སྤུན་ཟླ་ནང་ཁུལ་མཐུན་སྒྲིལ་དགོས།

Comments (16) on “སྤུན་ཟླ་ནང་ཁུལ་མཐུན་སྒྲིལ་དགོས།”

1. སྨྲ་བརྗོད་རང་དབང་ལ་ལོང་སུ་སྤྱོད་ནས་ནག་ཉེས་ཐེར་འདོན་གནང་བ་བསྔགས་བརྗོད་ཡོད། སྤྱིར་པན་པ་ཚེ་རིང་ལ་སྔོན་མ་ནས་རྙོག་གླེང་ཞིག་ཡོད་པ་རེད། ལྷག་པར་དུ་དེ་རིང་སྤྱི་འཐུས་ཀྱིས་བློ་ཐག་ཆོད་པོའི་སྒོ་ནས་ཐེར་འདོན་གནང་སྟངས་ལ་བལྟས་ནས་དོག་པ་ཞིག་རང་བཞིན་གྱི་སླེབས་ཡོང་བ་ཞིག་རེད། གལ་ཏེ་གཞི་མེད་སྐྱོན་འཛུགས་ཞིག་ཡིན་ན་ནི་སྤྱི་འཐུས་ཁོ་མཐའ་བསྐྱལ་ས་ཞིག་ལ་བསྐྱལ་དགོས་ཁོ་ཐག་རེད། ང་ཚོ་ལ་ཞེ་མཁོན་སྡང་འཛིན་གང་ཡང་མེད། གཙོ་བོ་ནག་ཉེས་ཐེར་འདོན་གནང་བ་དེ་བདེན་པ་ཡིན་མིན་རེད། གལ་ཏེ་བདེན་པ་ཡིན་ན་ནག་ཉེས་ཐེར་འདོན་གནང་མཁན་ལ་བསྔགས་བརྗོད་དང་དགའ་བསུ་ཡོད་དོ།

2. སྤྱི་འཐུས་བསྟན་པ་ཡར་འཕེལ་ལགས་ཀྱིས་སྤྱི་ཚོགས་ནང་གི་རུལ་དྲི་ཁ་བའི་གད་སྙིགས་ོགྲོས་ཚོགས་ནང་འཁྱེར་ཡོང་ནས་བཤད་ན་གྲོས་ཚོགས་ཀྱི་ཆེས་མཐོང་ལ་གནོད་ཀྱི་ཡོད། གལ་སྲིད། ཚོགས་གཙོ་མཆོག་དང་ཁོ་གཉིས་བར་སྡང་སེམས་དང་ཞེ་འཁོན་འདྲ་ཡོད་ན་བརྒྱུད་ལམ་གཞན་དག་བརྒྱུད་ནས་བཤད་ཆོག་རེད། གང་ལྟར་ཐེངས་འདིར་སྤྱི་འཐུས་བསྟན་པ་ཡར་འཕེལ་ལགས་ཀྱིས་སྲིད་དོན་ཚན་རིག་ཀྱི་ཤེས་ཚད་ཡོད་མེད་མི་མང་གིས་ཤེས་རྟོགས་བྱུང་བ་རེད།
   སྔོན་མ་སྤྱི་འཐུས་བསྟན་པ་ཡར་འཕེལ་ལགས་ཀྱིས་ཆོས་རིག་ལས་ཁུངས་སུ་ཆོད་གན་ལས་ཀ་བྱེད་སྐབས། ཁོ་རང་གིས་བོད་ནང་གི་རྩོམ་པ་པོ་ཞིག་བྲིས་པའིསྙན་རྩོམ་དེ་རང་གིས་བྲིས་པ་ཡིན་མདོག་མདོག་གིས་ཆོས་རིག་ལས་ཁུངས་ཀྱི་ལས་བྱེད་བུད་མེད་ཚོར་བསྟན་པའི་ལོ་རྒྱུས་ངོ་ཚ་ཅན་མང་པི་ཡོད་པ་རེད

3. བསྟན་པ་ཡར་འཕེལ་འདི་ཞེན་ཁོག་ཆགས་སྡང་གི་ཁེངས་བསྡད་འདུག

4. འཇུ་ཆེན་གྱི་དེབ་ནང་གསལ་ཡོད་ཅེས་ཁ་ཤས་ཀྱིས་ལུང་དྲངས་ཡོང་གིན་འདུག དེས་ན་འཇུ་ཆེན་གྱི་དེབ་ནང་ཚོགས་གཙོའི་སྐོར་ཅི་ཞིག་བཤད་ཡོད་པ་དེ་གསལ་སྟོན་དགོས། དེ་ནས་བལྟ་རྒྱུ་ཞིག བསམ་རྒྱུ་ཞིག་ཡོད་ངེས། གང་ལྟར་གྲོས་ཚོགས་སླར་ཡང་ཚོགས་ཟིན། རླབས་ཆེན་རེད། སྐབས་འཚོལ་བའི་མངོན་འདོད་གྲུབ་མེད་ལ། ནམ་ཡང་འགྲུབ་མི་སྲིད་དེ། ནང་པས་ལས་བྱས་པ་ཆུད་མི་ཟ་བ་དང་། ལས་མ་བྱས་པ་དང་མ་འཕྲད་པ་གསུང་ཡོད། འཇིག་རྟེན་པས་ཀྱང་མི་ངན་གྱི་འདུན་པ་རེ་ཞིག་གྲུབ་སྲིད་ནའང་ཕུགས་སུ་གཞན་གྱིས་གནད་ལུགས་རྟོགས་ནས་གང་དེ་སྤངས་པ་ཡོད་དོ། །

5. ཆགས་སྡང་ཅན་གྱི་མིས་ཤི་ཁ་དཀྲིགས་ཀྱི་རེད། ཤི་ཚར་བའི་དེབ་ནང་གང་དྲིས་ཀྱང་ཁྲིམས་ཐོག་ཁས་ལེན་མེད། དེ་འདྲ་བོད་སྔ་རབས་ཀྱི་སྤྱི་ཚོགས་ནང་བྱུང་ཡོད་ལ། ནུབ་ཕྱོགས་སྤྱི་ཚོགས་ནང་ལ་ཡང་བྱུང་ཡོད། ལྷག་པར་རྒྱ་མིའི་སྤྱི་ཚོགས་ནང་མང་དུ་བྱུང་ཡོད། ཆ་འཇོག་བྱེད་ཐུབ་ཐབས་མེད།

6. དེབ་དྲིས་ཉན་ད་ལྟ་ཀྱོན་འཛུགས་བྱེད་ཉན་དེ་ཚོ་རེས་ གྲོས་ཚོགས་ར་བའི་ནང་ནས་ཁྲིམས་ཏུགས་བྱེད་མཆོག་གི་མེད་པ་འབཅའ
   འཁྲིམས་ནང་གསལ་རེད་གད་སྲིད་སྐྱོན་འཛུགས་བྱེད་ཡས་ཀྱི་འདེང་ཚོས་ཡོད་ན་གྲོས་ཚོགས་ཕྱི་ལོགས་སུ་འཁྲིམས་ཏུགས་བྱས་ན་འདྲིག་གི་རེད་ ཡིན་ནའི་ད་ལྟ་བར་བྱས་མིན་འདུགས་གའ་ དོས་ཚོས་གཉན་འཕྲང་གཅན་འདི་གྲའི་ཀབ་གྲོས་ཚོགས་ནང་སླེང་ཡས་དེ་ཀྲུག་ཤིང་རང་ལ་ངོས་འཛིན་བྱེ་རྒྱུ་ཡིན།

7. བདེ་པོ་འཚོ་ལགས། ཀ་ཁ་མ་ཤེས་གོང་སངས་རྒྱས་མ་བཤད། དེ་ལས་སློབ་གྲྭ་ནས་ཡི་གེ་ཡག་པོ་སྦྱོང་། ཁྱེང་ཀྱིས་བོད་ཡིག་དང་བོད་རྩོམ་བྲིས་པའི་གྲུབ་འབྲས་ང་ཚོས་ཤེས་ངེས།

8. གང་ལྟར་བསྟན་པ་ཡར་འཕེལ་གྱི་འདོད་དོན་འགྲུབ་ཚར་རེད་་་་མ་གཞི་འདི་ཚང་མ་འདས་བོ་འཇུ་ཆེན་གྱིས་ང་ཚོ་ལ་བཞག་པའི་ལེགས་སྐྱེས་ཡིན་པ་འདྲ་་་འཇུ་ཆེན་ལགས་ཐུགས་རྗེ་ཆེ་་་ཁྱོད་ཀྱི་རེ་བ་མངོན་དུ་གྱུར་འདུག

9. འཇུ་ཆེན་ཐུབ་བསྟན་གྱི་མི་ཚེའི་ལོ་རྒྱུས་ དེབ་དང་པོ་ ཟེར་བ་དེའི་ནང་གི་ཤོག་གྲངས་ ༤༠༩ ཐོག་བཀོད་དོན་

   ༼དེ་འདྲའི་མུ་ནས་ཕྱི་ལོ་ ༢༠༠༤ ལོའི་སྤྱི་འཐུས་གྲོས་ཚོགས་སྐབས་ཞིག་ལ་་མདོའི་སྤྱི་འཐུས་སྤེན་པ་ཚེ་རིང་ཟེར་བ། ངའི་གྲོགས་པོ་ཀ་སྟག་སྤྲུལ་སྐུའི་བཟའ་དབར་འཛུལ་ནས་མཐར་རྐྱེན་ལམ་དུ་གཏོང་མཁན་དེས་ངོས་རང་ཐེ་བའི་བགྲེས་ཡོལ་བ་མི་གྲངས་བརྒྱད་ལ་བགྲེས་ཤག་རྣམས་གཞུང་ལ་རྩིས་འབུལ་ཞུ་དགོས་པའི་དྲི་བ་ནན་པོ་བཏང་སྟེ། ནང་སྲིད་བཀའ་བློན་བློ་བཟང་ཉི་མས་ཁྲི་ཟུར་འཇུ་ཆེན་ཐུབ་བསྟན་ལ་༧གོང་ས་མཆོག་ནས་ལས་དོན་འགན་བསྐུར་ཡོད་པའི་འགྲེལ་བཤད་མང་པོ་གནང་དགོས་བྱུང་བ་དང། ཕྲན་ཚོ་བགྲེས་ཡོལ་བ་བརྒྱད་པོས་ཀྱང་ཁྱེད་ཚོ་མ་སྐྱེས་གོང་ང་ཚོས་རྒྱ་དམར་དང་འཐབ་འཛིངས་བྱས་པ་རེད་ཟེར་བ་དང། སྙན་ཞུ་འདི་འདྲ་ཞིག་ཕུལ་དགོས་གྱུར་སྟབས་རང་ཉིད་ཀྱི་བསམ་བློར་མི་རྒན་རྟ་རྒན་ཁྱི་རྒན་གསུམ། ལས་བྱས་པ་མེད་ཀྱང་ཀུན་གྱི་སྡང་ཟེར་བ་ལྟར། ད་ཆ་བསམ་བསམ་བློ་ཞིག་མ་གཏོང་ཚེ། ངོ་ཚ་ཁྲེལ་གཞུང་མེད་མཁན། ཐ་ན་ལས་འབྲས་ཙམ་ལའང་མི་བརྩི་མཁན་གྱི་མི་རབས་གསར་པ་འདི་འདྲ་དཔའ་བོར་ཐོན་ཏེ་དབང་འཛིན་ཤོག་སྒྲིག་མང་གཙོ་ཁར་འཁྱེར་འོག་ དབང་ནུས་བོད་མི་སྤྱི་དང་ལུས་ཟུངས་ཟད་པའི་གཞུང་ཞབས་བགྲེས་ཡོལ་བ་རྣམས་ལ་འཇིག་རྟེན་གྱི་རེ་དོགས་ཅི་ཡང་མེད་དེ་མི་རྟག་འཆི་བའི་དུས་ཚོད་བསྒུག་ནས་སྡོད་མཁན་རྣམས་ལ་༧གོང་ས་མཆོག་གི་སྐུ་དང་གསུང་དང་ཐུགས་བརྩེ་བ་དང་བཅས་པས་མི་ཁྱབ་པའི་དུས་ཚོད་མགོ་ཚུགས་ཀྱི་ཡོད་པར་བརྟེན། རང་ཉིད་ཀྱི་བསམ་བློ་རྙིང་པ་ལྐུགས་པ་ཨུ་ཚུགས་འདི་ལྟ་བུས་ཁུངས་མི་འཁྱོལ་བ་འདྲ་བསམ་སྟེ་བློ་ཕམ་པའི་འོག་ སྡོད་ཁང་སྤོ་ཐབས་བྱ་རྒྱུར་ཐག་བཅད་པ་ཡིན་ དེ་ཡང་འདས་མའི་ཆེད་ཀྱི་སངས་རྒྱས་སྟོང་སྐུ་བཞུགས་ཡུལ་ལྷ་ཁང་དང་ཆབས་སྦྲགས་བསྐྲུན་ཐུབ་དགོས་སྟབས་དེ་རྩིས་སྲས་དོན་ཡོད་ལ་ས་ཆ་ཞུས་པས་ཅོན་ཏ་ར་ཟེར་བའི་ས་་་་་་་༽

10. གྲགས་མོ་བདེ་བྷོ་འཚོས་སྤྱི་ཚོགས་ཆབ་སྲིད་སོགས་བོད་ཀྱི་གནད་དོན་གང་ཡོད་ལ་བསམ་གཞིག་བྱེད་ཀྱིན་པར་བསྔགས་བརྗོད་ཡོད། རྙོག་དྲ་འདི་རིགས་བཤད་ནས་རྫོགས་སོང་བ་ཞིག་ཡོད་ནི་མ་རེད།

11. དེ་དུས་སྤྱི་འཐུས་འདིས་རང་ཉིད་གྲོས་ཚོགས་འཐུས་མི་ཞིག་ཡིན་སྟབས། སྤྱི་བའི་འགན་ཞིག་འཁྱེར་ནས་བཙན་བྱོལ་བོད་གཞུང་གི་ལས་བྱེད་ཐོབ་ཐང་གི་ལས་ཤག་སྒྲིག་གཞི་བགྲེས་ཡོལ་དུ་ཡུན་རིང་འགོར་མཁན་ཚོར་ཐོབ་ཐང་མེད་སྟབས་དེའི་ཐད་དྲི་བ་བཏོན་པ་དེ་འགྲིག་འདུག ལས་བྱེད་གསར་བ་མང་པོ་ཞིག་ལ་ལས་ཤག་མ་རེག་པར་ལྷག་བསྡད་པའི་སྐད་ཆ་གྲོས་ཚོགས་ནང་ཡོང་བཞིན་པ་རེད། དེ་སྤྱི་བའི་འགན་འཁྱེར་སྟངས་ཤིག་རེད། སྐབས་དེར་འཇུ་ཆེན་ཁོ་བས་དེབ་ཅིག་འབྲི་ཡི་ཡོད། དེ་མ་ཚར་བར་སྒུག་དགོས་ཟེར་ནས་ལས་ཤག་དེ། དུས་ཐོག་རྩིས་སྤྲོད་བྱས་མེད། དེའི་ཁོང་ཁྲོ་ཁོག་ལ་བཟུང་ནས་བཤད་པའི་སྐད་ཆ་ཞིག་ཡིན་པ་ཚིག་ཤུགས་ནས་ཤེས་ཐུབ། དེ་ལ་ཆ་འཇོག་ས་མི་འདུག ལར་ནས་ང་ཚོས་སྐད་འབོད་ནང་རྒྱ་མི་ཀླ་ཀློ་ཟེར་བ་དང་གཅིག་པ་རེད། དངོས་ནས་རྒྱ་མི་ཚང་མ་ཀླ་ཀློ་ཡིན་ནམ། དེ་མཚུངས་སྐབས་དེའི་གནད་དོན་ཡང་དེ་འདྲ་ཞིག་རེད། གནད་དོན་དེའི་རྗེས་ཙམ་ལ་འཇུ་ཆེན་རྒྱ་ནག་ཕྱིན་ཡོད། དེ་ནས་ཚར་སླེབས་མ་ཐག་ཅོན་ཏ་ར་ཕྱོགས་ནས་ཁང་ཆེན་ཞིག་བསླངས་ཡོད་པ་ཚང་མས་ཨེ་ཤེས། དངུལ་དེ་ཚོ་ཁོང་ལ་གང་ནས་ཡོང་བ་རེད། བོད་སོག་ལས་ཁུངས་མཉམ་གྲོས་ཆོད་འཇོག་པའི་རྒྱབ་ཏུ་སུ་སྐབས་དེར་འཇུ་ཆེན་ཡོད་པ་གྲག་འགུལ་བྱུང་བ་ཚང་མས་གོ་ཡོད་ཤག བོད་མི་དུམ་བུར་བཟོས་པ་རེད། ཉེས་པ་གནམ་ལ་མི་ཤོངས་མཁན་ཞིག་སྐད་ཆ་ལ་ཆ་ཅི་ཞིག་འཇོག་དགོས། བསམ་བློ་ཞིབ་མོར་ཐོངས། བོད་མི་རིགས་ཀྱི་བདེ་སྡུག་ཐད་ནས་སྐད་ཆ་ཤོད།

12. འཇུ་ཆེན་གྱིས་དེ་འདྲ་ཞིག་བྲིས་ཡོད་ན་བོད་པའི་སྤྱི་ཚོགས་ལ་ནག་ཐིག་གཅིག་ཕབས་པ་ལས་གཞན་གང་ཡང་མ་རེད། ལར་ནས་རྒད་པོ་འདི་ཚོས་བོད་པའི་ན་གཞོན་ཚོར་བཞག་དགོས་པའི་མཐུན་སྒྲིལ་གྱི་སློབ་གསོ་ཞིག་མ་བཞག་པར་མི་དགོས་པའི་དཀྲུག་ཤིང་སློངས་བྱེད་ཀྱི་དེབ་ངན་ལུང་པ་གང་བཞག་ནས་སོང་བ་འདི་ཐབས་སྐྱོ་པོ་རེད།

13. ་་་་་་་་་་་་་་་་ གནད་དོན་དེའི་རྗེས་ཙམ་ལ་འཇུ་ཆེན་རྒྱ་ནག་ཕྱིན་ཡོད། དེ་ནས་ཚར་སླེབས་མ་ཐག་ཅོན་ཏ་ར་ཕྱོགས་ནས་ཁང་ཆེན་ཞིག་བསླངས་ཡོད་པ་ཚང་མས་ཨེ་ཤེས། དངུལ་དེ་ཚོ་ཁོང་ལ་གང་ནས་ཡོང་བ་རེད། བོད་སོག་ལས་ཁུངས་མཉམ་གྲོས་ཆོད་འཇོག་པའི་རྒྱབ་ཏུ་སུ་སྐབས་དེར་འཇུ་ཆེན་ཡོད་པ་གྲག་འགུལ་བྱུང་བ་ཚང་མས་གོ་ཡོད་ཤག བོད་མི་དུམ་བུར་བཟོས་པ་རེད། ་་་་་་་་་་་་་་་་་་

14. ་་་་་་་་་་་་ ང་ཚོའི་ཁ་གཏད་རྒྱ་མི་རེད་མ་གཏོགས་རང་རིགས་མ་རེད། མི་ཞིག་གིས་སྣེ་ཁྲིད་བཞིན་ཡོད་ན་དེའི་ཞབས་ནས་འདེགས་ཅི་ཐུབ་བྱ་དགོས་པ་ལས་ཞབས་ནས་ཐུར་དུ་འདྲུད་ཐབས་བྱས་ན་རྒྱལ་ཁབ་འདི་དང་མི་རིགས་འདིའི་ཡར་རྒྱས་ཀྱི་གོམ་ཁ་འགག་ཚར་བ་རེད། ་་་་་་་་་་་་་་

15. ད་སྔ་འཛམ་གླིང་གི་མི་གྲགས་ཅན་མང་པོ་ལོ་རྒྱུས་བཀླགས་ཡིན་ཏེ་ཡ་མཚན་ཆེ་ཤོས་འཇུ་ཆེན་གྱི་ལོ་རྒྱུས་བྱུང་སོང་། སྤྱིར་མི་ཞིག་གི་མི་ཚེའི་ནང་འཇོན་པ་དང་མ་འཇོན་པ།བཟང་ཆ་དང་ནོར་འཁྲུལ་གཉིས་ཀ་བྱུང་བ་ཆོས་ཉིད་རེད་དེ། འཇུ་ཆེན་གྱིས་དེའི་ནང་ཁོ་རང་འཇོན་རབས་དང་སྐད་གྲགས་བཞག་རབས། ཐ་ན་མི་ཞིག་དང་བཤད་རེས་ཏོག་ཙམ་བྱས་ནའང་ཁོ་རང་གིས་རྟག་པར་ཕར་ཕྱོགས་དེ་དཔའ་ཞུམ་པར་བཟོ་རབས་ལྟ་བུ། མདོ་རྩ་ཁོ་རང་གིས་ཁོ་རང་ལ་བསྟོད་པ་བྱས་བཞག་ལུང་པ་བཀང་བྲིས་འདུག། ཁོང་གིས་ནོར་འཁྲུལ་ནི་གཅིག་ཀྱང་ཤོར་རབས་བྲིས་མི་འདུག། དེ་ཚོ་དངོས་ཁྱད་མཚར་པོ་རེད།
    དེ་ནས་ཁོང་གིས་མི་ཕར་ཕྱོགས་ཤིག་ལ་སྐྱོན་འཛུགས་བྱས་པ་ཁག་ནི་བརྒྱ་ཆ་དགུ་བཅུ་བདེན་དཔང་གང་ཡང་མེད་པ།ཚོད་དཔག་དང་སོ་སོས་རྣམ་རྟོག་གིས་བཟོས་བཞག་པ་མང་ཤོས་རེད། ལས་ཤག་ནས་ཕུད་རྩིས་སོགས་བཤད་པ་ཡང་ཡ་མཚན་རེད། བདེ་སྐྱིད་གླིང་གཞིས་ཆགས་སུ་བཙན་བྱོལ་བོད་གཞུང་གི་གཞུང་ཞབས་བགྲེས་ཡོལ་ཚོར་ལས་ཤག་དེ་ཙམ་མང་པོ་བརྒྱབས་སོང་། འཇུ་ཆེན་བཀའ་ཁྲི་ཟུར་པ་ཅིག་ལ་དེ་ན་ལས་ཤག་ཡོད་དང་ཡོད།
    བོད་ནས་བྱས་རྗེས་བཞག་མཁན་ང་རང་གི་ངོ་ཤེས་ནང་རྒྱ་མི་དང་གསོད་རེས་བཏང་སྟེ་སྲོག་འབེན་ལ་བཞག་མཁན་མང་པོ་རྒྱུས་ཡོད་མོད། ཁོང་ཚོས་བཙན་བྱོལ་བོད་གཞུང་ལ་ཡོས་བཤད་རྒྱུ་དང་ཐོབ་ཐང་ལེན་རྒྱུ་སོགས་གཅིག་ཀྱང་གནང་གི་མི་འདུག

16. སངས་རྒྱས་སྟོང་སྐུ་དང་དེ་བཞུགས་ས་ལྷ་ཁང་བཞེངས་ཐུབ་མཁན་ཞིག་ལ གཞུང་ཁང་གཞུང་ལ་སྤྲོད་རྒྱུ་འདི་འདྲ་ངན་སྨྲས་བྱས་ན་སྐྱོ་བ་ལ་ མ་གཞི་ཤི་རྒས་དེ་སྣ་ནག་མ་ཞིག་ཡིན