བསྟན་འཛིན་ཉི་མ།
གླིང་ཚ་ཚེ་བརྟན་རྡོ་རྗེ་མཆོག་གིས་རང་གི་ཨ་མ་གཅུང་མོ་མཉམ་དུ་༢༠༡༢ ཀྱི་སུམ་བཅུ་དུས་དྲན་ཉིན་ནས་འགོ་འཛུགས་ཀྱིས་ཞི་བའི་གོམས་བགྲོད་སྤེལ་སྐབས་ང་ཚོ་བོད་རིགས་སྤུན་ཟླ་ཤི་གསོན་གཉི་ཀར་ཧ་ལས་ཧོན་འཐོར་བཅུག་པ་རེད། དང་པོ་རྡ་སའི་གཙུག་ལག་ཁང་གི་མདུན་ཐང་ནས་བོད་ཀྱི་དར་ཆ་བསྒྲེངས་ནས་ཕེབས་སྐབས་གཟི་བརྗིད་ཀྱི་འོད་སྟོང་འཕྲོ་བཞིན་གཞིས་བྱེས་བོད་མི་ཚང་མ་སེམས་འགུལ་ཤུགས་ཆེར་ཐེབས་བཅུག་སོང་། འོན་ཀྱང་ཉིན་མ་མང་བོ་གོམ་བགྲོད་རྗེས་རང་ཚུགས་མེད་པ་འམ་སེམས་ལ་གདོན་ཞུགས་ནས་རྒྱ་མིའི་དར་ཆ་བསྒྲེངས་བ་རེད། དེ་མིན་བོད་མི་སུས་ཀྱང་རྒྱ་མིའི་དར་ཆ་བསྒྲེངས་མི་སྲིད། དེ་མ་ཐག་སྔར་གྱི་གཟི་བརྗིད་ཉམས། གཞོན་ནུ་ཚོགས་པ་གཙོས་བོད་རིགས་མི་དམངས་རྣམས་ཀྱིས་ཁོ་ལ་མི་འདོད་པའི་རྣམ་འགྱུར་དང་ངོ་རྒོལ་སོགས་བྱེད་པ་རེད། ད་ལོ་ཡང་མི་ངན་སེམས་ནག་ཁ་ཤས་ཀྱིས་རྒྱ་མིའི་དར་ཆ་བསྒྲེངས་བ་ལ་རྒྱབ་སྐྱོར་བྱེད་ཁུལ་གྱིས་དོན་དངོས་སུ་གླིང་ཚའི་གཟི་བརྗིད་དེ་རྨང་ནས་མེད་པར་བཟོ་འདོད་པའི་སེམས་ངན་བཅངས་བཞིན་པ་རེད། དེ་འདྲ་ཡིན་ན་རང་སོ་སོར་རྒྱ་མིའི་དར་ཆ་བསྒྲེངས་ནས་དེ་ནས་གླིང་ཚ་ལ་ལབ་དང་། གླིང་ཚ་རང་གིས་ཀྱང་སེམས་ཤུགས་དང་མཉམ་དུ་རྣམ་དཔྱོད་གལ་ཆེ་བའི་གནས་ལུགས་ཤེས་པའི་ཐོག་ནས་སྔར་གྱི་ནོར་འཁྲུལ་ལ་བོད་ཀྱི་ཤི་གསོན་གཉིས་ཀྱི་མདུན་ནས་དགོངས་དག་ཞུ་ན་སྔར་གྱི་གཟི་བརྗིད་ཀྱང་སླར་གསོ་ཐུབ་ལ་བོད་ཤི་གསོན་གཉིས་ཀྱི་རྒྱབ་སྐྱོར་སླར་ཡང་ཐོབ་ཐུབ།
དེ་མིན་ད་ལོ་སུམ་བཅུ་དུས་དྲན་སྐབས་རྒྱ་མའི་དར་ཆ་བསྒྲེངས་ན་དེ་ནས་ཁྱོད་ཚར་སོང་ནི་རེད། ང་ཚོ་ཡང་མཐའ་གཅིག་ཏུ་ངོ་རྒོལ་བྱེད་ཐག་ཆོད་ཡིན། ཁྱེད་རང་རྒྱ་མིའི་དར་ཆ་བསྒྲེངས་ཁུལ་གྱི་དམིགས་ཡུལ་དང་རྒྱུ་མཚན་ང་ཚོ་ཡང་ཧ་གོ་གི་འདུག། འོན་ཀྱང་རྒྱ་མི་གུང་བྲན་ཟེར་མཁན་འདི་གདུག་རྩུབ་ཧ་ཅང་ཆེ་བའི་ཤ་གཟན་གྱི་སྤྱང་ཀི་ཞིག་ཡིན་པར་བརྟེན་ཁོ་ལ་ཆོས་བཤད་ག་ཚོད་གནང་ནས་ཁོས་ཉན་ཁུལ་ག་ཚོད་བྱེད་ན་ཡང་ཁོས་ཤ་མ་གཏོགས་རྩྭ་མི་ཟ་བའི་གནས་ལུགས་ཤེས་དགོས། རྒྱལ་བ་ཐམས་ཅད་མཁྱེན་པས་ད་བར་དུ་སྤྱང་ཀི་དེ་ལ་ཞི་བ་སྙིང་རྗེ་ཆེན་པོས་བཀའ་སློབ་ཟབ་མོ་རབ་དང་རིམ་པ་གནང་བ་རེད། སྤྱང་ཀི་དེས་ཉན་ཡ་ཕར་བཞག་ད་དུང་ཚུར་སྲོག་ལ་རྒོལ་བཞིན་པ་དེ་ལྟར་རེད། དེར་བརྟེན་གུང་བྲན་སྲིད་གཞུང་འདི་མགོ་སྟིང་མ་སློག་པར་དུ་ང་ཚོས་ངོ་རྒོལ་གྱི་ལས་འགུལ་སྤེལ་རྒྱུ་ཁོ་ན་ལས་ཐབས་གཞན་མེད། རྣམ་དཔྱོད་མེད་ན་སེམས་ཤུགས་གཅིག་བུས་ཧ་ལོག་སྲིད་པས་རྣམ་དཔྱོད་བེད་སྤྱོད་གཏོང་རྒྱུ་གལ། རྣམ་དཔྱོད་དེ་ཡང་ཤེས་ལྡན་མང་པོར་བསམ་ཚུལ་དྲིས་ནས་དེ་ནས་ཚན་རིག་རང་བཞིན་གྱིས་ཐག་གཅོད་དགོས་པ་ལས་ཨུ་ཚུགས་ནམ་ཡང་བྱེད་མི་རུང་བོད་བཙན་པོའི་གདུང་བརྒྱུད་ཀྱི་གཞོན་སྐྱེས་ཚོ།
ངོ་མ་རེད་དགྲ་བོ་རྒྱ་དམར་གི་རྒྱལ་དར་ཁུར་ན་ངོ་རྒོལ་བྱེད་ངེས་ཡིན།
ངོ་མ་རེད་། རྒྱ་དར་ལ་ངོ་རྒོལ་ལས་ཡོད་། བཙན་བྱོལ་ལ་འོངས་ནས་ཕྱིར་རང་གི་བོད་ཀྱི་ས་ཐོག་ལ་རྒྱ་དར་ཞིག་ལས་འཁུར་མ་ཤེས་པའམ་མ་བཏུབ་པ་ཡིན་་ན་མི་ཧྲ་གི། དེ་ལས་ལག་ན་ཅི་ཡང་མེད་པར་ལོག་ནའང་མི་སྐྱོན་གི་མོ། ཅུང་གཙང་མའང་རེད་འདོད་དོ། སྤྱིར་གི་ལས་འགུལ་རྩོམ་མཁན་དག་གིས་རྒྱ་བོད་ལོ་རྒྱུས་ལ་བརྩི་བཀུར་རང་ལས་མཐོ་བ་བྱས་ན་དཀར་ནག་གི་དབྱེ་བ་རང་བཞིན་གྱིས་གསལ་འོངས་པ་རེད། ཁ་སང་གི་རྩོམ་ཡིག་བཀླགས་ཚེ་ གླིང་ཚས་་སེམས་ཤུགས་ཀྱིས་དམ་བཅའ་བཞག དམ་བཅའ་ཨུ་ཚུགས་ཁོ་ནས་འཁུར་གྱིན་པའི་ཉམས་སྣང་འདུག མྱི་ཁ་རྒོད་པོ་དང་མྱི་སེམས་ནག་པོ་དག་གི་བར་ནས་ཅུང་སེམས་ལ་དཀའ་ངལ་གྱི་འགྱོད་གདུང་འོང་གི་ཡོད་པ་འདྲ། གཏན་ཚིག་གི་རྒྱུ་མཚན་མེད་ཚེ་་ལས་འགུལ་ནོར་བ་འམ་འདུག་སྲིད་གི་རེད་་་་བྱ་བ་གང་དང་གང་ཡིན་ནའང་སེམས་ཤུགས་ཁོ་ནས་བག་ལ་ཞ་མི་ཉན་པར་འདོད།
ཚིག་གཅིག་ཞུ་འདོད་པ་ནི་རྒྱ་མིའི་དར་ཆ་ཁྱེར་བ་ཁོ་རང་སྒེར་གྱིས་འདོད་མོས་དང་སྒེར་གྱི་གནས་སྟངས་ཐོག་ནས་བེད་སྤྱོད་བྱེད་རྒྱུ་ཡིན་སྟབས་ང་ཚོ་སུས་ཀྱང་དཀག་འགོག་བྱེད་མི་ཐུབ་ལ་བྱེད་དབང་ཡང་ཡོད་རྒྱུ་མ་རེད། རྒྱ་མའི་དར་ཆ་ཁྱེར་བཞིན་ས་ཡ་དྲུག་གི་བུ་ཟེར་བའི་མིང་འདི་བེད་སྤྱོད་གཏོང་རྒྱུའི་དབང་ཆ་ནི་ཚེ་རྡོ་ལ་མེད་ངེས་ཡིན། གལ་སྲིད་དར་དམར་ཁྱེར་ཏེ་དཀའ་ལས་རྒྱག་ཡོད་པའི་རྒྱུ་མཚན་གྱིས་མིང་དེ་ལྟར་བེད་སྤྱོད་གཏོང་བཞིན་ཡོད་ན་བཅིང་གྲོལ་དམག་ལ་ཡང་མིང་དེ་འབོད་ཆོག་ངེས་སུ་མཐོང་།
རྒྱ་མིའི་དར་ཆ་ཞེས་བཅོས་རོགས