འཇམ་གཅེས།
༡༽ ཁྲིམས་མཐུན་དང་དྲང་བདེན་གྱི་ལམ་ནས་སྐྱེ་བོ་སུ་ཞིག་གིས་བསམ་སྤྱོད་གང་ཞིག་སྤེལ་རུང་ཁྱེད་ཀྱི་ལྟ་སྤྱོད་དང་མཐུན་མིན་ཇི་ལྟར་ཡང་གུས་བཀུར་བྱོས།
༢༽ བསམ་བློའི་རང་དབང་ནི་འགྲོ་བ་མི་ཀུན་ལ་དགོས་གལ་ཆེ་བའི་གཞི་རྩའི་ཐོབ་ཐང་ཞིག་ཡིན་པས་ནམ་ཡང་བརྩི་མཐོང་དགོས།
༣༽ སྤྱི་སྒེར་གང་ལ་གནོད་པའི་བྱ་བ་ཞིག་མིན་ན་གཞན་གྱི་བྱ་སྤྱོད་ལ་སྐད་ཅོར་དང་ཀི་སྒྲ་ནམ་ཡང་སྒྲོག་མི་རུང་།
༤༽ ནམ་ཡང་རང་ཉིད་ལ་ཞུ་དག་ཡང་ཡང་བྱས་ནས་རང་ཉིད་རང་ཉིད་ཀྱི་སྟངས་འཛིན་འོག་ཏུ་གནས་ཐུབ་པ་དགོས།
༥༽ ཆོས་ལུགས་དང་ཆབ་སྲིད་གང་གི་མི་སྣ་ཡིན་ཡང་གཞི་མེད་སྐུར་འདེབས་དང་། ཕྱོགས་རིས་ཀྱི་ཡིག་འཆལ་དང་གཏམ་འཆལ་རང་ཉིད་ཀྱིས་སྤེལ་བ་དང་། གཞན་གྱི་བསྐུལ་མའི་འོག་ནས་སྤེལ་བའི་ལས་སུ་ཞུགས་པ་ནི་འགྲོ་བ་མིའི་རིགས་ཀྱི་ཞབས་འདྲེན་དེ་ལས་ཆེ་བ་ཞིག་མེད་པས་ནམ་ཡང་རིང་དུ་འདོར་དགོས།
༦༽ ཁྱེད་ཉིད་སེར་མོ་བ་ཞིག་ཡིན་ན་དམ་ཆོས་འདུལ་བའི་གཞུང་དུ་ཁྲིམས་སུ་གང་བཅས་པ་དག་ཚུལ་བཞིན་བསྲུང་བར་ནུས་ན་རབ་དང་། དེ་ལྟར་མ་ནུས་རུང་མ་མཐར་ཁྱིམ་པ་སུན་འབྱིན་གྱི་ལས་ལ་བག་ཡོད་བྱོས།
༨༽ ཁྱེད་ཉིད་ཁྱིམ་པ་ཕོ་མོ་ཞིག་ཡིན་ན་སྤྱི་ལ་སྨན་པའི་དོན་ཆེན་རེ་བསྒྲུབ་ནུས་ན་རབ་དང་། དེ་ལྟར་མ་ནུས་རུང་ལྐོག་གཡོ་ངན་བྱུས་དང་། རྐུ་ཇག་ཁྲོམ་གསུམ་གྱི་བྱ་ངན་ནི་དུས་ཀུན་ཏུ་འདོར་དགོས།
༩༽ སྐྱེ་བོ་སུ་ཞིག་ཡིན་ཡང་གཞན་གྱི་དཔལ་ཡོན་ལ་མི་བཟོད་པའི་སྡུག་བསྔལ་ནི་རང་ཉིད་ཀྱིས་ཉོས་པ་ལས་བཙན་དབང་གིས་བཀོལ་བའི་ལས་ཤིག་མ་ཡིན་པ་ངོས་འཛིན་ཐུབ་དགོས།
༡༠༽ ཁྱེད་ཉིད་འགྲོ་བ་མིའི་རིགས་སུ་གཏོགས་པའི་བོད་རིགས་རྣལ་མ་ཞིག་ཡིན་པས་རིགས་ཀྱིས་སྤྲད་པའི་ལས་འགན་ནི་ནམ་ཡང་ཁྱོད་ཀྱི་མཇིང་པའི་ཐོག་ཏུ་ཡོད་པས་དགྲ་དགའ་གཉེན་སྡུག་གི་ཐ་ཤལ་བྱ་སྤྱོད་ངན་རིགས་དོར་ནས་ངོ་ཚ་ཤེས་པ་ཞིག་གལ་ཆེ།
༡༡༽ རང་ཉིད་ཀྱི་ངོ་གདོང་ལ་གྱོན་བཞིན་པའི་ལྕགས་འབག་དེ་དང་མ་བྲལ་བར་དུ་ཕྱི་ཚུལ་ནས་ཇི་ཙམ་འཁྲབ་རུང་ལྗིད་ཁོག་གང་ཡང་མེད་པའི་འཁྲབ་སྟོན་ཙམ་དུ་ཟད།
དོན་ཚན་བཅུ་གཅིག་པོ་འདི་ནི་སྐྱེ་བོ་སྒེར་པ་རེ་རེ་ལ་ཚང་དགོས་པའི་མ་མཐའི་ཆ་རྐྱེན་དུ་འདོད།
༨༽ ཁྱོད་ལ་མི་གཞན་གྱིས་སྐྱོན་བརྗོད་བྱུང་ཚེ་ལམ་སེང་ངོ་གདོང་སྤྲེའུ་རྐུབ་ལྟར་མ་གནང་པར་དང་པོ་མཛུབ་མོ་རང་ལ་བཙུགས་ནས་ཞིབ་འཇུག་ངེས་པར་དུ་གནང་དགོས། གོང་གི་དོན་ཚན་བརྒྱད་པ་དེ་བདུན་པ་དང་། བརྒྱད་པ་འདི་ཡིན།