རྔ་བ་ཀུན་བཟང་།
སེམས་པ་དེ་ཤིགས་ཙམ་གནང་དང་།
སེམས་པ་དེའི་ཕ་རོལ་ན།
ང་ཡི་དྲན་ཆེན་ཕ་མའི་བདེ་སྐྱིད་ཡོད།
རྨི་ལམ་ཁྲི་ཁྲི་འབུམ་འབུམ།
རེ་བ་ལྔ་བཅུ་རྩ་གཅིག།
ད་དུང་།
འཚོ་བ་ཡོད།
དགའ་སྐྱོ་ཡོད།
ན་ཟུག་ཡོད།
སེམས་པ་དེ་ཤིགས་ཙམ་གནང་དང་།
སེམས་པ་དེའི་ཕ་རོལ་ན།
ང་ཡི་རྟ་ནོར་ལུགས་གི་གཏམ་རྒྱུད་ཡོད།
རྟ་ཕོ་ངག་གི་འཚེར་སྐད་འུར་འུར།
མར་ཕྱུར་འོ་མའི་དྲི་ཞིམ་ཁྱབ་ཁྱབ།
ད་དུང་།
མེ་ཏོག་ཡོད།
རྩྭ་ཐང་ཡོད།
གངས་རི་ཡོད།
སེམས་པ་དེ་ཤིགས་ཙམ་གནང་དང་།
སེམས་པ་དེའི་ཕ་རོལ་ན།
ང་ཡི་བརྩེ་དུང་ལོ་མོའི་རླུང་རླབས་ཤུག་ཤུག།
བརྩེ་གླུ་དྭངས་མའི་མཆོད་དབྱངས་སང་སང་།
ད་དུང་།
དགའ་བ་ཡོད།
བདེ་སྐྱིད་ཡོད།
མིག་ཆུ་ཡོད།
སེམས་པ་དེ་ཤིགས་ཙམ་གནང་དང་།
སེམས་པ་དེ་ཤིགས་ཙམ་གནང་དང་།
2021/21/10