གཞུང་པ་ཚེ་དབང་བསོད་ནམས།
ང་ཚོ་མི་གི་ནམ་ཡང་ཚོད་དཔག་མི་ཐུབ་པ་ནི་འབྱུང་བའི་གནོད་འཚེ། ས་ཡོམ་གྱི་གནོད་འཚེ། རྒྱ་མཚོ་ཡོམ་པའི་གནོད་འཚེ། རླུང་ཁ་ཤོར་བའི་གནོད་འཚེ་སོགས་ཡིན་པ་ནས་ཉེ་ལམ་བོད་གཞིས་རྩེ་རྫོང་ཁོངས་སྟོད་དིང་རི་ཁུལ་གྱི་ཡུལ་གྲོང་མང་པོར་ས་ཡོམ་ཤུགས་ཚད་ ༧ ་༡ རྒྱབ་ནས་མི་དང་སྒོ་ཕྱུགས་སེམས་ཅན་གྱིས་ཚེ་སྲོག་ཤོར་བ་དང་། རྒྱུ་དངོས་སྡོད་ཁང་དང་བཅས་པ་ས་འོག་ཏུ་ཤོར་བའི་གནས་ཚུལ་ཐབས་སྡུག་བྱུང་སྐབས་གཞིས་བཞུགས་རང་རིགས་བོད་མི་མདོ་དབུས་ཁམས་གསུམ་ནས་རོགས་སྐྱོར་དང་གདུང་སེམས་མཉམ་བསྐྱེད་མི་རྒྱུ་གཉིས་ཀྱིས་རོགས་པ་དུས་ཐོག་གིས་ཆར་པ་དང་། ནད་ཐོག་ལ་སྨན་ལྟར་ཚང་ཁ་ཤིག་ཤིག་གིས་ས་ཡོམ་གྱི་གནོད་འཚེ་ཕོག་སའི་ས་གནས་ཁག་ལ་རོགས་ཕན་གནང་བཞིན་པ་ངོ་དེབ་དང་དྲ་ལམ་ཁག་ནས་མཐོང་སྐབས་སེམས་གཏིང་ནས་ཁྱེད་རྣམ་པའི་ལྷག་བསམ་དང་། སྙིང་སྟོབས་། ཆོད་སེམས་དང་། འགན་འཁུར། ལར་ཞེན་སོགས་ལ་རྗེས་སུ་ཡིད་རངས་དང་བསྔགས་བརྗོད་གྲངས་མེད་ཞུ་བ་དང་ཆབས་གཅིག་བྱེས་ཀྱི་གདན་ས་ཆོས་སྡེ་ཆེན་པོ་བཀྲ་ཤིས་ལྷུན་པོའི་ཆོས་སྒར་དུ་བོད་མིའི་བླ་ན་མེད་པའི་དབུ་ཁྲིད་༧སྤྱི་ནོར་༧ གོང་ས་༧ སྐྱབས་མགོན་ཆེན་པོ་མཆོག་དབུ་བཞུགས་ཐོག་བསྔོ་བ་སྨོན་ལམ་གསུང་སྒྲུབ་དང་། བོད་ཀྱི་ཆོས་བརྒྱུད་ཁག་གི་བླ་ཆེན་རྣམ་པ་དང་རིས་མེད་ཆོས་སྒར་དགོན་སྡེ་ཁག་དང་། དབུས་བོད་མིའི་སྒྲིག་འཛུགས་དང་། བཙན་བྱོལ་བོད་མི་འདུས་སྡོད་གཞིས་ཆགས་ཁག་དང་། ཚོགས་སྡེ་ཁག མི་སྒེར་སོགས་ཚང་མས་གདུང་སེམས་མཉམ་བསྐྱེད་ཀྱི་བསྔོ་སྨོན་མུ་མཐུད་ནས་ཚོགས་བཞིན་པ་ནི་བོད་མི་རིགས་ཀྱི་ལར་རྒྱ་དང་།
ལྷག་བསམ།
འགན་འཁུར་ལ་རྗེས་སུ་ཡིད་རངས་ཞུ་གི་ཡོད་ལ་ས་ཡོམ་གྱིས་གནོད་འཚེ་ཕོག་པའི་ཚེ་འདས་ཚོར་རང་ནུས་ཀྱིས་བསྔོ་སྨོན་དང་མ་ཎི་གྲངས་བསོག་ཞུ་བཞིན་པ་དང་། གསོན་པོར་འཚོ་བཞུགས་པ་ཚོར་གདུང་སེམས་མཉམ་བསྐྱེད་དང་མ་འོངས་མི་ཚེ་གསར་པའི་ཁ་ཕྱོགས་དེ་བདེ་སྐྱིད་ཀྱིས་འཚོ་བར་ལོངས་སུ་སྤྱོད་ཐུབ་པའི་སླུ་མེད་མཆོག་གསུམ་རྒྱལ་བ་རྒྱ་ཚོར་གདུང་ཤུགས་དྲག་པོས་གསོོལ་འདེབས་ཞུ་གི་ཡོད་ལ་ང་ཚོ་བོད་མི་རིགས་ལ་གོད་ཆགས་མང་པོ་བྱུང་བ་གཅིག་ནི་ང་ཚོ་མི་གི་ནུས་པའི་རྒྱ་ལས་འགལ་བ་ནས་བྱེད་ཐབས་གང་ཡང་མེད་པ་སྔོན་བསགས་ལས་ཀྱིས་འབྲས་བུར་ངོས་འཛིན་དགོས་པ་དང་། ཁག་གཅིག་མི་གིས་བྱེད་ལས་འོག་ནས་ང་ཚོར་ཆེད་དུ་དཀའ་ངལ་བཟོ་བཞིན་པ་འདི་དག་ནི་སྙིང་རྗེ་སྐྱེ་ཡུལ་ཙམ་ལས་མ་འདས་སྟབས་བྱ་ཐབས་གང་ཡང་མེད་པ་བཅས་གང་ལྟར་བོད་མི་རིགས་ལ་དཀའ་ངལ་འཕྲད་སྐབས་བོད་མི་ཚང་མ་རྡོག་རྩ་གཅིག་ཏུ་སྒྲིལ་ནས་མདུན་སྐྱོད་བྱེད་བཞིན་པ་འདི་བོད་ཀྱིས་མེས་སྤོ་དམ་པ་ཆོས་རྒྱལ་གོང་མ་ཚོའི་མཛད་རྗེས་སུ་ང་ཚོ་བོད་མི་རིགས་འདི་མདུན་སྐྱོད་བྱེད་བཞིན་པ་འདིའི་བོད་མི་རིགས་ཀྱིས་ཆོད་སེམས་དང་། འགན་འཁུར། སྙིང་སྟོབས། ལྷག་བསམ། རྒྱལ་ཞེན་སོགས་འཛམ་གླིང་མི་མང་གི་མདུན་དུ་ད་ལམ་ང་ཚོའི་གསལ་སྟོན་གནང་བ་ནི་བོད་ཀྱི་ལོ་རྒྱུས་ནང་སུབ་ནས་ཟུབ་རྒྱུ་མེད་པའི་རླབས་ཆེན་གྱིས་ལོ་རྒྱུས་ཞིག་ལ་ངོས་འཛིན་བྱེད་ཆོག་པ་བཅས་ས་ཡོམ་གྱིས་གནོད་འཚེའི་འོག་ཏུ་ཚུད་པའི་སྐྱེ་འགྲོ་སྲོག་ཆགས་ཀུན་བདེ་བ་ཅན་གྱིས་ཞིང་དུ་སྐྱེ་བའི་སྨོན་ལམ་དང་བཅས།