༄༅།། དཔལ་ལྡན་སྐུ་སྒེར་ཡིག་ཚང་གི་དྲུང་ཆེ་ཟུར་པ་དགེ་སློང་རྟ་ར་བ་བསྟན་འཛིན་ཆོས་ཉིད་མཆོག་དེ་རིང་ཕྱི་ཚེས་ ༡༤ ཉིན་གྱི་སྔ་དྲོ་ཆུ་ཚོད་ ༡༡།༡༣ ཙམ་ལ་ནོར་གླིང་དུ་དགོངས་པ་རྫོགས་པའི་ཧ་ཅང་ཡིད་སྐྱོའི་གནས་ཚུལ་ཐོན་འདུག ཞིང་གཤེགས་དམ་པ་ཁོང་ནི་དགུང་གྲངས ༩༣ ཡིན་ཅིང། ཞལ་ཆེམས་ཕྱག་བསྟར་གནང་བའི་ནང་རྩིས་སྐོར་ཏེ་སྐུ་ཕུང་སྦྱིན་བསྲེགས་སོགས་གནང་མི་དགོས་པར། དེང་དུས་ཀྱི་གློག་གི་ལམ་ནས་སྐུ་ཕུང་ཞུགས་འབུལ་ཞུ་སྟངས་ལྟར་གནང་དགོས་པ་འཁོད་པ་སོགས་གང་ཅིར་ཞལ་བཀོད་ཞིབ་ཚགས་གནང་ཡོད་པ་མ་ཟད། ད་ལྟའི་ཆར་སྐུ་ཐུགས་དམ་ལ་བཞུགས་ཡོད་པའི་གནས་ཚུལ་ཐོན་འདུག
ཁོང་གི་སྐོར་ལོ་རྒྱུས་མདོར་བསྡུས་དྲ་འབྲེལ་འདི་ནས་གཟིགས།
སེམས་གཏིང་ནས་མྱ་ངན་ཞུ། རི་རྒྱལ་ལྷུན་པོ་ནུབ་པར་མྱ་ངན་ཞུ། ཡངས་པའི་རྣམ་དཔྱོད་གཟིམ་པར་མྱ་ངན་ཞུ། འདོད་ཆུང་ཆོག་ཤེས་ངང་དྲང་བདེན་རྣམ་པར་རྒྱལ་བའི་མཛད་འཕྲིན་སྐྱོང་མཁས་རླབས་ཆེན་གང་ཟག་ཅིག་ཞིང་དུ་གཤེགས་པར་མྱ་ངན་ཞུ། རྙོག་དྲ་རུ་འཛིང་དང་དཀའ་ངལ་ཁྲི་ཕྲག་གི་ཁ་གཏད་ནས་ནམ་ཡང་ཞུམ་མ་མྱོང་བའི་དཔའ་བོ་ཞིག་སྐུ་གཤེགས་པར་མྱ་ངན་ཞུ། ཁྱེད་ལ་གླེང་མི་ཚར་བའི་མཛད་རྗེས་ཡོད་ལ། ང་ཚོས་འཁྱོག་མི་སྲིད་པའི་མིག་དཔེ་དང་ཞབས་རྗེས་ཡོད། ཆོས་སྲིད་གཉིས་ཀྱི་མཛད་འཕྲིན་དབུ་མར་གནས་པ་དང། མི་རབས་གསར་པ་ཚོར་ཕྱོགས་ཡོངས་སུ་ཐོས་རྒྱ་དང་མཐོང་རྒྱ་དགོས་པའི་ཐུགས་རེ་གནང་བའི་ཚུལ་རྣམས་ཀྱིས་ཁྱེད་ཉིད་ངས་དོན་དམ་གྱི་མྱ་ངན་ཞུ་ས་གཅིག་ཡིན།།
གནས་བརྟན་བསྟན་འཛིན་ཆོས་ཉིད་མཆོག་སྐུ་གཤེགས་པར་འདུས་བྱས་ཐམས་ཅད་མི་རྟག་པར་སྒོམ་པའི་ངང་ནས་མྱ་ངན་གུས་འདུད་ཞུའོ།།
དགེ་སློང་རྟ་ར་བ་བསྟན་འཛིན་ཆོས་ཉིད་མཆོག་ཐོག་མར་དྷ་སའི་ཕོ་བྲང་ནང་ལ་༡༩༧༥ཙམ་ནས་ཐོག་མར་མཇལ་མྱོང་བས། མྱ་ངན་གུས་འདུད་ཞུའོ། །
དྲ་སྦྲེལ་མཛུན་ནོན་འཇོག་སྐབས་ཨིན་ཡིག་འདིའི་Open link in a new window/tab་མདུན་གྱི་གྲུ་བཞི་ཆུང་ངུའི་ནང་བསྣུན་ན་གཙོ་ངོས་རང་འཇགས་ཐོག་དྲ་འབྲེལ་གཞན་པར་ཐད་ཀར་བསྐྱོད་ཐུབ་ཀྱི་འདུག
ལྷག་བསམ་རྣམ་པར་དཀར་པོས་༧གོང་ས་མཆོག་གི་ཞབས་ཞུ་མི་ལོ་དྲུག་བཅུ་ལྷག་ཙམ་བཞུས་པ་དེས་ཀྱང་སྐུ་ཉིད་ལ་མྱང་ངན་གུས་འདུད་ཞུ། དེ་བས་བོད་མི་ཚང་མས་མི་དཔེ་འོས་པ་ཞིག་ལ་དབང་གྲགས་དང་། རང་བདག་དཔལ་འབྱོར་དོན་གཉེར་གྱིས་གཉེན་ཉེ་དུ་ཁོ་ན་མ་བསམ་པ་མ་ཟད། ཕྱོགས་ཞེན་བོར་ནས་སྤྱི་པའི་ཕྱག་ལས་སྐུ་ཚེ་གང་པོ་མཛད་པ་དང་།༧གོང་ས་གི་ཞབས་ཞུ་ལོ་མང་བསྒྲུབས་པ་དེས་ང་ཚོ་བོད་མི་ཚང་མས་མྱང་ངན་གུས་འདུད་བཞུ་ངེས་ཡིན། མདོར་ན་སྐུ་ངོ་མཆོག་གི་ཐུགས་དགོངས་ཟམ་མོ་ཡོངས་སུ་རྫོགས་པར་སྨོན་ནོ།།
༧གོང་ས་མཆོག་གི་ཞབས་ཞུ་ལོ་མང་ཞེས་བཅོས།
སྐུ་སྒེར་དྲུང་སྤྱི་སྐུ་ངོ་རྟ་རག་མཆོག་སྐུ་གཤེགས་པ་བོད་མདོ་དབུས་ཁམས་གསུམ་གྱིས་རྒན་གཞོན་ཕོ་མོ་ཡོངས་ནས་སེམས་གཏིང་ནས་མྱ་ངན་གུས་འདུད་ཞུས། བོད་གངས་ཅན་པར་ཆེད་དུ་རྒྱལ་བློན་བྱང་ཆུབ་སེམས་པའི་རྣམ་སྤྲུལ་སྨྱུར་དུ་ཁྲུངས་པའི་མཆོག་གསུམ་སྨོན་ལམ་ཞུས།།
ཐུགས་དམ་ལ་བཞུགས་པའི་སྐོར་དེ་ཡིད་ཆེས་དཀའ་མོ་རེད། མི་ཤི་ཚད་ཐུགས་དམ་ལ་ཁག་པོ་ཡིན་འགྲོ། ཡིན་ནའང་སྐུ་ངོ་མཆོག་ལ་གུས་འདུད་ཞུ།
གདོང་དམར་པ་ཟེར་བ་་བོད་པ་ནང་པ་ཞིག་མེན་པ་འདྲ་ ནང་པ་ཆོས་ནང་ཐུགས་དམ་བཞུགས་མཁན་མང་པོ་བྱུང་སྨྱུང་ཡོ།།སྐུ་ངོ་ནི་བློན་པོ་བྱང་ཆུབ་སམེས་པ་དངོས་ཡིན་ཞེས་ཡོངས་བསྒྲགས་རེད་།།
སེམས་གཏིང་ནས་མྱ་ངན་གུས་འདུད་ཞུ། ཁོང་གིས་ཁོ་རང་བགྲེས་ཡོལ་སླེབས་དུས་འདུག་གནས་ཀྱི་མགྲོན་ཁང་གསར་བཞེངས་བྱས་མེད་ལ་བུ་རབས་ཚ་རྒྱུད་དང་བཅས་པ་སྐུ་སྒེར་མཚན་ཐོག་ནས་ཕྱི་གླིང་ལ་བཏང་མེད། ད་དུང་མང་པོ་ཡོད་་་
གདོང་དམར་ཁོ་པ་བོད་པ་ནང་པ་ཕར་གཞག་མི་གཤིས་ཡོད་པ་བཤད་ཁག་ཙམ་རེད་འདུག། སྐུ་ངོ་མཆོག་ལ་སེམས་གཏིང་ནས་མྱང་ངན་གུས་འདུད་ཞུ།།
རྟ་ར་པ་བསྟན་འཛིན་ཆོས་ཉིད་མཆོག་གིས། རང་ཉིད་ངོ་སྤྲོད་ཅེས་པའི་རང་རྣམ་ནང་ལ།
་་་ རང་ཉིད་ཀྱི་མི་ཚེའི་ལོ་རྒྱུས་མདོར་བསྡུས་ན། ༡༩༤༡ ལྕགས་སྦྲུལ་ལོ་གསར་ལ་གཞུང་གི་ཞབས་སྣེར་ཚུད་པ་ནས་ ༢༠༠༡ ལྕགས་སྦྲུལ་བར་དགོངས་ཞུ་ཟླ་བ་གསུམ་མ་གཏོགས། མི་ལོ་དྲུག་ཅུ་རེ་གཅིག་ཧྲིལ་པོ་གཞུང་གི་ཞབས་ཕྱི་ཞུས་འདུག དེའི་རིང་གཞུང་འབངས་སྲིད་ཞུར་སྨན་པའི་བྱས་རྗེས་གཟེངས་ཐོན་འདི་ཡིན་བརྗོད་འོས་ཏིལ་འབྲུ་ཙམ་ཡང་མེད་རུང་། ཁྲིམས་དང་། ལས་འབྲས་མ་བསྲུངས་པ། གཞུང་འབངས་ལ་ལྷག་བསམ་མ་དག་པའི་བྱས་ཉེས་ནོངས་འགྱོད་རིགས་གཏན་ནས་མེད། ་་་་་་ཞེས་གསུངས་འདུག
ཁོང་ལ་མྱ་ངན་དང་གུས་འདུད་ཞུ།
རིན་པོ་ཆེ་མཆོག་ཐུགས་དམ་ལ་བཞུགས་པར་ཡིད་ཆེས་ཡོད། དེང་སང་དུས་སྙིགས་མར་སོང་སྟེ་ཆོས་སྒྲུབ་མཁན་མེད་པ་རེད་མ་གཏོགས་སྒྲུབ་ན་བྱིན་རླབས་ཀྱི་མཚན་ཁ་ད་ལྟ་ཡང་མ་ཡལ་བར་བཞུགས་ཡོད་པ་རེད་འདུག། མ་ཟད་སྔར་ནས་བྱིན་རླབས་ཀྱི་མཚན་ཁ་ད་ལྟ་བླ་ལྷག་ཏུ་འཔར་ཡོད་པ་འདྲ། འབྲུག་ཡུལ་དུ་ཡང་ཆོས་གང་ཡང་མི་ཤེས་པར་མ་ཎི་ཁོ་ན་འདོན་འདོད་མཁན་ཚོ་ཡང་ཤི་དུས་ཐུགས་དམ་ལ་བཞུགས་ཀྱི་འདུག་ཟེར།
རྡ་རམ་སར་ཉིན་གཉིས་ནང་མི་མང་པོ་ཞིག་སྐུ་སྒེར་དྲུ་ཆེ་སྐུ་རྟ་ར་བ་སྐོར་བཀའ་མོ་གནང་མཁན ཁག་གཅིག་གི་སྐུ་ངོདམ་པ་ཁོང་ནི࿒སྐུ་སྒེར་ཡིག་ཚང་དང་བོད་གཞུང་དགའ་ལྡན་ཕོ་བྲང་གི་ནང་གི་ཨ་མ་ཏ་བུ་རེད་ཁོང་ནི་མཁས་པ་ཡིན་ཀྱང་ཡིན་དོག་མ་གནང་མཁན དགེ་སློང་རྣམ་བདག་ཞིག࿒རེད་མི་ཡག་པོ་རྫོགས་ཀྱིས་འདུག་ཞེ་སེམས་ཚབ་གནང་མཁན་མང་པོ་མཐོང་སྐབས.གསེར་ས་འོག་འོད་གནམ་ཁ་པེ་དྲན་བྱུང།།།།
དེ་རིང་བཀའ་དྲུང་མཆོག་གིས་སྐུ་ངོ་དམ་པའི་སྐུ་ཚེའི་ལོ་རྒྱུས་ངོ་སྤྲོད་གནང་དོན་ལྟར་ན།དམ་པ་ཁོང་ནས་མི་ལོ་ཧྲིལ་པོ་བདུན་ཅུ་དོན་བདུན་བོད་གཞུང་དང་།ལྷག་པར་༧གོང་ས་མཆོག་གི་སྐུ་སྒེར་དྲུང་ཆེའི་ཕྱག་ལས་གནང་བ་དེ་ཚང་མས་མིག་དཔེར་འོས་པ་ཞིག་རེད་གསུངས་དོན་ལྟར་ན། དེས་ཀྱང་གུས་པས་སེམས་ཚོར་ཆེན་པོས་སྐུ་ངོ་དམ་པ་ཁོང་ལ་ཡང་སྐྱར་སྙིང་དབུས་ནས་མྱང་ངན་དང་གུས་འདུད་ཞུ།།