——ཨེ་མ་ཧོ།
ན་མོ་གུ་རུ་སུ་མ་ཏི་ཀིརྟི་ཡེ།
ཆོས་དབྱིངས་སྤྲོས་བྲལ་ནམ་མཁའི་ཀློང་།།
ཆོས་ཅན་སྣང་སྲིད་ཉི་ཟླའི་འོད།།
གང་དགར་འཆར་བའི་སྒྱུ་འཕྲུལ་དཔལ།།
འཇིག་རྟེན་སྒྲོན་མེ་སྙིང་ནས་དྲན།།
རྒྱལ་ཀུན་འདུས་ཞལ་པདྨ་འབྱུང་།།
ཇོ་བོའི་སྤྲུལ་པ་བློ་བཟང་གྲགས།།
གངས་ལྗོངས་བདེ་སྐྱིད་འདྲེན་པའི་དཔལ།།
མདོ་སྔགས་བསྟན་པའི་བདག་པོ་དྲན།།
ཀུན་བཟང་མཆོད་སྤྲིན་ཡིད་བཞིན་ནོར།།
ཚོགས་གཉིས་མཐའ་ཡས་དགེ་ལེགས་ཚོགས།།
རྒྱལ་ཀུན་མཆོད་དང་འགྲོ་ལ་སྦྱིན།།
ཕན་བདེ་མི་ཟད་གཏེར་ཏུ་སྨོན།།
ཞེས་པ་རབ་གནས་སྨིན་དྲུག་དབང་ཕྱོགས་མཁའ་འགྲོ་འདུ་བའི་དུས་ཆེན་གྱི་ལྟ་གོན་ཉིན་སློབ་མ་དཔལ་ལྡན་ལྷ་མོས་ལྔ་མཆོད་ཆེད་དུ་མེ་ཏོག་དཀར་དམར་སྣ་ཚོགས་པ་དྲི་ཞིམ་གྱི་ངད་དང་མ་ཡལ་བ་དག་མཆོད་བཤམས་འབུལ་བ་ལ་ཡི་རང་བཅས་ཤྲྰི་ཨེ་མ་ཧོས་དབྱིན་ཡུལ་ཝ་ཛྙྰ་ན་གུ་རུའི་ལྷ་ཁང་ནས་གསོལ་བ་འདེབས་པར་དགེའོ།། །།
བསྟན་པའི་བདག་པོ་སྟོན་པ་ཤྰཀྱ་ཐུབ། །
སླར་ཡང་པདྨ་འབྱུང་གནས་ཨ་ཏི་ཤ །
བློ་བཟང་གྲགས་པ་རྩ་བའི་བླ་མ་སོགས། །
དབྱེར་མེད་སྤྲུལ་པའི་བྱིན་རླབས་འཇུག་པར་ཤོག །
དམིགས་མེད་བརྩེ་བའི་གཏེར་ཆེན་སྤྱན་རས་གཟིགས། །
དྲི་མེད་མཁྱེན་པའི་དབང་པོ་འཇམ་དཔལ་དབྱངས། །
གངས་ཅན་མཁས་པའི་གཙུག་རྒྱན་ཙོང་ཁ་པ། །
བློ་བཟང་གྲགས་པའི་ཞབས་ལ་གསོལ་བ་འདེབས། །
ཙོང་ཁ་པ་ནི་བློ་བཟང་གྲགས་པའི་རྗེ། །
ཐོས་བསམ་མཐར་ཕྱིན་སྒོམ་འབྱུང་མཛད་པའི་ཚེ། །
འཇམ་དབྱང་དངོས་གཟིགས་གདམས་ངག་ཞལ་ནས་སྩལ། །
འཇམ་དབྱངས་དངོས་བྱོན་བརྒྱུད་པའི་བླ་མར་འདུད། །
ཆོས་རྗེ་ཙོང་ཁ་ཆེན་པོར་སྒོ་གསུམ་གུས་པ་ཆེན་གསོལ་བ་འདེབས་སོ་བྱིན་གྱིས་རླབ་ཏུ་གསོལ།
???????????????????????
ཀ་དགས་ཕྱག་རྒྱ་བློ་བཟང་གྲགས་པའི་དཔལ་།
ཁ་བའི་ཡུལ་དུ་ཁྱེད་ཀྱིས་འགྲོ་དོན་མཛད་།
ག་བུར་ཙན་དན་དྲི་ཞིམ་མེ་ཏོག་སོགས་།
ང་རྒྱལ་སྤངས་པའི་མཆོད་སྤྲིན་ཁྱེད་ལ་འབུལ་།
ན་མོ་གུ་རུ་སུ་མ་ཏི་ཀིརྟི་ཡེ། ཞེས་མ་དག་པའི་ལེགས་སྦྱར་མཆོད་བརྗོད་དེ་ཉིད་དག་པར་བྱེད་ན། འདི་ལྟརཱ
ན་མོ་གུ་རུ་སུ་མ་ཏི་ཀཱིརྟ་ཡེ།
་
ཞེས་མ་དག་པ་དག་པར་བྱས་པའི་དགེ་བས། རྗེ་ཙོང་ཁ་པ་ཆེན་པོའི་མཛད་པ་འཕྲིན་ལས་ཀྱི།
་
བསྟན་པ་རིན་ཆེན་མཆོག་གིས་མ་ཁྱབ་པའམ།
ཁྱབ་ཀྱང་ཉམས་པར་གྱུར་པའི་ཕྱོགས་དེར་ནི།
སྙིང་རྗེ་ཆེན་པོ་ཆེན་པོས་ཡིད་རབ་བསྐྱོད་པ་ཡིས།
ཕན་བདེའི་གཏེར་དེ་གསལ་བར་བྱེད་པར་ཤོག །
་
བྱང་ཆུབ་ལམ་རིམ་ཆེན་མོའི་མཇུག་བྱང་ལས་ཕྱུངས་པའིཚིགས་བཅད་དོ།
ལ་དྭགས་པས་གསུངས་པ་ཤིན་ཏུ་རྨད་དོ། ཀྰིརྟ་ཡེ་དང་ཡང་ན་ཀྰིརྟི་ཡ་ཞེས་པ་ལས་དབྱངས་གཉིས་མཚུངས་མེད་པར་སྒྲ་གཞུང་ལས་གསལ། ཨེ་མ་ཧོས་སྒྲ་མཚམས་སྦྱོར་ལྔ་བ་ཙམ་ཡང་ལྟ་མྱོང་མེད་པར་འདྲ།
དམིགས་མེད་བརྩེ་བའི་གཏེར་ཆེན་སྤྱན་རས་གཟིགས། །
དྲི་མེད་མཁྱེན་པའི་དབང་པོ་འཇམ་དཔལ་དབྱངས། །
དོལ་འདྲེ་མ་ལུས་འཇོམས་མཛད་གསང་བའི་བདག །
གངས་ཅན་མཁས་པའི་གཙུག་རྒྱན་ཙོང་ཁ་པ། །
བློ་བཟང་གྲགས་པའི་ཞབས་ལ་གསོལ་བ་འདེབས། །
ཕྱི་རོལ་ཉན་ཐོས་སྤྱོད་པ་བཟུང་། །
ནང་དུ་བྱང་སེམས་རྩེ་གཅིག་སྒོམ། །
གསང་བར་གསང་སྔགས་ཉམས་ལེན་མཛད། །
ལུས་ངག་ཡིད་གསུམ་བྱིན་གྱིས་རློབས། །
གང་གང་རྐྱེན་ལ་རག་ལས་པ། །
དེ་དེ་རང་བཞིན་གྱིས་སྟོང་ཞེས། །
བསྟོད་མཛད་ཀླུ་སྒྲུབ་གཉིས་པ་ལ། །
གསོལ་བ་འདེབས་སོ་བྱིན་གྱིས་རློབས། །