སྐད་ཡིག་ཚགས་པར་སྤྱིའི་འདོན་ཐེངས ༡༥ བའི་རྩོམ་བརྡ།

༄༅། ། མཁྱེན་དཔྱོད་ལྡན་པའི་རྒྱ་ཆེ་བའི་བོད་རིགས་རྩོམ་པ་པོ་རྣམ་པ།

ཁྱེད་རྣམ་པས་དུས་དང་རྣམ་པ་ཀུན་ཏུ། བོད་ཀྱི་སྐད་ཡིག་ཐད་ལྗགས་རྩོམ་མང་པོ་ཞིག་སྐད་ཡིག་ཚགས་པར་སྟེང་བསྐུར་བར་ཐུགས་རྗེ་ཆེ་ཞུ་བ་དང་ཆབས་ཅིག་རྩོམ་ཡིག་མང་བོ་ཞིག་སྐད་ཡིག་ཚགས་པར་སྟེང་བཀོད་མ་ཐུབ་པར་ལྷག་ཡོད་པས། དེའི་རྩོམ་པ་པོ་རྣམ་ལའང་གོ་སྐབས་འདི་བརྒྱུད་ནས་ཆེད་དུ་དགོངས་དག་ཞུས་པ་ཡིན། ཐེངས་འདིའི་སྐད་ཡིག་ཚགས་པར་སྤྱིའི་འདོན་ཐེངས་ ༡༥ བའི་སྟེང་། བོད་ཕྱི་ནང་གཉིས་ཀྱི་མིང་ཚིག་གསར་སྒྱུར་དང་གཅིག་གྱུར་ཡོང་ཐབས་ཞེས་པའི་བརྗོད་གཞིའི་ཐོག་དཔྱད་རྩོམ་བསྡུ་འཆར་ཡོད་པས། རྩོམ་པ་པོ་རྣམ་གྱིས་དུས་ལྟར་བརྗོད་གཞི་དང་འབྲེལ་བ་དམ་ཟབ་ཡོད་པའི་ལྗགས་རྩོམ་རེ་བསྐུར་རོགས།
ང་ཚོས་འདིར་ཉེན་ཁ་ཞིག་མཐོང་བཞིན་ཡོད་པ་ནི། བོད་ཕྱི་ནང་གཉིས་སུ་མིང་ཚིག་གསར་སྒྱུར་ཐད་འགལ་བ་ཞིག་མཐོང་བཞིན་ཡོད་པ་འདི་ཡིན། སྤྱིར་བཏང་འགལ་བ་འདི་མིང་ཚིག་གཅིག་གི་ཐོག་ཡོང་གིན་ཡོད་ཀྱང་། རྗེས་མར་བོད་ཕྱི་ནང་གཉིས་སུ་མིང་ཚིག་གཅིག་གི་འགལ་བ་འདི་ཕྱོགས་འཐེན་གྱི་འགལ་བ་རུ་མི་འགྱུར་བའི་ངེས་པ་གཏན་ནས་མེད་པས། མཁྱེན་དཔྱོད་ཀྱི་བློ་གྲོས་རྒྱས་པའི་རྩོམ་པ་པོ་རྣམ་གྱིས་འདིའི་ཐད་ལམ་སྟོན་དང་། ཡང་ན་ང་ཚོས་གོ་མེད་ཚོར་མེད་ངང་མུ་མཐུད་དུ་འདི་ལྟར་ཕྱིན་པ་ཡིན་ན་དགེ་སྐྱོན་གང་ཡོད་ཀྱི་ཐོག་དཔྱད་རྩོམ་རེ་བསྡུ་འཆར་ཡོད་པ་དེ་ཡིན།
བོད་ཕྱི་ནང་གཉིས་ཀྱི་མིང་ཚིག་གསར་སྒྱུར་དང་གཅིག་གྱུར་ཡོང་ཐབས་ཞེས་པའི་བརྗོད་གཞིའི་ཐོག་དཔྱད་རྩོམ་བསྐུར་ཚེ་ཡིག་འབྲུ་ ༧༠༠ ལས་མ་བརྒལ་བ་གནང་རོགས། རྩོམ་ཡིག་དང་མཉམ་དུ་རྩོམ་པ་པོའི་འདྲ་པར་རེ་དང་ངོ་སྤྲོད་ཐུང་ངུ་རེ་བསྐུར་རོགས། ད་དུང་ཁ་པར་ཨང་གྲངས་དང་གློག་འཕྲིན་ཁ་བྱང་སོགས་ཀྱང་བསྐུར་རོགས་གནོངས།

རྩོམ་ཡིག་བསྐུར་ཡུལ། t.language@yahoo.in/choedak007@gmail.com
༢༠༡༠ ༨ ༡༥ ཚུན་ལ་རྩོམ་ཡིག་འདིར་འབྱོར་དགོས།
ཁ་པར། ༩༨༠༥༣༤༤༧༨༩ ཡང་ན ༩༨༨༢༥༧༡༠༡༨