གཞུང་པ་ཚེ་དབང་བསོད་ནམས།
མང་གཙོ་ཁྲིམས་ཀྱི་དབང་བསྒྱུར་ ༼ Rule of Law ༽ ནང་ཁྲིམས་ཡིག་གི་ལམ་སྟོན་འོག་མི་མང་འཚོ་དགོས་པ་དང་། དམངས་གཙོ་ ༼ Proletarian ༽ གྲལ་རིམ་གཅིག་སྡུད་ཀྱི་ལམ་ལུགས་ནང་གོངརིམ་གྱིས་བཀའ་བཀོད་འོག་མི་མང་འཚོ་དགོས་པ་བཅས་ཆབ་སྲིད་ཀྱི་ལམ་ལུགས་འདི་གཉིས་ལ་འགན་འཁུར་ནས་དེང་སྐབས་འཛམ་གླིང་གི་ལུང་པ་མང་པོའི་ནང་མང་གཙོ་དང་དམངས་གཙོ་བཤད་ནས་ཞི་བའི་མི་མང་གི་འཚོ་བའི་ལས་གཞི་ལ་འགན་སྲུང་བྱེད་བཞིན་པ་དང་། མང་གཙོའི་སྒྲིག་འཛུགས་ནང་ཁྲིམས་བཟོ་སྡེ་ཚན་༼ Legislature ༽ དང་། འཛིན་སྐྱོང་སྡེ་ཚན་ ༼Executive ༽ དང་། ཁྲིམས་ལུགས་དབང་འཛིན་ ༼ judiciary ༽ བཅས་མང་གཙོའི་གཞུང་འཛིན་སྐྱོང་གནང་མཁན་གྱི་མང་གཙོའི་ཀ་བ་གསུམ་ ༼ Three Pillar of Democracy Government ༽ འགན་དབང་འདྲ་མཉམ་ཐ་དད་དུ་ཡོད་པ་ནས་གཅིག་གི་གཅིག་ལ་འགན་བཀུར་དགོས་པ་དང་གཅིག་གི་གཅིག་ལ་ལན་རྒྱབ་དགོས་ ༼ Responsible and Answerable and Check and Balance System ༽ པའི་ལམ་ལུགས་དེ་ལ་མང་གཙོ་ཁྲིམས་ཀྱིས་དབང་བསྒྱུར་ ༼ Rule of Law ༽ ཟེར།
ཁྲིམས་ལུགས་ལ་འགན་འཁུར་མ་དགོས་པ་གོང་རིམ་ནས་བཀོད་ཁྱབ་འོག་མི་མང་འཚོ་བཞིན་པའི་ལམ་ལུགས་དེ་ལ་གྲལ་རིམ་དམངས་གཙོ་ ༼ Proletarian ༽ ཟེར་བ་ནས་དེང་སྐབས་རྒྱ་ནག་གི་ཆབ་སྲིད་ལམ་ལུགས་དེ་གྲལ་རིམ་དམངས་གཙོ་གཅིག་སྡུད་ཟེར་བ་དེ་ཡིན་པ་དང་། ང་ཚོའི་མང་གཙོའི་ལམ་ལུགས་དེ་ཁྲིམས་ཀྱི་དབང་བསྒྱུར་ཡིན་པ་བཙན་བྱོལ་བོད་མིའི་བཅའ་ཁྲིམས་འོག་མང་གཙོའི་ཀ་བ་གསུམ་འགན་དབང་འདྲ་མཉམ་ཐ་དད་དུ་ཡོད་པ་ནས་ཤེས་ཐུབ་པ་དང་། བཅའ་ཁྲིམས་དོན་ཚན་སོ་དྲུག་པ་། ཁྲིམས་བཟོའི་དབང་ཆ་། ཁྲིམས་ལུགས་བཟོ་འགོད་དང་གཏན་འབེབས་བྱ་རྒྱུའི་དབང་ཆ་ཡོངས་རྫོགས་བོད་མི་མང་སྤྱི་འཐུས་ལྷན་ཚོགས་ལ་ཡོད་པ་དང་ཁྲིམས་ལུགས་དེ་དག་ཁྲིམས་སུ་བཅའ་བ་ལ་སྲིད་སྐྱོང་གིས་ཆོག་མཆན་མིང་རྟགས་འགོད་དགོས་ཅེས་གསལ་བ་ནས་བཙན་བྱོལ་བོད་མིའི་བཅའ་ཁྲིམས་ནས་བཀུར་བའི་ཁྲིམས་བཟོའི་འགན་དབང་དེ་ཁྲིམས་ལུགས་གཏན་འབེབས་གནང་རྒྱུ་དེ་ཡིན་ན་ད་ལམ་སྤྱི་འཐུས་སྐབས་བཅུ་བདུན་པའི་གྲོས་ཚོགས་ཚོགས་དུས་ལྔ་པའི་ཐོག་བཅའ་ཁྲིམས་བསྐྱར་བཅོས་དང་འབྲེལ་བའི་གལ་ཆེའི་ཁྲིམས་འཆར་ཡིག་ཆ་ཨང་ ༡༩ དང་ཡིག་ཆ་ཨང་ ༢༠ གཉིས་ལ་བསྐྱར་བཅོས་འགྲོ་མ་ཐུབ་པ་ནི་བཅའ་ཁྲིམས་དོན་ཚན་སོ་དྲུག་ནང་གསལ་བའི་ཁྲིམས་བཟོའི་ལས་འགན་མ་འགྲུབ་པ་ལ་ངོས་འཛིན་དང་བཅས་ད་ལྟའི་སྤྱི་འཐུས་སྐབས་བཅུ་བདུན་པ་ཆ་ཚང་བཟང་སྤྱོད་ལ་འགན་འཁུར་ནས་རྩ་དགོང་ཞུ་དགོས་པའི་དུས་ལ་བབ་མི་འདུག་གམ།
ཀོ་ལི་གྷལ་གཞིས་ཆགས་གཞུང་པ་ཚེ་དབང་བསོད་ནམས་ནས་སྤྱི་ལོ་ ༢༠༢༣ ཟླ་བ་ ༣ པའི་ཚེས་ ༢༦ ལ།
ཆོས་རྒྱུད་སྤྱི་འཐུས་ནས་ཆེས་མཐོའི་ཁྲིམས་ཁང་མི་དགོས་ཟེར། དེ་བཞིན་སྤྱི་འཐུན་ལྷན་ཁང་ཡང་མི་དགོས།
ཆེས་མཐོའི་ཁྲིམས་ཞིབ་ཁང་མི་དགོས་ཟེར་མཁན་ཡོད་ན་མི་དེ་ཚོ་གི་མང་གཙོའི་འགྲོ་སྟངས་ཤེས་ཀྱི་མེད་པ་རེད་། དེ་འདྲའི་རིགས་ལ་མང་གཙོའི་གོ་རྟོགས་སྤེལ་དགོས་པ་རེད་། མང་གཙོའི་ལྟ་སྒྲུབ་ནང་གཞུང་འཛིན་མཁན་གྱི་མང་གཙོའི་ཀ་བ་གསུམ་འགན་དབང་འདྲ་མཉམ་ཐ་དད་དུ་གནས་དགོས་རེད་། གཞུང་འཛིན་མཁན་གྱི་མང་གཙོའི་ཀ་བ་གསུམ་ནི་། ༡ ཁྲིམས་བཟོ་དབང་འཛིན་། ༼ Legislature ༢ འཛིན་སྐྱོང་སྡེ་ཚན་་། ༼ Executive ༽ ཁྲིམས་ལུགས་དབང་འཛིན་། ༼ Judiciary ༽ བཅས་སྡེ་ཚན་འདི་གསུམ་ལ་མང་གཙོའི་གཞུང་འཛིན་མཁན་གྱི་མང་གཙོའི་ཀ་བ་གསུམ་དེ་རེད་། དེ་གསུམ་གྱི་ནང་ནས་མཐའ་གཏུགས་ས་དེ་ཁྲིམས་ལུགས་དབང་འཛིན་རེད་། ༼ Judiciary ༽ བཙན་བྱོལ་བོད་མིའི་བཅའ་ཁྲིམས་ནང་བཅའ་ཁྲིམས་ཀྱི་གོ་དོན་དང་འབྲེལ་བའི་རྩོད་གླེང་ཚང་མ་ཐག་གཅོད་མཁན་མཁན་དེ་ཁྲིམས་ལུགས་དབང་འཛིན་རེད་། ༼ Judiciary ༽ ཁྲིམས་ལུགས་དབང་འཛིན་དགོས་ཀྱི་མེད་ན་ཁྲིམས་བཟོ་དབང་འཛིན་དང་། འཛིན་སྐྱོང་སྡེ་ཚན་བཅས་ཆ་ཚང་ནུས་མེད་ཆགས་ཚར་བ་རེད་།
་