ཆང་སྐྱེས།
ཉི་མ་ལ་མོ་རྒལ་ཏེ་རི་ལ་ནུབ།།
འཁོར་ཡུག་མཛེས་སྡུག་ས་སྲོད་ཀློང་ན་རྒུད།།
སྨུག་ནག་མུན་པ་ས་ལ་ཡུན་གྱིས་ལྷུང་།།
བསམ་གཞིག་ལྕི་མོའི་སེམས་པ་རྒྱང་ལ་ཕྱོགས།།
མི་ཚེ་འགྲུལ་བཞུད་རིང་མོ་ཚེར་མས་གཡོག།
སྐྱིད་སྡུག་འཚོ་བའི་ཁ་དོག་ལས་ཀྱིས་བཀོད།།
མི་སེམས་རློན་པ་བདུད་ཀྱིས་དབང་དུ་བསྒྱུར།།
གངས་དཀར་སེམས་ཀྱི་ཡིད་ཆེས་སུ་ལ་གཏོད།།
མགོ་བོ་ཡར་ལ་བཅག་ན་ལྷ་སེམས་འཁྲུག།
རྐང་པ་མར་ལ་བསྲིངས་ན་ཀླུ་རྒྱལ་ཁྲོ།།
བ་མ་བར་ནས་སྡད་ན་མྱི་ཁ་འཁོར།།
གོམ་པའི་འདེགས་འཇོག་ལྕི་མོ་གང་ལ་སྤོ།།
གཡོ་སྒྱུ་རྫུན་ལ་མཁས་ན་ཀུན་གྱིས་བཀུར།།
སྨྲ་བརྗོད་གཏམ་གྱིས་ཕྱུག་ན་མཁས་པར་རློམ།།
ད་ལྟའི་མི་སེམས་ཕལ་ཆེར་སྒོར་གྱིས་བསླུས།།
ལྷག་བསམ་དཀར་བའི་མདུན་མ་སུ་ལ་བཅོལ།།
ཉེ་བར་མཁོ་དུས་ཞུམ་ཞུམ་འཛུམ་གྱིས་བསུ།།
དགོས་མེད་དུས་ལ་སྡིག་འཛུབ་ཀེར་ཏེ་སྨད།།
ཁྲེལ་མེད་མི་ཡི་རང་མགོ་རང་གིས་གཡོག།
བསམ་ཞིང་བསམ་ན་ཡོད་ཚད་རྫུན་གྱིས་གྲུབ།
སྔ་དྲོའི་དུས་སུ་ཕན་སེམས་དྲག་འཕྱུར་གྱིས། །
ཉིན་མོའི་དགུང་ལ་ལེགས་ཉེས་བརྟགས་ནས་གྱིས། །
ཕྱི་དྲོའི་དུས་སུ་ལེགས་དགའ་ཉེས་འགྱོད་གྱིས། །
དེ་ལྟར་བྱས་ཀྱང་མ་གྲུབ་ལས་འབྲས་སོམས། །
་
དམྱལ་བར་ལྷུང་ན་ཚ་གྲང་སྡུལ་བསྔལ་ལོ། །
ཡི་དྭགས་སྐྱེས་ན་བཀྲེས་སྐོམ་མྱོང་སྐད་དོ། །
ལྷ་རུ་སྐྱེས་ཀྱང་འཆི་འཕོས་སྡུག་བསྔལ་བས། །
ད་ལྟའི་མི་ལུས་འདི་ལས་ལྷག་ཅིག་མེད། །
་
རང་དོན་བསྒྲུབས་ནས་མི་ལུས་དོན་ལྡན་གྱིས། །
གཞན་དོན་བསྒྲུབས་ནས་མི་ལུས་མཚན་སྙན་གྱིས། །
གཉིས་དོན་བསྒྲུབས་ནས་མི་ལུས་ཡར་ཐོན་གྱིས། །
དལ་འབྱོར་ལུས་ཀྱིས་མངོན་མཐོ་ངེས་ལེགས་སྒྲུབས། །
ས་མ་འགྲིག་བྱང་ཐང་ཐང་རྐྱང་རེད། འགྲིག་སོང་ས་རང་གི་ཕ་ཡུལ་རེད།
ཁྱི་མ་འགྲིག་སྟག་ཁྱི་གཟིག་ཁྱི་རེད། འགྲིག་སོང་ན་རང་གི་སྒོ་ཁྱི་རེད།
༄༅། ཀོ་རོ་ན་ཀོ་ན་ཟེར་ནས་འཇིགས་མི་རུང།
འཇིགས་ཤིང་འཇིགས་ན་འདུས་བྱས་མི་རྟག་འཇིགས།
སོ་སོའི་ཚེ་བསྐལ་རྗོགས་ན་སངས་རྒྱས་ཀྱང།
རང་སྲོག་སྐྱོབ་པར་མི་ཐུབ་གསུངས་ལ་ལྟོས།