སྐུའི་གྱ་སྟོན་ལ་ཞུགས་པ།

བྱ་མདོ་སྐལ་རྒྱམ།

 
དེ་རིང་ང་ཁྱོད་ཀྱི་གྱ་སྟོན་ན་ཡོད
བོད་པའི་ལྷ་མི་གཉིས་ནས་ཁྱོད་ལ་བརྟན་བཞུགས་ཕུལ་ཞིང
འཛམ་གླིང་ཆེ་རྒུ་དུ་མས་ཁྱོད་ལ་ཁ་གཡང་བསྒྲགས་བྱུང
ལོ་ཟླས་ཅི་ལྟར་སྒྲོག་མོད་ཀྱང
མི་ཚོགས་འདིའི་སེམས་སུ
ཁྱོད་ཉིད་གྲིབ་ཡོར་དང་འཕེལ་འགྲིབ་མེད་པའི་འོད་གོར་ཞིག་ཡིན

དགུ་ཚིགས་ལྟ་བུའི་ཁྱོད་ཡོད་པས
ད་གཟོད་ང་ཚོ་ང་རྒྱལ་དང་སྤོབས་པས་འཚོ་ཆོག་ལ
དྲོད་ཁོལ་འདྲ་བའི་ཁྱོད་ཡོད་པས
ད་གཟོད་ང་ཚོས་ཅི་ལའང་རེ་ལྟོས་བྱས་ཆོག

གུས་འདུད་ཀྱིས་ཐལ་མོ་སྦྱོར་བའི་ཕྱག་རྒྱ་དེ་དང
ཞི་དུལ་གྱིས་འཛུམ་འོད་འཁྱིལ་བའི་གཟིགས་སྟངས་དེས
འཕྱི་དྲག་པའི་དུས་ཚིགས་འདིའི་སྔ་རྗེས་སུ་འཁོར་ཏེ
ཁྱོད་ཀྱིས་ཚད་མེད་འོ་བརྒྱལ་མྱངས་སོང

2015/6/22