གསར་འགོད་པ་རྡོ་རྗེ་ཚེ་རིང་གིས།
སྤྱི་ཟླ་༡ཚེས་༧རེས་གཟའ་སྤེན་པ།
ཕྱི་དྲོར་ཆུ་ཚོད་༧གྱི་སྟེང་བོད་ཀྱི་ན་གཞོན་དེང་རབས་གཞས་པ་བློ་ཚེ་བརྟན་དང་རྟ་མགྲིན་ཚེ་བརྟན། འཇམ་དབྱངས་བཀྲ་ཤིས། བློ་བཟང་བདེ་ལེགས། ཡེ་ཤེས་ནོར་བུ། བསྟན་འཛིན་ཆོས་རྒྱལ། སོག་ཤོད་དར་རྒྱས། བསྟན་ནོར་སོགས་ཀྱིས་འདི་ག་རྡོར་གདན་༼རྙིང་མ་དགོན་པའི་ཉེ་འགྲམ་༽དུ་༼སེམས་ཤུགས་ཆིག་སྒྲིལ་གླུ་གཞས་དགོང་ཚོགས་༽ཞེས་པའི་རིག་རྩལ་སྤྲོ་ཚོགས་ཤིག་བཀོད་སྒྲིག་བྱས་ཡོད་པ་དང་ནང་འཛུལ་འཛིན་བྱང་༼པ་སེ་༽གཅིག་རེར་ཧིན་སྒོར་༥༠ རེད་འདུག་ལ་དེར་འདུས་ཀྱི་མི་དམངས་གྲངས་འབོར་ཆིག་སྟོང་མ་ཟིན་ཙམ་ཞིག་ཡོད་འདུག
གཤམ་དུ་གསར་འགོད་པས་དེང་རབས་ན་གཞོན་གཞས་པ་ཁ་ཤས་སུ་༼ད་ལན་གྱི་གླུ་གཞས་དགོང་ཚོགས་འདིའི་དགོས་པ་དང་དམིགས་ཡུལ་ཅི་ཡིན་དྲིས་པར།༽
གཞས་པ་བསྟན་ནོར་ལགས་ཀྱིས་གསུང་དོན། བོད་ཕྱི་ནང་གཉིས་ཀྱི་བོད་མི་གང་མང་འདིར་འཛོམས་ཡོད་པས་བོད་ཀྱི་རྒྱལ་གཅེས་དཔའ་བོ་དཔའ་མོ་དག་ལ་རྗེས་དྲན་དང་ཕན་ཚུན་ལ་ཆིག་སྒྲིལ་གྱི་རྣམ་པ་ཞིག་སྟོན་པས་ཕྱིར་དུ་ཡིན་ཞེས་གསུངས་སོ།། གཞས་པ་རྟ་མགྲིན་ཚེ་བརྟན་ལགས་ཀྱིས་དྲིས་ལན་གསུང་དོན། ང་ཚོས་འདི་འདྲ་ཞིག་བཀོད་སྒྲིག་བྱེད་དོན་ནི་ན་ནིང་བོད་ནང་དུ་སྐུ་ལུས་མེར་མཆོད་ཕུལ་བའི་རྒྱལ་གཅེས་པ་ཚོར་གདུང་སེམས་མཉམ་བསྐྱེད་དང་གུས་འདུད་ཞུས་པའི་ཆེད་དུ་ཡིན་ཟེར། གཞས་པ་འཇམ་དབྱངས་བཀྲ་ཤིས་ལགས་ཀྱིས་གསུང་དོན། སྤྱིར་བཏང་བོད་ནང་གི་རྒྱལ་གཅེས་པ་དག་ལ་གདུང་སེམས་མཉམ་གནས་དང་་ལྷག་པར་ཁ་སང་ཡང་བོད་ཨ་མདོ་རྔ་བ་ནས་སྐུ་ལུས་མེར་མཆོད་བཏང་ཡོད་པར་འདི་ན་ང་ཚོས་སེམས་ཤུགས་མ་ཆགས་པར་ཆིག་སྒྲིལ་གྱིས་གནས་ཡོད་པ་གསལ་འདེབས་དང་ཞར་ནས་ང་དང་ང་འདྲ་བའི་ན་གཞོན་གཞས་པ་དག་ནམ་ཞིག་རང་ཉིད་ཀྱི་རྐང་འགོར་ལངས་ཐུབ་པའི་གོ་སྐབས་ཤིག་ཡོད་པར་རེ་བ་བརྒྱབས་པ་ཡིན་ཟེར།
གཞས་པ་སོག་ཤོད་དར་རྒྱས་ལགས་ཀྱིས་དྲིས་ལན་གསུང་དོན། སྤྱིར་བཏང་ད་ལན་གྱི་དུས་འཁོར་དབང་ཆེན་ཞུ་བར་སྐལ་བ་ལྡན་པ་ཡིན་མོད། ང་རང་གིས་བསམ་ན་འདིར་དུས་དབང་གཅིག་པུ་མ་ཡིན་པར་བོད་མི་གང་མང་ཕན་ཚུན་མཇལ་ནས་བོད་རང་གི་བདེ་སྡུག་གླེང་མོལ་བྱེད་པ་དང་བསམ་ཚུལ་བརྗེ་རེས་བྱེད་རྒྱུ་གཙོ་བོ་རེད་བསམ་ལ།དེ་རིང་ང་ཚོ་གཞས་པ་ཁག་ཅིག་གིས་འདི་འདྲ་ཞིག་བཀོད་སྒྲིག་བྱེད་དགོས་དོན་ཡང་འུ་ཅིག་གིས་སྐྱིད་པོ་གཏོང་རྒྱུ་གཅིག་པུ་མ་ཡིན་པར་བོད་ཀྱི་སྒྱུ་རྩལ་རིག་གནས་དར་སྤེལ་གཏོང་དགོས་ན་ངེས་པར་དུ་དེར་རྒྱབ་སྐྱོར་དང་འཁོར་ཡུག་ཅིག་དགོས་ཡོད་པས་ད་ལན་བོད་ཕྱི་ནང་གི་སེར་སྐྱ་མི་མང་མང་པོ་ཞིག་ཕེབས་ཡོད་པ་དང་སྟབས་བསྟུན་ནས་འདི་འདྲ་ཞིག་བཀོད་སྒྲིག ་ཞུས་པ་ཡིན་ཞེས་གསུངས།
བོད་ནང་དུ་རང་ལུས་ཞུགས་མེར་ཕུལ་བའི་གནས་ཚུལ་ལ་བསམ་ན་གཞས་གཏོང་བའི་དང་ག་དེ་ལོག་སོང་།
དངུལ་གྱི་ཆེད་མ་ཡིན་པ་ཤོག
གདུང་སེམས་མཉམ་སྐྱེད་དང་ཆིག་སྒྲིལ་གྱི་རྣམ་པ་སོགས་ཡིན་ན་དངུལ་ལེན་དགོས་དོན་མི་འདུག་ག
གཞས་པ་ཚོ་དབུལ་པོ་དེ་ཙམ་ཡིན་རྒྱུ་མ་རེད་པ།
ཁ་དོན་མི་མཚུངས་པའི་བྱེད་སྟངས་རང་རེད།
བོད་ཀྱི་གཞས་བ་གཞས་མ་ཚོའི་དེ་འདྲའི་འདུ་ཚོགས་སྐོང་ཐུབ་ན་ཡག་པོ་རེད། དེ་ཡང་མི་རིགས་ཞིག་གི་ཁྱད་ཆོས་རེད།
བོད་ཀྱི་གཏམ་དཔེ་ལ། ཆ་ཚང་ལྷ་བ་བྱས་པ་ཡིན་ན། ལྷ་བཞེས་སུ་ཡིས་བྱེད་དགོས་རེད། ཞེས་པ་ལྟར་ཆ་ཚངས་ཕྱོགས་གཅིག་ལ་ཐོམ་ན་མ་འགྲིག་པ་རེད། ལས་རིགས་དང་ལས་འགུལ་སྣ་ཚོགས་ཡོད་རྐྱེན་ཕྱོགས་ཡོངས་ནས་གོང་འཕེལ་ལ་འགྲོ་དགོས་པ་རེད། གཞས་བ་ ལྷན་རྒྱས་ཡོངས་ལ་ཐུགས་རྗེ་ཆེ་ཞུ་བ་ཡིན། སེམས་གཏིང་ནས་ཡིན། དེང་སང་གི་དུས་ཚོད་འདིར་དཔལ་འབྱོར་མེད་ན་ལས་དོན་སྒྲུབ་པར་དཀའ་ངལ་ཡོད་པ་ཀུན་གྱིས་མཁྱེན་གསལ་ཡིན་པས་རྣམ་པ་ཚོས་དངུལ་ག་ཚོས་བསྡུ་ཐུབ་ན་ཡག་པོ་རེད། ལས་དོན་དེ་ལས་རྒྱ་བསྐྱེད་ཆོག་གི་རེད། དངུལ་ལ་ཧ་ལས་དགོས་མ་རེད་དེང་སང་གི་དུས་ཚོད་འདིར། མི་རེར་སྒོར་ལྔ་བཅུ་གང་ཡང་མ་རེད། ད་དུང་ཉུང་དྲག་པ་རེད། རྡོར་གདན་དུ་རིན་གོང་ཉུང་བའི་ས་གནས་ག་བ་འདུག་བསམ་བློ་གཏོང་ཤེས་མཁན་ཞིག་ཡིན་ན་ཧ་གོ་གི་རེད།
བོད་ཀྱི་གླུ་གཞས་རྒྱུན་གནས་ཐུབ་དགོས་ན་དེ་སྐྱེད་སྲིང་བྱེད་པ་དཔལ་འབྱོར་མེད་དུ་མི་རུང་བས་གླུ་བ་ཚོར་རྒྱབ་སྐྱོར་གྱི་ཆེད་དུ་ཞབས་འདེབས་ཕུལ་མ་ཐུབ་ཀྱང་གཞས་རིན་སྤྲོད་དགོས་བ་འདོད།
དྲ་གྲོགས་རྣམས་པ་ཚོ་ལ་ཞུ་རྒྱུ། ཐུགས་ནས་གང་དྲན་དང་ཞལ་ནང་གང་ཐོན་གསུང་ན་ཅུང་མི་ལེགས། གཞན་ཕན་གྱི་བློ་ཡོད་དགོས་པ་ནི་གལ་ཆེའོ།
དང་པོ་རང་ཉིད་ཆེན་པོ་ཆགས་ནས་གཞན་ལ་རོགས་པ་བྱེད་ཐུབ་ན་འགྲིག་པ་རེད། རང་ཉིད་ཆུང་ཆུང་ཡིན་ན་གཞན་ལ་རོགས་པ་ཆེན་པོ་བྱེད་ཐུབ་པ་མ་རེད་བསམ།
རང་གཞན་གཉིས་ཕན་གྱི་བློ་ཡོད་ན་འགྲིག