སྤྱིར་བཏང་མིན་པའི་བརྩེ་དུངས།

འདན་ཕྲུག་ཟླ་བ།

ད་ལོའི་ཧྥ་རན་སིའི་སྲིད་འཛིན་འོས་མིའི་ཁྲོད་ནས་ཨ་དང་པོར་བསླེབས་པ། སྐུ་ཞབས་ Emmanuel Macron མཱག་རོན་དང་། ཁོང་གི་ལྕམ་ Brigitte Trogneux ཏྲོག་ནོ་གཉིས་ཀྱིས། མི་མང་གི་སྐྱོན་བརྗོད་དང་ཕ་མའི་བཀག་རྒྱ་ལས་གྲོལ་ཏེ་གཉེན་སྒྲིག་གི་ལམ་དུ་ཞུགས།

སྐུ་ཞབས་ Marron མཱག་རོན་ལགས། རང་ལོ་ ༣༩ ཡིན་པ་དང་། ཁོང་གི་ལྕམ་ Trogneux ཏྲོག་ནོ། རང་ལོ་ ༦༤ སོན་ཡོད་པས་ཁོང་བཟའ་མི་གཉིས་ཀྱི་བར་ལ་ལོ་༢༥ ཁྱད་པར་ཡོད།

སྐུ་ཞབས་ Macron མཱག་རོན་ལགས། རང་ལོ་ ༡༦ སོན་སྐབས། ཁོང་གི་ཕ་མས་ཧྥ་རན་སའི་རྒྱལ་ས་པེ་རིས་སི་ལ་སློབ་སྦྱོང་བྱེད་དུ་བཏང་ཡོད་ནའང་། ཁོས་རང་གི་ཟློས་གར་དགེ་རྒན་ལོ་ན་ ༤༠ ལོན་པའི་ཨ་མ་ཞིག་ལ་ཆང་ས་རྒྱག་རྒྱུའི་རེ་འདུན་བྱས།

མི་གཞན་གྱི་བསམ་པར་དགེ་རྒན་ Trogneux ཏྲོག་ནོ་ཡི་བུ་མོ་གཉིས་པ། ཁོང་གི་འཛིན་གྲོགས་ན་མཉམ་ཡིན་པ་སྙིང་རྗེ་མོ་ཞིག་ཡོད་པ་དེའི་དགའ་རོགས་ཡིན་པའི་ཡིད་ཆེས་བྱས།
སྐུ་ཞབས་ Macron མཱག་རོན་ལགས་ཚར་ལོང་བྱུངས་ཏེ་གཙུག་ལག་སློབ་གྲྭ་ཆེན་མོ་ནས་མཐར་ཕྱིན། ཁོང་གཉིས་ཀྱི་བརྩེ་དུངས་ནི་མུ་མཐུད་གནས་ཏེ། མཐར་ ༢༠༠༧ ལོར་དངོས་སུ་གཉེན་སྒྲིག་བྱས།

ཕ་མ་དང་ཡུལ་མི་རྣམས་ཧང་སང་ཞིང་། གསར་ཤོག་གི་ཐོག་ཏུའང་ཁོང་གཉིས་ཀྱི་བརྩེ་དུངས་ཀྱི་ལོ་རྒྱུས་རྣམས་བཀོད། གལ་སྲིད་སྐུ་ཞབས་མཱག་རོན་ལགས་ཀྱིས། ད་ལྟའི་འོས་མི་འགྲན་ཡ་ལྕམ་ Le Pen ལི་ཕིན་ལགས་ཕམ་དུ་བཅུག་ཐུབ་ན། སྐུ་ཞབས་ Macron མཱག་རོན་ལགས་ནི། ཧྥ་རན་སིའི་ལོ་རྒྱུས་ཁྲོད་ནས་སྲིད་འཛིན་ལོ་ན་གཞོན་ཤོས་དེ་ཆགས་རྒྱུ་ཡིན་ལ།  ལྕམ་ Troneux ཏྲོ་ནོ་ལགས་ནི། མི་ཚོའི་བློ་ཡུལ་དུ་འཁོར་མ་མྱོང་བ། ཧྥ་རན་སིའི་སྲིད་འཛིན་གྱི་སྐུ་ལྕམ་དུ་འགྱུར་རྒྱུ་རེད།