སྤྱི་ཚོགས་ཀྱིས་འཕེལ་རིམ་རྒྱུད་ནས་མང་གཙོ་དང་དམངས་གཙོ་ལ་དཔྱད་པའི་གཏམ།

གཞུང་པ་ཚེ་དབང་བསོད་ནམས་ནས།
 
འཛམ་གླིང་གི་ས་གཞི་འདི་ཆགས་པ་ནས་མི་གི་འགྲོ་བ་འཕེལ་བའི་རྒྱུད་རིམ་ལ་ང་ཚོའི་འགན་ཁུར་ནས་ཞིབ་ཏུ་དཔྱད་ཚེ་གདོན་མའི་སྤྱི་ཚོགས་ནས་རིམ་བཞིན་སྔོན་འཐོན་ལ་ཁ་ཕྱོགས་ནས་བུ་ཕྲུག་གསོ་སྐྱོང་དང་ཟས་གོས་འཚོལ་སྒྲུབ་སོགས་ལ་འགན་ཁུར་ནས་བཟའ་ཚང་མཉམ་འདུས་ཀྱིས་ནང་མི་མཉམ་སྡོད་ཀྱིས་ལམ་ལུགས་འོག་ས་ཆ་བདག་བཟུང་གི་འཚོ་བ་འབྲོག་ལས་རྒྱུད་དུད་འགྲོ་སེམས་ཅན་བདག་ཉར་གྱིས་རི་ལུང་གང་སར་ཙ་བཟང་ས་དང་ཆུ་ཞིམ་སར་གནས་ངེས་མེད་ལ་འགན་ཁུར་ནས་དུད་འགྲོ་གསོ་སྐྱོང་གི་འོག་ནས་ནང་མིའི་འཚོ་བ་ལ་འགན་སྲུང་བྱེད་པའི་དུས་རབས་ནས་སྔོན་འཐོན་བསམ་བློའི་འོག་ཏུ་བློ་རྩལ་ཅན་གྱིས་མིའི་སྐད་ཡིག་གསར་གཏོད་འོག་ས་ཞིང་འདེབས་ལས་འགོ་བཙུགས་ནས་ཞིང་འབྲོག་གི་ལས་ཀའི་འོག་ནས་ཁྱིམ་ཚང་གི་འཚོ་བ་ལ་འགན་ཁུར་ནས་མི་ཚེ་སྐྱེལ་བའི་དུས་རབས་ནས་རིམ་བཞིན་མིའི་བསམ་བློའི་འོག་ཏུ་འགན་ཁུར་ནས་མི་མང་ནང་ཁུལ་གྱིས་བདེ་འཇག་དང་ཉེ་འབྲེལ་ཡུལ་སྡེ་ཕན་ཚུན་བར་དགྲ་ཇག་རྐུ་ཁྱེར་སོགས་ལ་བཀག་བསྡོམས་ཆེད་འགན་ཁུར་ཐུབ་པའི་མི་སྣ་ཡུལ་གྱིས་འགོ་དཔོན་དུ་བཀུར་བའི་ལམ་ལུགས་འོག་ནས་རིམ་བཞིན་འགོ་དཔོན་ནས་རྒྱལ་པོའི་རིང་ལུགས་དར་ནས་ལུང་ཆུང་རེ་ལ་དཔོན་ཆུང་རེ་ཟེར་བ་དང་དཔོན་ཆུང་རེ་ལ་བློན་པོ་རེ་ཟེར་བའི་ལམ་ལུགས་འོག་ནས་འཛམ་གླིང་གི་ལུང་པ་མང་པོ་རྒྱལ་པོའི་དབང་འོག་དུ་གནས་ནས་ཞི་བའི་མི་མང་གིས་འཚོ་བའི་མདུན་ལམ་རྒྱལ་པོའི་བློན་པོ་རྒྱུད་ས་ཞིང་བདག་ཉར་ལ་ཚད་བཀག་དང་དུད་འགྲོ་སེམས་ཅན་གསོ་སྐྱོང་བདག་ཉར་གྱིས་ཙ་ཟ་ཆུ་འཐུང་ལ་ཚད་བཀག་དང་རྒྱལ་བློན་གྱི་འཚོ་བ་ཡོངས་རྫོགས་ཞི་བའི་མི་མང་ཞིང་འབྲོག་གཉིས་ལ་ཁྲལ་འགེལ་ལམ་ལུགས་གསར་གཏོད་ཀྱིས་ཞི་བའི་མི་མང་གི་འཚོ་བའི་མདུན་ལམ་ལས་རྒྱལ་པོའི་རྒྱལ་ཁང་གསར་བཟོ་དང་རྒྱལ་པོའི་སྐུ་སྲུང་ཆེད་རྒྱལ་ཁང་གི་མཐའ་སྐོར་དུ་ལྕགས་རི་བསྐོར་རྒྱུ་སོགས་གལ་ཆེར་རྩིས་ནས་ཞི་བའི་མི་མང་ལ་གླ་རྔན་ཀར་ལི་ཙམ་ཡང་མེད་པར་ཉིན་ཚན་མེད་པར་གཡོག་བསྐུལ་བྱས་པའི་དཔང་རྟགས་དེང་སྐབས་ང་ཚོའི་མིག་མདུན་དུ་འཆར་རྒྱུ་ཡོད་པ་ནི་དེང་སྐབས་འཛམ་གླིང་གི་ལུང་པ་ག་པར་ཕྱིན་ཀྱང་དེ་སྔའི་རྒྱལ་པོའི་རྒྱལ་ཁང་དང་རྒྱལ་པོའི་སྐུ་རྒྱུ་སོགས་འགྲེམས་སྟོན་ཁང་བཟོས་ནས་འཛམ་གླིང་གི་ཡུལ་འཁོར་སྤྲོ་འཆམས་ལག་ནས་དངུལ་འབབས་ཡོང་སྒོ་བཟོ་བཞིན་པ་དེ་དག་ལ་བསམ་ཞིབ་བྱ་སྐབས་ཞིང་འབྲོག་མི་མང་གི་སྔུལ་ནག་ཐིག་བསག་ལས་བྱུང་བ་འདི་དག་སྤྱོད་ངན་ངོམ་བཟོ་ཙམ་ལས་མ་འདས་པ་དང་དུས་རབས་ཀྱིས་འགྱུར་འགྲོས་དང་མིའི་བསམ་བློའི་འགན་ཁུར་འོག་ནས་འཛམ་གླིང་གི་ལུང་པ་མང་པོའི་ནང་རྒྱལ་པོའི་ལམ་ལུགས་ལ་འཇུག་བསྡོམས་རྒྱབ་ནས་མི་མང་མང་གཙོའི་ལམ་ལུགས་ནང་ཁ་ཕྱོགས་ནས་རྒྱལ་ཁབ་དང་སྲིད་གཞུང་གིས་ལས་དོན་ཡོངས་རྫོགས་འོས་བསྡུའི་ལམ་ནས་མི་མང་གིས་འགན་ཁུར་ཐུབ་པའི་ལམ་ལུགས་གསར་གཏོད་འོག་ནས་རྒྱལ་ནང་གི་ཆབ་དཔལ་རིག་གསུམ་མང་གཙོའི་སྲིད་གཞུང་གིས་ཁྲིམས་སྒྲིག་འོག་ཏུ་འགན་ཁུར་ནས་མང་ཚོགས་ཀྱིས་འཚོ་བ་ལ་འགན་ཁུར་ཐུབ་པའི་མང་གཙོའི་གཞུང་འཛིན་སྐྱོང་གནང་མཁན་གྱིས་ཀ་བ་གསུམ་སྟེ་ཁྲིམས་བཟོ་གྲོས་ཚོགས་འཐུས་མི་དང་འཛིན་སྐྱོང་གཞུང་འཛིན་བློན་ཆེན་ལྷན་ཚོགས་དང་ཁྲིམས་གཅོད་སྡེ་ཚན་བཅས་ཀ་བ་གསུམ་དང་ཀ་བ་བཞི་པ་དེ་གསར་འགོད་སྡེ་ཚན་བཅས་མང་གཙོའི་ཀ་བ་བཞི་གིས་འགན་ཁུར་འོག་གཞུང་མང་གི་འཚོ་བ་ལ་འགན་ཁུར་བྱེད་པའི་ལམ་ལུགས་དེ་ལ་མང་གཙོ་ ( Democracy ) ཟེར་བ་དང་། དམངས་ཟེར་བའི་ཐ་སྙད་དེ་གྲལ་རིམ་ལ་གོ་དགོས་པ་ནི་དུས་སྔ་མོའི་སྐབས་ལ་རྒྱལ་རིགས་དང་རྗེ་རིགས་དང་བྲམ་ཟེའི་རིགས་དམངས་རིགས་བཅས་རིགས་བཞི་ཡོད་པ་ནས་དམངས་རིགས་ནི་རིགས་མཐའ་མ་དེ་ཡིན་པ་བཅས་མང་ནི་གྲངས་ཀྱི་གསལ་འབྱེད་ཡིན་པ་དང་དམངས་ནི་གྲལ་རིམ་གྱི་གསལ་འབྱེད་ཡིན་པ་བཅས་ནུབ་ཕྱོགས་ཡར་འཐོན་ཅན་གྱི་ལུང་པ་མང་པོའི་ནང་ཆབ་སྲིད་ཀྱི་ལམ་ལུགས་ལག་ལྟར་བྱེད་བཞིན་པ་ནི་མང་གཙོའི་ལམ་ལུགས་ཡིན་པ་དང་ཤར་ཕྱོགས་རྒྱལ་ཁབ་རྒྱ་ནག་ལྟབུ་ཡིན་ན་དམངས་གཙོ་ཡིན་ལ་གཅིག་བསྡུད་ཡིན་ཟེར་བ་དང་མི་རིགས་འདྲ་མཉམ་ཡིན་ལ་ཐ་དད་ཡིན་ཟེར་བའི་གྲལ་རིམ་དམངས་གཙོའི་འོག་ཏུ་མི་མང་འཚོ་དགོས་པའི་ལམ་ལུགས་ནས་གུང་ཁྲན་ཏང་གི་གྲལ་རིམ་འོག་ནས་དམངས་གཙོའི་ལས་དོན་འཛིན་སྐྱོང་བྱེད་པའི་ལམ་ལུགས་འདི་ལ་དམངས་གཙོ་ ( PROLETARIAN ) or CLASS) ཟེར་ཞིང་དབང་ཆ་ཚང་མ་གྲལ་རིམ་ལག་ཏུ་ཡོད་པའི་ཆབ་སྲིད་ཀྱི་ལམ་ལུགས་ཞིག་ཡིན་པ་དང་ནུབ་ཕྱོགས་རྒྱལ་ཁབ་ནང་དར་བའི་མང་གཙོའི་ལམ་ལུགས་(DEMOCRACY) ནི་དབང་ཆ་ཚང་མ་མི་མང་ལག་ཏུ་ཡོད་པའི་ཆབ་སྲིད་ཀྱི་ལམ་ལུགས་ངོ་མཚར་ཅན་ཞིག་ཡིན་པ་ནི་གཞུང་མང་གིས་ལས་དོན་ཡོངས་རྫོགས་ཁྲིམས་དང་སྒྲིག་གཞིའི་འོག་ནས་འགྲུབ་དགོས་པ་བཅས།

སླར་སྨྲས་པ།

མང་གཙོའི་འགན་ཁུར་ཁྲིམས་སྒྲིག་འོག།
དམངས་གཙོའི་འགན་ཁུར་གྲལ་རིམ་འོག།
མང་དང་དམངས་ཀྱི་གོ་དོན་མ་རྟོགས་ན།།
ཆབ་སྲིད་རིག་པས་གྲལ་འཛིན་ངོ་རེ་ཚ།།

སྙིགས་དོར་བཅུད་ལེན་ཐུབ་པའི་མང་གཙོ་དང་།།
གྲལ་རིམ་རུལ་སྲུང་གཉེར་བའི་དམངས་གཙོ་གཉིས།།
གཅིག་གི་གཅིག་ལ་བདེན་ངོ་སྤྲོད་སྲིད་ཀྱང་།།
ཐ་སྙད་ཚད་སྒྲུབ་ཡིན་མིན་རིག་པས་དཔྱོད།།

རྣམ་དཔྱོད་རིག་པས་བསྟན་པའི་གཞུང་ལུགས་ལ།།
ཐེ་འཚེམ་བློ་ཡིས་བླང་དོར་མ་ཤེས་ནས།།
ཕྱོགས་ལྷུང་དཔུང་སྡེའི་སྤྱི་ཚོགས་ལམ་ལོག་འཁྲིད།།
མང་གཙོ་དམངས་གཙོ་དོན་གཅིག་གང་ནས་ཡིན།།

མང་པོའི་བཀུར་བའི་མང་བཀུར་རྒྱལ་པོ་དང་།།
མང་གཙོའི་ལམ་ལུགས་མང་མོས་ཐག་གཅོད་དང་།།
མང་གཙོ་ཡང་དག་ཁྲིམས་ཀྱིས་དབང་བསྒྱུར་ལ།།
མོས་མཐུན་མེད་པའི་བློ་ལྡན་གང་ན་སུ།།

ཀོ་ལི་གྷལ་གཞིས་ཆགས་གཞུང་པ་ཚེ་དབང་བསོད་ནམས་ནས་ཕྱི་ལོ་༢༠༡༨ ཕྱི་ཟླ་ ༡༠ པའི་ཚེས་ ༡༨ ཉིན་ཟིན་བྲིས་སུ་བཏབ།