སྐྱིད་སྲས།
༡༽
སྡུག་བསྔལ་འདིས་ལྕགས་ཤན་རྒྱབ་དུས།
མིག་མཆི་འདིས་ཀྱང་ངོ་གདོང་སྲེགས་བྱུང་།
གྲང་ཤུར་ཤུར་གྱི་ལུས་སེམས་ཟུང་གི་གྲུ་ཁ་ནས།
ཐབ་མགོའི་སྟེང་ན་མེ་ལྕེས་གདུ་བཞིན་པ་དང་འདྲ་བའི་མཆི་མ་འདི་གང་ནས་བྱུང་།
༢༽
སྡུག་ལ་སྐྱོར་མ་མེད་པའི་ཉིན་མོ།
གཟན་སྣེ་འདིས་མིག་ཟུང་བཀབ་དུས།
ད་གཟོད་མཐོང་འདོད་མེད་པའི་ནམ་མཁའ་འདིའི་ངོ་གདོང་ལ་ལྷན་པ་རྒྱབ་པ་ཡིན།
༣༽
ལས་ལ་བཀོད་པ་མེད་དུས།
སྐྱ་རེངས་འདིའང་མིག་ལ་གནོད་པའི་གློག་འགྱུ་བཞིན།
འུག་པའི་སྐྱེ་བ་བླངས་པའི་མཚན་ལྗོངས་ན་འཁྱུག
ལམ་འགྲམ་གྱི་ཁང་གོག་དེ་ཚོའང་བཟི་ནས་འཁྱོར་བ་ཡིན་ནམ།
རྒས་ནས་འཁྱོར་བ་ཡིན།
གང་ལྟར་ངའི་ལྷམ་ཀོག་བཞིན་ལམ་རྙིང་པ་དེ་ལ་གོམས་ནས་འདུག
2014.7.7 མཚན་མོར།