ཚེ་རིང་།
རྨི་ལམ་འདྲ་བའི་ངའི་བྱིས་དུས་ཀྱི་རྐང་རྗེས་དེ་དག
ཁྱོད་ཀྱིས་ད་དུང་ཉར་ཡོད་དམ
ཁྱོད་ཀྱི་དཀྱེལ་ཡངས་ཀྱི་ཕྱི་ཐག་འདིས
ངའི་སེམས་ལ་ནོངས་འགྱོད་དུ་མ་ཞིག་གི་ན་ཟུག་བཞག་སོང
ང་རང ཁྱོད་ཀྱི་དྲོད་འཇམ་ཐུ་འོག་ནས་གྱེས་ཏེ
མི་ལོ་དུ་མ་འདས་ཀྱང
ངས་ཁྱོད་ཀྱིས་བསླབ་པའི་ཕ་སྐད་ད་དུང་བརྗེད་མེད
ཕ་ཡུལ སྟོན་མཇུག་གི་སྙན་ངག་སེར་བོ་ཁྱོད
ངས་ད་ལྟའི་བར་བཙལ་བཞིན་པའི
དྭངས་གཙང་ལྷད་མེད་ཀྱི་ཞིང་ཁམས་དེ་ཡིན་འདུག
གཞན་ཡུལ་ཇི་འདྲ་སྐྱིད་ཀྱང་རང་ཡུལ་མིན་ལ
གཞན་མྱི་ཇི་འདྲའི་བཟང་ཡང་རང་མྱི་མིན་པས
དེ་རིང་ངས་ཁྱོད་ཉིད་སེམས་ཀྱི་ཟ་ཟུར་ཀུན་ནས་དྲན་བྱུང
ཁྱོད་ཀྱི་བྱམས་བརྩེ ཁྱོད་ཀྱི་བཀའ་དྲིན
ཁྱོད་ཀྱི་བཟོད་སེམས
འདི་དག་ཀུན་ངས་སྔ་མོ་ཞིག་ནས་དྲན་ན་འོས
2014/08/08