གསལ་ལེ་རྒྱལ།
གྲྭ་བ་ནི་དགོན་པའམ་གྲྭ་ས་རུ་བཞུགས་པའི་མི་རྣམས་ཀྱི་བདག་སྒྲ་རེད། བདག་སྒྲ་དེ་གྲྭ་ས་རུ་བཞུགས་པའི་མི་ཁོ་ནར་བདག གལ་ཏེ་གྲྭ་ས་དང་ཁ་གྱེས་ན་གྲྭ་བ་མ་རེད། ཁོ་ཚོ་གྲྭ་ས་རུ་མེད་པས་ཁོ་ཚོར་བདག་སྒྲ་”བ”དེ་མི་འབྱོར།
སེར་མོ་བ་ནི་ལྭ་བ་སེར་བོ་གོན་པའི་ཆ་ནས་བཏགས་པའི་མིང་ཞིག་སྟེ་དེའང་གྲྭ་བའི་མིང་གཞན་ཞིག་རེད། གྲྭ་ས་དང་ཁ་གྱེས་ཟིན་ནའང་ད་དུང་སྟོན་པའི་ན་བཟའ་སེར་བོ་དེ་གོན་ནས་འགྲོ་མཁན་དེ་དག་ནི་གྲྭ་བ་མིན་པའི་སེར་མོ་བའམ་ལུག་པགས་གོན་པའི་སྤྱང་ཀི་རེད།
གང་ན་སྤྱང་ཀི་ཡོད་ན།།
དེ་ན་ཉེན་ཁ་ཡོད།།
གང་ན་སྤྱང་ཀི་མེད་ན།།
དེ་ན་ཞི་བདེ་ཡོད།།
གྲོས་ཚོགས་ར་བའི་ནང་དུ་སྤྱང་ཀི་བསླེབས་པ་ནི་ཉེན་ཁ་བསླེབས་པ་རེད།
སྤྱང་ཀིའི་བྱ་བྱེད་ལས་གསུམ་ཚང་མ་ཤེས་ཡོན་པ་དག་གིས་ལོས་ཤེས་ཏེ་རྫི་བོ་དག་གིས་ཀྱང་ཤེས་པ་མ་ཟད་སྤྱང་ཀིར་རྒོལ་བའི་སྦྱོར་བ་སྣ་ཚོགས་རྩོམ་བཞིན་ཡོད། སྤྱང་ཀི་ལ་མྱི་སྐད་བཤད་ནས་མི་གོ་བ་ཚང་མས་ཤེས་གསལ་ལྟར། ཤེས་ཡོན་པ་དང་རྫི་བོ་མཉམ་རུབ་ཀྱིས་སྤྱང་ཀི་འགོག་དགོས། ཚང་མས་རྡོ་ཐུས། འུར་ཆ་ཟུངས། སྤྱང་ཀི་འགོག རྒྱལ་ཁབ་ཀྱི་དོན་དུ། མི་རིགས་ཀྱི་ཆེད་དུ། ཚང་མ་མཐོ་སར་འབུད། རྒྱང་ལྟ་བྱེད། སྤྱང་ཀི་སླེབ་ལ་ཉེ།
༢༩/༡༢/༢༠༢༠ ལ་ཕ་རེ་སི་ནས།
ལུག་གི་དགྲ་སྤྱང་ཀི་འགོག་པ་ལ་འབྲོག་པ་མཁས་ཀྱང་། མཐུན་སྒྲིལ་གྱི་དགྲ་གླང་དམར་འགོག་པ་ལ་གྲྭ་བ་ཁོ་ན་མཁས་པས་གྲྭ་བ་ངོ་མ་ཚོས་གླང་དམར་མ་བཀག་བར་གླང་དམར་འགོག་པའི་འུར་རྡོ་དང་། ལྕགས་ཀྱུ་བཅའ་ཁྲིམས་ནང་མི་འདུག