—–མུ་ལ།
ས་སྔོན་མའི་དགེ་བྱེད་གྲྭ་བ་ཚོས།།
མགོན་བླ་མ་ཕེབས་པའི་དུས་བཟང་ལ།།
ལག་དར་ཁ་བཟུང་ནས་བསུ་མ་བྱེད།།
སྐྱབས་མགོན་པོར་བཅོས་མིན་གུས་པས་འདུད།།
དུས་ད་ལྟ་གྲྭ་བ་མང་ཆེ་བས།།
མགོན་དྲིན་ཆེན་བླ་མ་ཕེབས་པའི་དུས།།
ལག་ཁ་པར་རྩེད་མོ་རྩེ་བ་ལས།།
ལུས་ཕྱག་གསུམ་འཚལ་བའི་སེམས་པ་བོར།།
ས་སྔོན་མའི་དྲིན་ཆེན་བླ་མ་ཚོས།།
ཐུགས་སེམས་བསྐྱེད་མ་གྱུར་འགྲོ་ལ་བསྐྱེད།།
མ་སེམས་ཅན་སྡུག་བསྔལ་གནས་ནས་བསྐྱབས།།
ཐུགས་དགོངས་པའི་དཀྱིལ་ན་སེམས་ཅན་ཡོད།།
དུས་ད་ལྟའི་བླ་མ་མང་ཆེ་བས།།
སྨད་རྒྱ་གྲོང་གང་སར་འཁྱམས་པའི་དུས།།
མོ་མཛེས་མ་ཕྱུག་པོ་ཁྲིད་པ་ལས།།
མ་སེམས་ཅན་ཐུགས་ལ་ཤར་མྱོང་མེད།།
ས་སྔོན་མའི་བོད་རིགས་སྤུན་ཟླ་ཚོས།།
ལས་རྒྱུ་འབྲས་མིག་འབྲས་བཞིན་དུ་རྩིས།།
བོད་རང་ལ་ཞེན་པའི་སེམས་པ་ཡོད།།
ནང་ཆོལ་གསུམ་བར་ལ་མཐུན་སྒྲིལ་དམ།།
དུས་ད་ལྟའི་བོད་པ་མང་ཆེ་བས།།
ནང་ཆོལ་གསུལ་བར་ལ་འཁྲུག་རྩོད་བྱེད།།
མཚོན་གྲི་མདུང་བཟུང་ནས་གསོད་རེ་བྱས།།
ནང་མཐུན་སྒྲིལ་སེམས་ལ་དྲན་མྱོང་མེད།།
བྱེད་སྟངས་འདི་རྫོར་བ་ལ་ཨ། དུས་འཁོར་དབང་ཆེན་ཞུ་མཁན་འདྲ་མི་འདུག
སློབ་མས་ཀྱང་། བླ་མའི་ནང་གི་ཡོན་ཏན་ལས། ཕྱི་ཡི་སྐུ་ཆས་ཡག་ག་ཡོད་པ་མཐོང་ནས་མིན་འགྲོ ཧ་ཧ། སྐུ་རྩེད་ཡིན་གདའ།
སྔོན་མ་དང་ད་ལྟའི་གནས་སྟངས་བྲིས་པ་ལ་དགའ་བསུ་ཞུ། དྷ་སར་ལོ་རྒྱུས་སྨྲ་བ་ཞིག་གིས་སྔར་གྱི་ཡིག་ཆ་ལ་ལྟས་པས་ལུང་པ་གང་གི་མི་ཡིན་ཤེས་དཀའ་བ་དང་། ད་ལྟར་བྲིས་པ་དག་ལ་ལུང་སྐད་ཀྱི་ཤན་ཞུགས་པས ལུང་པ་གང་གི་མི་ཡིན་པ་ཤེས་སླའོ་ཞེས་སྨྲས་པ་ཐོས། དེས་ན། གྲྭ་བ་ཞེས་པས་འབྲི་བ་པོ་དབུས་གཙང་པ་དང་། ལ་དྭགས་པ་མ་ཡིན་པར་ཐག་བཅད།
མ་གྱུར་ཞེས་པ་ལ་མར་གྱུར་ཞེས་པ་ངེས་པར་དགོས། མར་མ་གྱུར་པ་གཅིག་ཀྱང་མེད་གསུངས།
དྲིན་ཅན་ཞེས་པ་གྱུར་ནས་དིང་སང་དྲིན་ཆེན་ཤ་སྟག་འབྲི།
ཆོལ་གསུམ་ཞེས་པའི་དོན་དག་ཅི་ཡིན་མ་ཤེས་པ་ཡིན། རྗེས་སུ་ཕྱོགས་ཁག ཅེས་པ་འབྲི་མ་ཤེས་པ་ཞིག་གིས་ཆོལ་ཁ་ཞེས་བྲིས་པ་མ་དག་རྒྱུན་འབྱམས་སུ་སོང་བ་དེ།་ཨིན་སྐད་ཀྱི་OK ཞེས་པ་དང་འདྲའོ།