ཨ་རིག་དགེ་མཐོང་།
ངྷ་སའི་རི་གྲོང་གི་ཆགས་དབྱིབས་ནི་ཕྱི་སྡོད་བོད་རིགས་ཕལ་ཆེ་བའི་སེམས་སུ་གསལ་ལྷང་ངེར་ཡོད་པས་བརྗོད་མི་དགོས་པ་ཞིག་དང་། དེ་ནས་མར་ཀྱོག་ཀྱོག་གི་ལམ་འཕྲེང་བརྒྱུད་ནས་ཕྱིན་ཚེ་ཡུལ་གྱར་ས་རཱ་མཐོ་སློབ་ནི་ནགས་ཚལ་སྟུག་པོ་ཞིག་གི་དཀྱིལ་ན་སྒྲུབ་པ་ལ་རྩེ་གཅིག་ཏུ་གཞོལ་བའི་ཉམས་ལེན་པ་ཁག་ཅིག་བཞུགས་ལོས་ཡོད་བསམ་ས་ཞིག་ན་ཡོད། ཐོག་མར་མིག་གི་མཐོང་ལམ་དུ་མངོན་པ་ཁང་བརྩིགས་དག་དང་དེ་ནས་ཡར་ནང་དུ་འཛུལ་ན་དགོན་སྡེ་ཞིག་ལ་སླེབས་སོང་སྙམ་པའི་ཚོར་སྣང་སྟེར། དེ་ནི་སློབ་གྲྭའི་དཀྱིལ་གྱི་ཚོགས་ཁང་ངམ་ཞོགས་ཀ་ཞལ་འདོན་གསུངས་སའི་ཁང་བ་དང་སྒོ་འགྲམ་གཡས་གཡོན་ན་གཟན་ཤམ་ར་མ་ལུག་གྱོན་མཁན་གྱི་གྲྭ་བཙུན་ཚོ་མཐོང་བས་ཡིན་པ་འདྲ། དེ་གའི་དགེ་རྒན་ཞིག་ནི་ཕྲན་གྱི་གྲོགས་པོ་དང་གཞན་ཡུལ་ཕྱོགས་གཅིག་པ་དང་ངོ་ཤེས་ཁག་ཅིག་ཡོད་པས་ཆེད་དུ་བཅར་བ་ཡིན་ལ། ཞོར་ནས་བོད་ཀྱི་མཐོ་སློབ་ཀྱི་མིང་དུ་གྲགས་པའི་ས་རྭའི་ཁོར་ཡུག་དང་སློབ་མའི་གནས་སྟངས་བཅས་ལ་རྒྱུས་ལོན་ཙམ་གྱི་སླད་དུ་ཡིན། སྔོན་རྒན་ཆབ་བྲག་ལྷ་མོ་སྐྱབས་བཞུགས་སྐབས་ཐེངས་ཤིག་ཕྱིན་པ་ཡིན་མོད། དེ་དུས་ཀྱི་ཚོར་སྣང་དག་ནི་ད་ལྟ་དྲན་པའི་ཡིད་དུ་རབ་རིབ་ཏུ་གྱུར།
དེའི་ཕྱིར་ད་ཐེངས་དེར་ཕྱིན་པ་དང་ཐོག་མར་སྦྲེལ་ནག་པས་མཐོ་སློབ་དེར་འཆད་འཁྲིད་ཅིག་འཚོགས་པ་གྲོལ་བའི་གནས་སྐབས་སུ་ཐོན། འཆད་འཁྲིད་ལ་ངྷ་སའི་མྱི་རྐྱང་དང་དེ་གའི་མཐོ་སློབ། ནོར་གླིང་གི་ཞིབ་འཇུག་པ་སོགས་འདུག་ལ། ཕལ་ཆེ་བ་ཕྲན་གྱིས་ངོ་ཤེས་ཤིང་འགྲོགས་འདྲིས་དང་རྒྱུས་ཡོད་རྐྱང་རྐྱང་རེད། ཁོ་ཚོ་ཕལ་ཆེ་བ་སྦྲེལ་ནག་པ་བློ་གྲོས་དཔལ་བཟང་གིས་འཆད་འཁྲིད་ལ་ཧ་ལས་ཤིང་ཧང་སང་འདུག་ལ། སྦྲེལ་ནག་པ་ནི་སུམ་རྟགས་རིག་གནས་ཤེས་པ་ཙམ་མིན་པར་ནང་བསྟན་གཞུང་ལུགས་ཀྱི་དབུ་ཕར་ལ་རྒྱུས་མངའ་ཅན་ཞིག་དང་ལྷག་པར་ནུབ་ཕྱོགས་ཀྱི་རྩོམ་རིག་ལ་སྦྱང་བརྩོན་གནང་བའི་གང་ཟག་ཤེས་ལྡན་པ་ཞིག་ཡིན་པ་ཡོངས་སུ་གྲགས། ཁོ་ལ་གཞན་དང་མི་འདྲ་བའི་ཁྱད་ཆོས་ཤིག་ཡོད་པ་མཁས་བླུན་དང་མཐོ་དམན་སུ་ཞིག་ལ་ཐུག་ན་ཁ་མཚར་དང་ཀུ་རེའི་ཁྲོད་ནས་སྐྱིད་ལ་བསྐུར་བ་དེ་རེད། ད་ཐེངས་ཀྱང་ང་ཚོ་ལྷན་དུ་འཛོམས་ཏེ་ཇ་ཁང་དང་ཟ་ཁང་སོགས་ནས་དགའ་སྤྱོད་ཀྱི་དགོད་སྒྲ་ཐེངས་ཤིག་མིན་པར་སྒྲོག དེ་ནི་ཐོག་མའི་མཐོང་ཐོས་ལས་དོན་ནི་ས་རཱ་མཐོ་སློབ་ཀྱི་གནས་སྟངས་གླེང་འདོད་པའི་གཤམ་ནས་དེའི་སྐོར་ལ་གཟིགས།
ས་རཱ་མཐོ་སློབ་ནི་རང་རེའི་ཕྱི་སྡོད་བོད་ལ་མཚོན་ན་བོད་ཀྱི་སྐད་དང་ཡི་གེའི་ཕྱོགས་ནས་རེ་ལྟོས་བྱེད་སའི་སློབ་གྲྭ་ཞིག་ཆགས་ཡོད་ལ།
ད་ལྟ་བཙན་བྱོལ་གྱི་གཞི་རིམ་དགེ་རྒན་དང་ཞིབ་འཇུག་རྩོམ་པ་པོ་དང་། རྩོམ་སྒྲིག་པ་རྩོམ་པ་པོ་གང་མང་ཞིག་གི་འབྱུང་ཁུངས་ལྟ་བུ་ཡིན་པས་ང་ཚོས་དེའི་སྐོར་ངེས་པར་ཤེས་དགོས་པ་རེད། ཐོག་མའི་སློབ་བུ་དག་གིས་ད་ལྟའི་ཡུལ་གྱར་སྤྱི་ཚོགས་ཁྲོད་ན་གོ་ས་གང་འཚམ་བཟུང་ཡོད་པས་གླེང་དགོས་མེད། བར་དུ་ཡུལ་གྱར་སྤུན་ལྔ་སོགས་ཀྱི་གནས་བབ་ཀྱང་ཧ་ཅང་ལེགས་ཤིང་རྩོམ་རིག་ཕྱོགས་ལ་ལག་རྗེས་མི་དམན་པ་བཞག་ཡོད། ཉེ་རབས་ཀྱི་སློབ་བུ་དག་གི་ཁྲོད་ན་རྟ་ནག་སྐལ་བཟང་ལུང་རིགས་སོགས་རེ་བ་ཅན་ཁག་ཅིག་ཡོད་མོད། ཁ་སང་དེ་རིང་གི་ས་རཱའི་མཐོ་སློབ་ཁྲོད་ཀྱི་བོད་ཀྱི་སྐད་ཡིག་དང་ལྷག་པར་རྩོམ་རིག་ཕྱོགས་ན་རེ་བ་ཅན་ཚོའི་ཤེས་ཡོན་ལ་གཞིག་ན་ཧ་ཅང་ཉམ་རྒུད་སོང་བའི་ཚོར་སྣང་འདུག དེ་གང་ལས་ཤེས་ཞེ་ན། རྩོམ་རིག་འགྲན་བསྡུར་སྐབས་ཀྱི་བྱ་དགའ་ཐོབ་པའི་བརྩམས་ཆོས་དང་། གཞན་ཁ་སང་ཕྲན་དེ་གར་སོང་བའི་སྐབས་སུ་སློབ་མ་ཁག་ཅིག་གི་རྩོམ་ཡིག་སློབ་མའི་རྩོམ་ཡིག་སྦྱར་སའི་ནང་དུ་སྤེལ་འདུག་པ་དང་། ས་རཱ་རང་གིས་ཆེད་གཉེར་༼གངྒཱའི་བཞད་སྒྲ༽ནང་གི་རྩོམ་ཡིག་དང་དེར་བྱ་དགའ་ཐོབ་པའི་རྩོམ་ཡིག བོད་རིགས་མཐོ་རིམ་སློབ་མའི་འགྲན་རྩོམ་ལས་དེ་འདྲའི་ཚོར་སྣང་ཞིག་ཕྲན་ལ་སྐྱེས། དེ་ནི་ངའི་ལྟ་ཚུལ་ལས་མཐའ་གཅིག་ཏུ་བདེན་པའི་ངེས་པ་ནི་གཏན་ནས་མེད། ཡང་སྔོན་མ་སེར་བྱེས་གྲྭ་ཚང་དུ་ཕྲན་དང་འཛིན་གྲྭ་གཅིག་པ་ཞིག་ ད་ལྟ་དེ་གའི་མཐོ་སློབ་ཏུ་བཞུགས་པ་དང་སྙུག་མིང་ངམ་ཡོང་གྲགས་ཀྱི་མིང་ལ་ནགས་ཆུ་བློ་བཟང་བཟོད་པ་ཟེར། ཁོང་ནི་སྔོན་མ་རྩོམ་ཡིག་སོགས་ཅི་ཡང་མི་ཤེས་པའི་མི་དགོད་ཁ་བསླངས་མཁན་དང་རྩེ་མོ་ལ་དགའ་བ་ཞིག་ཡིན་མོད། ད་ལྟ་དེ་གའི་དུས་དེབ་ཀྱི་སྟེང་དུ་རྩོམ་ཡིག་སྤེལ་བ་མ་ཟད་བྱ་དགའ་ཡང་ཐོབ་འདུག་ལ། སྙན་ངག་ཁག་ཅིག་བདེ་མོ་ཞིག་བྲིས་འདུག་སྙམ་པ་བྱུང་། དེ་ལ་བལྟས་ན་སློབ་གྲྭའི་རྩོམ་རིག་ཡར་རྒྱས་དང་གོང་འཕེལ་ཡིན་ས་རེད་བསམ།
ད་དུང་ད་ལོ་མཐར་ཕྱིན་པར་ཉེ་བའི་སློབ་མ་དག་གི་མཐར་ཕྱིན་སྐབས་ཀྱི་དཔྱད་རྩོམ་དག་ལ་མཇལ་རྒྱུའི་གོ་སྐབས་བྱུང་བ་དང་། དེའི་ནང་དུ་ཕྲན་དཔྱད་སྐོར་མང་བ་ནི་ཕྲན་དཔྱད་ཀྱི་སྟོང་བའི་བཙན་བྱོལ་སྤྱི་ཚོགས་ལ་མཚོན་ན་སྟོང་ཆ་ཁ་གསབ་བྱེད་ཀྱི་འདུག་སྙམ་ནས་ཧ་ཅང་དགའ། འོན་ཀྱང་ཞིབ་བཀླགས་རྗེས་ངའི་སེམས་སུ་དྲན་པ་ནི་ཁག་ཅིག་གིས་མིང་ལ་ཕྲན་དཔྱད་བཏགས་པ་ལས་དོན་དུ་ཕྲན་བཤད་དུ་འགྲོ་མིན་ཡང་དོགས་གནས་རེད། སྤྱིར་བཏང་ཕྲན་དཔྱད་ཅེས་པ་གཞན་དང་རང་གི་རྩོམ་ཡིག་གི་སྙིང་བཅུད་སྔོག་འདོན་བྱས་ཏེ་དེའི་ནང་གི་མངར་སྐྱུར་མ་འདྲེས་པར་སྟོན་པ་ཞིག་དགོས། ཕྲན་བཤད་ནི་ཀློག་འགྲེལ་ལྟ་བུ་ཞིག་ལ་གོ་བ་བླངས་ན་འཐུས་མོད། དེ་གའི་ཕྲན་དཔྱད་ཅེས་མིང་གཏགས་པ་ཁག་ཅིག་ལ་ཕྱི་མའི་ཐ་སྙད་ཙམ་འབྱོར་མིན་དཀའ་རྒྱུ་རེད་སྙམ། ཁག་ཅིག་ལེགས་པོ་འཁྱོངས་འདུག་པས་དགའ་སྣང་སྐྱེས་མོད་མི་བུ་རེ་རེ་མིང་བཟུང་དོན་བཟུང་གི་ལས་སུ་མི་འབད།
མཐོ་སློབ་འདིར་མཚོན་ན་རྒྱལ་ཁབ་ཁག་མི་འདྲ་བ་ལྔ་དྲུག་གི་མི་སྣ་ཡོད་པ་དང་། ཧི་མ་ལ་ཡི་རི་རྒྱུད་ཀྱི་བོད་རིགས་ཚོ་ནི་ཡོད་ཡོད་པ་རེད། ཕྱི་རྒྱལ་བ་ཕལ་ཆེ་བས་བོད་སྐད་དང་ནང་དོན་རིག་པ་ལ་སྦྱོང་གི་ཡོད་པ་འདྲ། གང་ལྟར་ཉིན་གུང་ཟ་མ་ཟ་བའི་སྐབས་ཤིག་ལ་ཕྲན་ཆེད་དུ་སློབ་མའི་སྤྱོད་ལམ་དང་སྒྲིག་ཁྲིམས་སོགས་ལ་ལྟ་རུ་ཕྱིན། བཞེས་ལག་སྐབས་སུ་སྐྱ་སེར་གཉིས་ཁ་ཁ་བྱས་ནས་འདུག་དགོས་པ་དང་། གྲྭ་བཙུན་རིགས་ཐོག་ཁང་ནང་དུ་རྐུབ་སྟེགས་དང་མདུན་ཅོག་ཡོད་པས་དེར་ཕེབས་འདུག་ལ་གཞན་རྣམས་གཤམ་གྱི་ཁང་བའི་ནང་དང་ཕྱི་ལོག་ན་རང་མོས་ལྟར་བསྡད་འདུག སྐབས་དེར་ང་ཧང་སང་བ་ནི་མཐོ་སློབ་དེའི་ཕྱེ་ཀ་གྲྭ་བཙུན་རེད་ལབ་ན་རྫུན་དུ་འགྲོ་ངེས་ཀྱང་གྲྭ་བཙུན་གྲང་བདུན་ཅུ་བརྒྱད་ཅུ་ནི་དན་དན་ཡོད་ངེས། ལྷག་པར་གྲྭ་ས་ནས་ནང་ཆོས་ལ་གླགས་མ་ཁེལ་ནས་དེ་གར་ཕེབས་མཁན་མང་ལ་དམིགས་ཡུལ་ངེས་ཅན་ཞིག་གི་སྒོ་ནས་བརྡ་སྤྲོད་རིག་པ་དང་ལོ་རྒྱུས་ལ་ཆེད་སྦྱོང་དུ་ཕེབས་མཁན་ཡོད་པ་འདྲ། དེ་གའི་སློབ་བུ་ཁག་ཅིག་གིས་བཤད་ན་ད་ལོ་མཚམས་སྦྱོར་འཛིན་གྲྭའི་ནང་དུ་གྲྭ་བཙུན་ཧ་ཅང་མང་རབས་ཟེར། གཙོ་བོ་ནང་དོན་རིག་པ་སྦྱོང་མཁན་དང་རྒྱ་ཡིག་སྦྱོང་མཁན་མང་བ་འདྲ་ཟེར། གང་ལྟར་གོང་གསལ་གྱི་རྒྱུ་མཚན་དེ་དག་ལས་ས་རཱ་མཐོ་སློབ་ནི་ཕྱིའི་ཁོར་ཡུག་དང་ནང་གི་སློབ་མའི་ཁ་མདོག་གང་ཐད་ནས་དགོན་སྡེ་ཞིག་རེད་ཅེས་སྨྲ་ནུས་ལ།
ལྷག་པར་རིས་མེད་ཀྱི་དགོན་སྡེ་ཞིག་རེད་ཅེས་ལབ་ན་མིང་དོན་མཚུངས། གདན་ས་གསུམ་གཙོས་དགོན་སྡེ་ཚོ་ནང་གི་དགེ་འདུན་པ་དག་གིས་ནང་ཆོས་མི་ཤེས་ན་ཨུ་ཚུགས་མཐར་སྐྱེལ་མི་གནང་བར་དེ་གའི་མཐོ་སློབ་ཏུ་ཕེབས་ཏེ་རང་མོས་ཀྱིས་རིག་གནས་དང་ལོ་རྒྱུས། ད་དུང་གྲྭ་སའི་འགྲོ་ལུགས་ལྟར་གྱི་ནང་དོན་རིག་པ་ལ་ཞིབ་ཚེགས་ཤིག་སྦྱོང་བརྩོན་མི་དགོས་པར་གོ་དོན་རགས་རིམ་ཞིག་ཀྱང་དེ་ནས་རྙེད་ངེས་པས། དོན་མེད་ངང་གྲྭ་ས་ནས་ཟ་འཐུང་དང་ཚོགས་ཆོས་གྲྭ་འགྲོ་ཐུབ་འདུག་ཐུབ་བྱེད་པ་ལས་འདིར་ཡོང་ན་རང་དབང་ཏོག་ཙམ་ཡོད་པ་དང་། རང་ལ་ལོ་གསུམ་གྱི་ནང་དུ་རིག་གནས་ཀྱི་གོ་རྟོགས་ཅུང་ཙམ་འབྱོར་བར་གདོན་མི་ཟའོ།། གང་ལྟར་གྲྭ་སའི་གྲྭ་བ་རེ་མ་ཡོང་ན་ག་ལེར་བོད་ཀྱི་མཐོ་སློབ་འདི་ཡང་མིང་དོན་མི་མཚུངས་ཤིང་དམིགས་ཡུལ་མ་འགྲུབ་པར་བོད་ཀྱི་སྐད་ཡིག་གཏོར་བཤིག་གི་ཚོགས་སྡེ་ཞིག་ཏུ་མི་འགྱུར་བའི་ངེས་པ་མེད་དེ་སློབ་མའི་ཐོན་ཁུངས་ལ་གཞིག་ན་ཧ་གོ་ནུས་པས་སོ། །
ས་རཱའི་ཁོར་ཡུག་ནི་ཧ་ཅང་ཁུ་སིམ་ཞིང་ལྷག་པར་གཡས་གཡོན་གྱི་ཤིང་ནགས་གསེབ་སོང་ན་བསིལ་རླུང་གིས་བདེ་སྣང་སྟེར་ལ། དེ་གར་དཔེ་ཀློག་ཐན་ཐུན་བྱས་ན་ཅི་འདྲ་སྐྱིད་སྙམ་པའི་ཚོར་སྣང་ཕྲན་ལ་ཐེངས་ཤིག་མིན་པར་སྐྱེས། ད་ཐེངས་ཀྱང་སྦྲེལ་ནག་པ་དང་དེ་གའི་སློབ་བུ་ཁག་བཅས་ང་ཚོ་ཤིང་ནགས་གསེབ་ཏུ་སོང་ནས་ཏོག་ཙམ་བསྡད་ཡིན། སློབ་བུ་ཚོས་ལབ་ན་རྒྱུགས་སྤྲོད་ལ་ཉེ་སྐབས་སློབ་བུ་རྣམས་རང་སྦྱོང་བྱེད་དུ་འདིར་ཡོང་གི་རེད་ཅེས་ཟེར། གང་ལྟར་ཕྲན་ལ་མཚོན་ན་དེ་ག་ནས་ངལ་གསོས་ཏེ་དཔེ་ཀློག་ཅིག་བྱེད་ཐུབ་ན་ཅི་མ་རུང་སྙམ།
ས་རཱའི་དགེ་རྒན་རྣམས་ལ་དམིགས་བསལ་གྱི་བཤད་རྒྱུ་ཅང་མེད་མོད། རྩོམ་རིག་དགེ་རྒན་ལ་འགྱུར་ལྡོག་སྣ་ཚོགས་ཤིག་བྱུང་ཞིང་། སྔོན་གྱི་བོད་ཁྱིམ་དགེ་རྒན་གཡུ་སྒང་འོད་ཟེར་ལགས་སུ་གསོལ་འདེབས་བྱས་ཏེ་ལོ་གཅིག་ལ་འཁྲིད་རྒྱུའི་དམ་བཅའ་ཡོད་པ་ཐོས།འོད་ཟེར་ནི་བཙན་བྱོལ་སྤྱི་ཚོགས་ཁྲོད་དུ་སུམ་རྟགས་འཆད་ཁྲིད་ལ་སྐད་གྲགས་ཡོད་པའི་དགེ་རྒན་ཞིག་ཡིན་པས་དེའི་སྟེགས་བུ་སྟེར་རྒྱུ་ལས། རྩོམ་རིག་ཕྱོགས་ནས་ཨུ་ཚུགས་བྱས་ན་ཉམས་མྱོང་སོགས་གང་ཐད་ནས་དཀའ། སྔོན་མ་དགེ་རྒན་ཆབ་བྲག་ལྷ་མོ་སྐྱབས་ནི་རྩོམ་རིག་དགེ་རྒན་ལེགས་ཤོས་རེད་ཟེར་ལ། དེ་ནི་ངས་གླེང་བ་མིན་པར་རྟ་ནག་སོགས་སློབ་བུ་ཁག་ཅིག་གི་དཔྱད་རྩོམ་ལས་མཐོང་། དེ་ནས་ཨ་འཁོར་བཟོད་པ་རེད། ངས་བལྟས་ན་ཨ་འཁོར་ལ་དེ་གའི་མཐོ་སློབ་འདིར་སློབ་མའི་ཡིད་སེམས་འགུག་པའི་འཆད་འཁྲིད་ཅིག་མི་སྲིད་སྙམ། གང་ལྟར་ད་ལྟ་སློབ་གྲྭ་འདི་ལ་ངེས་པར་མཁོ་བ་ནི་རྩོམ་རིག་དགེ་རྒན་ཚད་ལྡན་ཞིག་གཏན་ཁེལ་རྒྱུ་དེ་རེད་ལ། དགེ་རྒན་བརྗེ་སྤོར་བྱས་ན་གྱང་ནི་སློབ་མའི་རག་གི་ཡོད། དེའི་ཕྱིར་ངས་འདིར་སློབ་སྤྱི་གཙོས་བཀའ་སྤྱི་ལ་ས་རཱ་མཐོ་སློབ་ནི་ཡུལ་གྱར་བོད་ཀྱི་སྐད་ཡིག་དང་བོད་ཀྱི་རྩོམ་རིག་གི་གཞི་འཛིན་ས་ཞིག་ཡིན་པས། དེ་ལ་རྩོམ་རིག་གི་དགེ་རྒན་ཚད་ལྡན་ཞིག་ངེས་པར་བཙལ་རོགས་ཞེས་སྡུག་སྐད་དམ་འབོད་སྐུལ་ཅིག་ཞུ། ལོ་རྒྱུས་དགེ་རྒན་དང་གཞན་རྣམས་ཡག་བཙོག་ལ་མ་ལྟོས་པར་དུས་ཡུན་གང་འཚམ་ཕྱིན་པས་དམིགས་བསལ་གྱི་ཞུ་ཡ་ཅང་མེད། འོན་ཀྱང་འདིར་སྐྱོན་ཆེན་པོ་ཞིག་ཡོད་པ་ནི་ས་རཱ་ནས་དགེ་རྒན་ཞིག་གི་མིང་ཐོབ་ན་སློབ་དཔོན་གྱི་གོ་མིང་ཐོབ་འགྲོ་བ་འདི་རེད། འདི་ནི་བསྟོད་རྒྱུ་ཟེར་ནས་སྨད་པ་དང་གཅིག་མཚུངས་རེད། དགེ་རྒན་ཞིག་ལ་སློབ་དཔོན་གྱི་མཚན་གནས་ཐོབ་ན་ཚད་ཅུང་ཙམ་མཐོ་པའི་ཁུངས་སུ་གཏོགས་དགོས་མོད། ཁག་ཅིག་ནི་དེ་འདྲ་ཨེ་ཡིན་སྙམ་པའི་ཚོར་སྣང་འདུག
ཡང་ས་རཱའི་སློབ་བུ་ཚོ་ལོ་སྔོན་མ་ནས་བཟུང་སྤྱི་འཐུས་གྲོས་ཚོགས་ཀྱི་ཟིན་བྲིས་རྒྱག་མཁན་དུ་འགྲོ་གི་འདུག་ལ། གོ་ཚུལ་ལ་ཟིན་བྲིས་རྒྱག་སྟངས་ཧ་ཅང་བཟང་རབས་ཟེར། ད་ལོ་དང་སང་ལོ་མཐར་ཕྱིན་ལ་ཉེ་བའི་ཁྲོད་ཀྱི་ངས་ཤེས་པའི་བོད་ཡིག་དང་རྩོམ་རིག་ལ་ཅུང་ཙམ་ལེགས་པའི་རིགས་ཁག་ངོས་བཟུང་ན། སྒྲུང་རྩོམ་དང་དཔྱད་རྩོམ་སྙན་རྩོམ་སོགས་གང་ཐད་ནས་འཇམ་དབྱངས་སྦྱིན་པའི་ཚིག་སྦྱོར་ལེགས་ཤིང་བཟང་བར་སྙམ། དེ་ནས་དུས་རྒྱུན་དྲ་རྒྱའི་ནང་དུ་རྩོམ་ཡིག་སྤེལ་མཁན་དག་ལས་ཨ་འདུས་མིག་ཆུའམ་དཀོན་མཆོག་རྒྱ་མཚོའི་རྩོམ་ཡིག་ལ་ཡར་རྒྱས་ཀྱི་རྣམ་པ་འདུག ཚེ་རིང་ཉི་མ། བྱམས་པ་རྒྱལ་མཚན། ཡེ་ཤེས་བསམ་གཏན། བཙུན་མ་བློ་བཟང་བྱང་ཆུབ། ཚངས་སར་འཕྲིན་ལས། ཚེ་དབང་མགོན་པོ་སོགས་རྩོམ་ཡིག་ཕྱོགས་ནས་ལེགས་ཤོས་ཀྱི་གྲས་རེད་སྙམ། སྙན་ངག་ཐད་ནས་ཨ་འདུས། བཙན་མེ་སྟག འབྲོག་རུ་ཆོས་དར། ལྡོང་རིག་གྲོལ། བསྟན་འཛིན་བཀྲ་ཤིས། སྐལ་བཟང་འགྲོ་མགོན། དཔལ་གུང་ཟླ་བ། འབྲོང་ངུར་ཕོ་ཉ། བདག་གི་གྲོགས་ནགས་ཆུ་བློ་བཟོད་ཀྱང་ཡར་རྒྱས་འདུག་པས་དེ་ཚོ་བཟང་ཤོས་ཀྱི་རིགས་རེད། རྩོམ་པ་པོ་རྡོ་རྗེ་དབང་ཕྱུག་གིས་ཉེ་སྔོན་སྤྱི་ཚོགས་མེ་ལོང་གསར་ཤོག་སྟེང་དུ་ས་རཱའི་སློབ་མ་སྨིན་སྣང་མཛེས་ཀྱི་ལྷུག་རྩོམ་ཞིག་བཙན་བྱོལ་སྤྱི་ཚོགས་ཁྲོད་ནས་ལེགས་ཤོས་སུ་བཞག་འདུག ཁོ་བོ་བསོད་ནམས་དམན་པས་དེ་ལ་མཇལ་རྒྱུ་མ་བྱུང་། དེ་མིན་ངས་མི་ཤེས་མཁན་དང་ནམ་རྒྱུན་ག་ས་གང་དུ་གྲགས་འགུལ་ལ་ཉོབ་སྣང་སྐྱེས་པ་དང་ཐལ་བས་གཡོགས་པའི་མེ་ལྟ་བུའི་རྩོམ་པ་པོ་ཡོད་ཀྱང་ངས་ནི་མཐོང་སྣང་དག་བྲིས་པ་ལས་ལྐོག་གྱུར་གྱི་ཕྱོགས་སུ་ལག་པ་བསྲིང་མེད། དེ་ནི་སློབ་མཐར་ཕྱིན་ན་གཞི་རིམ་གྱི་དགེ་རྒན་དང་བོད་ཀྱི་སྐད་ཡིག་སྟེང་ནས་རང་ཁ་གསོ་བར་རེ་བ་ཆེ་བའི་སློབ་བུ་དག་གོ །
རང་གི་དམིགས་ཡུལ་དེ་གདན་སའི་གྲྭ་པ་ཚོ་གྲྭ་ཆས་ར་མ་ལུག་གྱོན་པར་གཏང་རྒྱུ་དེ་ཡིན་པ་འདྲ་ཧཧ།
ཡིད་ཀྱི་མཚོ་མོ་རབ་ཏུ་འཁྱིལ་བའི་སྐྱེ་བོ་དག་གི་སྣང་བརྙན་ལ།།
གོ་ལ་ཧྲིལ་བོ་ཡུན་གྱིས་འཇལ་ཡང་བདེ་ཐབས་མེད་པའི་བླུན་པོ་དག།
ཞིབ་ཕྲ་རིག་པའི་ལམ་དུ་ཀྱག་ཀྱོག་མི་ཤོར་ལ་ཁད།།
འདི་འདྲ་དག་གི་མིག་ན་རྒྱུ་བ་སྐྱོན་གྱི་ཕྱོགས་ལས་ཡོན་ཏན་མེད།།
ས་རཱ་མཐོ་སློབ་ཀྱི་མཐོང་ཐོས་བཀླགས་ཡིན་་་་་ཡག་པོ་བྲིས་གནང་འདུག་་་་་ཐུགས་རྗེ་ཆེ།
བདེན་པ་རེད་་་བཙན་བྱོལ་ན་མཐོ་སློབ་མང་བོ་ཞིག་ཡོད་ཀྱང་རེ་བ་ཆེ་ཤོས་དེ་་་་ནོར་གླིང་དང་འདི་གཉིས་རེད། རྩོམ་རིག་དགེ་རྒན་ཚད་ལྡན་ཞིག་གོ་སྒྲིག་གནང་དགོས་པར་དངོས་ཡོད་གནས་ཚུལ་རེད། བྱུང་ན་ཤེས་རིག་ལ་སྙན་ཞུ་འཕུལ་ཨེ་ཐུབ་ལྟོས།
ཨ་རོགས་ཨ་དགེ་བླ་རྒན། དེང་སྐབས་སཱ་ར་སློབ་གྲྭ་གང་ཅིའི་ཆ་ནས་ཉམས་ཡོད་པ་རེད། སཱ་ར་མཐོ་སློབ་ཅེས་སྐད་གྲགས་དེ་དགེ་འོས་སྐབས་གསུམ་པ་ཡིན་དུས་བྱུང་པ་རེད། དགེ་འོས་སྐབས་གསུམ་པའི་ནང་དགེ་རྒན་ཚད་ལྡན་དང་། རྩོམ་པ་པོ། རྩོམ་སྒྲིག་པ་སོགས་བོད་ཀྱི་སྤྱི་ཚོགས་ཀྱི་གནས་བབ་ཁྲོད་ཧ་ཅང་གིས་ཕན་ཐོགས་མཁན་གང་མང་བྱུང་ཡོད། དེའི་རྒྱུ་རྐྱེན་ལའང་ཕྱོགས་གཉིས་ནས་བལྟ་དགོས། ཁྱེད་རང་དེང་སྐབས་རྡ་སར་ཇ་འཐུང་ནས་ལྷོད་སེ་འདུག་ཁོམ་ཡོད་སྐབས་ཤིག་ཡིན་དུས་ཉམས་ཞིབ་ཅིག་གནོངས་དང་ཤེས་ངེས།
ཟིན་ཐོ་འདི་འབྲི་སྟངས་ཡག་གི་ ཟིན་ཐོ་འབྲི་རྒྱུ་དེ་ལས་སླ་བོ་ཞིག་མིན། དེང་སང་ཨ་ཁུའི་རྩོམ་ཡིག་ལ་ཡར་རྒྱས་ཡོད་གི མུ་མཐུད་འདི་ལྟར་བྲིས་ན་ཅིག་ཡོང་ས་རེད།
ངོ་མ་ཡིན། སྤྱིར་ཨ་ཁུ་དགེ་བཤེས་ཡིན་པ་དང་སེམས་ཤུགས་ཡོད་པ། འུ་ཚོའི་ལས་དབང་ལ་དོ་སྣང་ཡོད་པ་སོགས་ནི་སུས་ཀྱང་ཁས་ལེན་པ་ལྟར་ངས་ཀྱང་ཁས་ལོས་ལེན། འོན་ཀྱང་མཚམས་ལན་རེར་ཁྱོད་ཀྱི་རྩོམ་ཡིག་ཁ་ཤས་ཀྱིས་སུན་གི་འཇུག་གི རྗོད་ཚིག་དང་བརྗོད་བྱ་གང་གི་ཆ་ནས་ལེན་རྒྱུ་མི་རག་ས་མང་གི འོན་ཀྱང་དེ་རིང་གི་རྩོམ་ཡིག་འདི་བཞིན་ཡོང་བ་ཡིན་ན་རེ་བ་ཡོད་གི་འདོད་གི འདི་ཡང་ཟིན་ཐོ་འབྲི་སྟངས་ཀྱི་ཆ་གཅིག་པུ་ནས་གླེང་གིན་ཡོད།
ཕུན་ཚོགས་ཀྱིས།
ཕན་ངེས་ཀྱི་བྱ་བར་བསྔགས་སོ།།
ཉོག་ནས་ཉོབ་བུ་བུད་པུ་ཐལ།
བཀྲ་རྡོར་ལགས སྔོན་མ་ཁྱོད་ཚོའི་རྒན་དམ་པ་ལགས་ཀྱིས་གསུངས་བ་རྣམས་མ་བརྗེད་པར་བྱས་།ཁྱེད་ཀྱིས་བཤད་པ་ལྟ་བུ་ཞིག་ཡིན་ནམ།མི་རེ་ཟུང་ཞིག་མ་གཏོགས་སུ་ཞིག་མདུན་དུ་སྟོན་ཐུབ་བམ
ཞིང་གཤེགས་རྒྱལ་གཅེས་མཁས་དབང་དམ་པ་རྒན་བློ་བཟང་རྒྱ་མཚོ་མཆོག་ནས་སྐུ་ངལ་མང་དག་ཞིག་བརྒྱུད་ནས་མཐོ་སློབ་འདི་ལྟ་བུ་ཞིག་གསར་འཛུགས་གནང་བའི་འབྲས་བུས་ད་བར་བཙན་བྱོལ་སྤྱི་ཚོགས་ནང་བོད་ཀྱི་རིག་གནས་མང་དག་ཞིག་མྱུར་སྐྱོབ་ཐུབ་པ་བྱུང་ཡོད། ད་དུང་ཡང་ཡར་རྒྱས་ལ་མཐའ་དང་མུ་མེད་པས་སྔར་ལས་ལྷག་པའི་ཡར་རྒྱས་གཏོང་དགོས་པ་ནི་བཙན་བྱོལ་བོད་གཞུང་དང་། དེ་གའི་འཛིན་སྐྱོང་དབུ་ཁྲིད་ཚོས་འགན་ངེས་པར་འཁྱེར་དགོས་པ་ཡིན། དང་པོ་དགེ་རྒན་ཚད་ལྡན་དགོས་པ་གང་ཞིག་ལ་དེའི་གསོལ་ཕོགས་ཀྱང་ཚད་ལྡན་དགོས། སྔོན་མའི་ལྟ་བ་སྟེ། སེམས་ཤུགས་དང་། ལྷག་བསམ། གཞན་ཕན། གླ་མེད་ཞལ་འདེབས་སོགས་ཀྱི་རེ་བ་རྒྱབ་ཀྱིན་བསྡད་ན་འཐུས་ཤོར་འགྲོ་བའི་གཞིར་གྱུར། གང་ལྟར་དགེ་རྒན་ལ་མཐུན་རྐྱེན་ཡག་པོ་སྦྱོར་རྒྱུ་ནི་ལས་འགན་ཨང་དང་པོར་མཐོང་། ད་བར་བཙན་བྱོལ་ནང་བོད་ཡིག་ཡག་པོ་མེད་པའི་རྒྱུ་མཚན་གཅིག་ནི་དགེ་རྒན་ཡག་པོ་མེད་པ་དང་གཅིག ཚད་ལྡན་གྱི་དགེ་རྒན་ཁ་ཤས་ཡོད་ཀྱང་མཐུན་རྐྱེན་མ་སྦྱར་བ་གཉིས། རང་གི་དགེ་ཕྲུག་དང་། ཕ་ཡུལ་གཅིག་པ། སློབ་གྲོགས་གཅིག་པ། གཉེན་ཚན་སོགས་པ་ལྕགས་ཐག་ལྟར་སྦྲེལ་བའི་ལྐུགས་པའི་ལ་རྒྱ་དེས་མི་ལོ་བཞི་བཅུ་ལྷག་འཐུས་ཤོར་ཕྱིན་པ་རེད། རྡོ་དོན་སྙིང་པོ་བོད་བསྟན་སྲིད་ལ་ཕན་པའི་ཤེས་ཡོན་ཅན་མང་ཙམ་གསོ་སྐྱོང་གནང་བའི་ཐོག་རྟགས་ཆ་ལུགས་གང་ཞིག་ཡིན་ཡང་དམ་ཆོས་འདུ་བའི་བཅའ་ཁྲིམས་དང་། སྤྱི་ཚོགས་ཀྱི་ཁྲིམས་དང་མི་འགལ་བའི་ཡ་རབས་ཚུལ་ལྡན་གྱི་མི་བཟང་པོ་ཞིག་ཡོང་བར་སྐུལ་འདེད་གཏོང་དགོས།
ལྷ་རིགས་ལགས། ངས་འདི་ནས་འགན་མ་འཁྱེར་བའི་སྐད་ཆ་ཤོད་ཀྱིན་མེད། དེ་སྐབས་ཀྱི་སློབ་ཕྲུག་ཕལ་ཆེ་བ་ཤེས་ཡོན་ཅན་ཤ་སྟག་ཡིན། དེང་སྐབས་ཉམས་འདུག་ཅེས་པའི་སྡུག་སྐད་འདི་ང་གཅིག་པོ་མིན། མང་པོ་ཞིག་ཁ་གཅིག་གྲགས་ཡིན། ཁྱེད་ཀྱིས་ཀྱང་ཞིབ་ཏུ་ཉམས་ཞིབ་ཅིག་བྱོས་དང་ཡིན་མིན་གསལ་བོར་ཤེས། ངས་འདི་ནས་མཛུབ་མོ་རིས་སྟོན་བྱེད་མི་དགོས་ན་བསམ་ཡོད།
ཟིན་ཐོ་བཀླགས་ཟིནད་ཏོ། །
ཨ་རིག་དགེ་མཐོང་ལཌ་ཉིད་ལ་རྩོམ་འབྲིའི་ཤེས་བྱ་ཕུན་ཚོགས་ལྡན་པ་ཉིད་ཀྱི་དཔྱད་བརྗོད་བཀོད་པ་ལས་གོ་རྒྱུ་འདུག་པས་སློབ་སྤྱི་དང་བཀའ་སྤྱི་སོགས་ལ་སྙན་གསོལ་མི་དགོས་པར་སྐུ་ཉིད་སློབ་གླིང་དུ་ཕེབས་ཏེ་རྩོམ་རིག་དགེ་རྒན་ཚད་ལྡན་དེ་གནང་རྒྱུ་ཡིན་ལུགས་གསུང་ན་སྟབས་མ་ལེགས་སམ།
རེད། རེད། ས་རཱ་ལ་རྩོམ་རིག་དགེ་རྒན་ཚད་ལྡན་ཞིག་དགོས་ན་ཨ་རིག་དགེ་མཐོང་འོས་པར་མཐོང་།
སློབ་སྤྱི་ལ་སྙན་ཞུ་བསྐུར་རོགས།
རྩོམ་ཆག་ཁ་ཤས་བྲིས་པ་དེ་ཡར་རྒྱས་ལ་བརྩི་ན། དེ་འདྲ་སུ་ཇ་སོགས་སུའང་འདུག
གང་ལྟར་ས་གང་ནའང་གསེར་ལྟ་བུའི་མི་བུ་རེ་ཡོད་པར་ང་རང་གིས་ཡིད་ཆེས་བྱེད་ཀྱིན་ཡོད།
གསེར་ལྟ་བུའི་མི་བུ་དེ་དག་ངེས་པར་མཁྱེན་པ་གནང་དགོས་རྒྱུ་ཧ་ཅང་ནས་གལ་ཆེ་བ་ཡིན།
ཁོ་བོས་བལྟས་ན་བཙན་བྱོལ་སྤྱི་ཚོགས་ནང་ནས་སློབ་གྲྭ་གྲགས་ཆེ་ཤོས་དང་མཚན་ལྡན་ནི་ཝཱརྣ་ཉིད་དུ་འཁུམས། གང་ཡིན་ཟེར་ན། དེར་ནི་མཐོ་སློབ་ཀྱི་མིང་དོན་མཚུངས་པ་ཡོད། གང་ཡིན་ཟེར་ན། མཐོ་སློབ་དེ་ནས་ཐོན་པའི་སློབ་མ་རྣམས་ནི་གཞི་རིམ་ནས་སྦྱངས། དེ་ནས་མཐར་ཕྱིན་པ་ཤ་སྟག་རེད་པ། སཱ་ར་སློབ་གྲྭ་ནི་དེ་ལས་ལྡོག་སྟེ་དང་པོ་ནས་འཛུལ་ཞུགས་བྱེད་པ་རྣམས་མང་ཆེ་བ་ནི་ཐོག་མ་ནས་བོད་ཡིག་ཤེས་ཚད་ཡག་ཐག་ཆོད་ཡོད། བྱས་ཙང་། ཡར་རྒྱས་གཏང་སའི་ས་ཁུལ་ཞིག་ཡིན་པ་ལས་གཞི་རིམ་ནས་སྦྱངས་པ་སོགས་དེ་འདྲ་མིན། ལག་མཁྱེར་ཙམ་གྱི་ཕྱིར་དུ་འཛུལ་ཞུགས་བྱེད་པ་འདྲ་པོ་རེད།
མཁྱེན་དགོས་པ་ཞིག་ལ་ཁྱེད་ཀྱིས་ཚིག་རྐང་ཀྱོག་པོ་ཁ་ཤས་དེ་མཐོང་བ་དྲང་ཚུག་མེད་པའི་རྟགས་མཚན་དང་ད་དུང་ཡང་གནས་ལུགས་དཔྱོད་པའི་བློ་སྤོབས་ཡོད་ཀྱང་དཔྱད་མ་ཐུབ་པའི་ཆ་སོགས་མང་བས་ངོ་ཕྱེད་ཙམ་བཀླགས་རྗེེས་ཉོབ་སྣང་ཞིག་ལས་གཞན་བྱིན་མ་སོང་།།
སྤྱིར་ཁྱེད་ཉིད་ཀྱིས་ཟིན་ཐོ་ཡག་པོ་ཞིག་བྲིས་འདུག་ཀྱང། ཁྱེད་ཀྱིས་མཐོ་སློབ་ཀྱི་སློབ་མའི་རྩོམ་རིགས་ཀྱི་གནས་ཚད་དུས་དེབ་ལ་བལྟས་ནས་བཤད་པ་དེ་ཚད་ལྡན་ཞིག་ཏུ་མ་མཐོང། གྲྭ་བཙུན་མང་བའི་རྒྱུ་་མཚན་སློབ་སྤྱི་གྲྭ་པ་ཡིན་པས་སོ། དགེ་རྒན་ཚད་ལྡན་མེད་ན་གླ་ཕོགས་ངེས་ཅན་མེད་པས་ཕྱིར། གང་ལྟར་བཙན་བྱོལ་སྤྱི་ཚོགས་ནང་རང་མི་རིགས་ཀྱི་སྐད་ཞིག་ལ་རེ་བ་རྒྱག་ས་མཐོ་སློབ་འདི་ལས་མེད་པས་སོ།
དྲ་གྲོགས་དག་གིས་བསམ་འཆར་བཏོན་པར་དགའ་བསུ་ཞུ། ས་རཱ་མཐོ་སློབ་ཀྱི་ཡོད་ཚད་ལ་ངས་ཚད་མཇལ་མི་རུང་བ་ཤེས་ཡོད། མཐོང་བ་དང་ཐོས་པའི་རིགས་གླེང་བ་བདེན་པ་ཡིན། སྐབས་གསུམ་པའི་དགེ་འོས་བཟང་རབས་སྨྲ་མཁན་ལགས་སུ་ཞུ་རྒྱུར། དེ་འདྲ་ཡོད་ན་མི་འདི་དང་གན་ཞེས་མཛུབ་མོ་ཀེར་ནས་སྟོན་དང་ང་ཚོས་དཔྱད་ཆོག
ས་རཱའི་དུས་དེབ་གཅིག་པུ་ལས་ངས་རྩོམ་པ་པོ་དག་འདེམས་པ་མིན་པར་སྤྱིར་བཏང་གི་དྲ་ལམ་དང་ཚགས་དེབ་སོགས་ལས་དཔྱད་པ་ཙམ་ཡིན། གོང་དུ་ངས་༼ ངས་མི་ཤེས་མཁན་དང་ནམ་རྒྱུན་ག་ས་གང་དུ་གྲགས་འགུལ་ལ་ཉོབ་སྣང་སྐྱེས་པ་དང་ཐལ་བས་གཡོགས་པའི་མེ་ལྟ་བུའི་རྩོམ་པ་པོ་ཡོད་ཀྱང་ངས་ནི་མཐོང་སྣང་དག་བྲིས་པ་ལས་ལྐོག་གྱུར་གྱི་ཕྱོགས་སུ་ལག་པ་བསྲིང་མེད། ༽ཅེས་པ་འདི་ལས་དཔོག་ནུས་པས་སྐད་ཆ་མང་བོ་བཤད་དོན་མི་འདུག
བཀྲ་རྡོར་ལགས ངས་ཀྱང་ལོ་མང་རིང་གཞུང་མང་གཉིས་ལ་བཤད་བྱུང་།མི་མང་ལ་དོ་སྣང་དེ་ཙམ་མེད་ལ་།ཤེསརིག་ལས་ཁུངས་སུ་ཞུ་ན་ཉེས་བའི་ཚུལ་གྱི་ས་ཆ་ཁུག་ཀྱོག་ཏུ་གནས་སྤོར་བྱེད་ངེས་རེད།དེ་ལྟར་ཡིན་མིན་ཤེས་རིག་དྲུང་ཆེ་དངོས་གྲུབ་ཚེ་རིང་དང་རི་ཁ་བཀྲ་ཤིས་གཉིས་ལ་གསལ་བོར་གསུངས་རྒྱུ་ཡོད།ངས་འདི་ཁུངས་སྐྱེལ་ཐུབ་པས་དེ་རིང་འདི་ནས་གསལ་བོར་བཤད་ཐུབ།འདི་ལྟ་བུ་འགོ་ཁྲིད་བཙན་བྱོལ་གཞུང་དུ་མང་དྲག་པས་དགེ་རྒན་སེམས་ཤུགས་ཅན་དེ་རྣམས་ལ་དཀའ་ངལ་ཤིན་ཏུ་ཆེ།དེ་ལས་སློབ་ཕྲུག་གི་མཛེས་མཉམ་དང་སྐྱེས་གཟུགས་ལ་བལྟ་མཁན་དེ་ཚོར་ཤིན་ཏུ་བཟང་།ཉི་མ་སྐྱེལ་ཐབས་དང་གླ་ཆ་ལན་ཐབས་ཡིན་པས།གོང་ཏུ་བཀོད་པའི་སྐུ་ངོ་གཉིས་ལ་ལགས་ལགས་སོ་ཞེས་ནསཁ་འཇམ་ཚིག་འཇམ་རེ་ཡི་དུས་ཚོད་སྐྱེལ་ཚེ།ཁོ་རང་གི་དོན་ཐམས་ཅད་འགྲུབ་བ་རེད་།་་་་་་་་་་་་་་་་་་་་་།
ཉམས་ཆགས་སུ་འགྲོ་དགོས་པ་དེ་འགོ་འཛིན་དང་དགེ་རྒན་ལ་རེག་ལས་ཡོད་པས།སློབ་གྲའི་ཁོར་ཡུག་དེ་ལ་བཤད་ནས་རྒྱུ་མཚན་ཅི།ཐབས་ལམ་བཟང་ཤེས་ནི་སློབ་གྲའི་ཁོར་ཡུག་དེ་ནང་དུ་སོང་ནས།དུས་ཚོད་སྐྱེལ་མཁན་དང་ཆུ་ཚད་མེད་པའི་དགེ་རྒན་དེ་རྣམས་གུང་གསེང་གཏོང་རྒྱུ་དེ་རེད།དེ་དང་མཉམ་དུ་གོང་རིམ་ལས་ཁུངས་སུ་ཡང་དེ་དེབཞིན་ནོ།
ལྷ་རིག་ལགས་ཀྱིས་སྐུ་ངོ་གཉིས་ཀྱི་མཚན་ནས་སྨྲས་ཏེ་སྐྱོན་བརྗོད་པར་རྗེས་སུ་ཡི་རང་ཞུ། བདེན་པ་ཡིན་པར་སྨོན།
དགེ་མཐོང་ལགས ང་འུར་སྒྲོགས་རྒྱུ་མི་དགའ་དེ་བས་ཀྱང་བུད་མེད་ཀྱི་སྐོར་བཤད་རྒྱུ་མི་དགའ་བདེན་པ་མ་རེད་ཟེར་ན་།ཁྱོད་མི་ལ་སྐད་ཆ་འདྲི་རྒྱུ་ཤིན་ཏུ་དགའ་བས་།ཁྱེད་ཀྱིས་སྐུ་ངོ་གཉིས་ལ་བཅར་འདྲི་ཞུ་དང་གསལ་བོར་ཆགས་ཡོང་།ངས་དབང་རྟགས་ཀྱང་་སྐབས་དེར་དངོས་སུ་ཁྲིད་ཡོང་ཆོག འདི་ཚང་མ་ཁྱོད་གྲ་ས་ན་ཡོད་དུས་ཀྱི་སྐད་ཆ་ཡིན་པས་ཕལ་ཆར་ཁྱེད་ཀྱི་གསལ་བོར་ཤེས་ཡོད་རྒྱུ་མ་རེད་ལ།ཤེས་ཡང་ཐུབ་ངེས་མ་རེད་རྒྱུ་མཚན་ཁྱོད་དེ་དང་འབྲེལ་བ་མེད་པས་།ད་ལྟ་འདི་སྐོར་བཤད་དུས་ས་འོག་དར་ཐག་ནང་ལ་འཛུལ་དགོས། དེ་ཕལ་ཆར་ཨ་མདོ་ཚོས་མི་ཐུབ་པས་ལས་ཀ་ཞིག་རེད།
ལྷ་རིག་ལགས་ལ་ཡིད་ཆེས་དང་རེ་བ་ཡོད།
ཨ་ལ་དེང་སང་ད་མི་བུ་སུ་ཞིག་ཡིན་རུང་སྐྱོན་ཡོན་འབྱེད་ས་ནི་རྩོམ་ཙམ་འབྲི་ཤེས་མི་ཤེས་སྒང་ནས་བརྗོད་ཀྱི་འདུག་་་དེས་ཡིན་ན་རྩོམ་འབྲི་མི་ཤེས་པའི་ཤེས་ཡོན་ཅན་མེད་པ་ཡིན་ནམ།་་་ཨ་ལེ་དེ་ལྟར་བསམ་བློ་བཏང་ན་ཨ་རིག་དགེ་མཐོང་ད་གཞན་ལས་ཁྱད་དུ་འཕགས་པའི་ཤེས་ཡོན་ཅན་ནི་ཡིན་རྒྱུ་རེད།་་་ཁོང་གིས་རྩོམ་ཁྱ་མ་ཁྱོར་རེ་འབྲི་ཐུབ་ཀྱི་འདུག་་་་དེ་མ་ཡིན་པའི་མུ་བུ་ཚང་མ་ཡོན་ཏན་མེད་པའི་མི་བུ་དག་ཅི་ལ་མིན།་་་ཨ་ཨ་འདི་འདྲའི་ཚད་གཞི་ཞིག་ནི་སུས་ཁྱོད་ལ་བཤད་སོང་།་་་ངས་བལྟས་ན་ཡོན་ཏན་ནམ་ཤེས་ཡོན་ཡོད་མེད་ཀྱི་ཚད་གཞི་འཛིན་ས་ནི་རྩོམ་རིག་ཙམ་གྱི་ཆ་ནས་མི་འཇོག་པར་མི་བུ་གང་དང་གང་གི་བསམ་པའི་གོ་རྟོགས་ལ་བལྟས་ནས་འཇོག་དགོས་པ་ནི་བཤད་མ་དགོས་པ་ཞིག་རེད།་་་དེ་མིན་ན་གྲྭ་ས་ཁག་གི་དགེ་བཤེས་ལྷ་རམས་པ་ཡིན་ཟེར་བ་རྩོམ་འབྲི་མི་ཤེས་པ་དེ་ཚོ་ཤེས་ཡོན་མེད་པའི་མི་བུ་དག་ལ་འཇོག་གམ་མི་འཇོག་་་་་རྩོམ་རིག་དགེ་རྒན་ཚད་འཛིན་འཕེར་བ་ཞིག་ནི་མི་འདུག་པའི་བསམ་ཚུལ་བརྗོད་པ་ནི་ངོ་མ་བདེན་པ་རང་རེད།་་་ད་ལྟའི་ང་ཚོའི་སྤྱི་ཚོགས་སྟེང་གནས་ཚང་མ་ཕར་ཞོག་རིགས་གཅིག་ལ་མཁས་པ་ཡང་དཀོན་ཚོད་ཡིན་པས་འཁང་སེམས་བྱེད་པ་ལས་རང་དང་བླངས་སྒོས་རྩོམ་རིག་དགེ་རྒན་དུ་ཕེབས་ན་མི་ལེགས་སམ།་་་དགེ་རྒན་མཁས་ན་སློབ་མ་མཁས་ཟེར་བ་ནང་བཞིན་རང་དེ་འདྲའི་རྩོམ་རིག་ལ་ནང་བྱན་ཆུད་ན་སློབ་མ་ཡང་མཁས་པ་འགའ་ཡང་ཡོང་སྲིད།་་་འདི་ངས་རིགས་ཞེན་གྱིས་སྐུལ་མ་ཙམ་ཡིན།
ཨ་རོགས་བླ་རྒན་དགེ་མཐོང་།
ཁྱོའི་རྩོམ་ཡིག་ཆ་བོ་བཙན་བྱོལ་ནང་གི་དུས་དེབ་དང་དྲ་རྒྱ་སོགས་ལ་བཀོད་ན་བཟང་གི་མོད། བོད་ནང་གི་དྲ་རྒྱར་བཀོད་ན་ཡག་པོ་མི་འདུག དེའི་རྒྱུ་མཚན་རྡོག་རྡོག་གཅིག་ནི་ཁྱོད་རང་གི་རྩོམ་ཡིག་ལ་དཔྱད་ཞིབ་དང་ཞིབ་འཇུག་གི་ཆ་ཅི་ཡང་མེད་པས་རེད། རྩོམ་ཡིག་མ་སྤེལ་གོང་དུ་དེས་སྤྱི་ཚོགས་ལ་ཤུགས་རྐྱེན་ག་རེ་འཇོག་ས་རེད་ཅེས་པ་དེར་བསམ་བློ་གཏོང་དགོས་པ་རེད།
ཨ་རིག་དགེ་མཐོང་གློའུ་རེད།།བརྩམ་ཆོས་སྤེལ་ནོ་ཉོག་རེད།།ལྷོ་ཕྱོགས་གྲྭ་བའི་གླུད་རེད།།རྡ་སར་ཐོན་ན་ཁྱི་རེད།།
མཆན་བྲིས་ཀྱང་འཕྱ་སྨོད་མ་བྱས་ནལེགས།དོན་དག་ཅི་ཡིན་ཡངཁ་གསལ་པོར་ངང་ནས་བརྗོད་ཆོག འབྲོག་རིན་པོ་ཆེ་ཟེར་བའི་གྲོགས་པོ་འདིས་བྲིས་པ་འདི་།ཞིང་གྲོང་རྒན་པོས་ཞིང་ཚིགས་སུ་བཤད་པ་ལྟར་སྣང་།དགོངས་པ་མ་མཚོན།
བཀྲ་རྡོར་གྱིས་དགེ་འོས་སྐབས་གསུམ་པ་ཞེས་པ་ངོས་འཛིན་གསལ་བོ་གང་ཡང་མི་འདུག དགེ་འོས་སྐབས་གསུམ་པ་ཞེས་པ་དེའི་ནང་དུ་མི་སུ་དང་སུ་ཡོད་རེད། ས་རཱ་ལ་དགེ་འོས་སྐབས་གསུམ་མང་པོ་ཡོད། ཤེས་རིག་གི་དགེ་འོས་སྐབས་གསུམ་པ་དང་ཧི་མ་ལ་ཡའི་དགེ་འོས་སྐབས་པ་གསུམ་པ། ས་རཱ་དགེ་འོས་སྐབས་གསུམ་པ་བཅས་ཡོད་ལ། ད་དུང་དམའ་རིམ་དགེ་འོས་སྐབས་གསུམ་པ་དང་འབྲིང་རིམ་དགེ་འོས་སྐབས་གསུམ་པ་སོགས་མང་པོ་ཡོད།
ས་རཱ་མཐོ་སློབ་ནི་ཚོགས་པ་བྱེ་བྲག་པ་ཞིག་གི་ཁོངས་གཏོགས་རེད། མི་སྒེར་རེ་ཟུང་ཞིག་གི་བདག་དབང་འོག་ཏུ་གནས་མུས་ཡིན། ཚད་ལྡན་ཞེས་པའི་དཀའ་ངལ་འདི་འཛམ་གླིང་རྒྱལ་ཁབ་སྤྱི་དང་མི་རིགས་སྤྱིའི་ཐུན་མོང་གི་དཀའ་ངལ་ཞིག་རེད། བཙན་བྱོལ་སྤྱི་ཚོགས་ལ་མཚོན་ན། དེ་བས་ཀྱང་ཚད་དང་ལྡན་པ་ཞིག་ཕྱོགས་གང་ཐད་ནས་ཁག་པོ་རེད། ཡིན་ནའང་། ས་ཆའི་ཚོད་ཀྱི་རི་དྭགས་ཞེས་པའི་དཔེ་ལྟར་ལྟོས་ས་ལྟོས་འཇོག་གིས་ཚད་ལྡན་ཞེས་པ་དེ་བཙལ་ན་རྙེད་མི་སྲིད་པ་མ་རེད། ས་རཱ་ལ་རྩོམ་རིག་དགེ་རྒན་གཅིག་པོའི་དཀའ་ངལ་མ་རེད། ས་རཱ་ལ་དགེ་རྒན་བསྐོ་བཞག་བྱེད་སྟངས་ནི་མི་གཅིག་གིས་ཐག་གཅོད་བྱེད་ཆོག་པ་དེ་རེད། དཔེར་ན། སྟོབས་ལགས། རྒན་འཇམ་དཔལ་གྲགས་པས་ཐད་ཀར་ལོ་རྒྱུས་དགེ་རྒན་ལ་བསྐོས་པ་རེད། ཨ་འཁོར་བཟོད་པ་ནི། རྒན་ལྷ་མོས་ཐད་ཀར་རྩོམ་རིག་དགེ་རྒན་ལ་བསྐོས་པ་ལྟ་བུ་རེད། གང་ལྟར་སློབ་མ་ཚོས་འདོད་པ་ཡོད་ན་འགྲིག་གི་རེད། དེ་མིན་སློབ་ཕྲུག་དག་གིས་དགེ་རྒན་ལ་ལ་ཞིག་ཡག་པོ་མེད་ཚུལ་གྱི་བསམ་འཆར་ག་ཚོད་ཕུལ་ཡང་མ་གོ་མ་ཐོས་ཁུལ་གྱིས་ཨུ་ཚུགས་བྱེད་དགོས་དོན་ཨེ་ཡོད་སྙམ། དེང་སང་ཡིག་གཟུགས་རྒན་ངག་རྡོར་གྱིས་ཀྱང་མཐོ་རིམ་སློབ་མ་ཚོར་སྙན་ངག་སོགས་སློབ་ཁྲིད་གནང་གི་ཡོད་རབས་འདུག་ན། ས་རཱ་མཐོ་སློབ་ཀྱི་སློབ་མའི་སྤུས་ཚད་སྐྱོ་རུ་ཕྱིན་ཡོད་ཚུལ་གྱི་སྐད་ཆ་ལ་ཡང་བདེན་པ་མེད་མི་སྲིད་པ་མ་རེད།
ཁ་བའི་སྒྲོལ་མ་དང་འབྲོག་རིན་པོ་ཆེ་རྣམ་གཉིས་ཀྱིས་ཤ་ཚའི་སྒོ་ནས་བྲིས་པའི་མཆན་བུ་དེ་མཐོང་ཡོད། བཀའ་དྲིན་ཆེ། འོན་ཀྱང་ང་ལ་དེ་འདྲའི་གོམས་གཤིས་འདུག་པས་ལམ་སེང་བསྒྱུར་རྒྱུ་དཀའ་ན་ཡང་ཁྱེད་གཉིས་ཀྱི་འདོད་པ་དེའི་ཕྱོགས་སུ་འབད་ངེས་ཡིན།
གང་དྲན་སྨྱུག་རྩེར་ཐོན་པའི་དཔྱད་གཏམ་བ།།
དགོས་མེད་ཆགས་གཏམ་སྨྲ་བའི་ཟིན་བྲིས་བ།།
ཉ་བསད་ཁྱི་སྦྱིན་གཏོང་བའི་སྦྱིན་པ་བ།།
འདོར་ན་ས་སྟེང་འདི་ན་དགོས་མཁོ་མེད།།