ཀླུ་སྨྱོན།
སྤྱིར་ན་ངས་རྒྱ་གར་གྱི་ལོ་ངོ་སྟོང་ཕྲག་གི་ལོ་རྒྱུས་ལྡན་པའི་ཇ་མངར་མོ་ཞིག་མངགས་པ་ཡིན་མོད། ཇ་ཁང་ཞབས་ཞུ་བ་དབྱིན་སྐད་བྱང་ཆ་ལྡན་པ་དེས་ང་ལ་བསྐྱལ་ཡོང་བ་ནི་ཨ་རིའི་སེ་ཨ་ཀྲལ་གྲོང་ཁྱེར་ནས་མགོ་བཙུགས་ཏེ་དེང་སྐབས་འཛམ་གླིང་གང་སར་སྐད་གྲགས་ཁྱབ་པའི་འཚིག་ཇ་ཁང་ས་ཀྲར་སྦ་ཁུ་སི་Starbucksཞེས་པ་དེས་བཟོས་པའི་འཚིག་ཇ་ཨ་མེ་རི་ཁ་ནོ་རེད། ང་ནི་འཚིག་ཇ་འདིར་ཧ་ཅང་དགའ་བོ་ཡོད་མཁན་ཞིག་ཡིན་པས་ནོར་ནས་ཁྱེར་ཡོང་བའི་འཚིག་ཇ་འདིར་རྙོག་དྲ་ཅི་ཡང་མ་བཤད་པར། ཐུགས་རྗེ་ཆེ། ཞེས་བརྗོད་པ་ཡིན།
ཇ་ཁང་འདི་ནི་གནའ་རབས་དང་དེང་རབས་ཟུང་འབྲེལ་གྱི་ཁྱད་ཆོས་ལྡན་པ་ཞིག་སྟེ། རྩིག་ངོས་སུ་སྟོན་པ་སངས་རྒྱས་ལོ་ངོ་ཉི་ཤུའི་སྔོན་རི་མོའི་སློབ་གྲྭར་བཞུགས་དུས་སུ་ཁོང་གིས་བྲིས་གནང་བའི་མཛེས་མ་དང་བ་གླང་གི་རི་མོ་འགའ་དཔྱངས་ཡོད་པ་དང་། དེའི་ཕར་ཙམ་དེར་བརྙན་འཕྲིན་ཆེན་པོ་ཞིག་ལས་དེ་རིང་གི་སྟོན་པ་སངས་རྒྱས་ཀྱི་ཕྱི་དྲོའི་གསུང་ཆོས་ཚང་མ་ཐད་གཏོང་བྱེད་བཞིན་འདུག་ལ། སྟོན་པའི་མདུན་དེར་ཨ་རིའི་སེ་ཨེན་ཨེན་དང་དབྱིན་ཇིའི་སྦི་སྦི་སིའི་གསར་འགོད་པ་བརྙན་ཆས་ཐོགས་པ་འགས་གསུང་ཆོས་ཐད་གཏོང་བྱེད་བཞིན་པ་ཡང་མཐོང་གི་འདུག ཇ་ཁང་འདིས་གནའ་བོའི་རྒྱ་གར་གྱི་གསེར་དངུལ་གྱི་སྒོར་མོ་དང་མགྲོན་བུའི་དངུལ་དོད་ལེན་གྱི་འདུག་ལ། དེང་རབས་ཀྱི་རྒྱ་གར་ཤོག་དངུལ་བརྒྱ་ལོར་སྲིད་བློན་མུ་དྷེས་གསར་བསྒྱུར་བྱས་པ་དེ་དང་ཨ་རིའི་སྒྲོ་ལོར་གཉིས་ཀ་ལེན་གྱི་འདུག ཇ་ཁང་འདིའི་ཁྱབ་བསྒྲགས་སྟེགས་བུ་གླང་ཆེན་དང་རྨ་བྱའི་རི་མོ་འབུར་དོད་ཅན་དེའི་སྟེང་དུ། ཉེ་ཆར་མ་ག་དྷ་བཟང་མོས་གཉེན་སྒྲིག་བྱེད་སྐབས་ཀྱི་སྤྲོ་ཚོགས་ཆེན་མོའི་སྐོར་གྱི་བརྙན་དེབ་ཡིད་དུ་འོང་བ་ཞིག་དང་། འཕགས་པ་གྲོ་བཞིན་སྐྱེས་རྣ་བ་བྱེ་བ་རིའི་ཡུལ་སྐོར་ཟིན་ཐོ་ཡུལ་མི་རང་བཞིན་པའི་སྐད་ཡིག་དང་དབྱིན་ཡིག་ཤན་སྦྱར་ནང་བརྩམས་པ་ཞིག་ཀྱང་རིན་མེད་དུ་སྦྱིན་བཞིན་འདུག གཞན་ཀུན་དགའ་བོས་རྩོམ་སྒྲིག་པ་གནང་བའི་སྟོན་པའི་ཟླ་བ་འདིའི་ནང་གི་མཛད་རིམ་ཁག་ཡིག་རིགས་མང་པོའི་ནང་བཀོད་པའི་ཁྱབ་བསྒྲགས་ཤོག་བྱང་སྙིང་རྗེ་བོ་དེ་འདྲ་ཡང་མཐོང་རྒྱུ་འདུག་ཅིང་། ཤོག་བྱང་དེའི་མར་གཤམ་དེར་སྟོན་པའི་ཞལ་པར་ཨང་གྲངས་དང་ཤཱ་རིའི་བུའི་སྐད་འཕྲིན། མོའུ་འགལ་བུའི་ངོ་དེབ་དང་འོད་སྲུང་ཆེན་པོའི་ཁྲུའི་ཁྲར་ཞལ་བྱང་བཅས་རིམ་བཞིན་བཀོད་འདུག་ལ། སྟོན་པར་ཞལ་པར་འབུལ་དུས་ནི་ཉིན་རེའི་ཉིན་གུང་གསོལ་ཚིགས་ཀྱི་རྗེས་དེ་མ་ཐག་ཆུ་ཚོད་དང་པོ་ནས་བཞི་པ་བར་ཡིན་འདུག་ལ། གནས་བརྟན་ཆེན་པོ་ཚོར་འབྲེལ་བ་གནང་དུས་ལ་ཆུ་ཚོད་ཀྱི་ངེས་པ་དེ་འདྲ་བཀོད་མི་འདུག བརྙན་འཕྲིན་ནང་ཤར་བ་ལ་བལྟས་ན། སྟོན་པའི་གཡས་ཟུར་དེར་འཇར་པན་ནས་ཐོན་པའི་གྲང་གློག་དཔེ་གསར་ཞིག་བཞག་ཡོད་པ་དེ་ལས་བསིལ་རླུང་གི་རྦ་རླབས་སྟོན་པ་མཆོག་གི་སྐུའི་ཕྱོགས་སུ་མཆེད་བཞིན་འདུག་ལ། ཁོང་གི་སྐུ་མདུན་གྱི་ཤིང་གི་ཅོག་ཙེ་སྤུས་ལེགས་དེའི་སྟེང་དུ་འཛམ་གླིང་ས་ཕྱོགས་གང་ས་ནས་ཡོང་བའི་གསར་འགོད་པ་ཚོའི་སྒྲ་ལེན་སྦུ་གུ་འདྲ་མིན་སྤུངས་བཞག་ཡོད་པ་ཡང་མཐོང་གི་འདུག (མུ་འགོད།)
ད་ཡིན་ན། ཁ་བརྡ་དྲྭ་བ་ལ་ཆོ་མི་འདུག།
གནོན་ཤུགས་ལ་མགོ་བོ་ཤོར་ཚར་འདུག་ག།
འདི་སྔོན་གྱི་རྣལ་འབྱོར་བ་སྤྱོད་པ་ལ་གཤེགས་པའི་གསུང་སྒྲོས་ནི་ག་ལ་ཡིན་ཏེ། གསར་བརྗེའི་རྣལ་འབྱོར་བ་སྨྱོ་བའི་སྨྱོ་ལབ་རིང་མོ་ཡིན་ངེས་པས་མུ་མཐུད་འགོད་རོགས་གྱིས།
ཨ་བླ་ཀླུ་སྨྱོན་གྱིས་བརྡ་ཡིག་ཆད་ལྷག་ཡོད་པ་བྲིས། ཞལ་པར་ལ་ས་སྒོ་ཆད་༐ དབྱིན་སྐད་ལ་ད་སྔོན་འཇུག་དང་། མིང་གཞི་བ་ཡ་བྲིས་པ་དོན་མེད་ལྷག་པ་བྲིས་མི་འདུག་གམ།
་
བླུན་པོ་གྲག་པའི་རྗེས་སུ་འབྲང་།
,
ཞེས་སོགས་སྤང་ན་མི་ལེགས་སམ།
སངས་རྒྱས་ཀྱི་ཞལ་སྤར་ཨང་གྲངས་གསར་དུ་བསྒྲུབ་མི་དགོས་པར་དེ་ལས་ལྷག་པའི་ཞལ་སྤར་ཨང་གྲངས་རང་་ཆས་སུ་ཡོད། དེ་ཡང་སངས་རྒྱས་ཀྱི་ཞལ་པར་ཨང་གྲངས་ནི། གང་གིས་མོས་པ་ཡིད་བྱེད་པ། །དེ་ཡི་མདུན་ན་ཐུབ་པ་བཞུགས། །ཞེས་གསུངས་པ་ལྟར་སེམས་ཅན་གྱི་དད་མོས་རེད། སངས་རྒྱས་ལ་ཞལ་པར་ཐོག་བཀའ་མོལ་ཞུ་འདོད་ན་དད་མོས་བྱེད་དགོས། འཇིག་རྟེན་ཀུན་གྱིས་ཐེ་ཚོམ་དོན་ཞུས་ཀྱང་། །དེ་དག་རེ་རེའི་མདུན་དུའང་དེ་སྙེད་ཀྱི། །མཛད་པ་མཛད་ཅེས་སོགས་དང་། སེམས་ཅན་ཀུན་གྱི་ངག་ཏུ་གང་སྨྲས་ཚིག །རྟག་ཏུ་མ་འདྲེས་སོ་སོར་སྙན་ལ་གསན། །་ཞེས་པ་ལྟར་ཡིན་ན་དེང་དུས་ཀྱི་ཀུ་ཤུ་རྟགས་ཅན་སོགས་ཁ་སྤར་གོང་ཆེན་འདི་ཚོ་དོན་མེད་འགྲོ་གྲོན་འཕར་མ་ཡིན་ནོ།།
ཤཱ་རིའི་བུ་དང་། མོའུ་འགལ་གྱི་བུ། འོད་སྲུངས་ཆེན་པོ་གསུམ་ལ་དེང་དུས་རང་མགོ་རང་གིས་བསྐོར་ཞིང་། དུག་གསུམ་རགས་པའི་ཁ་སྣོན་སྐད་འཕྲིན་དང་། ངོ་དེབ། ཊུའི་ཊར་མི་དགོས་པར་ཁོང་རྣམས་ལ་ལྟ་བའི་མདུན་པ་བཏང་ན་བསྐལ་པ་བརྒྱ་སྟོང་མང་པོའི་སྔོན་གནས་ལག་མཐིལ་དུ་ཀྱུ་རུ་ར་བཞག་པ་ལྟར་གཟིགས་པའི་ནུས་པ་མངའ་ཞིང་། རང་ཅག་ཐེག་ཆེན་པར་ཁས་འཆེ་བ་རྣམས་ཀྱིས་ཉན་ཐོས་ཐེག་དམན་ཞེས་དམན་པའི་གནས་སུ་བྱེད་ཀྱང་། དོན་གྱི་ཆ་ནས་སྟོན་པའི་ེཉན་ཐོས་གསེར་གྱི་རི་བོ་འདྲ་བ་དེ་ཚོའི་ཡོན་ཏན་རང་རེས་བརྗོད་ཀྱི་མི་ལང་ངོ།།
ལྐོག་གྱུར་གནས་ལུགས་འཚོལ་བའི་ཁུལ་བྱེད་ཀྱང། མངོན་གྱུར་འཆི་བ་མི་མཐོང་ཡིད་རེ་མུག།
ཉེས་སྤྱོད་ཆུ་བོ་ཐུར་དུ་རྒྱུག་བཞིན་དུ། བདེ་འགྲོའི་རི་རྕེར་འགྲོ་འདོད་ཡིད་རེ་མུག།
རྩོམ་ཁྱི་སྐྱག་འདྲ་བོ་འདི་ཁ་བརྡ་སང་གི་ག་རེའི་ཆེད་བཏོན་པ་ཡིན་ནམ།
ག་རེ་མུ་འགོད། ད་ཡིན་ན་སྨྱོན་པ་ངོ་མ་དེ་ཆགས་ཡོད་ས་རེད།