བཞག་ལྡོམ་ལྗང་ལོ།
དམ་པའི་ལྷ་ཆོས་ཀྱི་དབང་དུ་བྱས་ན། འགྲོ་བ་མི་ཤི་བའི་རྗེས་སུ། ཉིན་ཞག་བྱེ་དགུར་བར་དོ་འགྲིམ་དགོས་ཤིང་། ཉིན་ཞག་དེ་རྣམས་ཀྱི་རིང་ལ། འགྲོ་བ་མི་དེ་རྣམས་གསོན་པོའི་སྐབས་སུ་དགེ་སྡིག་གི་ལས་གང་ཞིག་བྱས་བ་དེ་དག་ཡིད་ལ་དྲན་པ་དང་། དྲན་པ་དེ་ལ་བརྟེན་ནས་ལེགས་པའི་དགེ་བ་མང་ཙམ་བྱས་པ་ཚོའི། རྣམ་ཤེས་བག་ཕེབས་པོ་ངང་འཇིགས་སྣང་ཉུང་ཞིང། རིམ་གྱིས་འགྲོ་བ་རིགས་དྲུག་ལས། བཟང་བའི་ལུས་རྟེན་དུ་ཡང་སྐྱར་སྐྱེ་བ་ལེན་པ་དང་། ཡང་ཕྱོགས་གཞན་ནས་བཤད་ན། མི་དགེ་བའི་ལས་མང་ཙམ་བྱས་བའི་འགྲོ་བ་མིའི་རྣམ་ཤེས་སུ། བར་དོ་ནས་འཇིགས་སྣང་སྣ་ཚོགས་སྐྱེ་བཞིན་དམྱལ་ཁམས་བཅོ་བརྒྱད་ལས། སྡུག་བསྔལ་འཛད་མཐའ་བྲལ་བ་མྱོང་དགོས་རབ་གསུང་བ་ལྟར། དེ་རིང་ཊམ་ལ་མཚོན་ན་ཆབ་སྲིད་ཀྱི་བར་དོ་འགྲིམ་གྱིན་པའི་སྐབས་ཡིན་ཞིང་། བར་དོ་འགྲིམ་བཞིན་པའི་ཊམ་གྱི་ལུས་སེམས་གཉིས་ལ་བདེ་བ་ལས། རྫོགས་མཐའ་བྲལ་བའི་འཇིགས་སྣང་དང་། སྡུག་བསྔལ་མྱོང་གི་ཡོད། རྒྱུ་མཚན་ནི། ཁོ་ཆབ་སྲིད་ཀྱི་གསོན་ས་ན་ཡོད་དུས། ཨ་རིའི་ཕ་མེས་ཚོའི་ཚེ་སྲོག་གིས་བསྐྲུན་པའི་མང་གཙོ། ཁོས་སྲིད་དབང་སྒེར་སྤྱོད་རིང་ལུགས་ཀྱི་ཕྱོགས་སུ་འབད་པ་དང་། ཨ་རི་བས་ཟུང་ཁྲག་གིས་བསྐྲུན་པའི་སྲིད་འཛིན་ཀྱི་གོ་ས། ཁོས་ནང་མི་རིང་ལུགས་དང་། གྲོགས་པོའི་རིང་ལུགས་ལ་བརྟེན་ནས། ཁོ་ཚོའི་ཁེ་ཕན་ཁོ་ན་དོན་དུ་ཉེར་བ་དང། ཁོ་བོར་སྒོར་མོ་སྦྱིན་མཁན་འབྱོར་ལྡན་པའི་དངུལ་ཀྱི་མ་རྩའི་ཁྲོམ་ར་སྲུང་སྐྱོབས་ཆེད། མི་དམངས་མགོ་སྐོར་བྱས་ནས། ཨ་རི་བ་འབུམ་གསུམ་ཟིན་ཙམ་ཀྱི་ཚེ་སྲོག ནད་ཡམས(COVID-19)ཀྱིས་འཕྲོག་པ། ཨ་རིའི་རྒྱལ་མཚམས་ནས་མགོན་མེད་དང། སྐྱབས་མེད་པའི་ཉམ་ཆུང་མ་བུ་རྣམས་གཏན་དུ་ཁ་བྲལ་བྱས་བ་དང། ད་དུང་ཁོས་ཨ་རིའི་ནང་ཁུལ་དུ་མི་རིགས་དང་། ཆོས་ལུགས་བར་དབྱེ་འབྱེད་བྱས་བ། ལྷག་པར་ཁོ་དང་ཁོའི་ནང་མིས། སྲིད་འཛིན་ཀྱི་གོ་ས་བེད་སྤྱོད་བྱས་ནས། ཁོ་ཚོའི་ཁེ་ཕན་ཆེད་ཁྲིམས་འགལ་བྱས་བ་རྣམས། ཡིད་ལ་དྲན་ཐེངས་རེ་ལ། བཟོད་མཐའ་བྲལ་བའི་དངངས་སྐྲག་ཞིག་གིས་ངུ་འབོད་དབང་མེད་དུ་ཤོར་ཀྱི་ཡོད་པ་རེད། དངངས་སྐྲག་དང་ངུ་འབོད་ཀྱི་ཀློང་ནས། ནམ་རྒྱུན་ཁོའི་ངན་གོམས་བཞིན། གཡོ་སྒྱུ་ཅི་ལྟར་འཁྲབས་ཀྱང་། བར་དོ་ནི་ཤི་གསོན་བར་གྱི་ལམ་མདོ་ཡིན་པས། རྒྱུ་ནོར་གྱིས་ནུས་བ་འདོན་ས་དང་། ཧམ་པ་བཤད་ས་དང་། གཡོ་སྒྱུ་བྱེད་ས་གང་ཡང་མེད་པ་དང་། ལྷག་པར། ལས་འབྲས་ནི་ནམ་ཡང་བསླུ་བ་མེད་པ་ཡིན་ཞིང་། ཁོའི་ཞག་མ་བྱེ་དགུའི་དུས་ (lame duck) ཡུན་རྫོགས་རྗེས། ཨ་རིའི་གཤིན་རྗེ་ཆོས་ཀྱི་རྒྱལ་ཁྲིམས་ཁ་ནས། ཁོ་བོ་རིམ་གྱིས་དམྱལ་ཁམས་ཅོ་བརྒྱད་འགྲིམ་དགོས་ཤིང་། དེ་རྣམས་བརྒྱུད་པའི་སྐབས་སུ། ཁོའི་དམྱལ་བའི་ལས་མཁན་རེ་རེ་ཡིས་ལག་ནས་སྡུག་བསྔལ་རིམ་བཞིན་མྱོང་གི་རེད་ལ། དེ་ལ་ལས་འབྲས་ཀྱི་རྣམ་སྨིན་འཁོར་བ་བཤད་པ་རེད།
ཨ་རིའི་འདེམས་འཐུས་ལྷན་ཚོགས་ཀྱིས་བྷ་ཌན་སྲིད་འཛིན་ལ་འོས་འདེམས།
༡༥།༡༢།༢༠༢༠
༄༅།། ཕྱི་ཟླ་༡༢་པའི་ཚེས་༡༤་ཉིན་ཨ་མི་རི་ཀའི་རྩ་ཁྲིམས་ལྟར་མངའ་སྡེ་༥༠་ཐམ་པའི་འདེམས་འཐུས་ལྷན་ཚོགས་ཀྱི་འཐུས་མི་རྣམས་མངའ་སྡེ་སོ་སོའི་རྒྱལ་ས་ཁག་ལ་འདུ་འཛོམས་ཀྱིས་གཞུང་འབྲེལ་ཐོག་ཏུ་ཇཱོ་བྷ་ཌན་ཨ་མི་རི་ཀའི་སྲིད་འཛིན་༤༦་པ་དང་ཀ་མ་ལ་ཧེ་རི་སི་ཨ་མི་རི་ཀའི་སྲིད་འཛིན་གཞོན་པར་འོས་འདེམས་བྱས་ཡོད་ཅིང་། ཨ་རིའི་དམངས་གཙོ་ཚོགས་པའི་སྲིད་འཛིན་འོས་མི་ཇཱོ་བྷ་ཌན་ལ་འདེམས་འཐུས་ལྷན་ཚོགས་ཀྱི་འོས་ཤོག་༣༠༢་དང་སྤྱི་མཐུན་ཚོགས་པའི་སྲིད་འཛིན་འོས་མི་སྲིད་འཛིན་ལས་ཐོག་ཌོ་ནལ་ཊམ་ལ་འདེམས་འཐུས་ལྷན་ཚོགས་ཀྱི་འོས་ཤོག་༢༣༢་ཐོབ། དེས་ན་སྲིད་འཛིན་ཌོ་ནལ་ཊམ་གྱིས་འོས་འདེམས་དྲང་སྙོམས་བྱུང་མེད་པ་དང་སྲིད་འཛིན་འོས་འདེམས་ལ་གཡོ་ཁྲམ་བྱུང་སོང་། ཁོང་ལ་འོས་འདེམས་ཀྱི་རྒྱལ་ཁ་ཐོབ་ཀྱང་དམངས་གཙོ་ཚོགས་པ་དང་ཇཱོ་བྷ་ཌན་གྱིས་རྐུ་འཕྲོག་བྱས་སོང་ཞེས་རྩོད་པ་བརྒྱབ་ནས་ཕན་ཐོགས་མེད་པར་གྱུར། ཨ་རིའི་འདེམས་འཐུས་ལྷན་ཚོགས་ཀྱི་འཐུས་མི་ཚོས་དངོས་སུ་འོས་ཤོག་འཕངས་ནས་ཇཱོ་བྷ་ཌན་ལ་སྲིད་འཛིན་འོས་འདེམས་ཀྱི་རྒྱལ་ཁ་ཐོབ་པ་གཞུང་འབྲེལ་གྱིས་ངེས་གཏན་བྱུང་བས་སྤྱི་མཐུན་ཚོགས་པའི་གྲོས་ཚོགས་གོང་འོག་གི་འཐུས་མི་ཚོས་ཇཱོ་བྷ་ཌན་ཨ་མི་རི་ཀའི་འདེམས་ཐོན་སྲིད་འཛིན་ལ་ངོས་ལེན་བྱ་དགོས་པའི་དུས་སུ་བབས
དྲ་གྲོགས་བན་དེ་བ་ལགས་་་རུལ་སུངས་ཅན་གྱི་གསར་ཁང་ཁག་གི་རྫུན་ལ་ཡིད་ཆེས་མ་བྱས་་་ད་ལྟ་རང་རྩོད་རྙོག་ཡོད་པའི་མངའ་སྡེ་ལྔ་ཡི་གྲོས་ཚོགས་ཀྱི་འོས་འདེབས་པས་འོས་ཐོབ་སྐར་གྲངས་ཕོ་རྒོད་ཁྲོམ་ཕི་ལ་སྤྲད་འདུག་ཟེར་ནས་གཡས་ཕྱོགས་པའི་གསར་ཁང་ཁག་གིས་བསྒྲགས་བཞིན་གདའ་་་ཧཧཧ
བློ་སེང་ཡང་དེ་བཞིན་རེད། ཉི་སྟོང་བཅུ་དྲུག་གི་འོས་ཤོག་བློ་སེང་ལགས་ཡང་བསྐྱར་འཕེན་པ་དེ་ན། ནོར་འཁྲུལ་ཆེན་པོ་ཞིག་ཤོར་རེད་སྙམ་མོ།
ང་ལ་མཚོན་ན་ཆབ་སྲིད་པ་དང་གསར་འགྱུར་ཁང་རྣམས་ལ་གཡས་ཕྱོགས་དང་གཡོན་ཕྱོགས་སོགས་འབོད་པར་དགའ་བོ་མེད་། ལོ་རྒྱུས་ནས་Hitler་དངMao Zedong སོགས་ཀྱིས་ཚིག་དེ་དག་བེད་སྤྱོད་བྱས་ནས་རང་དང་ལྟ་བ་མི་མཐུན་པ་ཚོའི་སྟེང་མི་མང་བེད་སྤྱོད་བྱས་ཡོད་། ཐ་སྙད་དག་བེད་སྤྱོད་བྱས་པར་བརྟེན་ནས་ཡོངས་གྲཊ་ཀྱིས་Nazi དབང་འོག་ནས་ལྗེའུ་མི་རིགས་ས་ཡ་དྲུག་ལྷག་གི་ཚེ་སྲོག་འཕྲོག་ཡོད་པ་དང་། Mao་ཡིས་དབང་བསྒྱུར་འོག་ནས་ས་ཡ་བཞི་བཅུ་ལྷག་གི་ཚེ་སྲོག་ཤོར་ཡོད་པ་རེད་།
གང་ལྟར་བོད་ཀྱི་ཤེས་ཡོན་པའི་ནང་གནའ་ནས་དེ་རིང་བར་”སྲེག་བཅད་བསྡར་བའི་གསེར་བཞིན་དུ།།” ཞེས་བའི་དཔྱད་ཐབས་ཤིག་བྱུང་ཡོད་པ་དང་། དེ་ལ་བརྟེན་ནས་ཉིད་ཀྱིས་བཤད་པ་དེ་བདེན་པ་ཡིན་ན་། དེའི་རྒྱབ་ལྗོངས་ཀྱི་ཁུངས་དང་། དེ་བདེན་པ་ཡིན་པའི་དཔང་བོ་ཡོད་ན་ཀུན་ཀྱིས་ཁས་ལེན་གྱི་རེད་།
ཨ་རི་ལྟ་བུ་ལ་མཚོན་ན་སྲིད་དབང་སྒེར་སྤྱོད་པའི་རྒྱལ་ཁབ་དང་། ལྷག་པར་རྒྱ་ནག་ལྟ་བུ་མ་ཡིན་པར་ཨ་རིའི་མི་སེར་སུ་ཡིན་ན་འདྲ་མཉམ་ཀྱིས་སྨྲ་བརྗོད་རང་དབང་དང་། ཁྲིམས་ཁང་ལ་གནད་དོན་གང་ཞིག་ཡིན་ཡང་གྱོད་གཏུགས་བྱེད་པའི་ཐོབ་ཐང་ཡོད་། དེ་ཡོད་པ་ཙམ་ཀྱིས་བདེན་པ་ཡིན་པའི་ངེས་བ་མེད་། སུའི་ཁ་མཆུར་གནས་ལུགས་ཡོད་ན་། དེ་ཁྲིམས་ཁང་གིས་ཁས་ལེན་པ་དང་། སུ་ལ་བདེན་པ་ཡོད་ན་དེ་ནི་མཐའ་མ་རྒྱལ་བ་རེད་། ཡིན་ཡང་དེ་རིང་ཁྲོ་ཐུང་འཁོར་དང་བཅས་བའི་འོས་བསྡུའི་སྐོར་གྱི་གནད་དོན་ནི་། ཁོ་ཚོའི་རྒྱབ་སྐྱོར་བའི་ལག་ཞལ་འདེབས་བསྡུ་ཐབས་ཙམ་ལས་། ཡོངས་གྲགས་ཀྱིས་བདེན་དཔང་ཞིག་མི་མང་གི་མིག་ལམ་ལ་སྟོན་གྱི་རྙེད་ཀི་མེད་། དེ་ལ་བརྟེན་ནས་། ཨ་རིའི་ས་གནས་ཁྲིམས་ཁང་ནས་དབུས་ཆེ་མཐོ་ཁྲིམས་ཁང་གིས་ཁོས་གྱོད་ལ་ངོས་ལེན་བྱས་ཐུབ་མེད་། དེ་དག་ཚང་མ་གཡས་ཕྱོགས་པ་རེད་ཟེར་ན་གད་མོ་ཤོར་བའི་རྒྱུ་ཙམ་མ་ཡིན་ན་།
https://www.supremecourt.gov/orders/courtorders/121120zr_p860.pdf
https://edition.cnn.com/2021/01/04/politics/donald-trump-georgia-election-joe-biden-congress/index.html
དམངས་གཙོའི་རྒྱལ་ཁབ་ཆེ་ཤོས་སུ་གྱུར་པའི་སྲིད་འཛིན་ཊམ་གྱིས་སྐད་ཆ་ལ་གསོན་དང། ངོ་མ་ངོ་ཚ་བྱེད་ཅིག་རེད།