འབའ་སྲས།
དུས་རབས་འདི་ནི་བོད་དགྲ་རྒྱ་ཡིས་བསྐྲུན།།
དགྲ་ཡི་ལག་ཆ་བོད་པས་ལག་བསྟར་བྱེད།།
བོད་པ་ཉུང་བའི་ལག་མཐིལ་ཆུང་ཆུང་ན།།
དགྲ་ནག་མིག་ལ་མེ་ལོང་ཆེན་པོ་བཤམས།།
ལ་རྒྱ་ཅན་གྱིས་མི་རིགས་རྩ་དོན་བཤད།།
ཤེས་ཡོན་པ་ཡིས་རིག་པའི་བགྲོ་གླེང་བྱེད།།
ཐ་མ་རྣམས་ཀྱིས་ཁ་རྩོད་ཚིག་རྩོད་རྒྱག །
རབ་འབྲིང་ཐ་གསུམ་སྐད་འཕྲིན་ངོས་ལ་འཚང་།།
ལ་ལས་ཁ་རྩོད་བརྒྱབས་ནས་ཁ་ལྕེ་སྐམ།།
འགའ་རེས་དགའ་རོགས་བཙལ་ནས་བཟའ་ཚང་གཏོར།།
ལ་ལས་མི་ངོ་མི་ཤེས་མི་དག་ལ།།
སྙིང་གཏམ་བཤད་ནས་སྙིང་རླུང་སྟོད་ལ་འཚང་།།
ལ་ལས་ཉོག་གཏམ་བཤད་ནས་རང་ཉིད་ཉོག །
འགའ་རེས་ལ་གཞས་བླངས་ནས་བརྩེ་བ་ཆགས།།
ལ་ལས་རྫུན་གཏམ་བཤད་ནས་ཉི་མ་བསྐྱེལ།།
འགའ་རེས་ཡིད་ཆེས་བྱས་ནས་ལོ་ལ་སྒུག །
ལ་ལས་སྐད་འཕྲིན་དོན་ལ་ལས་དོན་བརྗེད།།
འགའ་རེས་སྐད་འཕྲིན་ནང་ནས་རང་ཚུགས་བོར།།
ལ་ལས་མགོ་པར་མཛེས་མའི་འདྲ་པར་བཞག །
འགའ་རེ་ཞིག་གི་མགོ་བོ་རྨོངས་སུ་བཅུག །
ལ་ལས་སྙན་ངག་བྲིས་ནས་སྙན་པ་བསྒྲོགས།།
འགའ་རེས་མཁས་བཤད་བྱས་ནས་མཁས་རྟགས་སྟོན།།
ལ་ལས་ཆབ་སྲིད་བཤད་ནས་ཆད་པར་ཐོགས།།
འགའ་རེས་ཚོང་ལས་བྱས་ནས་ཚོང་རྩ་རྡིབ།།
སྐད་འཕྲིན་ཟེར་བ་མགྱོགས་མོ་མགྱོགས་མོ་རེད།།
མི་སེམས་འདི་ཡང་འགྱུར་ལྡོག་ད་ད་རེད།།
སྐད་འཕྲིན་མི་གཉིས་འཕྲད་པའི་དུས་རབས་འདིར།།
རང་མགོ་དགྲ་ལག་བཞག་པའི་གཏམ་རྒྱུད་འབྱུང་།།
སྐད་འཕྲིན་སྐད་འཕྲིན་ཟེར་ན་དགྲ་ནག་རེད།།
ང་རང་ང་རང་ཟེར་ཡང་ཁོ་རང་རེད།།
ང་དང་ཁོ་ལ་ས་མཚམས་ཡོད་ཤེས་ན།།
སྐད་འཕྲིན་ནང་དུ་རང་ཉིད་མ་བརླག་རོགས།།
ང་ཚོས་ཅི་བཤད་དགྲ་ཡིས་ཉན་ནས་ཡོད།།
ང་ཡིས་ཅི་བཤད་ཆུང་མས་སློག་གི་ཡོད།།
ཆུང་མས་ཅི་བཤད་ང་ཡིས་འཚོལ་བཞིན་ཡོད།།
སྐད་འཕྲིན་སྤྱི་དང་ཁྱིམ་གྱིས་དགྲ་བོ་རེད།།
སྐད་འཕྲིན་འདི་ལ་མགོ་བོ་མ་འཁོར་རོགས།།
མི་དང་མི་ལ་ཡིད་ཆེས་མ་བྱེད་རོགས།།
ཡིད་ཆེས་རྨོངས་དད་འདི་ཡིས་ཁ་བ་ཅན།།
ཁ་ངོ་ས་ལ་སྦྱར་བ་གྲངས་མེད་ཡིན།།
སྐད་འཕྲིན་སྤྱོད་པ་ཤེས་ན་ཡག་པོ་རེད།།
མ་ཤེས་སོང་ན་རང་ཉིད་མགོ་འཁོར་རེད།།
ཤེས་དང་མ་ཤེས་རང་གིས་རྣམ་དཔྱོད་ཡིན།།
སང་ཉིན་ནོར་ན་རང་གི་འགྱོད་པ་ཡིན།།
༠༡/༠༡/༡༤
ད་གཞུག་ནས་སློབ་གསོ་ཐོབ་འདུག་གི་ཨ། ཧ་ཧ་ཧ།
གསར་བ་ཐམས་ཅད་བདུད་ཀྱི་ཆོ་འཕྲུལ་མིན།
རྙིང་བ་ཡོད་རྒུ་དཀོན་མཆོག་ག་ལ་ཡིན།
ཞེད་དང་འཇིགས་དངངས་ཚོར་བ་ཡོངས་སྤངས་ནས།
ཚན་རྩལ་མཛེས་མའི་འདོད་ཡོན་ཅི་དགར་རོལ།
སྔོན་གྱི་བོད་མིར་རྣམ་རྟོག་ཟ་ཟི་མང་།
བཙན་བྱོལ་བོད་མིའི་དོགས་སྐྲག་དེ་བས་ཟབ།
ཉུལ་མ་སོ་བ་གཤེད་མའི་ར་མདའ་ལྟར།
སྐྲགས་ནས་འཚོ་ཙམ་བྱེད་པ་ངོ་རེ་གནོངས།
དལ་འབྱོར་འཕྲོ་བརླག་བཏང་བ་ཡིད་རེ་མུག
ལྷ་དང་བདུད་ཀྱི་དུས་ནི་རྒྱང་ལ་བཞུད།
ན་ར༔་མི་ཡི་དཔྱིད་དཔལ་གསར་དུ་ཚེས།
དོགས་སྐྲག་འཇིགས་ཞེད་སེམས་ཀྱི་ནད་འདི་དག
སློང་བྱེད་སུ་ཡིན་ལེགས་པར་བརྟག་རན་རེད།
གསང་སྔགས་ཀྱིས།
གསང་སྔགས་སློབ་མས་ཐོས་ན་སྐལ་བཟང་རེད། །
སློབ་མས་བེད་ནོར་སྤྱད་ན་རང་ཉིད་བརླགས། །
སྐད་འཕྲིན་གྱིས།
སྐད་འཕྲིན་མི་དང་ཕྲད་ན་དུས་བཟང་རེད། །
སྐད་འཕྲིན་བེད་ནོར་སྤྱད་ན་རང་ཉིད་བརླགས། །
Wechat ལས་གཞན་པའི་སྐད་འཕྲིན་རིགས་མང་པོ་ཡོད་བཞིན་དུ། ང་ཚོས་ངེས་པར་དུ་སྐད་འཕྲིན་མཉེན་ཆས་འདི་ཁོ་ན་བེད་སྤྱོད་བཏང་བཏང་མཐར། ཡོད་ཚད་ཀྱི་གསང་བ་དང་གནད་འགགས་གཞན་ལག་ཏུ་འཆོར་ངེས་ཅན་རེད། དེས་ན་ Viber དང་། Line སོགས་གཞན་ཡང་སྐད་འཕྲིན་མཉེན་ཆས་མང་ཐག་ཆོད་ཡོད་པས་ཤེས་ཡོན་ཅན་ཚོས་སྣེ་ཁྲིད་དེ། Wechat སྤྱོད་ཤུགས་ཆུང་རུ་གཏོང་ན་མི་ལེགས་སམ།
སྐད་འཕྲིན་ཟེར་བའི་སྐད་གྲགས་ཅན། འདི་མེད་སའི་བོད་པ་ཉུང་ཉུང་རེད།
ད་བཤད་ན་ཉོག་གྲ་མང་གོ་གི བཀོལ་ཤེས་པའི་མཁས་པ་དཀོན་གོ་གི ངས་མ་བཀོལ་ནོ་ཡང་འགྲིག་གོ་གི ཧཧཧཧཧཧ