ནམ་མཁའ
ནོར་ལ་རྔམ་པའི་གཡོ་ཅན་སྤྲུལ་རྫུན་འགས།།
འབྱོར་ལྡན་ཙི་ནའི་གྲོང་གི་སྡུག་ཅན་ལ།།
ཆོས་མིན་ལོག་བཤད་གཏམ་གྱི་ར་བ་རུ།།
ཕྱག་རྒྱ་བཞི་ལྡན་དབང་ཡང་ཁྲོམ་དུ་བཤམས།།
འཁྱོགས་པའི་གཏམ་ལ་སྤྲོ་བའི་འཇིག་རྟེན་འདིར།།
དཔོན་པོ་ཕལ་ཆེར་གཡོ་སྒྱུའི་གར་སྟེགས་སུ།།
ཕྱི་མཛེས་ཟློས་གར་འཁྲབ་མཁས་བུ་མོ་ལ།།
གཡོ་ཆང་མངར་མོ་བླུད་དེ་མགོ་བོ་དཀྲུགས།།
བདེ་སྐྱིད་དངུལ་ལས་འབྱུང་འདོད་བུ་མོ་དང་།།
གཞན་སྐལ་ལོངས་སུ་སྤྱོད་པའི་དཔོན་པོ་གཉིས།།
གཅིག་གིས་གཅིག་ལ་བདེན་ཁ་སྦྱིན་ཞོར་དུ།།
ཆགས་པའི་རྨི་ལམ་ཀློངས་ན་བདེ་བ་མྱངས།།
ཐོབ་དང་དངུལ་ལ་མོས་པའི་སྐྱེས་བུ་འགས།།
མཛེས་མ་ཆུང་མའི་ལང་ཚོས་མགྲོན་བྱས་ཏེ།།
ཐོབ་དང་གོ་གནས་ཉོ་བའི་སྲོལ་ངན་འདི།།
གངས་རིའི་ལྗོངས་ན་ས་རྡོ་བཞིན་དུ་ཁྱབ།།
དྲི་མ་མེད་པའི་རྩོམ་རིག་མཁའ་དབྱིངས་ཀྱི།།
སྦྲང་ཆར་བསིལ་མ་མཛེས་མའི་གདོང་ལ་འཐོར།།
སྙན་ངག་གསར་མའི་གངས་རྒྱན་མེ་ཏོག་ཡང་།།
དོན་མེད་ཚིག་གི་བུ་ལ་མནའ་མ་སྦྱིན།།
རྩོམ་གྱི་སྒྱུ་རྩལ་དར་བའི་གངས་རིའི་ལྗོངས།།
ཟླ་བའི་འོད་ཟེར་ཤར་བའི་རྒྱུ་སྐར་དང་།།
སྦྲང་ཆར་ལ་སོགས་སེམས་ཀྱི་རི་མོ་རྣམས།།
ཕྱོགས་སུ་མ་ཆད་ཡོངས་སུ་ཁྱབ་པར་སྨོན།།
ནམ་མཁས ༢༨/༥/༢༠༡༢ལ་བྲིས།
ཁྱོད་རང་དེ་འདྲ་མིན་པར་ཤོག
ནམ་མཁའ་ལགས།རྩོམ་ཡིག་འདི་བོད་ནང་གི་དྲ་ཐོག་ལ་བཏང་ན་ལེགས།དེ་འདྲའི་གནས་ཚུལ་གོ་མྱོང་ཡོད།བདེན་མི་ཤེས།ཆུང་མ་མཛེས་ན་གོ་གནས་རེག་གི་རེད་ཟེར་ཀྱི་འདུག་མོད།རང་གི་ཆུང་མ་གཞན་ལ་བེད་སྤྱོད་གཏོང་གི་འཇུག་པས་ལུགས་སྲོལ་སོག་པོ་ཚོ་ཡོད་མོད།བོད་ནང་དེང་སང་མ་གཏོགས་ཡོད་མི་ཤེས་ཡ།
ཡག་པོ་བྲིས་འདུག། དེང་སང་དུས་ཚོད་འདི་ལ་དེ་འདྲ་བྱས་ན་དོན་དག་ཡག་པོ་སྒྲུབ་ཀྱི་རེད།
ཡག་པོ་འདུག་ད་དུང་ཕྲིས་རོགས་་་་་་་
སྔོན་མ་ང་ཡང་།
ཐོས་ཚད་ལ་བདེན་པར་ཡིད་ཆེས་པའི་སྒྲོ་འདོགས་པ་ཞིག།
ཡིན་སྲིད།
རྗེས་སུ་ང་ཡང་།
མཐོང་ཚད་ལ་ཡིད་ཆེས་མེད་སྐུར་འདེབས་པ་ཞིག།
ཡིན་སྲིད།
འོན་ཀྱང་ད་ལྟ་མཐོང་ཐོས་གཉིས་ཀྱི་བར་དེར་བསྡད་ཡོད་ན་ལྟད་མོ་གསར་པ་མང་པོ་མཐོང་རྒྱུ་འདུག།
ད་ལན་དེ་ཙམ་ཡིན།།