བྱ་རྒོད་རྒྱལ་པོས།
ད་བར་གླེང་སློང་བྱས་པའི་འོས་ཤོག་གི་དངོས་གཞི་ཉིན་མོ་དེ་རིང་གུས་པའང་བསམ་བློ་མང་པོ་བཏང་ནས་ཉིན་གུང་གི་ཟ་མ་ཡང་མ་ཟ་བར་དྲ་རྒྱ་ཁག་དང་ཚགས་པར་ཁག་ལ་བལྟས་ནས་བསྡད། ད་དུང་ཐག་གཅོད་མ་ཐུབ་པར་འོས་སྒམ་འཁྲིས་སུ་སླེབས་ནས་ལག་དུ་འོས་ཤོག་གི་ཤོག་ལྷེ་གཅིག་རང་ལེན་ནས་ཡག་པོ་བལྟ་བའི་དུས་བཀའ་ཁྲིའི་འོས་མི་གསུམ་གྱི་མཚན་རྟགས་ནི། སེང་གེ་དང་ཉི་མ་ནོར་བུ་མེ་འབར་བཅས་རེད་འདུག་པས་བོད་ཀྱི་རྒྱལ་དར་གྱི་རི་མོའི་ནང་དོན་ཉི་མའི་མདུན་ངོས་སུ་སེང་གེས་ནོར་བུ་འདེགས་པ་དེ་ལྷང་ལྷང་དྲན་སོང་།
གང་ལྟར་བཀའ་ཁྲི་སུ་འཁེལ་ཡོང་དེ་ནི་བོད་མི་མང་གི་འདོད་མོས་ཐོག་བྱ་རྒྱུ་ཡིན་པ་ནི་དམངས་གཙོ་འགྲོ་ལུགས་དང་མཐུན་པའི་སྲོལ་བཟང་ཞིག་ཡིན་གཤིས། ང་ཚོས་སླད་མར་སོ་སོས་འོས་ཤོག་འཕེན་པའི་བཀའ་ཁྲི་འོས་མི་ལ་མ་ཐོབ་ནའང་མི་མང་གིས་འདེམས་ཟིན་བྱས་པའི་བཀའ་ཁྲི་དེར་རྩིས་བཀུར་དང་མོས་མཐུན་བྱ་རྒྱུ་དེ་ནི་ཕུག་བསམ་དང་དྲང་བདེན་གྱི་བྱ་བཞག་ཞིག་ཡིན་པ་ངེས་དགོས། བཀའ་ཁྲིའི་ངོས་ནས་ཀྱང་སོ་སོར་ཁྲི་དེ་རགས་པའི་རྗེས་ཁོང་ཚོ་ང་ལ་རྒྱབ་སྐྱོར་བྱེད་མཁན་མ་རེད་འདི་ཚོ་རེད་ཅེས་རྒྱ་གར་སྲིད་དོན་པ་ཐེབས་ཆགས་དེ་འདྲ་ལྟ་བུ་མིན་པར་། བསམ་བློ་ཁོག་ཡངས་པོ་དང་དྲང་བདེན་དང་མི་མང་ཡོངས་རྫོགས་ལ་བརྩེ་སེམས་བཅངས་དགོས་པ་ཡིན། ང་ཚོ་བོད་མི་རིགས་འདི་ནི་ཕ་སྤྲེལ་རྒན་དང་མ་བྲག་སྲིན་གྱི་ཕྲུག་གུ་ཡིན་པའི་རྒྱུ་མཚན་ལས་མི་རིགས་མཐོ་དམན་དང་ཁྱིམ་རྒྱུད་ལེགས་མིན་དང་ཆོལ་ཁ་དང་ལུང་ཚན་ཆོས་ལུགས་སོགས་གང་ནས་ཀྱང་དབྱེ་འབྱེད་མི་ཆོག་པ་ཡིད་ལ་ངེས་དགོས། བཀའ་ཁྲི་ལས་འགན་ནི་༧གོང་ས་མཆོག་གི་དགོངས་པ་གཞིར་བཟུང་བོད་དོན་བསྒྲུབ་རྒྱུ་དང་མི་མང་ལ་བལྟ་སྐྱོང་བྱ་རྒྱུ་ཡིན། གུས་པས་བཀའ་ཁྲི་འོས་མི་གསུམ་ག་་བཀྲིས་བདེ་ལེགས་ཡོད་ལ། ང་ཚོར་ཁྱེད་གསུམ་ག་ལ་འོས་བླུགས་རྒྱུའི་ཐོབ་ཐང་མེད་པར་ཡིན་དུས་མི་གཅིག་མི་འདེམས་དཀའ་མེད་བྱུང་སོང་ཡང་གསུམ་གར་རྒྱབ་སྐྱོར་ཡོད། ད་ལན་བཀའ་ཁྲིའི་འོས་ཤོག་མི་ཐོབ་པ་ཚོས་སེམས་ཤུགས་མ་ཆགས་པར་བོད་དོན་ལ་འབད་རྒྱུ་དང་། ཐོབ་མཁན་གཅིག་པུ་དེས་ཀྱང་སོ་སོར་རྒྱབ་སྐྱོར་བྱེད་མིན་ལ་མ་ལྟོས་པར་བོད་མི་ཡོངས་ལ་ཆ་སྙོམས་བྱ་རྒྱུ་ད་ལྟ་ནས་ཡིད་ལ་གོམས་པར་བྱ་དགོས། བོད་རྒྱལ་གྱུར་ཅིག
བོད་ཀྱི་རྒྱལ་དར་གྱི་ངོས་སུ་ཉི་མའི་མདུན་དུ་སེང་གེས་ནོར་བུ་བཏེགས་པའི་རྟགས་དང་རྟེན་འབྲེལ་ལ་བལྟས་ན་བཀྲ་ཤིས་དབང་འདུས་ཀྱི་མདུན་དུ་བློ་བཟང་སེང་གེས་བསྟན་འཛིན་རྣམ་རྒྱལ་གཙུག་ཏུ་བཀུར་རྒྱུ་ཡིན་པར་ངེས་སོ། །
སེང་གེས་ཉི་མའི་མདུན་ལ་ནོར་བུ་འདེགས་སྲིད་པ་རེད།
ད་ནོ་བོད་མི་དམངས་ཀྱི་བཀའ་ཁྲི་ཕལ་ཆེར་འདེམས་ཟིན་པ་རེད། འོས་གཞི་གསུམ་གྱིས་ལྡོག་ཕྱོགས་ཀྱི་སྐྱོན་བརྗོད་བྱས་མིན་ལ་མ་བལྟས་པར། སེམས་ཤུགས་ཀྱིས་བཀའ་ཁྲི་འོས་གཞི་ནང་བཞུགས་པ་ནི་གཟི་བརྗིད་དང་བསྔགས་འོས་སུ་མཆིས། བཀའ་ཁྲི་སུ་ཞིག་ལ་ཐོབ་མིན་ལ་མ་བལྟས་པར། གསུམ་ཆ་ལ་གུས་བརྩི་དང་རྗེས་སུ་ཡི་རངས་ཡོད། ཐུགས་རྗེ་ཆེ།
སེང་གེ་དང་ཉི་མ་གཉིས་ཀྱི་བར་དུ་གནས་པའི་ནོར་བུ་དེ་ཅི་འདྲའི་ཉམ་ཆུང་ཞིག་རེད་ཨང་།
ནམ་མ་ལངས་གོང་ནས་བྱ་སྐད་མ་བརྒྱབ།བཀའ་ཁྲི་སུ་ལ་ཐོབ་མིན་སྤྱིར་བཏང་གཏན་འཁེལ་ཟིན་ཡང་ད་ལྟ་འོས་བསྡུ་ལས་ཁང་ནས་གཅིག་གྱུར་ངང་བསྡོམ་རྩིས་བརྒྱབ་ནས་གསལ་བསྒྲགས་མ་གནང་སྔོན་རླུང་འཕྲིན་ག་རེའི་གསར་འགོད་པས་སྦ་གསང་མེད་པར་རང་གི་འོས་རྟགས་རྒྱག་ཡུལ་དེ་ཡིན་ཟེར་བཤད་པ་ཆེས་ཉུང་ཤས་ཀྱི་མང་ཉུང་ལ་བརྒྱ་ཆ་སྐོར་ནས་ཚོད་རྩིས་བྱས་པར་ཡིད་ཆེས་ཀྱི་ལག་ཐོག་ཁ་པར་བརྒྱུད་པྱི་རྒྱལ་ཡུལ་གྲུ་ཁག་ཏུ་སེངྒེར་རྒྱལ་ཁ་ཐོབ་ཚུལ་སྦིར་གྲགས་བྱས་པའི་གནས་ཚུལ་ཨ་རི་དང་ཧོང་ཀོང་ནང་ཡོད་པའི་རྒྱ་མིའི་གསར་འགོད་པས་དངོས་བདེན་ཡིན་མིན་དྲི་རྩད་བྱེད་ཀྱི་འདུག་ན་དེ་ལྟའི་ཆ་འཕྲིན་ནོར་བ་ལ་ཡིད་ཆེས་བྱས་ན་གསལ་བསྒྲགས་ངོ་མ་འདོན་ཡོང་དུས་ངོ་ཚ་ཁ་ཀེངས་ཡོང་གི་རེད།དོན་དུ་ཁ་སང་སྔ་དྲོའི་ཚོུད་༡༠པར་རྷ་ས་ཐེགས་ཆེན་ཆོས་གླིང་ཐང་ཆེན་དུ་དྲོ་སྐྱིད་ཉི་མའི་འོད་ཟེར་འཕྲོ་བཞིན་པར་ཐོག་མ་ནས་གྲ་སྒྲིག་ཨང་གསར་ཡོད་པའི་སེངྒེས་གཡུ་རལ་ངོམ་བཞིན་དུ་མི་ཚོགས་དཀྱིལ་དུ་ཐོན་ཡོང་སྐབས་རྒྱབ་སྐྱོར་བ་ཚོས་དགའ་བའི་འབོད་སྒྲ་དང་ཐལ་མོ་བརྡབ་བཞིན་པར་རང་གི་རང་ལ་འོས་འཕེན་ནས་རང་རློམ་ང་ཡིན་བསམ་པའི་ངང་ཚུལ་ཞིག་པྱིར་ངོམ་ཡོད་ཀྱང་བློ་ཡུལ་ལས་འདས་པ་ཞིག་ལ་མི་རྣམས་ཀྱིས་དགའ་མོས་ཆེ་བའི་ཉམས་ཆུང་མངོན་མེད་ཀྱི་ནོར་བུ་འོད་འབར་དེ་སེངྒེའི་ལག་གཉིས་ཀྱིས་གོང་དུ་བཏེགས་བཅུག་ཡོད་པ་ནི་ལྡོག་ཐབས་མེད་པའི་ལས་དབང་ཞིག་ཡིན་པ་དངོས་ཡོད་གནས་ཚུལ་དེ་ཉིན་གྲངས་བཅུ་གྲངས་གཉིས་ཙམ་རྗེས་མི་ཚང་མས་ཤེས་རྟོགས་ཐུབ་པ་རེད།གང་ལྟར་ཡང་ཉི་མ་དང་སེངྒེ་ནོར་བུ་འོད་འབར་བཅས་མི་མང་པོས་དགའ་མོས་དང་རྒྱབ་སྐྱོར་ཞུས་པ་ཡིན་སྟབས།ཚང་མར་གུས་ཞབས་དང་དྲིལ་བསྒྲགས་གང་ལེགས་བྱུང་སོང་།་དེ་ནི་བོད་མིའི་མང་གཙོའི་ལྟ་བ་དང་སྤྲོ་སྣང་འཛུལ་ཞུགས་བྱས་པའི་གནས་ཚད་གོང་འཐོར་པྱིན་ཡོད་པ་མཚོན་གྱི་ཡོད་ན་དྲ་རྒྱའི་ནང་ཆ་ཤས་ལེན་མཁན་ཡོངས་ལ་ཐུགས་རྗེ་ཆེ་བཀྲིས་བདེ་ལེགས་ཡོད།།
རྟེན་འབྲེལ་བཟང་པོ་འདུག ནོར་བུ་བཀའ་བློན་དུ་འཁོད། སེང་གེས་བཀའ་བློན་ཕྱག་རོགས་གཙོ་བོ་བྱས། ཉི་མར་སློབ་སྟོན་པའམ་ཀྲུ་ཞིའི་གོ་མིང་གནང་ཏེ་བོད་ས་ཡོངས་སུ་རྫོགས་པ་ཆབ་སྲིད་གཅིག་པུའི་ལམ་ནས་སྐྱོང་ན་ད་བཟོད་རྒྱ་ནག་བོད་ཀྱི་ཆོས་དང་རིག་གཞུང་ལ་གཏོར་གཤིག་གཏོང་རྒྱུ་བར་མཚམས་ཆད་ཀྱི་རེད་ལ། ང་ཚོར་ཚད་མཐོའི་རང་སྐྱོང་མ་ཚད། རང་བཙན་ཡང་ཐོབ་རྒྱུ་གཏན་འཁེལ་རེད། བོད་རྒྱལ་ལོ།
སེང་གེས་ཉི་མའི་མདུན་ལ་ནོར་བུ་འདེབས་སྲིད་དམ།
ཕྱི་སུ་བཀའ་བློ་ཁྲི་པ་བྱ་འདོད་ཡོད་མཁན་གང་གིས་ད་ལྟ་རང་ནས་མཚོན་རྟགས་གངས་རི་དང་ནོར་བུ་དགའ་དཁྱིལ་གཉིས་བདག་པོ་རྒྱོབ། རྗེས་མ་བཀའ་ཁྲིའི་ས་མཚམས་སུ་འབྱོར་དུས་མཚན་རྟགས་ཚང་མ་རྫོགས་ནས་ཁྱི་དང་གླང་དང་ལུག་བཟོ་འདྲ་འརྒྱག་དགོས་ན་ངོ་ཚ་པོ་རེད།
སྐྱོན་མེད། ལྷ་ཁྱི་ནག་པོ། ལྷ་གླང་གྭ་བ། ལྷ་ལུག་དཀར་པོ་སོགས་བོད་ཀྱི་སྲིད་པ་ཆགས་པའི་ལྷ་དགུའི་གཅེས་ནོར་རེད། བོད་ལྷ་མི་གཉིས་ལ་མཁོ་རྒྱུ་ཞིག་ཡིན་པ་འདྲ། འོས་འདེམས་ཐད་སྔོན་དཔག་ཅིག་བྱས་ན། བོད་སྤྱི་ལ་ཕན་ཤོས་བཀྲས་མཐོང་ལགས་རེད་དེ། བློ་བཟང་སེངྒེ་ལ་ཐོབ་ནས་འདུག བོད་ཀྱི་གངས་སེང་རྒྱ་ནག་གི་ཁྱི་མོ་ཞིག་གི་ཁ་ལ་མི་ཤོར་པའི་སྨོན་ལམ་འདེབས། བཤད་ཚོད་ལ་བྷོ་སི་ཀྲོན་ན་བློ་སེང་ལ་ངོ་ཤེས་ཀྱི་རྒྱ་མོ་མང་པོ་ཡོད་འདུག་པ་དེ་ཚོ་བརྩམས་སྒྲུང་ཡིན་པའི་རེ་བ་ཡོད།
སེང་གེས་ནོར་བུ་བཏེགས་པ་འདིས་བཀྲ ས་མཐོང་ལ་རྒྱལ་ཁ་ཐོབ་པའི་རྟེན་འབྲེལ་འགྲིགས་འདུག བོད་མགོ་ནག་རྟེན་འབྲེལ་ལ་དགའ་བ་ཚོས་བལྟས་ན་འདི་འདྲ་ཞིག་མ་རེད་དམ།
བྱ་རྒོད་རྒྱལ་པོས་༼བཀའ་ཁྲི་ལས་འགན་ནི་༧གོང་ས་མཆོག་གི་དགོངས་པ་གཞིར་བཟུང་བོད་དོན་བསྒྲུབ་རྒྱུ་དང་མི་མང་ལ་བལྟ་སྐྱོང་བྱ་རྒྱུ་ཡིན།༽ཟེར། ད་༸གོང་ས་མཆོག་བགྲེས་ཡོལ་གནང་སོང་དུས་བཀའ་ཁྲི་ལ་༸གོང་ས་མཆོག་གི་དགོངས་པ་གཞིར་བཟུང་བྱེད་དགོས་པའི་ལས་འགན་མེད། དེ་ལྟར་མ་བྱས་ནའང་ཁྲིམས་འགལ་ཆགས་ཀྱི་་ཡོད་པ་རེད། དབུ་ཁྲིད་ཀྱི་བཀའ་དང་འགལ་བ་ཆགས་ཀྱི་ཡོད་པ་མ་རེད། འོན་ཀྱང་བཟང་སྤྱོད་ལ་བལྟ་ས་ཡོད་པ་རེད། ལས་དོན་འགྲུབ་མི་འགྲུབ་ལ་བལྟ་ས་ཡོད་རེད།
ད་ཚར་སོང་ སུ་བཀའ་ཁྲིར་ཕེབས་ཡང་བཀྲིས་བདེ་ལེགས་དང་ བྱ་བ་ལམ་འགྲོ་ཡོང་ཤོག། ཡང་གོས་༸རྒྱ་བའི་སྐུ་ཚེ་རྟེན་པ་ཤོག།
ང་ཚོས་ད་ལྟ་བར་དུ་དྲྭ་རྒྱའི་ནང་བཀའ་ཁྲིའི་སྐོར་ལ་ཁ་དམག་བརྒྱབས་ཚར་བ་དང་། ད་བཟང་ཐག་ངན་ཐག་ཆོད་པའི་དུས་ཚོད་འདིར་བཀའ་ཁྲི་སུ་ཕེབས་ཀྱང་མཛད་འཕྲིན་གོང་འཕེལ་ཡོང་བ་དང་། ཁ་བཤད་ལག་ལེན་གྱིས་མགོན་པོ་དོན་གྱི་བདག་པོའི་བཀའ་དགོངས་ཚུལ་བཞིན་སྒྲུབ་ཐུབ་པའི་སྨོན་འདུན་ཞུ།
རྒན་སྤངས་སྤོས་ལགས་ཀྱིས་གསུངས་བ་དེ་ག་རང་ཡིན།
སང་ཉིན་བཀའ་ཁྲིར་སུ་སླེབས་ཀྱང་བོད་མིའི་བཀའ་ཁྲི་ཡིན་པ་དང་ཚང་མས་ཕྱར་གྲུ་མཉམ་འདེགས་ཀྱིས་མང་མོས་རྩེ་བཏོགས་ལ་བརྩི་བཀུར་བྱེད་འོས་པར་མ་ཟད། བཟང་སེམས་ཁུར་ནས་ནོར་འཁྲུལ་དུས་ལྟར་ཡོ་བསྲང་ལ་འབད་རྒྱུའི་འོས་འགན་ཡང་ཚང་མར་ཡོད་པ་རེད། དམངས་གཙོ་རྒྱལ་ལོ། བོད་རྒྱལ་ལོ།