༢༠༠༨ལོའི་རྒྱ་དམག་གི་སྡུག་རྩུབ་ཀྱི་ངོས་ཞིག་ཕྱིར་ཐོན་པ།

Posted on By ཁ་བརྡ་ 38 Comments on ༢༠༠༨ལོའི་རྒྱ་དམག་གི་སྡུག་རྩུབ་ཀྱི་ངོས་ཞིག་ཕྱིར་ཐོན་པ།

༢༠༠༨ལོའི་ས་བྱི་ཞི་རྒོལ་ཆེན་མོའི་སྐབས་རྒྱ་དམག་གིས་བོད་མི་འཛིན་བཟུང་བྱས་པའི་དངོས་བྱུང་བརྙན་ཕབ་ཅིག་གསར་དུ་ལག་སོན་བྱུང་འདུག

གསར་འགྱུར།

Comments (38) on “༢༠༠༨ལོའི་རྒྱ་དམག་གི་སྡུག་རྩུབ་ཀྱི་ངོས་ཞིག་ཕྱིར་ཐོན་པ།”

  1. དངོས་གནས་བཟོད་རྒྱུ་མིན་འདུག དགྲ་བོ་རྒྱ་དམར་གྱིས་སྡུག་རྩུབ་ནམ་ཡང་མི་བརྗེད་པའི་དམ་བཅའ་ཡོད།

  2. དངོས་གནས་དྲང་གནས་རྒྱ་རོ་འདི་ཚོར་སྙིང་ན་གཱ། མ་གཞི་འདི་ཚོའི་ནང་ནས་མང་ཆེ་བས་བོད་སྐད་རྒྱག་གི་འདུག མ་ཟད་བོད་མི་དཀྱུས་མ་ཚོར་མཐོང་ཆུང་དང་འཕྱ་སྨོད་ཀྱི་སྐད་ཆ་བཤད་དེ་གད་མོ་དགོད་སྟངས་དེར་ལྟོས་དང་། ད་དུང་ཅི་ཡིན་འདི་ཡིན་མེད་པར་གཅར་རྡུག་བཀྱིག་གསུམ་བྱེད་སྟངས་འདི་ལ་ལྟོས་དང་ཅི་འདྲའི་ཡ་ང་བ་ཞིག་མི་འདུག་གམ། བོད་གཟུགས་རྒྱ་ཁྱི་འདི་དག་གི་དབང་པོ་རྣམ་ལྔ་ལས་སུ་མི་རུང་ཞིང་རྩ་ཆུ་ལ་ཡང་རང་དབང་མེད་པའི་གཟའ་རོ་རྐྱང་ད་ལྟ་རང་ཆགས་ན་ཅི་མ་རུང་།

  4. གྲོང་གསེབ་དེའི་བོད་མི་རྣམས་སྙིང་རྗེ། སྤྱིར་ལྟས་ངན་ཀླ་ཀློ་ཚང་གི་གདུག་རྩུབ་ཀྱི་སྤྱོད་ངན་གང་ཡིན་ཕལ་ཆེར་འཛམ་གླིང་ཐོག་ཡོངས་གྲགས་རེད། ཡིན་ན་ཡང་རྒྱ་ཁྱི་བོད་མི་ཁག་ཅག་གིས་འདི་ལྟར་རང་མི་རིགས་ལ་གདུག་རྩུབ་ཀྱི་སྤྱོད་པ་སྤེལ་བ་འདིས་ལྷག་ཏུ་སྙིང་ན་རུ་བཅུགས་སོང་། ཀླད་མེད་ཁྱི་རྒན་དེ་ཚོ། ཕར་རྒྱུགས། དམྱལ་བའི་ཟང་ཆུ་ཁོལ་མའི་ནང་དེ་རིང་རང་རྒྱུགས།

  5. ངས་བརྙན་ཐག་འདི་ལ་བལྟ་ཞོར་དུ་བསམ་བློ་བཏང་། བསམ་བློ་བཏང་། བསམ་བློ་དེ་ཡང་བརྙན་ཐག་འདི་འཁོ་འཕྲོད་བྱེད་མཁན་དང་། བརྙན་ཐག་འདི་བརྙན་ཕབ་དུ་ལེན་མཁན་སོགས་ལ་བསམ་བློ་བཏང་། བརྙན་ཐག་ལ་ཞིབ་དུ་བལྟས་ན། བརྙན་ཕབ་ལེན་མཁན་ཡང་སྐད་ཆ་འདྲི་མཁན་གྱི་བོད་མི་དེ་རེད་འདུག ཁོས་རང་གི་རིགས་ཀྱི་མི་དག་འདི་ལྟར་བཙན་ཁྲིད་བྱེད་པའི་ཁྲོད་དུ་ལས་གནས་ཀྱི་དབང་གིས་དེད་དེ་སོང་ན་ཡང་། རང་ཉིད་བོད་མི་ཞིག་ཡིན་པ་བརྗེད་མི་འདུག་ལ། རང་ཉིད་བོད་མི་ཞིག་གི་ངོས་ནས་ཁོང་ཚོ་ལ་རྒྱབ་སྐྱོར་ཞིག་བྱེད་པ་དེ་ནི་ཐབས་དེ་ལས་མེད་སོང་བ་རེད་འདུག ཁོས་མི་རེ་རེ་ཡི་མིང་གསལ་བོ་བྱས་ནས་འདྲི་བ་དང་གདོང་ཡང་ཁོ་རང་ལ་ཐད་ཀར་གཏོད་པར་སྐུལ་ལྕགས་གཏོང་གི་འདུག བརྙན་ཐག་འདི་ཁོ་རང་གི་སྟོད་གོས་སམ། ཡང་ན་ཞ་མོའི་ནང་དུ་སྤས་སྐོང་བྱས་ཡོད་པ་འདྲ། འདི་ལྟར་ཁོས་རང་ཉིད་བོད་མི་ཞིག་གི་འགན་འཁུར་ནས་རྒྱའི་སྲིད་གཞུང་གི་ངན་ཇུས་བཀོད་འདོམས་འོག་མི་འགྲོ་ཐབས་མེད་དུ་གྱུར་འདུག བུད་མེད་ལོ་ན་བཞི་བཅུ་ལ་སོན་པ་དེར་རྒྱ་དམག་ཞིག་གིས་ས་ཕག་ཞིག་བསྒུམ་ནས་བརྡུངས་གྲབས་བྱས་དུས། འགྲམ་གྱི་བོད་མི་དམག་མི་དེ་དག་གིས་མ་བྱེད་རོགས་ཟེར་ནས་འབོད་སྐུལ་ཞུ་བའི་ཚབ་དུ་དགད་མོ་དགད་སྟབས། མི་དེ་ཡིས་བརྡུང་སྟངས་མ་ཤེས་པར་ས་ཕག་དེར་སར་གཡུགས་སོང་། འདི་ལྟར་བལྟས། ངས་བོད་མི་དམག་མི་དེ་དག་གིས་རང་རང་གི་ལྟོ་ཕོར་དང་རང་རང་གི་བཟའ་ཟླ་བུ་ཕྲུག་གི་བདེ་འཇག་ཆེད་དུ། ལས་ཀ་དེ་ཡི་ཆེད་དུ། ཐབས་ཤེས་གཞན་མེད་པའི་བཙན་པོའི་དབང་ཡོད་ཀྱི་འགོ་ཁྲིད་དེ་དག་གིས་འོག་ནས། རང་གི་མི་རིགས་ཀྱི་ཞི་བའི་ལས་འགུལ་བ་དེ་དག་རེ་རེ་བཞིན། ཁྱིམ་ཚང་རེ་རེ་ཡི་ནང་དུ་འཛུལ་ནས། ལུ་གུ་གླག་གིས་བཟུང་བ་ལྟར། བརྙན་ཕབ་མཁན་གྱི་བོད་མི་དམག་མི་འདི་བཞིན་དུ། བོད་མི་དམག་མི་གཞན་དག་ལ་ཡང་རིགས་ཀྱི་འདུ་ཤེས་གཏན་བྲལ་དུ་སོང་བ་དེ་འདྲ་མ་ཡིན་པར། རྒྱའི་སྲིད་གཞུང་གི་དྲགས་གནོན་ལ་བོད་མི་ཁུ་བཙུར་ལས་མེད་པ་དེ་དག་གཏན་ནས་འགྲོ་ཡུལ་གཞན་མེད་པ་ཁོང་ཚོས་གསལ་བོ་ཤེས་འདུག ཡ་ང་བ་ཞིག་ལ་ཁོང་ཚོའི་ལག་པར་མིང་བྱང་དེ་དག་གསལ་གསལ་དག་དག་ཞིག་འཁོ་སྤྲོད་བྱེད་ཐུབ་མཁན་གྱི་བོད་མི་དེ་སུ་ཡིན་ན། དེ་ནི་དངོས་ནས་ཉེས་ཅན་ལྟེ་བོ་རེད་ལ། རང་ཉིད་ལས་གཞན་གང་ཡང་བསམ་རྒྱུ་མེད་པའི་རྩ་གཟུགས་ཀྱི་མི་དེ་རེད། ད་མང་བོ་མང་བོ་མི་བཤད། ང་ཚོ་ས་མཐའ་ཞིག་ནས་སྐྱིད་ས་ཞིག་ནས། སྐད་ཆ་སྤོམས་པོ་རེ་བཤད། ཅིག་ཅིག་མ་འགྲིག་ཚུལ། ཅིག་ཅིག་རྒྱུའི་རྒྱུགས་ཁྱི་ཡིན་རབས་བཤད་དེ། རང་གིས་མི་ལ་བསྡིག་དམོད་བྱས་ནས་དངོས་ནས་གང་ཡང་མི་ཕན། འདི་ནི་བཙན་བྱོལ་དང་བྱེས་ཀྱི་ཡུལ་གྲུ་སོ་སོ་ནས་གནས་བཅའ་བའི་བོད་མི་འདུས་བསྡོད་ཚང་མའི་ཁ་ཤོམ་བརྒྱབས་དེ། རང་སྐྱིད་རང་བདེ་ལ་སྙེགས་པའི་མཇུག་འབྲས་ཤིག་ཀྱང་ཡིན་པ་སེམས་སུ་འཛིན་དགོས་པ་རེད་འདུག འདི་ཙམ་ཡིན།

  6. རྒྱ་དམར་ཇག་ཚོགས་དེ་ཚོའི་བྱ་སྤྱོད་དེར་སེམས་གཏིང་ནས་ན་ཚ་གཏོང་གི དུས་ནམ་ཡང་རྗེད་ཐབས་མེད།

  7. རྒྱ་དམར་དེ་ཚོའི་བྱ་སྤྱོད་ངན་པ་དེ་ལས་ཐར་དགོས་ན་གཙོ་བོ་ང་ཚོ་བོད་མི་རིགས་ནང་ལ་མཐུན་སྒྲིལ་ཡག་པོ་ཞིག་བཟུང་དགོས་པ་མ་རེད་དམ？

  8. བོད་ཀྱི་སྲིད་དང་མི་རིགས་རིག་གཞུང་ལ།།
    གདུན་རྩུབ་ཅན་གྱི་རྒྱ་དམར་ཀླ་ཀློའི་ཚོགས།།
    ཇི་ལྟར་འཚམས་པའི་སྤྱད་པས་ཚར་བཅད་ནས།།
    དྲག་པོའི་འཕྲིན་ལས་མྱུར་དུ་སྒྲུབས་པར་ཤོག།།།

  10. གནས་ཚུལ་འདི་རྣམས་བསམ་ཚེ་རྒྱ་དམར་གུང་ཁྲན་དང་། བོད་མི་ནང་ཁུལ་དཀྲུག་མཁན་བཙན་བྱོལ་ནང་གི་དཀྲུག་ཤིང་གོང་བུ་རྣམས་ལ་སྙིང་ནས་ཁོང་ཁྲོ་ལང་གི རྒྱ་དམར་གྱིས་ཇུས་ངན་ལ་བརྟེན་ནས་བོད་མི་ཞིག་ལ་བཙན་གནོན་བྱེད་སྐབས་མདུན་དུ་རང་རིགས་ལས་བྱེད་རྣམས་སྐོ་བ་ནི། བོད་མི་ནང་ཁུལ་དཀྲུག་ཤིང་སློང་བྱེད་ཡིན་འདུག་ན་བོད་རིགས་ལས་བྱེད་རྣམས་ལ་བསམ་ཤེས་དང་། བོད་མི་སེར་སྐྱ་ཕན་ཚུན་དཀྲུག་མཁན་དང་། གཞུང་མང་གཉིས་དཀྲུག་མཁན་། ལྷག་པར་དུ་༧གོང་ས་མཆོག་དང་ཁོང་གི་གདུལ་བྱའི་བར་དཀྲུག་མཁན་བོད་མིའི་ལུས་ལ་གུང་ཁྲན་གྱི་རྣམ་ཤེས་བཞུགས་པ་རྣམས་ནི་ང་ཚོའི་དགྲ་གཙོ་བོ་ཞིག་ཏུ་ངོས་འཛིན་བྱ་དགོས་སྙམ་མོ།། །།

  11. བཙན་བྱོལ་སྒྲིག་འཛུགས་འོས་འགན་འོག ཀུན་གླེང་དང་རེ་དྲི་ཡི་ཕི་རི་ཨེ་ཤི་ཡ་སོགས་ནས་བོད་བསྒྱུར་དང་སྐད་རིགས་གཞན་ལ་བསྒྱུར་ནས་སྤེལ་དགོས་འདུག
    ང་ལ་རྒྱ་རིགས་ལས་བྱེད་ཚོ་ལས་བོད་རིགས་ལས་བྱེད་ཀྱིས་བོད་སྐད་བརྒྱབ་ནས་ཁོ་རེ་ཁྱོད་རེ་མིང་ག་རེ་ཡིན་པ་འདྲི་བ་དང་། ཡང་། རང་རིགས་རྒྱའི་ལས་བྱེད་བོད་རིགས་གཞན་པ་དེ་ལ་ཁོང་༼བོད་པ་༽ཚོ་ཟིན་ཐུབ་སོང་ཟེར་བའི་ཚིག་འདི་ཚོ་རྒྱ་རིགས་ཀྱིས་ཤི་ཤི་ལ་ལ་ཟེར་བ་དེ་ཚོ་ལས་ལྷག་པ་པ་དང། ཁོང་ཁྲོ་མང་བ་ཅིག་ལང་བྱུང་བས་ང་ནོར་བ་རེད་པེ། དྲ་གྲོགས་ཚོ།

  12. འདི་འདྲའི་བརྙན་འཕྲིན་རྩ་ཆེན་ཞིག་རག་པ་ང་ཚོས་བེད་སྤྱོད་ཡག་པོ་ཞིག་གཏན་ནས་གཏོང་ཐུབ་མ་སོང་། བོད་ནས་མི་ཞིག་གིས་སྲོག་ལ་མ་འཛེམ་པར་བརྙན་འཕྲིན་འདི་འཁྱེར་ཡོང་ནས་བོད་གཞུང་ལ་ཕུལ་ཡོད་རྒྱུ་རེད། ད་འཕྲོད་ས་ཞིག་ལ་འཕྲོད་ཡོད་སྙམ་ནས་བློ་བདེ་པོ་བྱུང་ཡོད། འོན་ཀྱང་ཕྱི་འབྲེལ་ལས་ཁུངས་ཀྱིས་བོད་ཀྱི་དྲྭ་བརྙན་ནང་བཏང་པ་ལས་འཛམ་གླིང་ནང་སྐད་གྲགས་ཅན་གྱི་གསར་ཁང་ཞིག་ལ་དང་པོ་ནས་མ་སྤྲད་པ་ནི་ཇི་འདྲའི་འུ་ཐུག་པའི་ལས་ཀ་ཞིག་རེད་ཨང་། སྔ་ལོ་ཡང་རྒྱ་དམར་གྱིས་ལྷ་སར་བོད་མི་རྣམས་ཁྱི་ནང་བཞིན་གཅར་རྡུང་བཏང་བའི་བརྙན་འཕྲིན་ཞིག་རག་ཡོད་པ་བོད་གཞུང་གིས་མི་བྱེད་རྒུ་བྱེད་བྱས་ཏེ་གློག་བརྙན་གཞན་དང་ཉ་དང་ཉུང་མ་བསྲེས། རྒྱབ་ལྗོངས་ལ་སྒྲ་བརྙན་འདྲ་པོ་ཞིག་བཅུག་ནས་རྦད་དེ་འཕྲོ་བརླགས་བཏང་སོང་། རྩོམ་པ་པོ་འོད་ཟེར་ལགས་ཀྱི་དེ་རིང་ངོ་དེབ་དང་འཕྲུལ་སྒྲ་སོགས་ཀྱི་ཐོག་དེའི་སྐོར་བསམ་ཚུལ་ཤུགས་ཆེན་བཏོན་ཡོད། འབྲེལ་ཡོད་ནས་བསྐྱར་ཞིབ་ཅིག་ངེས་པར་བཤད་དགོས། རྒྱ་ནག་ལ་མཚོན་ན། དེ་སྔ་བོད་ལྗོངས་བརྙན་འཕྲིན་ཁང་གིས་ཕྱི་རྒྱལ་གྱི་དངོས་བརྗོད་བརྙན་འཕྲིན་ཞིག་བསྟན་སྐབས་དེའི་ནང་རྒྱང་ཐག་རིང་ས་ཞིག་ལ་བོད་ཀྱི་རྒྱལ་དར་ཞིག་གི་བརྙན་པར་ཤོར་སྟབས། དེ་ཉིན་རང་ལ་འབྲེལ་ཡོད་ཀྱི་འགན་ཁུར་མི་སྣ་ཁ་ཤས་ལ་ཉེས་ཆད་བཅད་ཡོད། བསམ་བཞིན་བོད་ནང་གི་སྡུག་བསྔལ་རྡོག་བརྫིས་བཏང་བ་མིན་རུང་། སྣང་མེད་བྱས་པ་འདི་ཡང་འགན་ཁུར་མེད་པའི་བྱེད་སྟངས་ཤིག་མ་ཡིན་ནམ།

  13. ངོ་མ་གོང་བཀོད་ལྡོང་གི་ལྷ་རྩེ་ལགས་ཀྱིས་གསུང་བར་རྒྱབ་སྐྱོར་ཡོད།
    ཁྱབ་བསྒྲགས་བྱ་ས་རྒྱལ་སྤྱིའི་བརྙན་འཕྲིན་གྲགས་ཅན་ནང་འཕྲོད་ཐབས་མི་བྱེད་པར་གང་བྱུང་ཚེ་སྲོག་གིས་བསྐུར་བའི་བརྙན་འཕྲིན་འདི་རིན་ཐང་གང་ཡང་མེད་པར་ལྟ་བུར་ཁྱབ་བསྒྲགས་བྱས་པ་འདི་ལ་བློ་ཕམ་ཆེན་པོ་ཡོད།
    སྨྱུག་རྩེ་པ་ཚོས་འདི་སྒང་ལ་རྩོམ་ཡིག་མུ་མཐུད་དེ་སྤེལ་རོགས་ཞུ།

  14. བརྙན་འཕྲིན་དེ་ཧ་ཅང་གི་ལེགས་པོ་ཞིག་འབྱོར་འདུག འོན་ཀྱང་ང་ཚོས་འདི་ནས་རྒྱ་སྐྱག་དང་ཀླ་ཀློ་སོགས་ས་སྟོང་ཞིག་ནས་དྲ་སྟོང་ཞིག་གི་ནང་དུ་སྡིག་མོ་བྱེད་པ་ནི། སྤྲང་པོ་ཞིག་གིས་གསང་སྤྱོད་ནང་དུ་ཁ་གྱང་ལ་གཏད་ནས་སྡེ་དགེ་རྒྱལ་པོས་ཕ་རོ་ཟོ་ལབ་པ་དང་ཆ་མཚུངས་རེད། དེ་ལས་དྲ་གྲོགས་རྣམ་པ་ལགས། འདི་འདྲའི་བརྙན་འཕྲིན་དང་བརྙན་པར་རེ་འབྱོར་ཚེ་CNN BBC Euronews གང་རུང་རེའི་ནང་དུ་ཁྱབ་བསྒྲག་བྱེད་ཐབས་འགྲིག་ན་ཡག་པོ་ཡོད་ས་རེད།

  15. བོད་མི་སྒྲིག་འཛུགས་ཀྱིས་བརྙན་འཕྲིན་འདི་རྒྱལ་སྤྱིའི་གསར་ལམ་གྲགས་ཅན་CNN ་BBC ནང་ནས་ཁྱབ་བསྒྲགས་བྱ་རྒྱུར་འབད་བརྩོན་མ་གནང་ན་ང་ཚོ་སྒེར་ངོས་ཐབས་ཤིག་ངེས་བཙལ་ནས་བརྙན་གལ་ཆེན་འདིག་གསར་ལམ་གྲགས་ཅན་ནང་ནས་སྟོན་ཐབས་གང་མཆིས་འཚོལ་རོགས་ཞུ།
    དྲ་གྲོགས་ཚོ་འདི་སྒང་ལ་བསམ་ཚུལ་དང་ཐབས་ཤེས་གང་མང་བསྟན་རོགས།

  16. གློག་འདི་ལེན་མཁན་ལ་སྙིང་ཐག་པ་ནི་ཐུགས་རྗེ་ཆེ། དེ་ནི་དངོས་ཡོད་ཀྱི་ལོ་རྒྱུས་ཡིན་པས་ཁྱེད་ཀྱིས་འཇིག་རྟེན་དུ་བཞག་པའི་ལག་རྗེས་རེད། དཔའ་རྒོད་ལགས། ཐུགས་རྗེ་ཆེ།

  17. ད་ངས་ཤེས་སོང་། པར་འདི་ལེན་མཁན་གྱི་རྒྱ་ནག་གི་གཉེན་རྟོག་པ་རེད། ཁོང་ཚོས་གནས་ཚུལ་འདི་གོ་རིམ་ལ་སྙན་ཞུ་ཕུལ་ཆེད་དང་བདེ་འཇགས་ཀྱི་ཆེད་དུ་བླངས་བ་རེད། རྒྱ་འདྲེ་རྣམས། ཕམ་པ་ཤོག

  18. རྒྱ་དམར་གྱིས་ཉམ་ཆུང་བོད་མིའི་སྒང་ལ་ཐུབ་ཚོད་ཚད་མེད་བཏང་དང་གཏོང་བཞིན་དེ་དག་མཐོང་དུས་ངོ་མ་སེམས་པ་སྐྱོ་གི

  19. བོད་མི་ཚོ་སེམས་ཤུགས་ཡོད་ན་ནང་ཁུལ་རྡོག་རྩ་ཆིག་སྒྲིལ་བྱེད་རོགས།ག་དུས་ཡིན་ན་ཆོལ་ཁའི་འཐབ་རྩོད་དང་ཕྱོགས་རིས་སྟེང་སྲོག་མ་འཇོག་རོགས་གནང་།

  20. བོད་མི་རྣམས་སྐྱེ་བ་ཕྱི་མར་རེ་རེ་བཞིན་གདུག་འདྲེའི་ལུས་བླངས་ནས། འདྲེ་རྒྱ་ནག་པོ་ཚོའི་ཤ་བཟའ་བར་ཤོག ཁྲག་འཇིབ་པར་ཤོག སྨོན་ལམ་འདི་འགྲུབ་གྱུར་ཅིག སཱ་མ་ཡ་རྒྱ་རྒྱ།

  21. རྒྱ་ཇག་གི་བྱ་སྤྱོད་དེས་བོད་མིའི་སེམས་པར་ཆེས་བརྗེད་ཐུབ་མེད་པའི་ལེའུའི་མགོ་མཇུག་ཇེ་གསལ་དང་ང་ཚོའི་སེམས་པའི་རྨ་ཁར་ན་ཟུག་གཏོང་བྱེད་དུ་བསྐྲུན་པ་ཞིག་ཡིན་པ་འདྲ། ང་ཚོས་ཀྱང་ཕྱོགས་གང་ཐད་ནས་གཟབ་ནན་དང་ཆིག་སྒྲིལ་གྱི་ཕྱག་ཟུང་མཉམ་རུབ་ཀྱིས་རྒྱ་ཇག་ཚོར་འགྲམ་ལྕག་རེ་ཚབ་ཏུ་དམངས་གཙོ་ནམ་ཡང་རྒྱལ་ཐུབ་པའི་ཡིད་ཆེས་སམ་་གདངས་ཚོད་ཅིག་གཞི་རིམ་མང་ཚོགས་ལ་ཡོད་དགོས་པར་མ་ཟད། གཅིག་རྒྱབ་གཉིས་ལང་གི་གྲ་སྒྲིག་ཅིག་ངེས་པར་ཡོད་དགོས་བར་སྣང་།དེ་མིན་དཔའ་པོ་ཁེར་རྒྱུག་གི་བློ་སྣ་ཐུང་ཐུང་དེས་རྒྱ་ཇག་གི་སྲོག་སྙིང་ལ་ལག་བསྙབ་མ་བྱས་གོང་གཅིག་བཟུང་གཉིས་འཇུ་བྱས་ན་བོད་མི་རིགས་ལ་གྱོང་གུད་དང་སྡུག་ཐོག་ལ་ན་གཟེར་ཇེ་ཆེ་རེད། མ་མཐའ་འང་བོད་མི་རིགས་ཀྱི་མ་འོངས་པའི་ཁ་ཕྱོགས་དང་རེ་བའི་དམིགས་འབེན་ཡོངས་སུ་འགྲུབ་ཆེད་རང་ཉིད་ངེས་པར་བདེ་བླག་ངང་འཚོ་དགོས་བའི་ཐབས་ལམ་ཞིག་ཐོག་དང་པོའི་འཆར་གཞིའི་ནང་སླེབས་ཐུབ་པ་བྱོས། ཨ་དཔའ་པོ་ཚོ། ངས་འདི་ན་རང་དབང་གི་འཚོ་བཅུད་འཇིབ་བཞིན་ཁ་རྒྱག་པའི་བཟོ་འདྲ་དགོངས་་སྲིད་ནའང་དོན་དམ་པའི་འུ་ཚང་གི་དཀའ་སྡུག་དེའི་ཆེད་དུ་ནུས་ན་མི་ནུས་ན་འཐམ་ནས་འགྲོ་རྩིས་ཡོད།

  22. ཀྲུང་ཧ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་ཀྱི་སྒྲོལ་གཞིའི་འོག་ཏུ་བོད་མི་འདི་དག་འཛུན་བཟུང་བྱས་པ་རེད། གུང་ཁྲན་ཏང་གིས་ངོས་ནས་བོད་མི་འདི་དག་ཁྲིམས་འགལ་བ་ཞིག་ལ་ངོས་འཛིན་གནང་གི་ཡོད།

    ཧ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་དང་འགལ་བ་ཡིན་པ་རེད། རྒྱ་ཁྲིམས་ངོས་ལེན་གནང་མཁན་ཚོས་བོད་མི་འདི་དག་ཁྲིམས་འགལ་བ་ཡིན་པར་ཤུགས་ཀྱི་ཁས་ལེན་པ་རེད། ཁ་བྲལ་བ་རེད།
    བརྙན་དཔར་འདིའི་ནང་དུ་གསལ་བའི་བོད་རིགས་སྐྱེས་དཔའ་བོ་ཚོས་ངོ་མ་བྱས་རྗེས་ཆེན་པོ་རེད། རང་གིས་ཨ་མ་ལགས་ཀྱང་བཙོན་ཁང་ནང་དུ་སྐྱེལ་ས་རེད། གུང་ཁྲན་ཏང་གིས་ངོ་མ་རྒྱལ་གཅེས་ཆོས་གཅེས་ཟེར་བསླབ་བྱ་དེས་ནུས་པ་ཆེན་པོ་ཐོན་བཞིན་ཡོད་པར་འདྲ།
    རང་གི་ཨ་མ་གསོད་མཁན་དཔའ་བོ་ཞིག
    རང་གི་སྤུན་ཟླ་རྡུང་མཁན་དཔའ་བོ་ཞིག
    རང་གི་མི་རིགས་གསོད་མཁན་ཤན་པ་ཞིག
    ད་ལྟ་ལྷ་སའི་གླིང་དུ་ཡོད་ཚོད་འདུག་་་་་་

  23. དངོས་གནས་གོང་དུ་དྲ་གྲོགས་འགའ་ཤས་ཤིག་གསུངས་པ་བཞིན།དེ་འདྲའི་བརྙན་འཕྲིན་རྩ་ཞིག་བོད་ནང་གི་མིས་རང་སྲོག་ཀློད་གཏོང་བྱས་ནས་འདི་ཕྱོགས་གཏོང་ཐུབ་ཡོད་ཀྱང་།འདི་ནས་དབུས་བོད་མིའི་སྒྲིག་འཛུགས་ཀྱིས་འགྲེལ་བཤད་ཙམ་མེད་པར་ནག་ཐོམ་མེར་དྲ་ལམ་དུ་འགྲེམ་སྤེལ་བྱས་སོང་།
    བོད་སྐད་མི་ཤེས་པའི་མི་རིགས་གཞན་པ་ཚོས་བརྙན་འཕྲིན་འདི་མཐོང་ཡང་།གནས་ཚུལ་དེ་ནི་བོད་ནང་ཡིན་པ་ཤེས་རྒྱུ་ལྟ་ཅི།དཔར་གཞི་ངོ་མ་ཡིན་པ་སོགས་ཀྱང་ཐེ་ཚོམ་གནས་སུ་ལྷུང་གདོན་མི་ཟ།
    དེ་ལས་ཐབས་སྐྱོ་བ་ཞིག་ལ་ཉེ་འཆར་འབྱོར་ཛ་དྲག་གི་བརྙན་འཕྲིན་འདིའི་དྲོད་མ་ཡལ་གོང་ནས་དབུས་བོད་སྒྲིག་འཛུགས་ཀྱི་གཞུང་འབྲེལ་དྲ་རྒྱ་དང་དྲ་བརྙན་ནང་ནས་བརྙན་འཕྲིན་གློ་བུར་དུ་གར་སོང་ཆ་མེད་ལ་ཡལ་སོང་།ངས་དབུས་སྒྲིག་འཛུགས་ཀྱི་དབྱིན་སྐད་དྲ་ལམ་ནས་ཐོན་རྒྱུ་རེ་བ་བྱས་ཀྱང་དེ་ནི་སྟོང་ཟད་རང་རེད།
    སྣང་ཚུལ་དེ་དག་གིས་བཀའ་ཤག་འདི་པས་བོད་ནང་གི་མི་མང་དང་བོད་ནང་གི་རྒྱལ་གཅེས་དཔའ་བོར་ཚོའི་རྒྱ་རྒོལ་གྱི་ལས་འགུལ་ལ་རིན་ཐང་དང་གདེང་འཇོག་གང་འདྲ་ཡོད་པ་མི་མཚོན་མི་ཐུབ་པའི་རེ་བ་ཡོད།

  25. དྲ་གྲོགས་རྣམ་པ་ཚོ། སྔ་མོ་ཀྲུང་དབྱངས་མི་རིགས་སློབ་གྲྭ་ཆེན་མོར་ལྷ་མེད་སྨྲ་བའི་རིང་ལུགས་པའི་ལྟ་བར་སློབ་སྦྱོང་བྱེད་མྱོང་མཁན་གྱི་དམར་སྲུངས་དམག་ཞེས་པའི་བོད་མི་ཁྱུ་ཞིག་ཡོད་པ་གོ་ཨེ་མྱོང་།
    མེད་ན་ངས་གཅིག་བཤད་འདོད་བྱུང་། ང་དགུ་གོང་ནས་བཟུང་བཅིངས་གྲོལ་དམག་བོད་ལ་བཙན་འཛུལ་བྱས་པ་ནས་རིག་གནས་གསར་རྗེ་མ་ཚུགས་བར་བོད་ནང་གི་སྤྲང་ཕྲུག་མཐའ་འཁྱམས་པ་མང་དག་ཅིག་བསྡུས་ནས་ཀྲུང་དབྱངས་མི་རིགས་སློབ་གྲྭ་ཆེན་མོར་བཏང་བ་རེད། དེ་ཚོ་ཚང་མ་མཱ་ཁེ་སི་དང་ལེ་ཉིན་རིང་ལུགས་ཀྱི་ལྟ་བ་དང་ལྷ་མེད་སྨྲ་བའི་ལྟ་བར་སློབ་སྦྱོང་གཏིང་ཟབ་བྱས་ཏེ་རིག་གནས་གསར་རྗེའི་མེ་སྒྱོགས་སྤུས་དག་ཅིག་བཟོས་ནས་བོད་ནང་བཏང་བ་རེད། ཏང་ཀྲུང་དབྱངས་ནས་བཀའ་བཏང་བ་ཙམ་ལས་ཧུར་བརྩོན་ཅན་གྱི་དམར་སྲུང་དམག་དེ་ཚོས་རིག་གནས་གསར་རྗེ་ཞེས་པ་ཧ་ཅང་འཇིགས་སུ་རུང་བ་བོད་མི་རིགས་ཀྱི་ལོ་ངོ་སྟོང་ཕྲག་རིང་གི་གསོལ་རྒྱུན་རིག་གནས་ཐམས་ཅད་ཤུལ་མེད་བཟོས་པ་ནི་ཨ་ཅང་ཅང་། མངའ་བདག་ཆེན་པོ་གསུམ་དང་གྲལ་རིམ་འཐབ་རྩོད་ཀྱི་ལས་འགུལ་ཧ་ཅང་ངུ་བྲོ་ལ་སྐྱུག་བྲོ་བའི་སྐྱོ་གར་ཞིག་བོད་པ་ཕན་ཚུན་དང་མཐའ་ན་ཕ་མ་བུ་ཕྲུག་བར་ལ་ཡང་ལོ་མང་རིང་འཁྲབ་དགོས་བྱུང་བ་དེ་དམར་སྲུང་དམག་གིས་བྱས་པ་རེད་ལ། ཅང་གྲུང་ལྡན་ལ་གཡོས་བྱུས་ཀྱི་ཐབས་ལམ་ཡོངས་སུ་རྫོགས་པའི་གུང་ཁྲན་ཚང་གིས་རིག་གནས་གསར་རྗེ་བོད་པ་རང་གི་བྱས་པ་རེད་ཟེར་བའི་རྒྱུ་མཚན་འདི་ལ་ཐུག་པ་རེད། བྱས་ཙང་གོང་གི་བརྙན་དཔར་ལས་ར་སྤྲོད་གསལ་པོ་ཐུབ། འོན་ཀྱང་བཙན་བྱོལ་ཚང་འདི་པ་ད་དུང་སྣ་སུན་ཕོག་རྒྱུ་མེད་པར་གུང་ཁྲན་དང་མཉམ་ཟ་མཉམ་འཐུང་བྱེད་ཀྱི་ཡིན་ཚུལ་དང་ཕན་ཚུན་འཆམ་མཐུན་ངང་གནས་རྒྱུ་ཡིན་མདོག་སྨྲ་བ་ནི་ཅི་འདྲའི་ཡ་མཚན་པ་ལ། ངས་ནི་འཕར་སྤྱང་དང་ལུག་གུ་མཉམ་གནས་ཐུབ་ཐབས་བྲལ་བ་རེད་བསམ་གི་ཡོད་ལ་འཕར་སྤྱང་གིས་ལུག་གུ་ག་དུས་བཟས་ཡོང་བསམ་བསམ་ལས་བྱམས་སྐྱོང་བྱས་ཡོང་བསམ་བསམ་བློ་ཡུལ་ལ་མེད་ལ་རྨི་ལམ་ཚུན་ལ་བཏང་མྱོང་མེད། ད་དུང་མགོ་སྐོར་གཏོང་གིས་མགོ་སྐོར་གཏོང་གིས། འབྲེལ་མོལ་སྒོ་མོ་ཕྱེ་ཡོད་སྒོ་མོ་ཕྱེ་ཡོད། ཡང་ད་དུང་མགོ་འཁོར་ཐེབས་ཀྱི་མགོ་འཁོར་ཐེབས་ཀྱིས། འབྲེལ་མོལ་སྒོ་མོ་ཕྱེས་ཡོད་ན་གྲ་སྒྲིག་ཨང་གསར་ཡོད་ཨང་གསར་ཡོད། དེ་འདྲའི་ངང་ནས་བོད་ནང་གི་ཛ་དྲག་གནས་སྟངས་ནི་ཇེ་ཞན་ནས་ཇེ་སྡུག་རེད། མེ་ལྕེའི་ནང་གི་འབོད་སྒྲ་ནི་ཇེ་ཚ་དང་ཇེ་ཆེ་རེད། རྒྱ་འདྲེའི་ལྟ་བ་དང་མགོ་འཕང་ནི་ཇེ་མཐོ་ནས་ཇེ་མཐོ་རེད། བཙན་བྱོལ་ཚང་གི་ལྟ་བ་དང་དབུ་འཕང་ནི་ཇེ་ཆུང་ནས་ཇེ་དམའ་རེད། ད་ནི་མགོ་འབུལ་ལུས་འབུལ་ཞུས་ཚར་ཙང་བྱ་བྱེད་ཅང་ལྷག་མེད་ཀི། ད་ནི་ཡིད་ཐང་ཆད་ཀྱི་རེ་བ་མེད་ཀི།

  26. ང་ཚོས་ག་རེ་བྱེད་དགོས་བ་རེད།
    གངས་ཅན་བོད་ཀྱི་ལོ་རྒྱུས་གནད་འགག་ཅན་འདི་འདྲའི་སྐབས་སུ་ག་རེ་བྱ་དགོས་བ་རེད། ཇི་ལྟར་བྱ་དགོས་བ་རེད། ཐབས་དང་ཤེས་རབ་ཇི་འདྲ་ཡོད་པ་རེད། བོད་མི་མང་དང། ལོ་རྒྱུས་དང་གཟི་བརྗིད་ཅན་གྱི་མི་རིགས་འཛམ་གླིང་དུ་གནས་ཐུབ་མིན་དང། གནས་དགོས་བའི་རྒྱུ་མཚན་ཡོད་མེད་ཀྱི་གནད་དོན་སོགས་ལ། བོད་མི་སུ་ཡིན་ཀྱང་སེམས་དང་བསམ་པའི་སྟེང་ནས་མདང་རྒྱག་དགོས་བ་ཞིག་ཆགས་བསྡད་ཡོད་པ་རེད། ད་ལྟའི་བོད་ཀྱི་གནས་སྟངས་དེ། ལོ་རབས་ལྔ་བཅུ་བའི་དྲག་པོ་འཐབ་རྩོད་དང། ལོ་རབས་དྲུག་ཅུ་དང་བདུན་ཅུའི་ནང་གི་ལོ་རྒྱུས་ཀྱི་ཕམ་ཁ་དང། ལོ་རབས་བརྒྱད་ཅུ་དང་དགུ་ཅུའི་བསྐྱར་གསོ་དང། ལོ་རྒྱུས་ལ་འབྲེལ་འཐུད་ཙམ་བྱས་ཐུབ་པ་བྱུང་སྟེ། ཉིས་སྟོང་བརྒྱད་ཙམ་ནས། དངོས་སུ་ཕྱིར་རྒོལ་བྱ་རྒྱུ་མགོ་བརྩམས་པ་རེད། འདི་ནི་ལོ་རྒྱུས་ཀྱི་འགྲོ་འཚམས་གལ་ཆེན་པོ་ཞིག་རེད་བསམ་ཀིན་འདུག། དེ་བས་བོད་མི་རིགས་འདིའི་ལོ་ངོ་དྲུག་ཅུ་ཙམ་གྱི་ལོ་རྒྱུས་ལ་ཕྱིར་མདང་བརྒྱབ་ན། དང་པོ་ནི་དྲང་བདེན་གྱི་འཐབ་རྩོད་དང། གཉིས་བ། མ་ཤི་དབུགས་ཙམ་ལེན་པའི་སྙིང་སྟོབས། གསུམ་པ། སྔོན་ལམ་བསྐྱར་གསོ་དང། བཞི་བ་ནི། ད་ལྟ་གནས་སྐབས་སུ་ཞི་བའི་འཐབ་རྩོད་བྱ་བཞིན་ཡོད་པ་དེ་རེད། ཞི་བའི་འཐབ་རྩོད་འདིའི་ནང་དུ། སྤྱི་ནོར་གོང་ས་སྐྱབས་མགོན་ཆེན་པོའི་ཐུགས་རྗེའི་གཟི་བྱིན་འོག། བོད་ཕྱི་ནང་གཉིས་ལ་གསོན་ཤུགས་དང། སྤོབས་ཉམས་ཞིག་སྩལ་ཡོད་པ་མ་ཟད། འཛམ་གླིང་གི་མི་མང་གི་རྣ་ལམ་དུ་བོད་ཟེར་བ་ཅིག་དང། བོད་ཀྱི་རིག་གཞུང་ཟེར་པ་ཞིག་བསྩལ་ཡོད་ཅིང།
    བོད་ཀྱི་རིག་གཞུང་གི་སྙིང་བཅུད་སྟེ། ནང་བསྟན་གཙོ་བྱས་པའི་རིག་གཞུང་དེ་ཡང། འཛམ་གླིང་གི་མི་མང་པོ་ཞིག་གི་སེམས་སུ་འགྲོ་བཞིན་འདུག་པས། རྒྱ་ནག་སོགས་ཀྱིས་སྒོར་དུང་ཕྱུར་མང་པོ་བཀོལ་ནས་ཉོ་བཞིན་པའི་འཇམ་པོའི་ཤུགས་རྐྱེན་དེ་ནི། བོད་མི་མང་ལ་ཏན་ཏན་ཡོད་པ་རེད། དེ་བས་གང་ཐད་ནས། དེ་ནི་བོད་མིའི་རླབས་ཆེན་གཟི་བརྗིད་དང། གོང་ས་སྐྱབས་མགོན་ཆེན་པོའི་ཐུགས་རྗེ་ཉག་ཅིག་རེད། དེ་བཞིན་ཉེ་ལམ་དམངས་གཙོའི་ལམ་ནས་བཀའ་བློན་འདེམས་པ་དང། བོད་ནང་དུ་རང་ལུས་མེ་བསྲེགས་བཏང་ནས།
    མི་རིགས་ཀྱི་དོན་དུ་སྐད་འབོད་བྱས་པ་དག་ཀྱང་བོད་མིའི་སྙིང་སྟོབས་དང་ལ་རྒྱ་མཚོན་པ་མ་ཟད། བོད་མིའི་མ་འོངས་བའང་མཚོན་གིན་ཡོད་པ་རེད། བོད་མིའི་ཞི་བའི་ངོ་རྒོལ་དང། བླ་མེད་སྙིང་སྟོབས་ལ། རྒྱ་གཞུང་ཡང་ཧ་ལས་ཧང་སངས་ནས། བོད་དོན་འདི་མ་འདྲ་བ་ཞིག་དང། རྒྱ་ནག་རྒྱལ་ཁབ་ཀྱི་རྩ་བའི་སྲིད་བྱུས་ཞིག་ལ་བཟུང་ནས། དྲག་འཇམ་གཉིས་ཀྱིས་སྲིད་བྱུས་འདྲ་མིན་ཞིག་ཡོང་གིན་ཡོད་པ་དེ་ཡང། དོན་གྱིས་བཤད་ན། རྒྱ་གཞུང་བོད་ས་འཛིན་པའི་སེམས་ཕུགས་མི་བརྟན་པ་དང། ཁོ་ཚོའི་ཕམ་ཁ་དེ་ཕྱི་ལ་མངོན་གིན་ཡོད་པ་དེ་རེད། རྒྱ་ནག་ལ་ཡོད་པའང་དམག་ཤུགས་དང། ཤོག་སྒོར་འགའ་ལས། བོད་མི་རྣམས་ཡིད་འགུགས་པའི་རིག་གཞུང་དང། ལྟ་བ་དང། ཀུན་སྤྱོད། ཆབ་སྲིད་སོགས་གང་ཡང་མེད་པ་ནི་གསལ་བོ་ཡོད་པ་དེ་རེད། གཞན་སེམས་འགུགས་ཐུབ་པའི་ལྟ་བ་དང་ཆབ་སྲིད་མེད་ན། དམག་ཤུགས་དང། དཔལ་འབྱོར་ཙམ་གྱིས་མི་རྣམས་དབང་སྒྱུར་མི་ཐུབ་པའི་འཛམ་གླིང་ལོ་རྒྱུས་གང་གི་ཐད་ནས་ཀྱང་ར་སྤྲོད་བྱ་ཐུབ་པ་ཞིག་ཡིན། དེ་བས་སྐབས་འཕྲལ་གྱི་རྒྱ་ནག་གི་དམག་ཤུགས་དང། དཔལ་འབྱོར་ལ་ཇི་ལྟར་ཞི་བའི་འཐབ་རྩོད་བྱ་རྒྱུ་ནི། མགོ་ནག་བོད་མི་ཡོངས་ཀྱི་ཕྲག་ཏུ་བབས་པའི་ལས་འགན་གལ་ཆེན་པོ་ཞིག་རེད་བསམ་བཞིན་འདུག་པས། འདིར་ས་བཅད་མ་སྟོངས་ཙམ་གྱིས་བདག་གིས་གྲོས་འགོ་འདི་འདོན་པར་བྱའོ། །ཐོག་མར་བོད་ནང་གི་བོད་པ་རྣམས་ཀྱིས་ཇི་ལྟར་ཞི་བའི་ངོ་རྒོལ་བྱ་དགོས།
    ༼༡༽ བོད་ཀྱི་རི་ལུང་ནགས་གསུམ་དང། ཆུ་ཆེན། གཞུང་ལམ་ཆེན་པོ་དག་ཏུ། བོད་རང་བཙན་དང། བོད་མིའི་དངོས་ཡོད་གནས་ཚུལ་མཚོན་པའི་སྦྱར་བྱང་དང། ཡི་གེའི་གང་བར་བྱེད་དགོས། སྤྱིར་བཏང་བོད་ཀྱི་ས་རྒྱ་ཆེ་ཞིང་མི་གྲངས་ཉུང་བ། གྲོང་དང་གྲོང་ཁྱེར་ཁག་ན་མ་གཏོགས་རྒྱ་མི་དེ་འདྲ་མང་པོ་མེད། དེ་བས་རི་ཆེན་པོ་དང། བྲག་རི། གཞུང་ལམ་དང། ལྕགས་ལམ་ཐོག་ནས་མཐོང་བ་དག་གི་སྟེང་དུ། བོད་རྒྱ་ཡིག་རིགས་གཉིས་ཀྱིས་བོད་རང་བཙན་ཡིན། རྒྱ་མིས་བོད་མི་ས་ཡ་གཅིག་ཙམ་བསད། དགོན་པ་སྟོང་ཕྲག་དྲུག་ཙམ་བཤིག། བོད་མི་འབུམ་གཉིས་ཙམ་ས་མཐར་སྤྱུགས་ཟེར་པ་སོགས་ཀྱི་སྦྱར་བྱང་དང། ལྷག་པར་ཏུ་སྐབས་དོན་གྱི་གནས་ཚུལ་རྣམས་དོན་བསྡུས་བ། དངོས་དོན་ཡིན་པ་རྣམས་ཚོན་རྩིའི་དེ་མ་ཐག་ཏུ་འབྲད་མི་ཐུབ་པ་དག་གིས་བྲིས་ཚེ། རྒྱ་བོད་ལམ་འགྲོ་བ་མང་པོས་མཐོང་བ་མ་ཟད། ཉེན་ཁའང་ཆུང་བར་མངོན། ཡི་གེ་འབྲི་བའི་ཞི་བའི་ངོ་རྒོལ་བ་ཚོར་ཡི་གེ་བྲིས་བ་ཙམ་གྱིས་ཉེས་བ་ཙམ་ལས་མེད།
    བོད་མི་རྣམས་རི་སྒང་ལ་འགྲོ་སླ་བོ་ཡོད་པར་མ་ཟད། ས་ཆ་ལ་ཆ་རྒྱུས་ཡོད། ལམ་ཤེས་དེ་བས་ཉེན་ཁའང་ཆེན་པོ་མེད། རྒྱ་གཞུང་གི་ལས་བྱེད་པ་ཚོར་རི་ཆེན་པོའི་སྒང་དུ་འགྲོར་མི་འདོད་པ་མ་ཟད། གལ་སྲིད་འགྲོ་བའི་དབང་དུ་བཏང་ཡང་། འགྲོ་བ་བོ་ཚོར་རྒྱབ་ཁབ་ཀྱི་ཕོགས་སྟེར་དགོས་བས་རྒྱ་གཞུང་ལ་དཔལ་འབྱོར་གྱི་གྱོང་གུན་མང་པོ་བཟོ་ཐུབ།
    ༼༢༽བཙན་བྱོལ་དུ་བཞུགས་པ་ཚོས་ཀྱང། གཞུང་ཚབ་ཁང་དང་རྒྱ་མི་ཚོགས་སུ་ངོ་རྒོལ་བྱེད་པ་གཙོ་བཞག་ཐོག ། བོད་ནང་གི་རྒྱ་མིའི་དཔོན་རིགས་དང། ཁྱད་པར་ཏུ་སྤྱི་བདེ་མི་སྣ་དང། ལས་བྱེད་རྣམས་ལ་ཆེད་དུ་བསུན་བཙུར་བཟོ་དགོས། ག་རེ་བྱས་ནས་བཟོ་དགོས་བ་རེད་དམ། བོད་ཁམས་ཡོངས་ཀྱི་རྒྱབ་ཁབ་ཀྱི་ལས་ཁུངས་དང། ཁྱད་པར་ཏུ་སྤྱི་བདེ་མི་སྣ་དང། གསང་བའི་ལས་ཁུངས་སོགས་ཀྱི་ཁ་པར་གྱི་ཨང་གྲངས་དང། ཐ་ན་ལས་བྱེད་པ་སྒེར་གྱི་ཁ་པར་དང། ཁོ་ཚོའི་ཁྱིམ་མི་རྣམས་ཀྱི་ཁ་པར་དང། གཞན་གྱི་བརྒྱུད་ལམ་ཡོངས་རྫོགས་བཀོལ་ཏེ། ཉིན་མཚན་མེད་པར་ཁོ་ཚོ་ལ་ཁ་པར་བཏང་བ་དང། བོད་ཀྱི་གནད་དོན་བརྒྱུད་བསྒྲགས་བྱ་དགོས། འདི་ནི་དཀའ་བ་ཞིག་རྩ་བ་ཉིད་ནས་མ་རེད། དཔེར་ན། ཁམས་རྟའུ་དང།
    མདོ་སྨད་རྔ་རྫོང་སོགས་ཀྱི་ལས་ཁུངས་དག་གི་དྲ་གནས་སོགས་ལ་བལྟས་ཚེ། ལས་ཁུངས་ཀྱི་ཁ་པར་བཀོལ་འདུག་པ་མ་ཟད། ང་ཚོ་ཐབས་ཤེས་བརྒྱུད་ནས་ཀྱང་ལག་ཏུ་རག་གི་རེད། དེ་བས་ལས་ཁུངས་དང། ལས་བྱེད་པ་རྣམས་ཀྱི་ཁ་པར་སོགས་ང་ཚོའི་ལག་ཏུ་རག་པར་བྱས་ནས། ཁོ་ཚོ་ལ་ཁ་པར་སོགས་བཏང་ཏེ། བོད་དོན་ཁྱབ་བསྒྲགས་བྱ་རྒྱུ་ནི། ཉེན་ཁ་ཆུང་ཞིང། ཚང་མས་བྱ་ནུས་བ། ལྷག་པར་ཏུ་བོད་ནང་གི་བོད་མི་ཚོ་ལ་སེམས་གསོ་ལྟ་བུ་དང། རྒྱ་མི་ཚོ་ལ་ང་ཚོས་དོ་སྣང་བྱ་བཞིན་ཡོད་ཅེས།
    ངོ་རྒོལ་གྱི་ལག་ཆ་གལ་ཆེ་བ་ཞིག་རེད་བསམ་ཀིན་འདུག། དཔོན་པོ་གཅིག་དང་ཡང་ན་གཉིས་ཙམ་ལ་བཏང་ནས་འགྲིག་གིན་མ་རེད། མ་མཐའ་ཡང་རྫོང་གཅིག་གི་རྒྱ་མི་ལས་བྱེད་པ་བརྒྱ་དང་ཉིས་བརྒྱ་ཙམ་ལ་གཏོང་དགོས་བ་རེད། བོད་ཀྱི་གཞོན་ནུ་ཚོགས་པ་དང།
    ཡང་ན་སློབ་ཕྲུག་ཚོགས་པ་ལྟ་བུ་ཞིག་གིས་ད་ནས་བཟུང། བོད་ནང་གི་སྲིད་གཞུང་དང། རྒྱ་རིགས་དཔོན་རིགས་དང། ཐ་ན་ལས་བྱེད་པ་དཀྱུས་མ་དག་གི་སྤྱི་སྒེར་གཉིས་ཀྱི་ཁ་པར་ཨང་གྲངས་སོགས། བརྡ་སྤྲོད་ཀྱི་ཐབས་ལམ་སོགས་བསྡུ་རུག་བྱ་དགོས་བ་མ་ཟད།
    ཕྱོགས་གཅིག་སུ་བསྡུས་ཏེ། སྐབས་འཕྲལ་གྱི་ངོ་རྒོལ་སོགས་བྱེད་དུས། མི་མང་ལ་བཀྲམས་ཏེ། ཁ་པར་སོགས་གཏོང་ཐུབ་པ་བྱེད་དགོས། དཔེར་ན། ཁ་སང་དེ་རིང་ལ་ང་ཚོ་ལ་རྔ་བ་དང། དཀར་མཛེས་སོགས་ཀྱི་རྒྱ་མིའི་དཔོན་རིགས་དང། སྲིད་གཞུང། ལས་བྱེད་པ་དཀྱུས་མ་སོགས་ཀྱི་ཁ་པར་ཨང་གྲངས་སྟོང་ཕྲག་ཁ་ཤས་ཡོད་པ་ཡིན་ན། ང་ཚོས་རྒྱ་མི་སྟོང་ཕྲག་ཁ་ཤས་ལ་ཐད་ཀར་ཁ་པར་བཏང་ཡོད་པ་མ་ཟད། སྲིད་གཞུང་གི་ཁ་པར་ཨང་གྲངས་ཐམས་ཅད་བརྗེ་དགོས་བ་ཆགས་བསྡད་ཡོད་པ་རེད། ང་ཚོ་བཙན་བྱོལ་ནང་དང། ཁྱད་པར་ནུབ་ཕྱོགས་སུ་སྡོད་མཁན་དག་གིས་ཤེས་བ་བཞིན། ཁ་པར་གཏོང་བ་ལས་སླ་ཞིང། རིན་གོང་ཆུང་བ་མ་ཟད། ཐབས་ཤེས་འདྲ་མིན་སྣ་ཚོགས་བཏང་ནས། ཁ་པར་གཏོང་ཆོག་ཡོད་པ་མ་ཟད། ཁྲིམས་འགལ་སོགས་ཅི་ཡང་མིན།

  27. བརྙན་པར་འདིའི་རྒྱུད་ནས་ང་ཚོས་གོ་བ་ཞིག་ལོན་དགོས་པ་གང་རེད་ཟེར་ན་རྩམ་བཟན་གྱི་བོད་མི་ཆོལ་གསུམ་གྱི་བོད་པ་ཚོ ལག་ན་སྨྱུག་ཐོག་པ་ཚོས་རང་གཞུང་ལ་བརྐྱོན་བརྗོད་དང་རང་ཉི་ལ་དམའ་འབེབས་མི་བྱེད་པར་སྨྱུག་ཁ་དགྲ་བོ་དགྱ་དམར་འདྲེ་གཞུང་འདིའི་ཕྱོགས་སུ་སྐོར་ནས་འཚང་འདྲུ་དང་དམའ་འབེབས་གནང་དགོས
    ལག་ན་མཚོན་ཐོག་པའི་ཕོ་གསར་ཚོ་རང་རིགས་དགྲ་རུ་མི་འཛིན་པར་དུས་ནམ་ཡང་བརྗེད་དུ་མེད་པའི་དགྲ་བོ་དགྱ་དམར་གཞུང་གི་སྙིང་རྩ་གཅོད་རོག་གནང་།
    ང་ཚོ་ལ་འདི་ལྟར་བརྙས་བཅོས་ཚད་མེད་པའི་བྱ་སྤྱོད་འདི་མཐོང་ན་ང་ཚོས་སླར་ཡང་ཨམ་ཚིག་བསྡམ་དེ་མི་རིགས་ཀྱི་ལས་དོན་ལ་སེམས་ཤུགས་བསྐྱེད་དགོས་པ་རེད འདི་ལྟར་བྱེད་ཚུལ་འདིས་ང་ཚོ་ཆོལ་གསུམ་བོད་མི་སྙིང་ལ་བཅོས་མེད་ཀྱི་ནད་རོ་བསླང་བ་རེད སྤུན་ཟླ་ཚོ་བསམ་བློ་ཕྱོགས་གང་དུ་བསྐོར་གྱང་སྙིལ་ལ་ན་ཚ་སླེབས་འདུག བཅོས་ཐབས་ཤིག་ཡོད་པ་ནི་འདྲེ་གཞུང་འདི་མི་སྣ་གཙོ་གྲས་འགའ་ཤས་ཀྱི་སྙིང་ཁྲག་དྲོན་མོ་ཡིན་པ་འདྲ

  28. གོང་དུ་དྲ་གྲོགས་བོད་དོན་འཐབ་རྩོད་པ་ཞེས་པས་བསམ་གཞིགས་ནན་པོས་ཅུང་གོ་རྒྱུ་ཡོད་པ་ཞིག་བྲིས་འདུག་པས་རྒྱབ་སྐྱོར་དང་ཡི་རངས་ཞུ།

  29. རྒྱ་དམར་གུང་ཁྲན་གྱིས་གཡོ་ཇུས་ངན་པས་བོད་མི་ཞིག་ལ་མནར་སྤྱོད་གཏོང་སྐབས། མདུན་དུ་བོད་མི་ལས་བྱེད་པ་རྣམས་བསྐོ་བ་ནི་ངོ་ཚ་མེད་པའི་གུང་ཁྲན་གཞུང་གིས་བོད་མི་ནང་ཁུལ་འཁྲུག་རྐྱེན་སློང་གཞི་གཙོ་བོ་ཞིག་ཏུ་ང་ཚོས་ངོས་འཛིན་བྱ་དགོས། དེས་ན་གུང་ཁྲན་གཞུང་གི་བསམ་འདུན་ལམ་དུ་མི་འགྲོ་བའི་ཆེད། ཆོལ་གསུམ་ཆིག་བསྒྲིར་ངང་རྒྱ་དམར་གུང་ཁྲན་གཞུང་ལ་དངོས་ཤུགས་རྒྱུད་གསུམ་ནས་འཐབ་འཛིངས་བྱ་དགོས་པ་ལས། ཆོས་བྱེད་དགེ་འདུན་སྡེ་དང་ཁྱིམ་པའི་བར་དཀྲུག་པ་དང་གཅིག གཞུང་མང་བར་དཀྲུག་པ་དང་གཉིས། ལྷག་པར་དུ་༧གོང་ས་སྐྱབས་མགོན་ཆེན་པོ་མཆོག་དང་ཁོང་གིས་གདུལ་བྱ་གངས་ཅན་པ་རྣམས་ཀྱི་བར་འཁྲུག་གཞི་བཟོ་མཁན་རྣམས་ནི་གུང་ཁྲན་གཞུང་གིས་དངོས་སུ་བསྐོས་ཇུས་བྱས་པ་མིན་ཡང་། དོན་དུ་རྒྱ་དམར་གཞུང་གི་ལས་དོན་སྒྲུབ་མཁན་ཞིག་ཏུ་ཚང་མས་ཤེས་རྟོགས་ཐུབ་པ་དགོས་རྒྱུ་ནི། བོད་རིགས་་་ལ་ཞེན་ཅན་ཚང་མའི་ཕྲག་སྟེང་དུ་འཁྱེར་དགོས་པའི་གལ་གནད་ཆེ་བའི་ལས་འགན་གཙོ་བོ་ཞིག་ཏུ་མཐོང་ངོ། བསམ་དཀར་གྱིས་བྲིས་པས་དགེ་བས་༧གོང་ས་མཆོག་སྐུ་ཚེ་ཡུན་རིང་བརྟན་པའི་རྒྱུར་གྱུར་ཅིག། །།

  30. ང་གནས་ཚུལ་འདི་ལྟ་བུ་ཞིག་ཐོང་དུས་སེམས་ལ་སྙིང་ཀློང་ཁོང་འཁྲོའི་བཅས་ལང་ཡོངས་ཀྱི་ཡོད་རེད།་འོན་ང་ཚོ་མི་རིགས་དང་རིགས་གཞུང་ལ་ཞེན་ཁོག་ཡོད་ན་མི་རིགས་འཕེལ་རྒྱས་བཏང་ཐབས་དང་མི་རིགས་ནང་ཁུང་ལ་མཐུན་འབྲེལ་ཡོངས་པ་ནི་ཤིན་ཏུ་ཡང་འགལ་ཆེན་པོ་རེད།་ཁ་ནས་བཤད་པ་ལྟར་ལག་གང་ལ་གང་ཐུབ་བྱེད་དགོས་ནི་ཤིན་ཏུ་གནད་གག་ཆེན་པོ་རེད།
    ང་ཚོ་ཚང་མ་མི་རིགས་གཅིག་གི་མི་རྒྱུད་ཆོས་ལུགས་གཅིག་གི་རྗེས་འཇུག་བླ་མ་གཅིག་གི་ཞལ་སློབ་རེད།བོ་རྒྱལ་ལོ་བོ་རྒྱལ་ལོ་བོ་རྒྱལ་ལོ་བོ་རྒྱལ་ལོ་བོ་རྒྱལ་ལོ་བོ་རྒྱལ་ལོ་བོ་རྒྱལ་ལོ་བོ་རྒྱལ་ལོ་བོ་རྒྱལ་ལོ་བོ་རྒྱལ་ལོ་བོ་རྒྱལ་ལོ་བོ་རྒྱལ་ལོ་བོ་རྒྱལ་ལོ་བོ་རྒྱལ་ལོ་བོ་རྒྱལ་ལོ་བོ་རྒྱལ་ལོ་བོ་རྒྱལ་ལོ་བོ་རྒྱལ་ལོ་བོ་རྒྱལ་ལོ་བོ་རྒྱལ་ལོ་བོ་རྒྱལ་ལོ་བོ་རྒྱལ་ལོ་བོ་རྒྱལ་ལོ་བོ་རྒྱལ་ལོ་བོ་རྒྱལ་ལོ་བོ་རྒྱལ་ལོ་

  31. གྲོགས་པོ་ཚོ། ཁྱེད་ཚོའི་མིག་ཞར་ནས་བློ་གྱོང་བ་མིན་ན་བརྙན་ཕབ་འདིའི་དམིགས་ཡུལ་དང་།ཕན་ནུས་སོགས་ལ་བསམ་བློ་ཡག་པོ་ཞིག་གཏོང་རོགས། ཁྲིམས་ཡོད་སའི་ས་ཆ་ནས་ཁྲིམས་ལུགས་ལག་ལྟར་བྱེད་པ་ལ་ཡ་མཚར་རྒྱུ་ཅི་ཡོད། དེའི་རྒྱལ་སྤྱི་གསར་ལམ་འདི་ལྟ་བུ་ཞིག་བཀྲམ་ཚེ་བོད་མི་རིགས་ས་བྱི་ལོ་ནས་ད་བར་དུ་མྱངས་བའི་སྡུག་གྱོང་ཚང་མ་ས་སྦས་རྡོ་སྦས་བྱས་སོང་བ་མིན་ནམ།
    འཇབ་རྒོད་དང་ཅ་དངོས་སྔོག་གཤེར་ཟེར་བའི་ཁ་བྱང་ཞིག་ཡང་དེ་སྔོན་བཏགས་འདུག་ལ། མི་རིགས་ཀྱི་ཉེས་ཅན་ཚོ་དངོས་ནས་བསམ་བློ་མེད་པའི་དཔྱད་བརྗོད་པ་དག་རེད།

  32. དགོན་པ་ཉུང་ཤས་ཤིག་དང་གྲྭ་ཁྲིབ་ཁ་ཤས་ཞིག་གིས་བྱ་སྤྱོད་ལ་བསྟེན་ནས་ནང་པའི་ཆོས་སྡེ་སྤྱི་དང་ལྷག་པར་དུ་བོད་པའི་དགོན་པ་ཡོངས་ལ་མཚན་སྨད་བྱུང་དང་འབྱུང་བཞིན་པ་འདི་ནི་བློ་ཕམ་འབྱུང་གནས་ཞིག་ལུས་ཡིན་་ ཀ་ལུ་ཟེར་བའི་མི་ངན་འདིའི་རང་དགོན་གྲྭ་ཁྲིབ་ཁ་ཤས་ཞིག་གིས་བྱ་སྤྱོད་དེ་དག་བོད་དགོན་ཡོང་ལ་བསྐལ་ན་ག་ནས་འགྲིག་དེ་ལས་ཁོ་རང་ལ་གྲྭ་ངན་སུས་ས་ཆ་གང་དུ་བརྩན་གཡེབ་བྱས་པ་གསལ་བཤད་ཞིག་བྱས་ན་མི་འགྲིག་གམ་་་

  33. འཇིག་རྟེན་འདི་ན་དྲག་པོའི་སྟོབས་དང་ཤུགས་ཡོད་པ་རྒྱ་ནག་ལྟ་བུས་གང་དྲན་ཅི་ལས་ཡིན་པས། འདི་ཚོས་བྱེད་ཐུབ་ན་འཛམ་གླིང་འདི་མནར་མནར་བཟོ་ཐུབ་ན་བཟོ་དགོས་བསམ་ཡོད་པ་འདྲ། ད་ཅི་དྲག

  34. དྲ་གྲོགས་ཚོ། ཡིད་སྐྱོ་བ་ཞིག་ལ་འདི་གྲོང་གསེབ་གཅིག་གི་གནས་ཚུལ་རེད། འདི་ལྟར་བོད་ས་མང་བོ་ཞིག་ལ་ཇི་མ་ཇི་བཞོན་བྱུང་ཡོད་ཀྱང་། ཐ་ན་བདེན་དཔང་གིས་པར་ཞིག་ཀྱང་རྙེད་སོན་བྱུང་ཐུབ་མེད། མཐར་ཞུ་རྒྱུ་ཞིག་ལ་འདི་མཁོ་སྤོད་བྱེད་མཁན་ལ་སྙིང་ཐག་པ་ནས་བཀའ་དྲིན་ཆེ།

  37. འདི་གསར་ལམ་ཁག་མང་བོར་ལྟོན་ཐབས་དང་སྐད་རིགས་སྣ་ཚོགས་སུ་བསྒྱུར་དགོས། འདི་ཕར་ཆེར་མཁོ་སྤྲོད་བྱེད་མཁན་གྱི་དམུགས་ཡུལ་ཡིན་རྒྱུ་རེད་བསམ།

  38. གྲོགས་པོ་ཚོས་དགོངས་ཚུལ་གསུངས་པར་ཐུགས་རྗེ་ཆེ། བོད་མིའི་སྒྲིག་འཛུགས་ལ་དཔང་རྟགས་ཚད་ལྡན་འདི་འདྲ་བ་ལག་ཏུ་སོན་ཡང་། རྒྱལ་སྤྱིར་ཁྱབ་བསྒྲགས་བྱེད་མ་ཐུབ་པ་ཧ་ཅང་བློ་ཕམ་ཡོད།
    ང་ཚོས་བརྙན་པར་འདི་ལས་མཐོང་བ་ནི། བོད་མི་རྣམས་འཛིན་བཟུང་བྱེད་པའི་སྣང་ཚུལ་རེད། འཛིན་བཟུང་སྐབས་གདུག་རྩུབ་ཆེན་པོ་འདུག་ཀྱང་། ཁོང་ཚོ་བཙོན་ཁང་ནང་དཀའ་སྡུག་གང་འདྲ་མྱོང་རྒྱུ་ཡིན་ནམ། ད་ལྟ་ཁོང་ཚོ་གསོན་པོར་གནས་ཡོད་དམ། ཁོང་ཚོའི་སྐུ་པར་དང་མཚན། ལོ་བཅས་གསལ་པོར་ཡོད་པ་དེའི་ཐོག་ང་ཚོས་ཁོང་ཚོའི་ཆེད་ལས་ཀ་ཞིག་བྱེད་ཐབས་མི་འདུག་གམ།
    ལོ་རབས་བརྒྱད་བཅུ་པའི་སྐབས་ནང་དུ་༸པཎ་ཆེན་རིན་པོ་ཆེ་བཞུགས་ཡོད་པ་དང་། ཕྱི་ནས་༸གོང་ས་མཆོག་དང་རྒྱལ་སྤྱིའི་ཤུགས་རྐྱེན་བཅས་ལས། ཆབ་སྲིད་བཙོན་པ་དངོས་སུ་སྲོག་ཐོག་བཏང་བ་བྱུང་མེད།
    ལོ་རབས་དགུ་བཅུ་པ་ནས་རྒྱ་ནག་དཔལ་འབྱོར་ཡར་རྒྱས་འགྲོ་བ་དང་དུས་མཚུངས་ཧམ་ཤེད་ཀྱང་ཆེར་མངོན་ཏེ། སྤྱི་ལོ་ ༢༠༠༣ ལོར་བོད་ཀྱི་དཔའ་བོ་ལི་ཐང་བ་བློ་བཟང་དོན་གྲུབ་སྲོག་ཐོག་བཏང་བ་དང་། སྤྱི་ལོ་ ༢༠༠༨ ཀྱི་ཞི་རྒོལ་ནང་ཞུགས་པའི་ལྷ་སའི་ཉེ་འགྲམ་སྟག་རྩེའི་ཕོ་གསར་གཉིས་སྲོག་ཐོག་དངོས་སུ་བཏང་ཡོད། གཞན་ཡུལ་ནས་ང་ཚོས་ཁ་གདངས་ཤིང་། སྐབས་འགར་ཨམ་གཙིགས་ཐམ་ཐམ་ལས་གཞན་བྱེད་ཐབས་ག་རེ་ཡོད་དམ། སྤྱི་ལོ་ ༢༠༠༨ ལོར་༸གོང་ས་མཆོག་གིས་དཀྱེལ་ཆེའི་དགོངས་བཞེད་ཀྱིས་རྒྱ་ནག་ཏུ་ཨོ་ལིམ་པིག་ཚུགས་རྒྱུར་ངོ་རྒོལ་བྱེད་རྒྱུ་མེད་པའི་ལམ་སྟོན་དང་། སླེབས་རྒྱུ་མེད་པའི་བོད་བར་གོམ་བགྲོད་འགྲོ་རྒྱུ་མེད་པའི་ལམ་སྟོན་དངོས་བརྒྱུད་གཉིས་ཀ་ནས་གནང་སོང་ཡང་། བློ་ཕམ་པ་ཞིག་ལ། མི་མང་གི་ངར་ཤུགས་བེད་སྤྱོད་གཏོང་རྒྱུར་མཁས་པའི་ཚོགས་པ་རྣམས་ཀྱིས་འགག་ལ་ཐུག་ན། ༸གོང་ས་མཆོག་གི་བཀའ་སློབ་རྗེན་པ་དང་དགོངས་གཞི་རྗེན་པ་རྡོག་རོལ་བཏང་སོང་། དེའི་འབྲས་བུར་དེ་ནས་བཟུང་གཞི་རྒྱ་ཆེ་བའི་རྒྱ་ནག་མི་མང་བོད་མིའི་མགོ་བོར་བཀབ་བཞིན་པ། དེ་སེལ་ཐབས་ཆེད། སྤྱི་སྒེར་སུ་ཐད་ནས་ཐབས་ཤེས་མེད་པར་གནས་སྐབས། ཡང་བསྐྱར་༸གོང་ས་མཆོག་གིས་རྒྱ་བོད་གཞི་མཐུན་ཚོགས་པ་གསར་འཛུགས་དགོས་པའི་སློབ་སྟོན་དང་བོད་རྒྱའི་གཞི་རིམ་མི་མང་གི་འབྲེལ་བ་འཛུགས་དགོས་པའི་ལམ་སྟོན་གནང་བ་རེད།

Leave a Reply

Your email address will not be published. Required fields are marked *