རྡོ་རྗེ་ཚེ་རིང་།
ཁྱོད་ཀྱིས་གསུངས་པའི་རྨི་ལམ་དྭངས་མོ་གཅིག།
ང་ལ་ཡོད་པའི་དམིགས་ཀྱི་རི་མོ་གཉིས།།
བཀྲ་ཤིས་གནམ་ལོ་གསར་བའི་དུས་བཟང་ལ།།
བཀྲ་ཤིས་ཚིག་གི་ལྷ་ཡིས་ངེད་གཉིས་སྲུངས།།
ཁྱོད་ཀྱིས་བསྙལ་བའི་ལོ་ཆང་བསིལ་མ་གཅིག།
ང་ཡིས་འདོད་པའི་བཟི་ཁ་བཙན་པོ་གཉིས།།
བཀྲ་ཤིས་གནམ་ལོ་གསར་བའི་དུས་བཟང་ལ།།
བཀྲ་ཤིས་བདུད་རྩི་མཆོད་པའི་ངེད་གཉིས་བསྟོད།།
ཁྱོད་ཀྱིས་བོར་པའི་ཞེ་མདང་མདུད་པ་གཅིག།
ང་ལ་མངའ་བའི་མགུལ་ལེ་དྲོན་མོ་གཉིས།།
བཀྲ་ཤིས་གནམ་ལོ་གསར་བའི་དུས་བཟང་ལ།།
བཀྲ་ཤིས་རྫས་ཀྱི་ཐག་པས་ངེད་གཉིས་ཆོངས།།
ཕྱི་ན་བཀྲ་ཤིས་འཛུམ་ཀྱི་མངར་ཁ་གཅིག།
ནང་ན་བཀྲ་ཤིས་ཕན་པའི་དྲོད་ཁོལ་གཉིས།།
བཀྲ་ཤིས་གནམ་ལོ་གསར་བའི་དུས་བཟང་ལ།།
བོད་ཀྱི་ཕ་སྐད་གཙང་མ་ཁྲི་ལོར་ཤོག།
གནམ་ལོ་གསར་ཚེས་ལ་ཁྱེད་ཀྱི་བྱ་བཞག་ལྷུན་གྱིས་འགྲུབ་པར་སྨོན།
བོད་ཀྱི་ཕ་སྐད་གཙང་མ་ཁྲི་ལོར་བརྟན་པ་ལ། ཁྱོད་ཀྱིས་བོར་པའི་”ཞེ་མདང་”དང་། ང་ལ་མངའ་བའི་”མགུལ་ལེ་”དྲོན་མོ་གཉིས་པོ་དེ་གཉིས་གོ་དཀའ་སེ་འདུག