ཤ་ཞེན་གྱིས་འཚོ་བའི་བོད་ཀྱི་སྒྱུ་རྩལ་པ།

Comments (9) on “ཤ་ཞེན་གྱིས་འཚོ་བའི་བོད་ཀྱི་སྒྱུ་རྩལ་པ།”

1. ཉིད་ཀྱིས་ང་ཚོའི་སྤྱི་ཚོགས་ཀྱི་སྒོར་མོ་ཡོད་མཁན་ནི་བླ་མ་དང་དགོན་པ་རེད་ཟེར་བ་འདི་ལ་ངས་བལྟས་ན་ཁྱད་པར་ཞིག་ཕྱེ་དགོས་ཀྱི་འདུག བླ་མ་རེ་ཟུང་དང་དགོན་པ་རེ་ཟུང་ལ་སྒོར་མོ་ཡོད་པ་རྒྱུ་མཚན་དུ་བྱས་ནས་བླ་མ་དང་དགོན་པ་ལ་སྒོར་མོ་ཡོད་པར་བསྒྲུབ་འོས་ན། མི་སྐྱའི་སྒེར་བ་མང་པོ་དང་ཚོགས་པ་མང་པོར་སྒོར་མོ་ས་ཡ་དུ་མ་འབྱུང་སའི་བཟོ་གྲྭ་དང་ཚོང་ཁང་ཡོད་པས་བོད་པའི་སྤྱི་ཚོགས་ནང་སྒོར་མོ་ཡོད་མཁན་དེ་མི་སྐྱ་དང་མི་སྐྱའི་སྤྱི་ཚོགས་རེད་ཅེ་ན་ལན་ཇི་ལྟར་གདབ། བླ་མ་འདི་ཚོར་ཡང་སྒོར་མོ་ལོས་དགོས་ཏེ་བླ་མ་གཅིག་རེས་གྲྭ་པ་བརྒྱ་ཕྲག་ཁ་ཤས་རེའི་ཁ་རྒྱབ་གསོ་དགོས་ཀྱི་ཡོད་པ་དང་། ད་དུང་དགོན་པའི་ནང་གི་གྲྭ་ཤག་དང་སློབ་གྲྭ་ཡར་རྒྱས་སུ་གཏོང་བར་སྒོར་མོ་མེད་ན་དོན་དག་ཇི་ལྟར་འགྲུབ་བམ། ངས་བླ་མའི་ཁྲོད་ནས་མང་ཤོས་ཀྱིས་སྦྱིན་བདག་གི་སྒོར་མོས་ནང་པའི་སྤྱི་ཚོགས་ཤིག་ཡར་རྒྱས་གཏོང་གིན་ཡོད་པ་མཐོང་གི་འདུག མ་རབས་རེ་ཟུང་ནི་མི་སྐྱའི་སྤྱི་ཚོགས་སུ་ཡང་ཡོད་པས། མ་རབས་ཁ་ཤས་ཀྱི་དྲི་མ་ཡ་རབས་ཡོངས་རྫོགས་ཀྱི་ངོ་གདོང་ལ་མི་བྱུགས་རྒྱུ་དེ་ངའི་ལྟ་བ་ཡིན།

2. རྒྱ་གར་གྱི་རྙིང་མའི་བླ་མ་པད་ནོར་རིན་པོ་ཆེ་ལྟ་བུར་མཚོན་ན་ནང་པའི་ཆོས་ལ་སློབ་སྦྱོང་གནང་མཁན་གྱི་གྲྭ་པ་ཨ་ནེ་ཆིག་སྟོང་ལྷག་དང་། བལ་ཡུལ་གྱི་དགེ་ལུགས་པའི་བླ་མ་བཟོད་པ་ལྟ་བུར་མཚོན་ན་གྲྭ་པ་ཨ་ནེ་བདུན་བརྒྱ་ལྷག་གི་ཟས་གོས་གནས་མལ་དང་སྨན་བཅོས་ཤེས་ཡོན་གྱི་འགན་འཁུར་ཆེན་པོ་རེ་སྐུ་ཕྲག་ཏུ་ཡོད་པས། སྒོར་མོ་དགོས་པས་མི་ཆོག་པར་སྒོར་མོ་ས་ཡ་དུ་མ་དགོས་ཀྱི་རེད། འཇིག་རྟེན་མི་སྐྱ་ཞིག་གིས་བཟའ་ཚང་གཉིས་གསུམ་ཞིག་གི་ལྟོ་རྒྱབ་ཐག་གཅོད་པར་ཡང་དཀའ་ངལ་ཇི་འདྲ་ཞིག་འདུག་སོམས་དང་། དེ་ནས་བླ་མ་འདི་ཚོ་དང་དགོན་པ་འདི་ཚོར་ཡང་གདུང་སེམས་ཤིག་་རང་དབང་མེད་པར་སྐྱེ་རྒྱུ་འདུག་ཡ།

3. རེ་བ་ལགས།
   ཁྱེད་ཀྱིས་གསུངས་པ་རྣམས་ལ་དེ་དེ་བཞིན་ནོ་ཞེས་བཀུར་ཅིང་བརྩིའོ། ཡི་རང་ངོ་༎ འོན་ཀྱང་སྐད་ཆ་འདི་ངས་ཞུས་པའི་བསམ་ཚུལ་གྱི་ཡན་ལག་ཏུ་སླེབས་པ་ཞིག་ཡིན། དོན་ངོ་མ་ནི་བོད་ཀྱི་སྒྱུ་རྩལ་པ་དག་གི་གནས་སྟངས་ཡིན་ལགས་ན། དེ་ལ་དེ་ལུགས་ཀྱི་དགོངས་ཚུལ་གནང་འཚལ་ལོ༎

4. དབྱིན་ཇི་བ་ཞིག་གིས་བོད་སྐོར་ཀྱི་དེབ་བྲིས་ནའང་འདྲ། བོད་མི་ཞིག་གིས་བྲིས་ནའང་འདྲ། ངས་དེ་ལ་ཁྱད་པོར་ཆེན་པོ་མཐོང་གི་མི་འདུག གཙོ་བོ་དེབ་ཀྱི་སྤུས་ཚད་རེད། བོད་ཡིག་ནང་བྲིས་ན་བོད་ཡིག་ཤེས་མཁན་ཚོས་ཀློག་གི་རེད། དབྱིན་ཡིག་ནང་བྲིས་ན་ཕྱི་རྒྱལ་བ་མང་པོ་ཞིག་གིས་བོད་སྐོར་ཀློག་གི་རེད། དེ་མི་འདྲ་བའི་ཁྱད་པར་ཞིག་ཡིན་པ་འདྲ།

5. གཡང་སྐྱབས་རྒྱལ་ལ་སྒོར་མོ་མེད བླ་མ་དེ་ཚོར་བསམ་བློ་མེད། ངས་ལྟོས་ན་གཡང་རྒྱལ་དང་བླ་མ་ཚོས་མཉམ་ལས་བྱེད་ཐུབ་ན་བོད་གྱི་་སྒྱུ་རྩལ་རླུང་རྟ་རྒྱུགས་རྒྱུ་ཡིན་པ་འདྲ་བོ་འདུག
   དྲ་བ་འདི་གྲྭ་བའི་སྐོར་འབྲི་ས་འདྲ་བོ་ཆགས་འདུག ད་ནས་འདི་ལ་དྲ་དེབ་མི་ཟེར་གྲྭ་དེབ་ཡིན་ད།

6. འདི་ནང་གི་འབྲི་མཁན་ཚང་མ་གྲྭ་སྨྱོན་དང་གྲྭ་ལོག་མང་པོ་ཡོད་པ་འདྲ། ག་དུས་ཡིན་ན་གྲྭ་བ་དང་དགོན་པའི་སྐོར་རྐྱང་རྐྱང་བྲིས་ཡོང་གི་འདུག དེ་ཡང་མང་གཙོ་གཙོ་མིན་འགྲོ།

7. བཀུར་འོས་གཡང་སྐྱབས་རྒྱལ་ལགས

   ཉིད་ཀྱི་བསམ་ཚུལ་འདི་ཡག་པོ་འདུག ངེད་ཀྱི་བསམ་པར། བསམ་ཚུལ་འདི་ལྟར་ཡོད་མཁན་ཚོས་སྣེ་འཁྲིད་དེ་སྤྱི་ཚོགས་ལ་ལམ་སྟོན་དགོས་ཀྱི་འདུག ལྷག་པར་དུ་བསམ་ཚུལ་སེམས་ལ་ཉར་བ་མ་ཡིན་པར་རང་ཉིད་ལམ་དེར་འགྲོ་དགོས་ཀྱི་འདུག འོན་ཀྱང༌། ཅི་ཁག བོད་ཀྱི་ཤེས་ཡོན་པར་རློམ་པ་ཚོར་མཚོན་ན། ལས་དོན་ཅི་ཞིག་ཡིན་ཡང་དེ་མཐའ་འཁྱོལ་བྱེད་ཀྱི་མི་འདུག ད་དུང་སྣ་ཐག་ཐུང་ཐུང་རེད་འདུག འདི་སྒོར་མོ་གཅིག་པོར་འབྲེལ་བ་མེད།
   བོད་ཀྱི་སྤྱི་ཚོགས་ནང་གི་སྒོར་མོ་ཡོད་མཁན་ཚོས་ཀྱང་འདི་དག་གི་སྐོར་ལ་རོགས་རམ་ཁྱོན་ནས་བྱེད་ཀྱི་མེད་པ་དེ་འདྲ་མ་རེད། སྔོན་མ་དང་བསྡུར་མང་དུ་འགྲོ་གི་ཡོད་པ་རེད།
   གཞན། ཁྱེད་ཀྱིས་བརྗོད་ན། བོད་དོན་དང་འབྲེལ་བའི་དེབ་མང་ཆེ་བ་དབྱིན་ཇི་བས་བྲིས་འདུག་ཟེར། དེ་བདེན་པ་རེད། འོན་ཀྱང༌། དེ་ཚོ་ཚང་མ་དབྱིན་ཇི་བ་མ་རེད། ཕྱི་རྒྱལ་བ་རེད།
   ད་དུང༌། སྤོབས་པ་དང་མགོན་པོ་ཕྱག་གཉིས་པ་ཟེར་མཁན་གྱི་རྩོམ་འབྲི་བ་འདི་དག། མཁྱེན་རྒྱ་ཅན་ཡིན་མིན་མི་ཤེས་དེ། གང་ལྟར། ཁ་བརྡ་འདི་སླེབས་ནས་བཟུང༌། སོ་སོར་མཐོང་ཐོས་ཅུང་ཙམ་ཡོད་པ་དེས། ཡར་མར་གཉིས་ལ་ཁབ་བཙགས་འབིག་བཙགས་བྱེད་མཁན་གྱི་དཔེ་མཚོན་འདྲ་དགོས་ན་ཁོང་གཉིས་ལྟ་བུ་རེད། འདི་དགག་བྱ་དང་མཐོང་ཆུང་མིན༌། དངོས་ཡོད་གླེང་བ་ཡིན། ཁོང་གཉིས་ཀྱིས་དབྱངས་གསལ་སོ་བཞིའི་ལམ་ནས་སོ་སོའི་བསམ་ཚུལ་སྤེལ་བར་རྗེས་སུ་ཡི་རངས་ཡོད། ད་དུང་མུ་མཐུད་དུ་བསམ་ཚུལ་སྤེལ་རོགས།

8. དེ་བདེན་པ་རེད། ངས་ཁབ་གཙགས་འབིགས་གཙགས་བྱེད་མཁན་ཨང་དང་པོ་དེ་ལོན་པར་བརྩོན་གྱི་ཡོད། ཡིན་ན་ཡང་ད་རུང་སྟག་སྨྱོན་ཨང་དང་པོ་ཡིན་པ་འདྲ། ང་སྐྱེ་བའི་དོན་སྒོ་ཡང་དེ་ཡིན། གལ་སྲིད་ང་ལ་སྐུ་ཡོན་ཞིག་ཡོན་ན་ཡང་དེ་ག་རང་ཡིན་རྒྱུ་རེད། ང་དྲ་ཁང་འདིའི་ནང་ཉི་མ་སྐྱེལ་གྱི་ཡོང་གི་ཡོད་མ་གཏོགས་གཞན་ཆེན་པོ་ཆེན་པོ་མང་བོ་ཞིག་གླེང་གི་ཡོང་གི་མེད། གླེང་ཡང་མི་ཤེས།

9. སྟག་སྨྱོན་གྱིས་གསུངས་པ་བདེན་ཤས་ཆེ། སྤྱིར་བཏང་གྲྭ་བ་དང་གྲྭ་ལོག་གིས་རང་རེའི་ཕོ་སྐྱེས་སྤྱི་ཚོགས་ཀྱི་བརྒྱ་ཆ་མང་ཙམ་ཟིན་ཡོད་སྟབས་ཁ་བརྡར་ཕེབས་མཁན་ཚོ་ཡང་དེ་ལྟར་ཡིན་རྒྱུ་རེད། དགོན་པ་དང༌། ཆོས་ལུགས། གྲྭ་པ་དེ་ཚོ་མི་གླེང་ཐབས་མེད་རེད། དེ་ཚོ་ནི་རང་རེའི་སྤྱི་ཚོགས་ཀྱི་གྲུབ་ཆ་ཧ་ཅང་ཆེན་པོ་ཞིག་རེད། མཚམས་མཚམས་སུ་བལྟས་ན་ང་ཚོའི་སྤྱི་ཚོགས་ད་དུང་ཡང་ཆོས་ལུགས་ཀྱིས་སྣེའ་ཁྲིད་བཞིན་པ་ལྟ་བུར་མཐོང་གིན་འདུག ན་ནིང་ཐེ་ཝན་གྱི་མཁས་པ་ལི་ཨོ་ཟེར་བ་དེས་སྤྱིར་འཛམ་གླིང་སྟེང་ཡུལ་གྱི་སྲིད་གཞུང་དབང་བསྒྱུར་སྟངས་ལ་ལོ་རྒྱུས་ཀྱི་ཁུགས་པ་གསུམ་བརྒྱུད་ཡོད། ལྷ་ཡིས་དབང་བསྒྱུར་བ། རྒྱལ་པོས་དབང་བསྒྱུར་བ། མི་དམངས་ཀྱི་དབང་བ་སྟེ་གསུམ་ཡིན། ཡིན་ན་ཡང་བོད་ནི་ད་དུང་ཡང་ལྷ་ཡིས་དབང་བསྒྱུར་བའི་ཁུགས་པ་དེར་ལུས་ཡོད་སྟབས་དེ་མིས་དབང་བསྒྱུར་བའི་ཁུགས་པ་ཞིག་ཏུ་ཁྲིད་ཐུབ་མཁན་གྲུང་གོ་གུང་ཁྲན་ཏང་ཉག་གཅིག་ལས་མེད་ཅེས་ཟུར་ཟ་དང་དམའ་འབེབསབྱས་པ་དེ་ཤེས་སོང་ངམ། ཁོས་དེ་ལྟར་བརྗོད་པ་དེས་བོད་ཀྱི་ཚོགས་ལ་ཆོས་ལུགས་ཀྱི་ཤན་ཤུགས་རྒྱ་ཆེན་པོ་ཞིག་ཡོད་པ་མཚོན། བོད་ཀྱི་སྤྱི་ཚོགས་གླེང་དགོས་ན་ཆོས་ལུགས་དང་ཁ་འབྲལ་མི་ཐུབ་ལྟ་བུ་ཞིག་དང་བོད་གྱི་རིག་གཟུང་ཤེས་དགོས་ན་ཆོས་ལུགས་མི་སྦྱངས་ཐབས་མེད་ལྟ་བུ་རེད། དགོང་ཚུལ་ཡོད་ན་གསུངས་ཤོག