གནས་ཚུལ་མཁོ་གཏོང་བ། སྤེལ་ལྗམ་བོད་ཚོགས་དྲུང་གཞོན་ས་དཀར་བཀྲ་ཤིས།
ཁ་སང་ཚེས་༢༠ ཉིན་བོད་མི་མང་སྤྱི་འཐུས་ལྷན་ཚོགས་ཀྱིས་སྣེ་ཁྲིད་པའི་བདེན་པའི་མེ་ལྕེ་སྐོར་བསྐྱོད་དང་མཚན་རྟགས་བསྡུ་རུབ་ཀྱི་ལས་འགུལ་དེ་སྤེལ་ལྗམ་རྒྱལ་ས་སྦར་སིལ་གྱི་ཡོ་རོབ་མཉམ་འབྲེལ་ལྷན་ཁང་མདུན་ཐང་དང་ཡོ་རོབ་མཉམ་འབྲེལ་གྲོས་ཚོགས་མདུན་ཐང་གཉིས་སུ་སྤེལ་ཡོད་ལ། ཉིན་དེའི་ཞོགས་པ་ཆུ་ཚོད་༡༠ པའི་སྟེང་བོད་མི་དང་ཕྱི་རྒྱལ་བོད་དོན་རྒྱབ་སྐྱོར་བ་༢༠༠ ལྷག་ཡོ་རོབ་མཉམ་འབྲེལ་ལྷན་ཁང་གི་ལས་ཁུངས་ཨ་མའི་མདུན་ཐང་དུ་འདུ་འཛོམས་བྱུང་མཚམས་ལས་འགུལ་མགོ་འཛུགས་གནང་ཡོད་པ་དང་། ཐོག་མར་བོད་དོན་ཆེད་རང་སྲོག་བློས་གཏོང་བའི་དཔའ་བོ་དཔའ་མོ་དང་རྒྱ་ནག་གི་གདུག་རྩུབ་སྲིད་ཇུས་འོག་སྡུག་སྦྱོང་མནར་གཅོད་ཚད་མེད་མྱངས་དང་མྱོང་བཞིན་པའི་གཞིས་ལུས་སྤུན་ཟླ་རྣམ་པར་གདུང་སེམས་མཉམ་བསྐྱེད་ཆེད་སྐར་གཅིག་རིང་མྱ་ངན་ངག་བཅད་ཞུས་བ་དང་། དེ་ནས་བོད་མི་ཚོས་བདེན་ཚིག་སྨོན་ལམ་དང་མི་མང་ལངས་གླུ་གྱེར། སྐུ་ཚབ་དོན་གཅོད་དངོས་གྲུབ་རྡོ་རྗེ་དང་ཡུ་རོབ་སྤྱི་འཐུས་ཐུབ་བསྟན་དབང་ཆེན། རྒྱལ་སྤྱིའི་བོད་དོན་ལས་འགུལ་ཁང་གི་སྤར་སིལ་ཡན་ལག་ལས་ཁང་འགན་འཛིན་བན་སི་ཏི་མེས་ཊལ། རྒྱ་རིགས་མང་གཙོ་དོན་གཉེར་བ་སྐུ་ཞབས་ཀྲང་ལགས། ཡོ་རོབ་རྒྱ་རིགས་འབྲེལ་མཐུད་པ་སྐུ་ཞབས་བློ་བཟང་ཉི་མ་ལགས། ས་གནས་གཞོན་ནུ་དང་བོད་རིགས་ཚོགས་པའི་སྐུ་ཚབ་བཅས་ཀྱིས་ལས་འགུལ་དང་འབྲེལ་བའི་གཏམ་བཤད་གནང་གྲུབ་རྗེས། མི་མང་ཚང་མ་བང་བསྒྲིགས་ཏེ་འབོད་ཚིག་སྣ་ཚོགས་སྒྲོགས་བཞིན་ཆུ་ཚོད་གཅིག་རིང་སྲང་ལམ་སྟེང་གོམ་བགྲོད་ཀྱིས་བསྐྱོད་ཡོད་པ་དང་། མཐར་ཡོ་རོབ་མཉམ་འབྲེལ་གྲོས་ཚོགས་ཀྱི་མདུན་ཐང་དུ་བོད་རྒྱལ་ཁབ་ཆེན་པོའི་རྒྱལ་གླུ་བཏང་བ་དང་བོད་རྒྱལ་ལོའི་ཞེས་བའི་ཁ་གཡང་སྒྲོགས་ཏེ་ལས་འགུལ་མཇུག་སྒྲིལ་ཡོད་འདུག ཉིན་རྒྱབ་ལ་བདེན་པའི་མེ་ལྕེ་དེ་སྤེལ་ལྗམ་ས་གནས་Huy དང་དེར་ཡོད་པའི་ཡོན་ཏན་གླིང་ཆོས་ཚོགས་སུ་སྐོར་བསྐྱོད་བྱས་ཡོད་འདུག
ཉིན་དེར་རྒྱ་ནག་གི་སྲིད་བློན་ཝུན་ཅྰ་པོ་ཡང་ཡོ་རོབ་མཉམ་འབྲེལ་ལྷན་ཁང་གི་ལས་ཁུངས་སུ་འབྱོར་ཡོད་པ་དང་། རྒྱ་ནག་དང་ཡོ་རོབ་མཉམ་འབྲེལ་མཐུན་ཚོགས་དབར་གྱི་ཆེས་མཐོའི་དཔོན་རིགས་ལྷན་ཚོགས་ཐེངས་༡༥ བ་འཚོགས་བཞིན་ཡོད་འདུག ཉིན་བཞིའི་རིང་སྤེལ་ལྗམ་ནང་བདེན་པའི་མེ་ལྕེ་སྐོར་བསྐྱོད་ལས་འགུལ་ཁ་སང་མཇུག་བསྡུས་ཡོད་པ་དང་། དེ་རིང་ལེགས་སིན་བྷོར་རྒྱལ་ཁབ་ཏུ་བདེན་པའི་མེ་ལྕེ་སྐོར་བསྐྱོད་དང་མཚན་རྟགས་བསྡུ་རུབ་ཀྱི་ལས་འགུལ་སྤེལ་རྒྱུ་ཡིན་འདུག
ཡག་པོ་རེེད། དཔེ་ཡག་པོ་རེད། བོད་པ་དེར་ཡོད་ཚང་མས་མ་འོངས་བོད་མིའི་གནས་ཚང་བདེ་འཇགས་ཡོང་བར་བསམ་བློ་ཕུགས་རྒྱང་རིང་པོ་དགོས། བཀྲིས་བདེ་ལེགས།
ཁ་བརྡ་ཚང་ནི་དགོས་དུས་ཆད་།མི་དགོས་དུས་ལྷག་ཟེར་བའི་དཔེར་ལྟར་་།དབུས་བོད་མིའི་སྒྲིགས་འཛུགས་དང་འབྲེལ་བ་ཡོད་པའི་གསལ་འགྱུར་གལ་ཆེན་ཁག་མཐོང་ལམ་དུ་གཏན་ནས་མེད་། དེ་ལས་ལྡོག་ཏེ་གཞུང་དང་སྲིད་སྐྱོང་བ་མཆོག་བཅས་ལ་མ་ཉེས་ཁ་གཡོག་རེ་ཡོད་ཚེ་དེ་མ་ཐག་དབྱེར་ཞིབ་གང་ཡང་མེད་པར་བཀོད་ཀྱི་ཡོད་ངོ་མ་སེམས་སྐོྱ་ནི་ཞིག་རེད་།
ཡོ་རོབ་མཉམ་འབྲེལ་ལྷན་ཁང་གི་ལས་ཁུངས་ཨ་མའི་མདུན་ཐང་དུ་བདེན་པའི་མེ་ལྕེ་སྐོར་བསྐྱོད་ལསའགུལ་བདེན་པའི་མེ་ལྕེ་སྐོར་འདུག་ལས་འགུལ་ལ་སྒྱུར་ན་དོན་དང་གནས་བ་ཞིག་རེད་ལ་འཇུག་འབྲས་ཡང་ཆེན་པོ་ཞིག་རེག་ཚོད་རེད། དེ་མིན་་་་་་་་་་་། གང་ལྟར་ལམ་སྟོན་ཙམ་ཡིན། མི་བདེན་གི་བསམ་ན་གཡུག་བཞག།