྲ་བརྗོད་འདྲ་མིན་སྤེལ་བ་ནི།རང་ཉིད་ལ་ལོ་རྒྱུས་ཀྱི་ཤེས་བྱ་དང་ཆབ་སྲིད་ཀྱི་གོ་རྟོགས་ཧ་ཅང་ཞན་པའི་རང་རྟགས་སོ།།

    གཤམ་དུ་རྒྱལ་སྤྱིའི་ལོ་རྒྱུས་དཔྱད་རྗོད་པ་དང་སྲིད་དོན་རིག་པ་བ་ཚོས་བསྟན་སྲུང་དྭངས་བླང་དམག་མིའི་སྐོར་ལ་བྲིས་པའི་དཔེ་དེབ་འགའ་ངོ་སྤྲོད་བྱེད་ཆོག།གལ་ཏེ་ཁྱོད་ཀྱིས་དཔེ་དེབ་འདི་དག་ཚང་མ་བཀླགས་ཟིན་རྗེས་གཞི་ནས་ཁྱོད་ལ་དཔྱད་གཏམ་སྤེལ་བའི་ཚད་གཞི་དང་དབང་ཚད་ཡོད་པ་ཡིན།དེ་མིན་ཁྲོན་པའི་ནང་གི་སྦལ་བ་བཞིན་གཏོང་གཏམ་མ་འཐེན་རོགས།

    1, Shambhala-The Secret Path Of The Warrior, By Teungpa
    2, The Snow Lion And The Dragon, By M. C. Goldstein
    3, Tibet; Survival In Question, By Pier Antoine Donnet
    4, Tibet And Its History, By B.Richardson
    5 , Resistance In Tibet, by Robert Barnett
    6, Blood On The Lotus, By Lincoln Hall
    7, Water Touching Stone,By Eliot Pattison
    8, Buddha’s Warrior ,
    9, In Exile from The Land Of Snow, By J. F. Avedon
    10, Tibet -A Victim Of Geopolitics, By Dibyesh Anand

    མ་མཐའ་ཡང་བོད་ཡིག་ཐོག་ཡོད་པའི་ཆུ་བཞི་སྒང་དྲུག་སྐོར་གྱི་ལོ་རྒྱུས་རྣམས་གཞིར་བཞག་ཐོག ཕྱི་ལོག་གི་ཤེས་ཡོན་པ་ཚོས་ཆུ་བཞི་སྒང་དྲུག་ལ་འཛིན་པའི་སྐོར་སྤྱི་ཁོག་ཙམ་ཤེས་རྗེས།གཞི་ནས་རྣམ་དཔྱོད་ཀྱི་ངག་སྒོ་ཡངས་བོར་ཕྱེ་ཤིག་དང་དྲ་གྲོགས་ཚོ།

22. ༡༧༽ Renpo choe ལགས། མགྲོན་གཉེར་ཕ་ལྷ་བར་བཅའ་འདྲི་ཞུས་པའི་དེབ་དེ་བལྟས་མྱོང་བ་མ་ཟད་ཞིབ་ཚའི་ལུགས་སུ་བྱས་ནས་བལྟས་པ་ཡིན། ཁོང་བསྟན་སྲུང་དྭང་བླང་དམག་ལ་ལྟ་སྟངས་མ་འདྲ་བ་ཞིག་ཡོད་ཐག་གཅོད་རེད། དེ་ནི་བཙན་བྱོལ་དུ་འབྱོར་རྗེས་ཁོང་ཚོས་བྱས་པ་ཡང་ཡང་བསྒྲགས་ནས་གོ་སྐབས་ཚང་མ་ལེན་འདོད་ཀྱིས་ཡིན་པ་བསམ་གྱི་མེད། བཙན་བྱོལ་དུ་འབྱོར་རྗེས་སྐུ་དྲག་ཚོར་རིག་གནས་གསར་བརྗེ་ཆུང་ཆུང་ཚུགས་པའི་བྱེད་གཏེ་ལྷ་སྲས་རྒྱལ་ལོ་ལ་ངེས་འཛིན་དང་། སྐབས་དེ་ཆུ་སྒང་ཟེར་ན་རྒྱལ་ལོ་ཟེར་ན་ངོ་བོ་གཅིག་པའི་བཟོ་འདྲ་བོ་ཆགས་སྡོད་ཡོད་ཙང་། ཆུ་སྒང་ལ་བྱས་རྗེས་ཇི་ཙམ་ཡོད་པ་དེ་རྒྱལ་ལོའི་བྱས་རྗེས་སུ་འགྱུར་རྒྱུར་དོགས་ནས། ཆུ་སྒང་ཐོག་འབྲེལ་བརྗོད་དེ་རིགས་གནང་བ་ཞིག་ཡིན་པ་འདྲ། བོད་ཆགས་འཇིགས་ཀྱི་སྐབས་རང་སྲོག་བློས་བཏང་གིས་རྒྱ་ལ་ཁ་གཏོད་འཇལ་མཁན་ཟུར་ཁང་དབང་ཆེན་དགེ་ལེགས་དང་། གཡུ་ཐོག་བཀྲ་ཤིས་དོན་གྲུབ་གཉིས་སྤྱི་ལོ་ ༡༩༦༢ ལོར་བོད་མི་དམངས་ཀྱི་གྲས་ནས་རྒྱང་འབུད་གཏོང་རྒྱུ་རདོར་གླིང་ཚགས་པར་ཐོག་བཀོད་པ་དང་། དེ་རྗེས་མི་རིང་བར་བོད་ཅགས་འཇིགས་ཀྱི་རང་ཉིོད་ཁོ་ནས་འགན་བླངས་ནས་ཨ་རིའི་གསང་ལས་དང་འབྲེལ་བ་བཙུགས་མཁན་ཕ་ལྷ་མགྲོན་ཡང་བཞུགས་བཟོད་མ་བདེ་བར་བྱས་པས་ཏེ་ཝན་འགྲོ་དགོས་བྱུང་བ་དང་།་དེ་ལ་ཁག་བཀྲི་ནས་ཧ་ལམ་ཐེ་ཝན་ཕོགས་ཟོན་པ་ཡིན་པའི་དོགས་གཞི་བསླངས་ནས་སྤྱི་ཚོགས་ནང་མིང་ཆད་བཟོས་པ་སོགས་ཀྱིས་ཐུགས་ནད་མ་བཟོད་པར། ཚིགས་པ་གཡག་ལ་ཟ། འགྲམ་ལྕགས་རྟ་ལ་བྱུགས་པའི་དཔེ་ལྟཡར་སོང་བ་རེད་སྙམ། སྐུ་མདུན་སྲུང་སྐྱོབ་ཀྱི་སྐོར་དེ་ཨ་ཐར་དང་བློ་ཚེ། དབྲ་ཕྲུག་ངག་དབང་གསུམ་གའི་མི་ཚེ་ལོ་རྒྱུས་ཡོད་པར་གཟིགས་ན་གསལ་པོ་ཆགས་ཀྱི་རེད། ཀྱོུ་ཀྱིས་གསུངས་པ་ལྟར་དྭང་བླང་དམག་འདི་ཁམས་པས་ཁམས་པ་ཁོ་ནའི་མགོ་ལ་ཚུར་བསྐོན། བསྐོན་ནས་ཀྱང་ལྟོས་མེད་ཀྱི་བྱེད་ཕྱོགས་དག་གི་དབང་དུ་སོང་ན་མི་འགྲིགས་པར་སྙམ་སྟེ། སྐབས་དེར་ཨ་རི་གསང་ལས་ཐད་ཀར་འབྲེལ་བ་གནང་མཁན་ལྷ་སྲས་རྒྱལ་ལོ་དང་། བོད་གཞུང་གི་མིང་ཁྱེར་ནས་གསང་བའི་ཐོག་ཁག་ཐེག་གནང་མཁན་ཕ་ལྷ་མགྲོན་གཉེར། དྲག་པའི་འཇབ་དམག་གི་མགོ་གཙོ་ཨ་འབྲུག་ཚང་གསུམ་ཀའི་དཔུང་པ་གཅིག་ཏུ་སྒྲིལ་བ་ལས་བྱུང་བ་ཞིག་ལ་ངེས་འཛྀན་མི་བྱེད་མཐུ་མེད་རེད་སྙམ། ཉིད་ཀྱིས། ད་ལྟའི་ཆུ་བཞི་སྒང་དྲུག་ཟེར་བ་དག་གིས་ལོ་རྒྱུས་ཀྱི་བརྒྱུད་རིམ་མ་དེད་པར་འཁྱོག་ལམ་དུ་ཕྱིན་ཚར་བ་ནི་གཡོལ་ཐབས་མེད་པ་ཞིག་རེད། ང་ཚོས་དེའི་བྱུང་རབས་ལ་མནོ་བསམ་མཐིལ་ཕྱིན་པ་ཞིག་བཏང་ནས། མི་རབས་གསར་བ་ཚོར་དེ་ངོས་འཛིན་གནང་སྟངས་མ་ནོར་བ་ཞིག་སྤྲོད་དགོས་ས་མ་རེད་དམ།་ཞེས་གསུངས་པ་ནི། གནད་ལ་འཁེལ་བའི་དགོངས་འཆར་ཞིག་རེད། དེའི་ཆེད་དུ་ང་རང་གིས་ཀྱང་དྲང་པོའི་ཐོག་ནས་དཀའ་ལས་ངེས་ཅན་ཞིག་བརྒྱབ་ཁུལ་བྱས་པ་ཡིན་ལ། ད་དུང་ཡང་ང་ཚོས་དོ་སྣང་བྱེད་ས་ཁག་གཅིག་སྟེ།་སྐབས་དེར་ཆུ་སྒང་དང་དངོས་སུ་འབྲེལ་བ་ཡོད་པའི་ཨ་རི་གསང་ལས་པ་ཚོས་བྲིས་པའི་དེབ་དང་དེ་དག་ལ་ཁུངས་སུ་བཅོལ་བའི་དེབ་དུ་མ་ཡོད་པ་དེ་དག་ལ་གཟིགས་ནས་དངོས་བྱུང་བདེན་བརྗོད་ཀྱི་ལམ་ནས་ཁ་གསལ་གོ་བདེར་འབྲི་རྒྱུ་དེ་རང་རེད་དྲན་གྱི་ཡོད།

23. ཤར་ཕྱོགས་ཁུག་རྟས་བྱང་རྒྱུད་ནགས་ཀླུང་ནས།།
    སྙན་པའི་རྒྱངས་གླུ་ཀ་ཤིའི་གྲོང་འདབས་ནས།།
    རྣ་བའི་ནགས་ཀླུང་རྩེན་པས་བདག་གི་ཡིད།།
    སྤྲོ་བ་བརྟས་པའི་དཔྱིད་ཀྱི་ལང་ཚོར་འཁུ།།

24. སྦྲ་རིགས་ཐོགས་མེད་ཀྱིས་བྲིས་པའི་དེབ་ཐོ་དེ་དག་ལས་མང་ཆེ་བ་ལ་ཞིབ་འཇུག་བྱས་པ་ཡིན། ཁ་ཤས་ནི་རྒྱུས་མེད་རྒྱུས་གཏམ་རང་བྲིས་པའང་འདུག་ལ། མང་ཆེ་བ་ནི་དྤཡད་གཞིར་རུང་ཞིང་འགའ་ཞིག་གཞིར་བཅོལ་ས་བྱེད་ཆོག་པའང་། གཙོ་ཆེ་ཤོས་དེ་མེ་ཏོག་པདྨོའི་མིག་ཆུ་དང་། གསང་བའི་འཇབ་དམག་གི་ལོ་རྒྱུས་གཉིས་རེད། དེ་དག་ནི་སྐབས་དེའི་ཨ་རིའི་གསང་པ་དངོས་ཀྱིས་བྲིས་པ་ཡིན་པས་ཤིན་ཏུའང་ཁུངས་བཙན།

    ༡, Shambhala-The Secret Path Of The Warrior, By Teungpa
    2, The Snow Lion And The Dragon, By M. C. Goldstein
    3, Tibet; Survival In Question, By Pier Antoine Donnet
    4, Tibet And Its History, By B.Richardson
    5 , Resistance In Tibet, by Robert Barnett
    6, Blood On The Lotus, By Lincoln Hall
    7, Water Touching Stone,By Eliot Pattison
    8, Buddha’s Warrior ,
    9, In Exile from The Land Of Snow, By J. F. Avedon
    10, Tibet -A Victim Of Geopolitics, By Dibyesh Anand

25. དྲ་གྲོགས་ཚོ། དེ་རིང་འདིར་གློ་ཡུལ་གྱི་སྐོར་མཐོང་དུས་ང་རང་ཆུང་དུས་ཨ་མས་གསུངས་པའི་དུམ་བུའི་ལེའུ་ཞིག་བྲིས་འདོད་སྐྱེས། མ་གཞི་གློ་ཡུལ་གྱི་དངས་བླངས་བརྟན་སྲུང་དམག་ལ་སྔགས་བརྗོད་དང་དགའ་བསུ་ཞུ་འདོད་ཡང་བློ་ཕམ་པའི་གནས་ཚུལ་ཞིག་ལ་༡༩༦༠ ནང་ང་རང་གི་སྡེ་བའི་ནང་དངས་བླངས་དམག་སླེབས་སྟེ་མི་སེར་ལ་སྲུང་སྐྱོབ་བྱེད་རྒྱུ་ཕར་ཞོག་དེ་ལས་བརྒལ་ཏེ་སེར་དངུལ་རྒྱན་ཆའི་རིགས་འཕྲོག་བཅོམ་དང་ བུད་མེད་ལ་བརྩན་གཡེམ་ ཐ་ན་མི་སེར་གྱི་འཚོ་རྟེན་འབྲུ་རིགས་ཡན་འཕྲོག་སྟེ་ཉིན་མཚན་འཁྱོལ་དཀའ་བའི་དཀའ་སྡུག་མྱངས་འདུག་ དེ་ནི་རྒྱ་དམར་གྱི་བྱ་སྤྱོད་ལས་ཀྱང་རྩུབ་པར་སྣང་ གུས་པས་ཨ་མྱེས་རྨ་ཆེན་གྱིས་བཏོན་པའི་བརྩན་རྒྱོལ་རྒྱལ་སྐྱོབ་ཞེས་པའི་དེབ་ཕྲེང་ཁ་ཤས་ཀློག་མྱོང་ ཡིན་ཡང་དེ་ཚོའི་ནང་དངས་བླངས་དམག་གི་འཇོན་རབས་དང་ གཟི་བརྗིད་ཀྱི་མཚན་སྙན་བཀོད་པ་ལས་ མི་དམངས་ལ་ཚ་འདེད་སྐུལ་བའི་རིགས་མཟོངས་རྒྱུ་མིན་འདུག་ དེ་ནི་དྲང་བདེན་གྱི་དེབ་ཕྲེང་ཞིག་ངའི་མིག་ལམ་དུ་མ་འཆར་ གློ་ཡུལ་གྱི་དངས་བླངས་དམག་ལ་དུས་དེ་ནས་ཞེན་པ་ལོགས་སོང་ལ་དུས་ད་ལྟ་ཡང་མི་དགའ་འོ།།།

26. དྲ་གྲོགས་ཚོ། དེ་རིང་འདིར་གློ་ཡུལ་གྱི་སྐོར་མཐོང་དུས་ང་རང་ཆུང་དུས་ཨ་མས་གསུངས་པའི་དུམ་བུའི་ལེའུ་ཞིག་བྲིས་འདོད་སྐྱེས། མ་གཞི་གློ་ཡུལ་གྱི་དངས་བླངས་བརྟན་སྲུང་དམག་ལ་སྔགས་བརྗོད་དང་དགའ་བསུ་ཞུ་འདོད་ཡང་བློ་ཕམ་པའི་གནས་ཚུལ་ཞིག་ལ་༡༩༦༠ ནང་ང་རང་གི་སྡེ་བའི་ནང་དངས་བླངས་དམག་སླེབས་སྟེ་མི་སེར་ལ་སྲུང་སྐྱོབ་བྱེད་རྒྱུ་ཕར་ཞོག་དེ་ལས་བརྒལ་ཏེ་གསེར་དངུལ་རྒྱན་ཆའི་རིགས་འཕྲོག་བཅོམ་དང་ བུད་མེད་ལ་བརྩན་གཡེམ་ ཐ་ན་མི་སེར་གྱི་འཚོ་རྟེན་འབྲུ་རིགས་ཡན་འཕྲོག་སྟེ་ཉིན་མཚན་འཁྱོལ་དཀའ་བའི་དཀའ་སྡུག་མྱངས་འདུག་ དེ་ནི་རྒྱ་དམར་གྱི་བྱ་སྤྱོད་ལས་ཀྱང་རྩུབ་པར་སྣང་ གུས་པས་ཨ་མྱེས་རྨ་ཆེན་གྱིས་བཏོན་པའི་བརྩན་རྒྱོལ་རྒྱལ་སྐྱོབ་ཞེས་པའི་དེབ་ཕྲེང་ཁ་ཤས་ཀློག་མྱོང་ ཡིན་ཡང་དེ་ཚོའི་ནང་དངས་བླངས་དམག་གི་འཇོན་རབས་དང་ གཟི་བརྗིད་ཀྱི་མཚན་སྙན་བཀོད་པ་ལས་ མི་དམངས་ལ་ཚ་འདེད་སྐུལ་བའི་རིགས་མཟོངས་རྒྱུ་མིན་འདུག་ དེ་ནི་དྲང་བདེན་གྱི་དེབ་ཕྲེང་ཞིག་ངའི་མིག་ལམ་དུ་མ་འཆར་ གློ་ཡུལ་གྱི་དངས་བླངས་དམག་ལ་དུས་དེ་ནས་ཞེན་པ་ལོགས་སོང་ལ་དུས་ད་ལྟ་ཡང་མི་དགའ་འོ།།།

27. དྲ་གྲོགས་ཚོ། དེ་རིང་འདིར་གློ་ཡུལ་གྱི་སྐོར་མཐོང་དུས་ང་རང་ཆུང་དུས་ཨ་མས་གསུངས་པའི་དུམ་བུའི་ལེའུ་ཞིག་བྲིས་འདོད་སྐྱེས། མ་གཞི་གློ་ཡུལ་གྱི་དངས་བླངས་བརྟན་སྲུང་དམག་ལ་སྔགས་བརྗོད་དང་དགའ་བསུ་ཞུ་འདོད་ཡང་བློ་ཕམ་པའི་གནས་ཚུལ་ཞིག་ལ་༡༩༦༠ ནང་ང་རང་གི་སྡེ་བའི་ནང་དངས་བླངས་དམག་སླེབས་སྟེ་མི་སེར་ལ་སྲུང་སྐྱོབ་བྱེད་རྒྱུ་ཕར་ཞོག་དེ་ལས་བརྒལ་ཏེ་སེར་དངུལ་རྒྱན་ཆའི་རིགས་འཕྲོག་བཅོམ་དང་ བུད་མེད་ལ་བརྩན་གཡེམ་ ཐ་ན་མི་སེར་གྱི་འཚོ་རྟེན་འབྲུ་རིགས་ཡན་འཕྲོག་སྟེ་ཉིན་མཚན་འཁྱོལ་དཀའ་བའི་དཀའ་སྡུག་མྱངས་འདུག་ དེ་ནི་རྒྱ་དམར་གྱི་བྱ་སྤྱོད་ལས་ཀྱང་རྩུབ་པར་སྣང་ གུས་པས་ཨ་མྱེས་རྨ་ཆེན་གྱིས་བཏོན་པའི་བརྩན་རྒྱོལ་རྒྱལ་སྐྱོབ་ཞེས་པའི་དེབ་ཕྲེང་ཁ་ཤས་ཀློག་མྱོང་ ཡིན་ཡང་དེ་ཚོའི་ནང་དངས་བླངས་དམག་གི་འཇོན་རབས་དང་ གཟི་བརྗིད་ཀྱི་མཚན་སྙན་བཀོད་པ་ལས་ མི་དམངས་ལ་ཚ་འདེད་སྐུུལ་བའི་རིགས་མཟོངས་རྱུ་མིམིན་འདུག་ དེ་ནི་དྲང་བདེན་གྱི་དེབ་ཕྲེང་ཞིག་ངའི་མིག་ལམ་དུ་མ་འཆར་ གློ་ཡུལ་གྱི་དངས་བླངས་དམག་ལ་དུས་དེ་ནས་ཞེན་པ་ལོགས་སོང་ལ་དུས་ད་ལྟ་ཡང་མི་དགའ་འོ།།།

28. དགེ་བཤེས་བེར་འཇིགས་ལགས་ཀྱིས་རྒྱ་ལ་ཁ་གཏོད་འཇལ་མཁན་ཟུར་ཁང་དབང་ཆེན་དགེ་ལེགས་དང་། གཡུ་ཐོག་བཀྲ་ཤིས་དོན་གྲུབ་གཉིས་སྤྱི་ལོ་ ༡༩༦༢ ལོར་བོད་མི་དམངས་ཀྱི་གྲས་ནས་རྒྱང་འབུད་གཏོང་རྒྱུ་རདོར་གླིང་ཚགས་པར་ཐོག་བཀོད་པ་དང་། དེ་རྗེས་མི་རིང་བར་བོད་ཅགས་འཇིགས་ཀྱི་རང་ཉིོད་ཁོ་ནས་འགན་བླངས་ནས་ཨ་རིའི་གསང་ལས་དང་འབྲེལ་བ་བཙུགས་མཁན་ཕ་ལྷ་མགྲོན་ཡང་བཞུགས་བཟོད་མ་བདེ་བར་བྱས་པས་ཏེ་ཐཻ་ཝན་ལ་འགྲོ་དགོས་བྱུང་བ་ཞེས་གསུངས་པ་ནི་དོན་དངོས་རེད་སྙམ་གྱི་འདུག
    དངོས་གནས་རེད་དེར་རྒྱབ་སྐྱོར་དང་ཡི་རངས་ཡོད།

29. ད་ཆུ་བཞི་སྒང་དྲུག་གི་ལེའུ་དེ་གཡུག་ཞོག ཆུ་བཞི་སྒང་དྲུག་ཟེར་ན། ཕྱི་བཀྲ་མ་ཤིས། ནང་བཀྲ་མ་ཤིས། མགོ་བཀྲ་ཤིས། བར་དུ་བཀྲ་མ་ཤིས། ཐ་མ་བཀྲ་མ་ཤིས་པའི་ལོ་རྒྱུས་མང་དུ་བཤད་རྒྱུ་ཡོད་པ་རེད། རོབ་ཙམ་ཞིག་མ་བཤད་ན་མ་འགྲིགས་པའི་བཟོ་འདྲ་བོ་འདུག
    མགོ་བཀྲ་མ་ཤིས་པ་ནི། དང་པོ་རལ་གྲིའི་སོ་ཁ་བསྣོལ་མ་དེ་ལས་རྟགས་སུ་གཏན་འཁེལ་བ་ནས་བཟུང་། ཆོལ་ཁ་ནང་ཚགས་སུ་དམར་གསོད་གཏོང་བ། རྐུ་འཕྲོག་བྱེད་པ། བུད་མེད་ལ་བཙན་ཚུགས། བཙན་པོ་དབང་ཡོད་ཀྱི་ལོ་རྒྱུས་ཤིག་དང་ཁ་འབྲལ་མྱོང་ཡོད་མ་རེད་ལགས།
    བར་དུ་བཀྲ་མ་ཤིས་པ་ནི། བསྟན་སྲུང་དང་བོད་ཁ་བ་ཅན་ཁ་ལ་ཁྱེར། མི་མང་གི་ལག་ནས་རྟ་ཁྲལ། དམག་ཁྲལ། འབྲུ་ཁྲལ་བཙན་བསྡུ་བྱས། སྟེར་མཁན་གྱི་ལག་ནས་བླངས། མ་སྟེར་མཁན་གྱི་ལག་ནས་འཕྲོག གཞུང་ཟེར་ནའང་བློ་དྭོགས་སྐྱེ་དགོས་པ་ཞིག་དང་མི་མང་ཟེར་ནའང་དངངས་སྐྲག་སྐྱེ་དགོས་པ་ཞིག་བྱུང་པ་རེད། མཇུག་ཏུ། བསྟན་སྲུང་ཟེར་བ་ངོ་སོ་བསྟོད། མི་དམངས་བྱིས་པ་དམར་འབྱར་ལྟ་བུ་རྣམས་ཐང་སྟོང་དུ་གཡུགས་ཏེ། སྔ་བ་གསུམ་གྱི་སྔོན་མ་བྱས་ནས་ཁྱི་རྐུན་གྱི་རྔ་མ་བཅད་པ་བཞིན། རྒྱ་གར་ལ་བྲོས་ཕྱིན་ཏེ་ལོ་རྒྱུས་ཀྱི་རྗེས་ཤུལ་ངན་པ་སྐྱག་དྲི་ཁ་བ་ཞིག་བོད་ནས་རྒྱ་གར་དུ་འཐེན་པ་རེད།
    ཐ་མར་བཀྲ་མ་ཤིས་པ་ནི། གློ་ཆུ་མིག་བརྒྱ་རྩ་ནས། ནང་ཁུལ་ལ་དམར་གསོད་གཏོང་རེས། ས་དེའི་མི་དམངས་ལ་བཙན་དབང་ཡི་མུག་པ། མཐར་རལ་གྲིའི་སོ་ཁ་ནང་ལ་བསྐོར་རེས་བྱས་ཏེ་རྩ་འཐོར་བྱུང་བ་རེད། རྩ་འཐོར་བྱུང་བ་ཡིན་ན་དགའ་ཡང་དེ་ལྟར་རྩ་འཐོར་རྦད་དེ་བྱུང་བའང་མ་ཡིན་པར། ཆུ་བཞི་སྒང་དྲུག་ཟེར་བའི་མིང་ཙམ་ལྷག་པར་གྱུར་ནས་ད་ལྟ་བར་བཀྲ་མ་ཤིས་པ་ལ་མཚམས་ཆད་མྱོང་ཡོད་མ་རེད། དང་པོར་ནང་ཁུལ་ཕྱོགས་གཉིས་སུ་གྱེས་པ། གུར་སེར་པོའི་རྙོག་དྲ། ཚོགས་པ་བཅུ་གསུམ་ཟེར་བ། ཀོང་པོའི་སྐོར་གྱི་རྙོག་དྲ། ཀུན་བཟང་བླ་མའི་རྙོག་དྲ། ཐའེ་ཝན་དང་མཉམ་ཆིངས་ཡིག་བཞག་པའི་རྙོག་དྲ། ཆུ་སྒང་གསར་རྙིང་གཉིས་སུ་གྱེས་པའི་ཐན་ལྟས། ད་ལྟའང་སྤྱི་འཐུས་གྲོས་ཚོགས་ནམ་འཚོགས་ལ། ཆུ་སྒང་གི་མི་སྣ་དང་འབྲེལ་ནས་ནང་བཀྲ་མི་ཤིས་པའི་རྩོད་རྙོག་བྱུང་དང་འབྱུང་བཞིན་པ་དེ་ཚོ་མཐོང་ན། ཤ་དང་རུས་པའི་གསེང་ལ་ཟུག་གཟེར་ལངས་ཀྱིས།
    ཆུ་སྒང་ཕྱོགས་ལ་བསམ་བློ་རེ་འཁོར་སྐབས། རྣམ་རྟོག་དགུ་རྩེགས་ཤིག་སེམས་ལ་འཁོར་ཡོང་གི་འདུག ན་ནིང་ཞིག་ལ་ཆུ་སྒང་གི་ཚོགས་འདུའི་པར་ཅིག་མཐོང་སོང་། རལ་གྲི་བསྣོལ་མའི་ལས་རྟགས་དེའི་དཀྱིལ་ཏག་ཏག་ལ་གྲྭ་པ་ང་རྒྱལ་ཚ་བོ་ཞིག་གིས་ཁོང་ཁྲོ་ཞིག་དང་བཅས་གཏམ་བཤད་གཏོང་གི་འདུག ཆུ་སྒང་གི་ཚོགས་གཙོ་རེད་ཟེར། གཡུང་དྲུང་ཅིག་ཅིག་ཉིག་ཉིག་ཟེར། དགེ་བཤེས་དམག་དཔོན་བྱེད་པའི་དུས་ཟེར་བ་དེ། འདི་ཡིན་པ་འདྲ་བསམས། སེམས་ལ་རྣམ་རྟོག་ཟ་སོང་།
    ཆུ་བཞི་སྒང་དྲུག་ཟེར་བ་འདིར་བསྟོད་པ་བྱེད་མཁན་གྱི་སྐྱེས་ཆེན་དམ་པ་ག་ཚོད་ཅིག་ཡོད་མེད་ཀྱང་འཚོལ་ཞིབ་གང་འཚམས་བྱས་པ་ཡིན། ས་དགེ་བཀའ་རྙིང་བོན་དང་བཅས་པའི་བླ་སྤྲུལ་དང་མཁས་པ་སུ་ཞིག་ནས་བསྔགས་བརྗོད་གནང་ཡོད་པ་ཞིག་མོ་གཤམ་གྱི་བུ་ཡི་དོ་ཟླར་གྱུར། ད་ཡིན་ན། མི་གསོད་ཁྲག་སྦྱོར་དང་། གཡོ་སྒྱུ་ཁྲམ་གསུམ། སྤྱི་ཚོགས་དབྱེན་དཀྲུག་དེ་ཆེད་ལས་ཡིན་པའི་དམག་ཚོགས་སམ་ཇག་ཚོགས་འདིའི་ལོ་རྒྱུས། གཟན་དམར་གྱོན་པའི་གྲྭ་པ་བེ་རུ་ག་རེ་ཡིན་ན་ཅིག་གིས་བྲིས་ཡོང་གི་འདུག་པས་ལྷག་ཏུའང་རྣམ་རྟོག་ཟ་སོང་། བདག་ཅག་རྣམ་འདྲེན་ཐུབ་པའི་དབང་བོའི་རྣམ་ཐར་འབྲི་རྒྱུ་མེད་པར། དགེ་སློང་ཞིག་ནས་ཇག་རྐུན་གྱི་ལོ་རྒྱུས་བྲིས་པ་དེ། དགེ་སློང་བ་དང་གྲྭ་པའི་ཞབས་འདྲེན་རེད། ད་དུང་མི་གསོན་པོའི་གཟུགས་པོ་སྦོམ་གྱིས་གཏོར་བ་ལ་བསྔགས་བརྗོད་གཏོང་གི་མི་འདུག་གམ།
    ཤ་ཚ་ལྷག་བསམ་གྱི་ངང་ནས་མཚང་ལ་རྒོལ་ན་ཚོགས་པ་ལ་ཡར་སྐྱེད་རེ་ཨེ་ཡོད་བསམས་པ་དང་། དགེ་སློང་དམག་དཔོན་གྱི་ཁ་འཛིན་འདི་ཚོས་ཀྱང་བསྟན་པ་ལ་རྨ་མི་བཏོད་པའི་ཆེད་དུ། ཀུན་སློང་གང་ཡག་ཡག་ཅིག་བཟུང་བའི་ཁུལ་ཡིན་ཡང་། སྙིགས་དུས་ཀྱི་མི་བུ་འདི་ཚོ་ལ་ཡིད་རྟོན་ཞེ་དྲག་ཨེ་ཡོད་མི་ཤེས།
    བཀྲ་མི་ཤིས་པ་རྣམས་བཀྲ་ཤིས་པར་གྱུར་ཅིག དགེ་སློང་རྣམས་དམག་དཔུང་ནང་ནས་གྲྭ་ས་ལ་ཕེབས་པར་གྱུར་ཅིག

30. བེ་རི་ལགས། འགག་རྩར་ཐུག་དུས་སྐད་ཆ་དྲང་མོ་གསུངས་བར་ངས་ཐུགས་རྗེ་ཆེ་ཞུ་འདོད་བྱུང། མགྲོན་གཉེར་ཆེན་མོས་རྒྱ་གཞུང་ལ་ཞུས་གསལ་ལྟར། མདོ་ཁམས་སྟོད་སྨད་ཀྱི་ཇག་པའི་གནས་སྐབས་སུ་ཆུ་སྒང་ཞེས་པའི་མིང་འདི་དོན་མཐུན་དུ་འདུག་ལ། དེ་ནས་ལྷོ་ཁ་སོགས་སུ་རྒྱ་བསྐྱེད་གནང་དབང་གིས་བསྟན་སྲུང་དྭང་བླངས་དམག་ཞེས་ཁྱབ་རྒྱ་དང་སྒྲིག་འཛུགས་ཀྱི་རིམ་པས་ཕལ་ཆེར་བོད་ཡོངས་སུ་ཁྱབ་པ་ཞིག་མཚོན་གྱི་མེད་འགྲོ་མེད་འགྲོ་བསམ་ལ། མིན། དེང་རྒྱ་འོག་གི་གསེར་རྟ་བཞིན་རྩོད་པའི་ངོ་བོར་འཇོག་རྒྱུར་ངེད་རང་གཏིང་ནས་མོས་མཐུན་མེད་ཀྱང། ཁམས་པས་ཁམས་པ་ཁོ་ནའི་མགོ་ལ་ཚུར་བསྐོན། བསྐོན་ནས་ཀྱང་ཁམས་པ་གཉིས་སུ་གྱེས་པ་ལྟ་བུའམ། དོགས་གཞིའི་དབང་དུ་བྱས་ན་ཐའེ་ཕོགས་ད་དུང་ཡང་རྫོགས་མེད་ཚོད་སོགས་ནི་བོད་སྤྱིའི་རྩ་དོན་ལ་ལྟོས་མེད་རེད། ང་ཁམས་པ་ཞིག་དང་བླ་མིང་ཞིག་ཡོད་པས་གཟུ་བོར་བཤད་ན། དང་དམག་གི་ཆ་ཤས་གཞན་ཚོས་འདི་ལྟའི་ལམ་ཁ་མ་གདམ་པ་ནི་རྩ་དོན་དང་༧སྐུ་མདུན་ལ་བརྩི་བཀུར་བྱས་པ་ལས་གཞན་ཅི་ཡང་མ་རེད་བསམ་གྱིན་འདུག དེའི་རྐྱེན་ཐོག་མར་ང་ཚོས་སྒྲིག་འཛུགས་ཀྱི་མིང་འདིར་ནང་དོན་བྱུང་རབས་དང་མཐུན་པ་ཞིག་མ་ཞུས་ན། དེ་ཡང་ལོ་རྒྱུས་ཀྱི་ནག་ཉེས་གྱོན་འདོད་ཀྱི་སྟ་གོན་ཞིག་རེད།

    ༢ སྐུ་ཞབས་བེ་རི་ལགས། ཟུར་གཡུ་གཉིས་ཀྱིས་གསར་བརྗེ་ཆུང་ཆུང་དེ་འདོད་མ་འདོད་ནི་ཁ་ཚོན་གཅོད་རྒྱུ་ཉེ་རབས་ལོ་རྒྱུས་ནང་གི་གལ་གནད་ཅན་གྱི་ཞིབ་དཔྱོད་ཞིག་རེད། འདི་ད་བར་སྟོང་ཆའི་ངོ་བོར་གནས་བསྡད་ཡོད། འདིའི་ཐད་སྒྲིག་འཛུགས་འདིས་བྱས་པ་དེ་ཙམ་བཞག་ཡོད་མེད་ངེད་ལ་དོགས་པ་ཡོད། ངས་མཐོང་བའི་ཡིག་ཆ་ལྟར་བྱས་ན། བདེན་པར་འཐམས་འཁྱུད་བྱེད་མཁན་ཆིག་སྒྲིལ་ཚོགས་ཡིན་ཟེར་བ་ནི་བྱུང་རབས་ཆགས་ཟིན་པ་དང། རྒྱ་ལོས་མཐའ་མཚམས་ནས་དྲག་དམག་གི་ལས་དོན་མཇུག་བསྡུ་རྒྱག་རྒྱུ་ནི་༧གོང་ས་མཆོག་དང་བོད་སྤྱིའི་འབྱུང་འགྱུར་ལ་ཕན་རླབས་ངེས་ཅན་ཐོན་འདུག་ལ། ད་ལྟ་ལོ་རྒྱུས་ཀྱིས་གསལ་བཤད་ཞུས་ཟིན་པ་ལྟ་བུ་རེད། གང་ལྟར་ངས་ཤེས་ཚོད་ལྟར་བྱས་ན། སྒྲིག་འཛུགས་འདི་བོད་དང་ཕེབས་ལམ་དག་ཏུ་བྱས་རྗེས་ཅན་ཡིན་རུང། རྒྱ་གར་ཏུ་འབྱོར་བ་ནས་རྒྱ་དམར་ནག་གཉིས་ཀྱི་ནང་དཀྲུག་ལ་མགོ་འཐོམ་ནས་ཡིན་ནམ། རྒྱ་ལོའི་འཛིན་སྐྱོང་གི་རིགས་པའི་གཞུང་ལུགས་རྟོགས་རྒྱུར་རྣམ་དཔྱོད་ཀྱིས་མ་འདང་བས། ནམ་ནམ་ཞར་ཞར་དུ་ང་ཁམས་པ། ང་ཨ་མདོ། ང་དབུས་གཙང་གི་བསམ་ཚོད་ཤུགས་ཆེ་སྒྲིག་འཛུགས་འདིའི་སྟེང་ནས་འབུས་འགོ་ཚུགས་པ་རེད། དེའི་རྗེས་དངོས་སུ་དོན་ཚན་གསུམ་བཞག་པས་ཁམས་པ་གཉིས་སུ་འགྲོ་རྒྱུའི་དབུ་ཚུགས་པ་རེད།
    དེ་རིང་དེ་ཙམ་ཡིན། མཇལ་བ་ཁ་ཤས་སླེབས་སོང།

31. ཡིད་བཞིན་རྒྱལ་བ། ཤ་ཟན་དམར་པོ་ཡིན་ན་འདིས་ཡ་ཡུད་གནག་པོ་བྲིས་འདུག་ད།

32. ཤ་ཟན་གྱིས་བྲིས་པར་བདེན་དོན་གྱིས་ཕྱུག་འདུག ངས་ཀྱང་དང་པོ་ནས་ས་བཏང་བྲོས་བྱོལ་ནང་དམེའི་རིགས་ལ་དགའ་པོ་རྩ་བས་མེད། བེ་རི་ཞེས་པ་འདིས་སྐབས་དང་དུས་འདི་འདྲ་ཞིག་ལ་ཡང་ཆུ་སྒང་གི་ལོ་རྒྱུས་ཡིན་ཁུལ་གྱིས་འདིར་འདྲ་མིན་བྲིས་ཡོང་བའི་རྒྱབ་ཀྱི་ཀུན་སློང་ཇི་ཡིན་དོགས་པ་ཤིན་ཏུ་ཆེ། ཆུ་སྒང་གི་བྱས་རྗེས་ངོ་མ་ཤེས་འདོད་ན་བོད་ལྷོ་ཁ་ས་གནས་དང་། གློ་ཆུ་མིག་བརྒྱ་རྩ། སྙེ་ཤང་སོགས་ས་སྐྱེས་རྡ་སྐྱེས་ཀྱི་ཡུལ་མི་ལ་དྲིས་དང་ནས་ཤེས་པར་འགྱུར་རོ། །

33. བེར་འཇིགས་ལགས།

    དེབ་དེ་ཚོ་བརླགས་ཟིན་པ་མ་ཟད་ཞིབ་འཇུག་ཀྱང་བྱས་པ་ཡིན་ན་དགའ་བསུ་ཡོད།འོན་ཀྱང་།དེབ་ཐོ་འདི་དག་གི་ནང་དུ་མེ་ཏོག་པདྨའི་མིག་ཆུ་ཞེས་པའི་དེབ་ཅིག་མེད་ལ།གསང་བའི་འཇབ་དམག་གི་ལོ་རྒྱུས་ཞེས་པའི་དེབ་ཅིག་ཀྱང་མེད།

    གལ་ཏེ་གོང་དུ་ཁྱེད་ཀྱིས་གསུངས་པ་དག་དབྱིན་ཡིག་ནང་བྲིས་པའི་ཆུ་སྒང་སྐོར་གྱི་དེབ་དེ་འདྲ་ཡིན་ན་གུས་པར་ངོ་སྤྲོད་གནང་རོགས་ཞུ།གུས་པས་ལོ་རྒྱུས་ཀྱི་དེབ་དེ་འདྲ་ཕྱོགས་བསྒྲིགས་བྱེད་བཞིན་ཡོད།