བོད། ལྷ་ཀླུ་གཉན་གསུམ་ནས།
དད་བསམ་ཆེ་འདོག་སྟོན་མཁན་བོད་མི་འགའི།།
མི་ལ་དམའ་འབེབས་བྱེད་ལུགས་གང་ནས་སྤྱངས།།
མི་གཤིས་གསེར་དུ་རློམ་པའི་སྤུན་ཟླ་འགའི།།
རིགས་ཞེན་བརྩད་སྟངས་དེ་འདྲ་གང་ནས་རྙེད།།
ང་ལ་འཕྱ་དམོད་བྱེད་པ་མི་གནོད་ལ།།
ང་ལ་གདོན་འདྲེ་ཟེར་ཡང་མི་སྐྱོན་མོད།།
དེང་དུས་བོད་མི་འགྱུར་བའི་དུས་རབས་ན།།
རང་ལས་དྲིན་དུ་ཆེ་བ་མེད་པར་རློམ།།
འདི་འདྲའི་སྐབས་སུ་རང་རིགས་ཤེས་ཡོན་ཅན།།
འདི་འདྲའི་སྐབས་སུ་བོད་མི་ལར་ཞེན་ཅན།།
གང་དུ་སུ་ཡོད་ཕལ་ཆེར་་ཕྱོགས་ཞེན་ལས།།
སྐད་ཆ་ཞིབ་དུ་མ་བརྟག་བཤད་ལ་སྤྲོ།།
བསྐལ་བའི་མཐའ་ལ་ཟེར་ན་བཤད་དཀའ་ཡང་།།
སྐྱེ་བ་ད་རེབས་བོད་ལ་སྐྱེ་བ་འདི།།
ནམ་ཡང་བརྗེད་དུ་མེད་པའི་སེམས་གཤིས་འདི།།
ང་ལ་ཡོད་ལ་ཁྱེད་ཅག་ཡོད་པར་རེ།།
དེ་ལྟར་ཐུགས་ཀྱི་དཀྱིལ་དབུས་གོར་མོ་ནས།།
བསམ་གཞིགས་ཞིབ་མོ་གནང་དེ་ཉེག་ཕྲའི་ལས།།
གངས་ཅན་སྐྱེ་བོ་ཡོངས་ཀྱི་འདས་མ་འོངས།།
ཕྱོགས་ལ་ཞིབ་དཔྱོད་ནན་ཏན་བྱེད་པར་འཚལ།།
ང་ལ་བསྡིག་དམོད་བྱེད་མཁན་མང་ན་ཡང་།།
ང་རང་གསོད་པར་འདོད་མཁན་བྱུང་ན་ཡང་།།
ང་ལ་གདོན་དུ་ལྟ་མཁན་ཡོད་ན་ཡང་།།
ང་ལ་གནོད་དོགས་ནམ་ཡང་མི་བྱེད་དོ།།
སུ་དང་འགྲོག་ན་རང་གཤིས་གཙང་མིན་ནི།།
གང་དང་འདྲིས་ན་ཁྲེལ་གཞུང་ཡོད་མེད་དེ།།
ཤི་བའི་ཉིན་དེར་རང་སེམས་མ་འགྱོད་ན།།
བོད་ལ་སྐྱེ་བའི་བྱས་རྗེས་དེ་ཙམ་འདོད།།
རྩོམ་ཡིག་ཁྱར་ཁྱོར་འབྲི་བ་ལྟོ་དོན་མིན།།
དུས་ཚོད་དྲ་ངོས་གཏོང་བ་རང་དོན་མིན།།
སྐད་ཆ་བསམ་ནས་བཤད་པ་མིང་ཆེད་མིན།།
འདི་གསུམ་ཡིན་ཚེ་ད་ལྟ་ཤི་བར་སྨོན།།
ཤི་ཉིན་བོད་མི་འཇིགས་སའི་དམྱལ་བ་དེ།།
བཅོ་བརྒྱད་གནས་སའི་འབོད་པའི་ཡུལ་དེ་ནས།།
བསྐལ་བའི་བར་དུ་མནར་མེད་མྱོང་བ་དང་།།
མི་ལུས་ནམ་ཡང་ཐོབ་པ་མེད་པར་ཤོག
ད་རེས་བོད་ལ་སྐྱེ་བའི་ལས་དབང་འདི།།
རུས་པ་ས་ལ་མ་འཐོར་ཉིན་མོའི་བར།།
བོད་ཀྱི་བདེ་སྡུག་གླེང་རྒྱུའི་དམ་བཅའ་ཡོད།།
དེ་ཡི་ཆེད་དུ་སུ་ལ་འཇིགས་དོགས་མེད།།
རྩོམ་ཡིག་ཁྱར་ཁྱོར་འབྲི་བ་ལྟོ་དོན་མིན།།
དུས་ཚོད་དྲ་ངོས་གཏོང་བ་རང་དོན་མིན།།
སྐད་ཆ་བསམས་ནས་བཤད་པ་མིང་དོན་མིན།།
འདི་གསུམ་ཚང་ཚེ་ཚེ་ཚད་ལོ་བརྒྱར་བརྟན།
འུར་མ་བརྒྱག ཁྱེད་རང་གི་སྐྱོན་ཆེ་ཤོས་རྩོམ་ཡིག་མི་འབྲི་བར་འུར་འབྲི་གི་འདུག དེ་ཡག་པོ་མ་རེད། དཔེར་ན་རྩོམ་ཡིག་གི་ཁ་བྱང་ཁོ་རང་འུར་ཆེ་ཐག་ཆོད་བྲིས་འདུག ཁྱེད་གསོད་མཁན་འདྲ་ཡོང་གི་མ་རེད། ཡང་འུར་མ་བརྒྱག གཙོ་བོ་ཁྱེད་རང་རྒྱལ་ཁབ་ཀྱི་རྩ་དོན་ཆེན་པོ་ཆེན་པོ་ཐ་ན་༧རྒྱལ་བ་རིན་པོ་ཆེའི་སྐུ་དབང་དང་མཉམ་པའི་གནད་དོན་ཚང་མའི་ཐོག་ལ་བསམ་ཚད་བཤད་རྒྱུའི་ཤེས་མྱོང་འདང་ངེས་ཡོད་མེད་ཡག་པོ་བསམ་བློ་ཐོངས། དེ་ཡིན་ལོ།
འུར་མ་བརྒྱག ཁྱེད་རང་གི་སྐྱོན་ཆེ་ཤོས་རྩོམ་ཡིག་མི་འབྲི་བར་འུར་འབྲི་གི་འདུག དེ་ཡག་པོ་མ་རེད། དཔེར་ན་རྩོམ་ཡིག་གི་ཁ་བྱང་ཁོ་རང་འུར་ཆེ་ཐག་ཆོད་བྲིས་འདུག ཁྱེད་གསོད་མཁན་འདྲ་ཡོང་གི་མ་རེད། ཡང་འུར་མ་བརྒྱག གཙོ་བོ་ཁྱེད་རང་རྒྱལ་ཁབ་ཀྱི་རྩ་དོན་ཆེན་པོ་ཆེན་པོ་ཐ་ན་༧རྒྱལ་བ་རིན་པོ་ཆེའི་སྐུ་དབང་དང་མཉམ་པའི་གནད་དོན་ཚང་མའི་ཐོག་ལ་བསམ་ཚད་བཤད་རྒྱུའི་ཤེས་མྱོང་འདང་ངེས་ཡོད་མེད་ཡག་པོ་བསམ་བློ་ཐོངས། དེ་ཡིན་ལོ།
ཆ་ཚང་བལྟས་ཟིན།
How can i put some thing in this wepsite.
སྤུན་ཟླ་ཁྱེད་ཅག་ཕེབས་ནས་རང་་རང་གི།
སེམས་ཀྱི་ཤར་ཚུལ་ཡི་གེའི་གཟུགས་ཕབ་དེ།།
དྲ་ངོས་འདི་རུ་མཆན་པུ་བཏགས་པ་དེར།།
སེམས་དང་བསམ་པའི་གུས་ཤིང་དགའ་ནས་ཡོད།།
སྐྱེ་རྒ་ན་འཆི་རང་དབང་གཏན་མེད་རེད།།
རྒྱ་དང་བོད་ཀྱི་བར་ཐག་སོ་སོ་རེད།།
དེ་དང་དེ་གཉིས་མཉམ་བསྲེས་བྱེད་འདོད་ན།།
བསམ་བློ་ཞིབ་དུ་བཏང་ནས་རང་སེམས་ཀྱི།།
དམར་པོ་ཁྲག་གི་རྩ་བའི་དམ་བཅའ་སོགས།།
རང་རིགས་མེས་པོ་དམ་པའི་ཤུལ་རྗེས་དང་།།
མ་འོངས་ཤུལ་འཛིན་རྣམས་ཀྱི་བདེ་དོན་ཆེད།།
ཡར་མར་གང་ལ་འཕོག་ཀྱང་འགུལ་རན་རེད།།
མིང་གཅིག་འཁུར་བ་བོད་པ་ཡིན།།
སྐད་གཅིག་བཤད་པ་བོད་སྐད་ཡིན།།
ཚིག་གཅིག་སྨྲ་བ་བོད་དོན་ཡིན།།
ལས་དབང་གཅིག་པ་སྐྱབས་བཅོལ་ཡིན།།
སེམས་པ་གཅིག་མཐུན་གྲོགས་ཀྱི་མཆོག།
སྐྱེ་ས་གངས་རིའི་ལྗོངས་སུ་ཡིན།།
འགྲིམ་ས་ཕྱི་རོལ་གླིང་ཞིག་ཆགས།།
ཡུལ་གྱར་འཚོ་བའི་གྲུ་ཁ་ནས།།
རིགས་ཞེན་སྙིང་གི་གཏམ་བཤད་ཀྱིས།།
སེམས་ཀྱི་དུངས་པ་གཅིག་དུ་བསྲེས།།
མ་འོངས་གངས་ཅན་བདེ་རྩའི་ཆེད།།
རེ་བའི་རྨི་ལམ་གཅིག་དུ་རྨིས།།
ས་ཕྱོགས་གང་དུ་བསྡད་ན་ཡང་།།
ནམ་ཡང་མི་འགྱུར་སྙིང་གི་གཏམ།།
ས་ཡ་དྲུག་གི་ཆེད་དུ་གླེང་།།