སོག་མདའ།
རྫ་རིའི་ཁུག་གི་ཉི་འོད་དྲོ་སའི་སྤང་ཐང་གཡུ་ལོའི་ལྟེབ་གཞུང་ན།།
རི་དྭགས་ཁྱུ་གཅིག་གཟན་རྩ་ཟ་བཞིན་ཀྲོག་ཀྲོག་རྣ་བའི་རྒྱང་ལ་ཉན།།
རླུང་བུ་ཡངས་མོའི་རི་རྩྭ་འགུལ་བས་ཤུར་ཤུར་ཡང་བའི་སྒྲ་ཞིག་གྲགས།།།
བྲེལ་མ་འཚུབ་གྱི་རི་དྭགས་ཁྱུ་དེ་གོམ་དགུ་སྔོན་དུ་ཐེངས་གཅིག་མཆོངས་།།
རེ་ཞིག་རླུང་བུ་དལ་གྱི་འཇགས་པའི་ཤུར་ཤུར་སྒྲ་ཡང་རིམ་གྱིས་ཡལ།།
བག་ཕེབས་རྣ་བ་ཕྲག་ལ་ཕབ་ནས་མཆུ་ཡའི་མུར་མུར་གཟན་ལ་རོལ།།
སྦྲང་ནག་འགའ་ཞིག་འཕུར་མ་བབས་ཀྱི་རྣ་རྩེར་བབས་པའི་ལུས་བོ་སྤྲུགས་།།
ད་ནི་སོ་དལ་བག་ཡངས་ངང་ནས་གཟན་ལ་རོལ་བའི་བར་སྐབས་སུ།།
གར་གྲགས་མིག་གིས་གང་ནས་མ་རིག་་སྒྲ་ཆེན་འཇིགས་པའི་རི་ལུང་བཀང།།
འཇིགས་སྐྲག་དམར་ཆུང་སྙིང་ཡང་གས་འདྲའི་མེ་མདའི་བོས་སྐད་རྩུབ་མོ་དེས།།
རི་དྭགས་ཆུང་ཆུང་ཤེའུ་ཐིག་ཅན་དེས་དཔྲལ་བའི་དཀྱིལ་ལ་མེ་མདའ་ཕོག།
སྐད་ཅིག་དེ་ལ་མི་འདོད་བཞིན་དུ་རྔོན་པའི་མེ་མདའི་ཁ་ནའི་བརླགས།།
རང་ལོ་ཆུང་ལ་བལྟས་ན་མཚར་བའི་ཤེའུ་དེ་འདྲའི་སྙིང་རྗེ་ཞིག།།
ཕ་མ་གཉིས་ཀྱི་ཕྱིར་མིག་ཙམ་གྱི་མཆི་མའི་སྐྱེལ་མ་བྱེད་པ་ལས།།
གཅེས་ལོའི་བེམ་པའི་གམ་དུ་བཅར་བའི་སྤོབས་པ་ཞེས་བ་གང་ནས་ཡོད་།།
སྡིག་ཆེན་རྔོན་ནག་འཛུམ་གྱིས་ཁེངས་ནས་རྒྱུགས་མ་འདུར་གྱི་གམ་ལ་སླེབས།།
གློ་གྲི་རྣོ་པོ་ཤུབས་ནས་བཏོན་དེ་པགས་པ་བཤུ་བའི་ལས་ལ་བྲེལ།།
ལག་ཟུང་གཉིས་ནི་ཁྲག་ལ་བརྗུས་དེ་དམར་བོ་མེ་ཡི་མདངས་སུ་བསྒྱུར།།
ད་དུང་སྐྱིད་པའི་སྣ་གླུ་འགུགས་བཞིན་ཧམ་པའི་ཕྱོགས་བཞིར་སླར་ཡང་བལྟ།།
ཤེའུ་བསད་པའི་འདོད་པ་མ་ཚིམས་ཕ་མ་གཉིས་ཀྱང་གསོད་སྙིང་ཤར།།
དྲང་བདེན་གནས་ལུགས་དོན་གྱི་འཁྱོགས་པའི་མི་ཡུལ་འདི་ཡི་མི་ཡི་སེམས།།
བཅོས་པའི་ཐབས་ཤིག་གླིང་ན་མེད་ན་རི་དྭགས་སེམས་ཅན་སྙིང་རེ་རྗེ།།
སྙན་མོ་ཞེ་དྲག་བྱུང་་་་ཐུགས་རྗེ་ཆེ།
ཉི་འོད་འཁྱིལ་བའི་སྤང་ཁུག་ཅིག་ན་ངེད་ཅག་མ་བུ་ཅི་དགའ་རྩེན་པའི་སྐབས་ཤིག་ལ། །
གང་ཞིག་ཡུལ་ནས་འཇབ་ནས་འོང་བ་ཆ་མ་མཚར་བའི་ཧམ་ཆེན་རྔོན་པ་སྐོར་ཞིག་གིས། །
གློ་བུར་དུ་ཡང་ངེད་ཅག་མ་བུ་སོ་སོར་འཕྲལ་བའི་སྐྱོ་སྣང་སྟོང་གིས་གདུང་བཞིན་དུ། །
གང་སར་བྲོས་ཏེ་སྲོག་ཙམ་ཐར་ཡང་མ་ལོ་བོར་བའི་རི་དྭགས་ང་ནི་སྙིང་རེ་རྗེ། །
སོག་མདའ་ལགས་རྙན་མོ་ཧ་ལས་སོང་། ང་ཤྭ་བ་ཞིག་ཡིན་་ན་ངས་གླུ་འདི་འདྲ་ཞིག་ལེན་ས་རེད་།
ཤྭ་སྨུག་ཆུང་ཤེས་ཐིག་གོར་གོར་་ང་།
རྫ་སྨུག་པོ་ཞིག་གི་བདག་པོ་ཡིན་།
སྤང་སྔོན་མོ་ང་ཡི་རྩེ་ར་ཡིན་།
ཆུ་རྫ་ཆུ་ང་ཡི་བཏུང་བ་ཡིན་།
ངོ་མ་སྙན་ངག་ཟེར་ནོ་རེད་ཡ།ཀ་ར་བྲོ་གི
ཐུགས་རྗེ་ཆེ།