སྟོད་འགག་གི་འགྲེལ་བཤད

Comments (16) on “སྟོད་འགག་གི་འགྲེལ་བཤད”

1. གཞན་པར་དེ་ཙམ་དོགས་པ་མེད་ཀྱང་རྒྱ་མི་ཞིག་ལ་རྗེས་དྲན་བྱེད་ཆེད་མི་ཚེའི་རིང་རྒྱ་མདོག་རྒྱབ་ལ་གྱོན་པ་འདིས་རྒྱ་མི་བོད་པའི་རྒྱབ་ལ་ཞོན་པའི་རྟེན་འབྲེལ་ཞིག་བསྒྲིགས་དང་སྒྲིག་བཞིན་འདུག་མི་དགོངས་སམ། འདི་ནི་ངའི་གླེན་དོགས་ཡིན་པས་དཔྱོད་ལྡན་ཁྱེད་རྣམ་པས་ཅི་བསམས།

2. བཀུར་འོས་དགོན་སྡེ་ལགས་ལ་སྟོད་འགག་གི་སྐོར་ནས་དྲི་བ་འགའ་འདྲི་འདོད་བྱུང་བ་རིམ་གྱིས་ཞུ་ཆོག་པར་ཞུ། ༼གྲྭ་ལྷན་སེར་པོ་རྒྱུད་ སྨད་གྲྭ་ཚང་གི་སྐུ་འགག་ལྟར་མནབ་ཆོག་པ་༽ཞེས་པའི་གྲྭ་ལྷན་དེ་གང་ཡིན་ནམ། བོན་པོ་ཚོས་ཚོས་གཞི་སྔོན་པོ་ཞིག་རྒྱག་པ་དེ་ཡིན་ཚེ་འདི་ལ་བླ་མའི་རྣམ་ཐར་འགར་ཕྲག་ལྷན་ཞེས་བྲིས་འདུག་པས་དཔྱད་གཞིར་ཕུལ། ཡང་གོང་དཔུང་ཞེས་པར་གོང་བ་དང་དཔུང་པ་ཞེས་པ་ཡང་ཆུ་སྐུད་འཐེན་ས་དེ་ཡིན་ཚེ་འདི་ལ་”གསོར་ལྟག”གམ་”བསོར་སྟག་”འདྲ་ཞིག་ཟེར། ༼འདི་དག་གི་མིང་ནི་ནམ་བཟའ་ཆེན་མོ་དང་གྲྭ་ཆས་འཚེམ་མཁན་ཚོས་མཁྱེན་སྲིད།༽ངས་བཤད་པའི་གསོར་ལྟག་གི་མཐར་འཐེན་པའི་ཆུ་སྐུད་དེའི་དོན་ཡང་ཉིད་ཀྱིས་གསུངས་པ་དེ་དང་མི་འདྲ་བ་ཞིག་སྔར་གོ་མྱོང་བ་དེང་འདི་ཡཡིན་ཁ་གསལ་ཞིག་ཞུ་རྒྱུ་མི་འདུག་པས་ཞུ་སྤོབས་བྲལ།
   ཡང་འགའ་ཤོས་ཀྱིས་དེང་གི་གྲྭ་ཆས་འདི་ཐོག་མར་དགེ་ལུགས་པས་གསར་གཏོད་ཀྱིས་མནབས་པ་དང་དེ་ནས་རིམ་གྱིས་ས་སྐྱ་དང་བཀའ་རྒྱུད། རྙིང་མ་འི་གྲྭ་བཙུན་རྣམས་ཀྱིས་མནབས་པ་རེད་ཟེར་བས་འདིའི་ཐད་ནས་ཉིད་ལ་དགོངས་ཚུལ་འདྲ་གསུངས་རྒྱུ་ཡོད་དམ། གོང་གི་འདི་རྣམས་ནི་གུས་པའི་བསམ་ཚུལ་ཙམ་ཞུས་པ་ལས་གཞན་གང་ཡང་མིན་པ་དགོངས་མངའ་ཡོང་བ་ཞུ་ཞ་ཞུ།

3. བོད་ལུགས་སྟོད་འགག་ག་དུས་དར་མིན་མཁས་བླུན་སུ་ལ་ཡང་གསལ་བོ་ཞིག་བཤད་རྒྱུ་མི་འདུག གནའ་ནས་ད་ལྟ་བར་དུ། ཐབས་སྐྱོ་བ་ལ། སྟོད་འགག་རྒྱན་དྲུག་མ་ཞེས་པའི་གོས་ཆེན་མེ་ཏོག་ཅན་ལྷན་སྦྱར་འདི་ཚོ་ཆོས་འདུལ་བ་དང་འགལ་ཡོད་དམ་མེད།

4. གཅན་བཟོད་རྒྱམ་ལགས།
   ཁྱེད་ཀྱི་དཔྱད་གཞི་དང་དོགས་འདྲི་གནང་བར་ཐུགས་རྗེ་ཆེ།
   ཁྱེད་ཀྱི་དྲི་བ།༼གྲྭ་ལྷན་སེར་པོ་རྒྱུད་ སྨད་གྲྭ་ཚང་གི་སྐུ་འགག་ལྟར་མནབ་ཆོག་པ་༽ཞེས་པའི་གྲྭ་ལྷན་དེ་གང་ཡིན་ནམ། བོན་པོ་ཚོས་ཚོས་གཞི་སྔོན་པོ་ཞིག་རྒྱག་པ་དེ་ཡིན་ཚེ་འདི་ལ་བླ་མའི་རྣམ་ཐར་འགར་ཕྲག་ལྷན་ཞེས་བྲིས་འདུག་པས་དཔྱད་གཞིར་ཕུལ༽
   ལན༽
   གྲྭ་ལྷན་ཟེར་བ་དེ་སྟོད་འགག་དངོས་གཞིའི་བར་བར་དུ་ལྷན་པའི་གོས་ཀྱི་དུམ་བུའི་མིང་རེད། སྟོད་འགག་སེར་པོ་ཡིན་ཚེ། རས་སེར་པོ་ལྷེབ་ལྷེབ་དེ་རེད། སྒྲ་བཤད་ནི། གྲྭ་ནི་གྲྭ་བ་སྟེ་འདིར་གོས་ཀྱི་དུམ་བུའི་མིང་དང་། ལྷན་པ་ལྷན་པའོ། །
   ཁྱེད་ཀྱིས་གྲྭ་ལྷན་ལ་བླ་མའི་རྣམ་ཐར་ཁ་ཅིག་ཏུ་༼ཕྲག་ལྷན༽ཞེས་བྲིས་འདུག་གསུངས་པ། དེ་འདྲ་ཡོད་ཚེ་དེ་ལའང་གོ་རྒྱུ་འདུག་སྙམ་སྟེ། ཕྲག་ནི་༼བར༽གྱི་དོན་དང་། ལྷན་ནི་གོང་ལྟར་རོ། །

   ཁྱེད་ཀྱིས་༼ཁྲིས་སྐུད༽ལ་ཆུ་སྐུད་གསུངས་འདུག དེ་ག་འདྲ་ཡིན་ན།
   ༼ཁྲིས་སྐུད༽ཅེས་པའི་ཚིག་འདི་ལ་གོ་རྒྱུ་ཡོད་རེད། ཁྲིས་ནི་ཁྲིས་མ་སྟེ། ཉག་མ་དང་རྐང་གི་མིང་། སཾ་བོད་སྐད་གཉིས་སྦྱར་གསེར་གྱི་ཕྲེང་མཛེས་ལས། “ར་ཤ་ནཱ” འོག་པག་སྟེ་སྐེད་རྒྱན་ཁྲིས་མ་གཅིག་པ་ནས་བརྒྱད་པ་དང་བཅུ་དྲུག་པ་དང་ཉེར་ལྔ་པ་རྣམས། ཞེས་གསུངས་པ་ལྟར་རོ། །

5. གཅན་བཟོད་རྒྱམ་ལགས།
   འོ་ཅིག་བརྗེད་འདུག
   ཁྲིས་སྐུད་ཀྱི་སྒྲ་བཤད་ནི། སྐུད་པའི་ཁྲིས་མ་སྟེ་ཉག་མ་མང་པོ་མཉམ་དུ་བསྒྲིལ་བའི་སྐུད་པ་ཡིན་པས་ན་ཁྲིས་སྐུད་ཟེར་བ་རེད།

6. འོ་རེད།
   འགའ་ཞིག་གིས། དེ་ལ་འཁྲིལ་སྐུད་ཟེར་མཁན་ཡང་འདུག

7. སྔོན་པོ་དེ་རྒྱ་མིར་རྗེས་དྲན་རེད་དམ་བོན་གྱི་བླ་ཆེན་བླ་ཆེན་དགོངས་པ་རབ་གསལ་གྱི་རྗེས་དྲན་རེད།

8. ཆུ་སྐུད་ཅེས་པ་ནི་ཨམ་སྐད་དུ་སྐུད་པ་ཕྲ་བོ་དེ་རིགས་ཀྱི་སྤྱི་མིང་ཞིག་རེད་མ་གཏོགས་སྟོད་འགག་གི་ཕྲག་མཐར་འཐེན་པ་ཙམ་གྱིས་ཆུ་སྐུད་ཅེས་པའི་མིང་གསར་བ་ཞིག་བཏགས་པ་མ་རེད། རྒྱ་མིས་བཏགས་པའི་དར་གོས་ལ་ཆུ་དར་དང་དར་སྐུད་ལ་ཆུ་དར་ཟེར་བའི་འབོད་སྲོལ་འདི་ནི་སྔ་མོ་ཞིག་ནས་བོད་པ་ཡོད་འདུག སྒོམ་སྡེ་བ་འདི་རིགས་ལ་རྒྱུས་མེད་པ་ཅི་བས་ཀྱང་བདེན་ཏེ་མཆི།

9. སྟོད་འགག་ནི་དམག་གོ་སྟེ། གོ་ཁྲབ་ལས་བྱུང་པ་རེད།

   སྟོད་འགག་ལ་རྟོགས་བཏགས་ཀྱིས་འགྲེལ་བཤད་མང་པོ་ཡོད་པ་རེད། རྟ་མཆོག་རྣ་རྒྱན། ཕོ་རོག་མིག་རྒྱན། གླང་ཆེན་མཆེ་རྒྱན། སོགས་རྒྱན་དྲུག་དང་། དེ་རེ་རེའི་མཚོན་དོན་སོགས། ད་རུང་ཁ་དོགས་འདྲ་མིན་ཆོས་བརྒྱུད་རེ་རེའི་ཕྱག་ལེན་སོགས་འདྲ་མིན་རེད། འོན་ཀྱང་འདི་དམ་པའི་ཆོས་འདུལ་བ་ནས་བཤད་པའི་ནང་པའི་རབ་བྱུང་ཕ་མའི་གོས་ནི་མིན་ཐག་ཆོད་རེད། འོན་ཀྱང་འདི་བོད་ཀྱི་ནང་པ་ལ་ད་ལྟ་དར་ཁྱབ་ཆེན་པོ་ཡིན་པ་ནི་མིག་མཐོང་ལག་ཟིན་རེད། དེ་ན་འདི་གང་ནས་ཇི་ལྟར་དར་བ་རེད་དམ་ཟེར་ན། འདི་ནི་བོད་ཀྱི་དམག་ཁྲབ་ལས་དར་བ་རེད། དམག་ཁྲབ་ལ་སྟོད་གོས་དང་། སྨན་གོས་གཉིས་ཡོད་པའི་ནང་ནས་སྟོད་གོས་རེད།
   མིང་གི་ཆ་ནས་བརྟག་ན་སྟོད་འགག་ཟེར་གི་ཡོད་པ་རེད། དེའི་དོན་ནི་སྟོད་ལ་མདའ་དང་མདུང་སོགས་མཚོན་ཆའི་རིགས་འགོག་བྱེད་ལ་སྟོད་འགག་ཅེས་ཟེར་བ་རེད། དེ་ནས་དེ་ལ་ཕུ་ཐུང་ཡོད་པ་མ་རེད། དེའི་རྒྱུ་མཚན་ནི་སྟོད་ཁྲབ་ལ་ཕུ་ཐུང་ཡོད་ན་དམག་མི་དེས་རང་གིས་ཕར་རྒོལ་བྱེད་པར་འགོག་རྐྱེན་བཟོ་རྒྱུ་རེད། དེ་བས་ན་ཕུ་ཐུང་མེད་པ་རེད།
   ད་འོ་ན་སྟོད་འགག་འདི་བོད་ཀྱི་རབ་བྱུང་བའི་ནང་དུ་ཇི་ལྟར་དར་བ་རེད་དམ་ཟེར་ན། འདུལ་བ་ལ་སྟོད་འདུལ་སྨད་འདུལ་གཉིས་ཡོད་པ་ནས་སྨད་འདུལ་དར་བའི་སྐབས་ནས་དར་བ་འེ་ཡིན་སྙམ། དེ་ཡང་རྒྱལ་བོ་གླང་དར་དེ་བསྟན་པའི་སྤྱི་དགྲར་བཟུང་ནས་ཆོས་ཕྱོགས་པས་བསད་པ་རེད། གསོད་མཁན་ལྷ་ལུང་དཔལ་རྡོར་ཡིན་ཟེར་གི་ཡོད་པ་རེད། ལྷ་ལུང་དཔལ་རྡོར་ཟེར་བ་འདི་དམག་མི་ཡིན་ནམ། ཡང་ན་དགེ་སློང་ཞིག་ཡིན། དེ་ལ་ཐུག་བསྡད་ཡོད་པ་རེད། ངས་བསམ་ན་ལྷ་ལུང་དཔལ་རྡོར་འདི་དམག་མི་ཞིག་རེད། སྤྱིར་ལྷ་ལུང་དཔལ་རྡོར་མིང་ཅན་ཁ་ཤས་ཞིག་ལོ་རྒྱུས་ན་འབྱུང་གི་ཡོད་ཚོད། དེ་ཡང་བཀའ་ཐང་སྡེ་ལྔའི་ནང་ན་བཙུན་མོ་བཀའ་ཡི་ཐང་ཡིག་གི་ལེའུ་གཅིག་ན་ཡང་ལྷ་ལུང་དཔལ་རྡོར་མིང་ཅན་གྱི་བློན་ཆེན་པོ་ཞིག་འདུག དེ་གླང་དར་གསོད་མཁན་དེ་ཡིན་ས་འགྲོ་རྒྱུ་མ་རེད་བསམ། དེ་ནས་གླང་དར་གསོད་མཁན་དེ་ནང་པའི་ཕྱོགས་གཏོགས་ཀྱི་དམག་མི་ཞིག་ཡིན་པ་བྱས། རྒྱལ་བོ་བསད་རྗེས་མཁས་པ་མི་གསུམ་དང་མཉམ་དུ་མདོ་སྨད་ལ་ཕེབས། བླ་ཆེན་པོ་དགོངས་པ་རབ་གསལ་རབ་ཏུ་བྱུང་སྐབས། ཁོང་དགེ་སློང་མིན་པས་ཁ་སྐོང་སུ་མ་འོས་པར་རྒྱ་ཡི་དགེ་སློང་ཞིག་གདན་འདྲེན་དུ་བྱས་ནས་ཁ་སྐོང་བྱས་པར་ལོ་རྒྱུས་དག་ལས་གསལ།
   དེ་ནས་བླ་ཆེན་དགོངས་པ་རབ་གསལ་ལ་བསྟན་པ་བཀའ་དྲིན་ཆེ་བ་རྣམས་རྗེས་དྲན་གྱི་ཆེད་དུ། མཁས་པ་མི་གསུམ་རྗེས་དྲན་ལ་ཞྭ་སེར་བོ་བསྣམས་བཅུགས། དམག་དཔོན་ལྷ་ལུང་དཔལ་རྡོར་རྗེས་དྲན་ལ་སྟོད་འགག་བསྣམས། རྒྱའི་ཧྭ་ཤང་རྗེས་དྲན་ལ་སྟོད་འགག་འདབ་ཀྱི་ཆུ་སྐུད་སྔོན་པོས་མཐའ་ལ་རྒྱན་པ་རེད།
   ཆུ་སྐུད་ཅེས་པའི་ཆུ་འདི་སྲིད་ལ་གོ་དགོས། སྲིད་ཟེར་བ་ནི་སྟོད་འགག་ལ་སྦྱར་ནས་བཤད་ན་མཐའ་ལ་གོ་དགོས་པ་རེད། སྲིད་དང་ཞེང་གི་ཆེ་ཆུང་མཇལ་སྐབས་ཆུ་ཞེང་ཟེར་བ་ལྟ་བུའོ།

10. སྒོམ་སྡེས་ལན་གནང་བར་ཏུགས་རྗེ་ཆེ་ཞུ། ཆུ་སྐུད་ཟེར་བའི་སྐོར་འདི་ཟླ་མེད་ཀྱིས་གསུངས་པ་བཞིན་ལྭ་བ་སོགས་མཐའ་དང་འདབས་ལ་འཐེན་པའི་སྐུད་པ་ཕྲ་མོ་དེའི་མིང་ལ་ཟེར་བ་ངས་ཆུད་དུས་ཕ་མ་གཙོས་པའི་གཞན་པའི་ངག་ལས་ཐོས་མྱོང་། ངའི་རྒྱུག་པོ་དེ་ང་ཚོའི་ཕ་ཡུལ་དུ་འཚེམ་བུ་པ་སྐད་གྲགས་ཅན་ཞིག་ཡིན་མོད། ང་ཁོང་དང་གྱེས་སྔ་བས་འཚེམ་བུའི་མང་པོ་ཞིག་གྷོ་མ་ཐུབ། འོན་ཀྱང་ངས་ཁོང་དང་བདག་གི་ཕུ་བོའི་རྩ་ནས་འཚེམ་བུ་གང་འཚམ་སྦྱངས་མྱོང་། གང་ལྟར་ཆུ་སྐུད་ཟེར་བ་དེ་དེ་ལྟར་ཡིན་སྙམ། གཞན་དྲི་བ་གཅིག་ལ་ལན་གནང་མི་འདུག དེ་བསྐྱར་འདྲི་དང་ཤེས་འདོད་ཧ་ཅང་ཆེ། དེ་ནི་གོང་དུ་བཀོད་པའི་༼ཡང་འགའ་ཤོས་ཀྱིས་དེང་གི་ གྲྭ་ཆས་འདི་ཐོག་མར་དགེ་ལུགས་པས་གསར་གཏོད་ཀྱིས་མནབས་པ་དང་དེ་ནས་རིམ་གྱིས་ས་ སྐྱ་དང་བཀའ་རྒྱུད། རྙིང་མ་འི་གྲྭ་བཙུན་རྣམས་ཀྱིས་མནབས་པ་རེད་ཟེར་བས་འདིའི་ཐད་ནས་ཉིད་ལ་དགོངས་ ཚུལ་འདྲ་གསུངས་རྒྱུ་ཡོད་དམ།༽འདི་ཡིན། འདིའི་སྐོར་སྐད་ཆ་འདྲ་བཤད་རྒྱུ་ཡོད་དམ།

11. ཨོ་རེད། ཟླ་མེད་ཀྱི་སྟོད་འགག་ནི་དམག་གི་གོ་ཁྲབ་ལས་བྱུང་རབས་ཞིབ་འཇུག་འདྲ་ཞིག་བྱས་ནས་འགྲོ་སྐབས། ཕལ་ཆེར་ཚགས་དཀའ་ཡོང་བའི་ཟོལ་གྱིས་སྔ་སྡུམ་ཞིག་བྱས་ཏེ་མཚམས་བཞག་འདུག སྒོམ་སྡེ་བས་ས་སྐྱའི་རྗེས་སུ་ཡིན་ནམ་སྙམ་སྐོར་བྲིས་ཐང་དག་ལས་རྟོགས་ཏུབ་སྐོར་གསུངས་པ་དེར་དབྱེ་ཞིབ་ཞིག་གནང་ཐུབ་ན་ལེགས་སྙམ། ང་ཚོས་འདི་འདྲ་བའི་རིགས་སྣང་ཆུང་དུ་མི་འཇོག་པར་ཞིབ་འཇུག་གིས་ཁ་གསལ་བཟོ་ཐུབ་ཚེ། གནད་དོན་ཞིག་ཐག་བཅད་པ་དང་རྗེས་སུ་མུ་མཐུད་ནས་དོན་གནད་གང་དོར་རྨོངས་བཞིན་འདུག་མི་དགོས་པའི་ཕན་ཐོག་ཆེན་པོ་ལྡན། དེ་བས་འུ་ཚོས་གང་ཤེས་གང་ནུས་གཅིག་ཏུ་སྤུངས་ཏེ་མཉམ་རུབ་བྱེད་གལ་ཆེ་སྙམ།

12. ཨ་རོག་་་་་བཟོད་རྒྱམ་་་་་ང་འདིར་སླེབས་ཡོད་ཀོ

13. རྩམ་དགའ་ལགས། འདི་སྒྲ་དེས་གང་ཞིག་སྟོན་གྱིན་ཡོད་དམ། ཁྱོད་ཀྱིས་སྐད་འཇོག་ས་དེ་ཨེ་རེད། གང་ན་ཡོད་ན་ཁ་གསལ་ཙམ་ཞིག་གསུངས་དང་། དེ་རིང་སང་ཉིན་གཉིས་ལ་གུང་གསེང་ཡིན་ཡ། ཆང་ཁང་སྐྱིད་པོ་ཞིག་ལ་འགྲོ་རྩིས་ཁས་ལེན་བྱས་ཡོད་པ་མ་བརྗེད་ཅིག་ཨང་།

14. གཅན་བཟོད་རྒྱམ་ལགས།
    བསྟོད་འགག་ས་དགེ་བཀའ་རྙིང་ནང་དར་སྟངས་དེ་གསལ་པོ་ཞིག་ཤེས་མ་སོང་། གཅིག་བྱེད་དུས་ཧ་ལམ་མཁན་ཆེན་ཞི་བ་འཚོའི་སྐབས་ནས་ཡོད་པའི་བཟོ་ལྟ་བུ་འདུག་ག གཅིག་བྱེད་དུས་དགེ་ལུགས་པའི་ཐུན་་མོང་མ་ཡིན་པའི་ན་བཟའ་ཡིན་པ་ལྟ་བུའང་འདུག་ག གང་ལྟར་གསལ་པོ་ཞིག་ཤེས་མ་སོང་།

15. གཞོན་ནུ་བདག་མེད་ལགས།
    ༡༽ཁྱེད་ཀྱིས་སྟོད་འགག་ནི་༼དམག་ཁྲབ༽ལ་དཔེ་བླངས་ནས་བཟོས་པ་ལྟ་བུར་གསུངས་འདུག དེ་རྩ་བ་ནས་ཡིན་ཤེས་ཀྱི་མ་རེད། དགེ་སློང་གིས་དམག་ལ་ལྟ་བ་ཙམ་ལའང་ལྟུང་བ་འབྱུང་ན། དེའི་ན་བཟའ་དམག་ཁྲག་ལ་དཔེ་བྱས་པ་མི་སྲིད་པ་ལྟ་བུ་རེད། ལར་ནས་རབ་བྱུང་གི་ན་བཟའ་གོ་ཁྲབ་ལ་དཔེ་བླངས་ན་རྟེན་འབྲེལ་ལ་འགྲིག་གི་མ་རེད། ལྷག་པར་ང་ཚོ་བོད་པ་རྣམ་རྟོག་ཞེ་དྲག་བརྩི་དགོས་མཁན་ཞིག་ཡིན་ཙང་། དེ་འདྲ་རྩ་བ་ནས་བྱེད་ཀྱི་མ་རེད། ངས་བལྟས་ན་ཁྱེད་ཀྱི་འཁྲུལ་གཞི་དེ་༼སྟོད་འགག༽ཅེས་པའི་ཚིག་འདི་ལས་བྱུང་འདུག དེའི་འགྲེལ་བཤད་གཤམ་དུ་གཟིགས།

    ༢༽ རྒྱན་དྲུག་གི་ནང་ནས། གླང་ཆེན་མཆེ་རྒྱན་ཟེར་བ་དེ། གླང་ཆེན་མཆེ་བ་དང་། རྟ་མཆོག་རྣ་རྒྱན་ཟེར་བ་དེ། ཕལ་ཆེར་སེང་གེ་དཔུང་པ་ལ་ཟེར་བ་ཡོད་པ་འདྲ། རེད་དམ།
    ཡང་ཕོ་རོག་མིག་རྒྱན་ཟེར་བ་དེ་ག་རེ་རེད།
    དེ་ནས་རྒྱན་ལྷག་མ་གསུམ་པོ་གང་གང་རེད་དམ།

    ༣༽ཁྱེད་ཀྱིས་སྟོད་འགག་གི་འགྲེལ་བཤད་ལ་༼དེའི་དོན་ནི་སྟོད་ལ་མདའ་དང་མདུང་སོགས་མཚོན་ཆའི་རིགས་འགོག་བྱེད་ལ་སྟོད་འགག་ཅེས་ཟེར་བ་རེད༽ཅེས་གསུངས་འདུག དེ་དེ་འདྲ་མ་རེད། སྒྲ་བཤད་ནི། སྟོད་ནི་ལུས་ཀྱི་སྟོད་དང་། འགག་ནི་གྱོན་པའི་དོན་རེད། དེང་སང་ཡང་ཏྲེ་ཧོར་ཁམས་པའི་སྐད་ལ་གྱོན་པ་ལ་འགག་ཟེར་གྱི་རེད། དེ་སྐད་རྙིང་པ་ཞིག་ཡིན་ས་རེད།

16. ཡང་ན། སྟོད་ནི་གོང་ལྟར་དང་། འགག་ནི་ཚ་གྲང་ལས་སྐྱོབ་པའམ་དེ་འགོག་པས་ན་འགག་ཅེས་བཏགས་པའང་ཡིན་སྲིད།