ཆང་སྐྱེས།
དུས་ཀྱི་འགྲོས་ནི་གཤོག་ཐོགས་རྟ་ཕོ་འདྲ།།
དབྱར་གྱི་མཛེས་སྡུག་སྐད་ཅིག་ཅིག་གིས་རྫོགས།།
མེ་ཏོག་དཀར་དམར་སད་ཀྱིས་བཅོམ་ཤུལ་ནས།།
གཡུ་སྦྲང་སེམས་པ་སྐྱ་མོ་ཐང་ལ་འབྱར།།
རླུང་བུ་ཙག་ཤེད་ཅན་པོ་རི་ནས་ཐོན།།
ལྗོན་ཤིང་ལོ་མའི་སྟེང་ལ་སེར་ཐིག་ལྷུང་།།
ཁུ་བྱུག་མོན་ལ་འཕུར་བའི་ཤུལ་ལམ་ནས།།
བྱེའུ་ཆུང་འཇོལ་མོའི་སྨྲེ་སྔགས་རི་ལ་འཁོར།།
མཐོན་མཐིང་ཨ་སྔོན་དགུང་གི་ཕ་མཐའ་ནས།།
སྤྲིན་པ་ལེབ་མོ་བྱང་ཕྱོགས་སྟོད་ལ་འཕུར།།
རྫ་ཆུ་ཤག་ཤག་འབབ་པའི་འགྲམ་ངོགས་ནས།།
ཡུ་མོ་ཆུང་ཆུང་ཞིག་ཀྱང་རི་ལ་ཞོགས།།
མཚོ་མོ་དྭངས་ཤེལ་ཅན་གྱི་མཐའ་ཁ་ནས།།
ཁྲུང་ཁྲུང་དཀར་མོ་ལྷོ་ཕྱོགས་ཡུལ་ལ་འཕུར།།
དཀར་གསལ་ཟླ་བ་འཛུམ་པའི་ཐུ་འོག་ནས།།
དྲན་གདུང་མིག་ཆུ་སྤར་གང་ས་ལ་བྱོ།།
འདས་སོང་ལོ་ཟླ་རིང་མོའི་ཧྲག་བར་ནས།།
གཏམ་རྒྱུད་དམར་པོ་ཞིག་ཀྱང་འཁྱིལ་ནས་འདུག།།
ཕྱིར་དྲན་གངས་་དཀར་སེམས་ཀྱི་ཀློང་རུམ་་ནས།།
ཁྱེད་རང་ད་དུང་འཛུམ་གྱིས་བཞུགས་པ་འདྲ།།
དོ་ནུབ་ཆར་བ་ཟ་ཟིམ་འབབ་ཀྱིན་འདུག།
སྐར་མའི་ཚོགས་ཀྱང་ཧ་ཅང་སྐྱོ་བས་འདར།།
སུན་སྣང་ཕར་ལ་གཡུག་ཀྱང་འཁོར་ནས་ཡོང་།།
ཤུགས་རིང་གཅིག་གིས་མཚན་མོའི་ལྷིང་འཇཊ་དཀྲོཊ
སྟོན་ཁ་ཤར་སོང་།
ལོ་མ་སེར་སོང་།
ཉི་དྲོད་ཉམས་སོང་།
དགུན་ཁ་ཉེ་སོང་།
སློབ་གྲྭ་འཚུགས་སོང་།
མཉན་རིམ་དྭོགས་སོང་།
རེ་བ་ཤར་སོང་།
རླུང་རྟ་དར་སོང་།