སོག་མདའ།
ཨ་མ་གཡང་སྐྱིད་མར་སྒྱེད་ནས་བ་མ་དེ་ཐབ་ལ་བཞག་དེ་ཆུ་ཐོམ་བུ་འགའ་བླུགས་ནས་དེར་བཞག་ཡོད་པའི་སྐམ་གྱི་རྐང་ཡ་དེ་བླངས་ནས་་ཤ་རྡོག་རེ་རེ་བཞིན་གཙབ་བཞིན་ནུབ་ཚ་སྐོལ་བར་བྲེལ་བཞིན་འདུག་ལ། ཁ་ནས་མུར་མུར་ཞིག་འདོན་བཞིན་ཕྱི་ལོགས་སུ་ཡང་ཡང་ལྟ་བཞིན་འདུག སྒོ་འགྲམ་གྱི་ཁྱི་རྒན་རྒྱ་སྟག་གིས་ཅི་ཡང་མི་སྙམ་པར་གཉིད་འདུག་ལ། ཉི་མ་ཡང་ག་ལེར་ནུབ་ཕྱོགས་ཚང་ལ་འགྲོ་བཞིན་འདུག ཕྱུགས་རྗི་བུ་ཆུང་མགོན་པོ་ཡིས་ནོར་ལུག་རྣམས་ལྷས་རར་བསྐོར་ནས་ཡོད་པས་མནའ་མ་སྒྲོན་མཚོས་བྲེལ་བྲེལ་འཚུབ་འཚུབ་ངང་སྐེ་རགས་ཡང་བསྡམས་ཞིག་བྱས་ཏེ་ནོར་ལྷས་སུ་ཕྱིན་ནས་ནོར་རྣམས་གཅིག་རེ་གཅིག་རེ་བྱས་ནས་རྡང་ལ་འདོགས་བཞིན་འདུག རྗོང་ཐོག་ཏུ་ཇ་དང་ཚ་ཁུ་ཉོ་རུ་སོང་བའི་ཕ་རྒན་རབ་རྒྱས་ཕྱིར་སླེབས་བྱུང་། བྱིས་པ་འགའ་ཕ་རྒན་གྱི་མདུན་དུ་རྒྱུགས་ནས་ཨ་ཕ་ལ་ཀ་ར་ཡོད་ནི་ཟེར་བཞིན་མཆོང་ལྡིང་བྱེད་བཞིན་རྒྱུགས་ཀྱི་འདུག་ལ། ཨ་མ་གཡང་སྐྱིད་ཀྱང་སྒོར་བུད་ནས་ཕ་རྒན་རབ་རྒྱས་ཀྱི་མདུན་བསུར་བུད་ནས། དེ་རིང་ཅུང་འགོར་ཐལ་མོ་ཞེས་དྲིས་པས་ཕ་རྒན་གྱིས་དེ་རིང་འགོར་ཐ་རྫོང་ཐོག་ནས་དོན་དག་མང་པོ་ཞིག་བྱུང་སོང་བས་མགྱོགས་པོ་ཕྱིར་ཡུལ་ལ་ཡོང་མ་ཐུབ་ཐ་ཟེར་ཞོར། རྟ་ལས་བབས་པས་ཨ་མ་གཡང་སྐྱིད་ཀྱིས་སྲབ་མདའ་ཁོང་གི་ལག་ནས་བླངས་དེ་རྟ་ཕུར་བ་ལ་བཏགས། ཕ་རྒན་རབ་རྒྱས་ཁྱིམ་གྱི་ཡར་སྒྱེད་དུ་བཙོག་ནས་ངའི་ཏ་ལེན་ཁྱེར་ཤོག་ཟེར་བས་དེར་ཡོད་པའི་བྱིས་པ་རྣམས་ཀྱིས་མིག་རིག་རིག་གིས་ཕ་རྒན་གྱི་ཏ་ལེན་ཕྱོགས་སུ་ལྟ་བཞིན་འདུག ཕ་རྒན་གྱིས་འོ་མའི་ཀ་ར་ཤོག་ཐུམ་གཅིག་བླངས་ནས་མཆོད་ཁང་དུ་ཁ་ཤས་བཞག་ནས་དེ་མིན་བྱས་པ་ཚོར་སྤྲད། མནའ་མ་སྒྲོན་མཚོ་དང་བུ་ཆུང་མགོན་པོས་ཀྱང་ནོར་ལུག་རྣམས་ལྷས་རར་བཅུག་ཚར་ནས་ཁྱིམ་དུ་ཐོན་པས་བཟའ་ཚང་གང་པོ་ཁྱིམ་ཏུ་འཛོམས་འདུག་ལ། ཐབ་ཀའི་ནང་མེ་ལྕེ་ལྷབ་ལྷུབ་བེ་འབར་བཞིན་འདུག ཕྱི་ལོགས་ཀྱི་ནོར་ལུག་རྣམས་ཉིན་གང་བོར་གཟན་རྩ་ལ་རོལ་བས་ཕོ་བ་བརྒྱགས་ནས་སྐྱུགས་བརྡལ་བྱེད་བཞིན་འདུག བུ་ཆུང་མགོན་པོས་སྒྲ་སྡུད་འཕྲུལ་འཁོར་དེ་བླངས་ནས་མཚོ་སྔོན་རྒྱང་བསྒྲགས་ཁང་གི་གསར་འགྱུར་ལ་ཉན་བཞིན་འདུག ཕ་རྒན་གྱིས་གློ་བུར་དུ་སེམས་སུ་ཤར་ཏེ་རྫོང་ཐོག་ཏུ་སོང་ནས་ཐོས་པའི་གསར་འགྱུར་རྣམས་བཤད་མགོ་ཚུགས། ཁ་སང་རྫོང་མི་དམངས་ཉེན་རྟོག་ཁང་གི་སྒོ་འགྲམ་ནས་བོད་ཀྱི་གྲྭ་བ་ཞིག་གིས་རང་ལུས་མེར་སྲེག་བཞིན་༸རྒྱལ་བ་རིན་པོ་ཕྱིར་བོད་ལ་ཕེབས་དགོས་པ་དང་། བོད་ལ་རང་དབང་རང་བཙན་དགོས་ཞེས་སྐད་འབོད་བྱས་པ་དེར་ཡོད་པའི་མི་ཚང་མས་མཐོང་བ་དང་གོ་ཡོད་ཁུ་ཟེར། ཁོང་གིས་སྐད་འབོད་བྱས་ནས་སྐར་མ་ཁ་ཤས་ཀྱི་རྗེས་སུ་ཉེན་རྟོག་པ་རྒྱ་མཚོ་དང་ཉི་མ་བཀྲ་ཤིས། དེ་མིན་གྱི་རྒྱའི་ཉེན་རྟོག་པ་ཁ་ཤས་ཐོན་ནས་ཁོང་གི་ལུས་སྟེང་ན་འབར་བཞིན་པའི་མེ་བསད་པའི་ཐོག ད་རུང་བོའི་དང་སྐེགས་འཆང་སོགས་ཀྱིས་རྡུང་རྡེག་ཚབས་ཆེན་བཏང་བས་དེ་མ་ཐག་གནས་དེ་ནས་བཀྲོངས་འདུག་ཟེར། ཕ་རྒན་གྱིས་དེ་ལྟར་བཤད་པས་ཨ་མ་གཡང་སྐྱིད་ངུ་བཞིན་ང་ཚོ་བོད་ཀྱི་མགོ་ལ་ཡོང་རྒྱུ་ལ། ལྔ་བཅུ་ང་བརྒྱད་དང་རིག་གནས་གསར་བརྗེ་སྐབས་སུ་དེ་འདྲ་མྱོང་ནི་རེད། ད་དེ་རིང་ནངས་ཀ་ཡང་འདི་མོ་རེད་ཟེར་བཞིན་ལག་གཉིས་ཐལ་མོ་སྦྱོར་བཞིན་གསོལ་འདེབས་བྱེད་བཞིན་འདུག་ལ། ཕ་རྒན་གྱིས་ཀྱང་ཨོ་ལེ་ད་རྒྱ་རྒན་ཚང་གིས་གནའ་རིང་ད་ཚེ་གཉིས་ལ་འདི་བྱས་ནི་རེད་ཟེར་ཞོར། སྡུག་ཡུས་ཤིག་འཐེན་བཞིན་སྐུ་གཤེགས་དམ་པ་གྲྭ་བ་དེའི་ཆེད་དང་༸རྒྱལ་བ་ཡིད་བཞིན་ནོར་བུ་ཕྱིར་བོད་ལ་ཕེབས་ཐུབ་པའི་ཆེད་དུ་ང་ཚོས་སྨོན་ལམ་མགོ་འདོན་བྱེད་ཟེར་ནས་སྐྱབས་འགྲོ་འདོན་མགོ་ཚུགས། ༢༠༡༢་༡༠༢་ཉིན།
མི་ཆོག་རྒྱུ་མེད་གི་ཡ། འོན་ཀྱང་འབོད་ཚིག་ནང་གི་རང་བཙན་དེ་མེད་རྒྱུ་ན་ཡག་པོ་ཞེ་དྲགས་འདུག
འདྲེ་མྱིག་འདྲ་ཟིག་ལ་སྤྲུལ་ནས་ལྟོས་ན་ཕལ་ཆེར་སྒྲུང་འདི་རིག་ཐུབ་ཙམ་ལས། ཡར་མར་ཉོག་བསྲེས་བྱེད་རྒྱོ་ཅིག་མང་སོང་ཟིག་གི། ཚིག་ཀ་ཐུང་ཐུང་གི་སྒོ་ནས་རྒྱས་འབྲི་བྱས་ན་ཡག་པོར་ཆགས་པའི་རེ་བ་ཡོད་ས་རེད།
དེ་མིན། བཀོད་ཁའི་འདོན་རྒྱོ་ལ་བཀོད་འདོན་ཟེར་བ་རེད། མགོ་འདོན་ཡིན་ན་ཅིག། ད་རུང་ཡིག་སྐྱོན་དང་སྐད་ཡིག་གི་གོ་ལོག་མང་གི་ཡ།
མགོ་ནག་སྐྱིད་སྡུག་གནམ་གྱི་ལག གོ་ཁ་དྲོན་པོ་རང་གི་ལག ཅེས་གོ་ཁ་ཞེས་འབྲི་དགོས་པ་རེད། དགོང་མོ་གོ་ཁར་འཛོམས་ནས་ཁ་འདོན་འདོན་པ་ལ་གོ་འདོན་ཟེར། བཀོད་འདོན་ནི་ནོར་བ་རེད།
གོ་ཁ་ཟེར་ན་གོ་རྒྱུ་མི་འདུག་སྟེ། གནའ་ནས་ད་བར་བྲིས་པའི་གོ་ལོག་འདི། ད་དུང་འབྲི་རྒྱུ་ཟེར་ན་འགྲིག་གི་རེད། ངས་ནི་ད་དུང་བསམ་བློ་གཏོང་གི་ཡིན།
འབྲོག་ཐབ་སྒྱེད་པུ་གསུམ་ཅན་ལ།། ཨོང་སྒམ་ཟེར་ནིའི་གཞོང་སྒམ་ཞིག། ཐལ་མྱེ་འབྲུ་སའི་ཁུང་ཁ་ཞིག། མྱེ་འབྲུ་ཟེར་ནིའི་དབྱུག་པ་ཞིག། བཀོད་རྡོ་ཟེར་ནིའི་རྡོ་ར་སྟེ། བཟའ་བ་བཀོད་ཁར་འདུས་ས་ཡིན།
མགོན་པོ་ཕྱག་གཉིས་པ་ལ་ཕྱག་འཚལ་ལོ། ང་རང་ནོར་བ་ཡིན་པ་ཡིན་ས་རེད། གོ་ཁ་ལབ་ན་འགྲིག་གི་ཡོད་ས་རེད། བཟའ་བ་གོ་ཁར་བཀོད་ན་གོ་འདོན་འདོན། ཟེར་པའི་དཔེ་ཞིག་མིག་ལ་མཐོང་སོང་ངོ།