ཨཱཙཱརྱ་ཨག་ལོད་ཀྱིས།
༄༅། །མོད་སྔགས་རིག་པའི་མཁའ་མཐའ་ཡངས་མོ་ཐབས་ཤེས་གཤོག་ཟུང་བསྐྱངས་ཏེ་བསྐྱོད། །
ལུང་རྟོགས་ཆོས་སྒྲའི་གྲེ་འགྱུར་སྙན་མོ་སྐལ་ལྡན་རྣ་བའི་བུ་རམ་བཅུད། །
བྱམས་དང་བརྩེ་བའི་གྲིབ་གཟུགས་བསིལ་མོ་འགྲོ་ཀུན་ཚ་གདུང་འཇོམས་པའི་གདུགས། །
རྩ་བའི་བླ་མ་འདབ་བཟང་དབང་པོ་སླར་ཡང་སྔ་འགྱུར་མཁའ་ལ་ལྡིང་། །
ཡར་འབྲོག་ས་ཡི་ཐིག་ལེ་ཡངས་མོར་མཆོག་སྤྲུལ་རིག་པའི་ཁྱིའུ་འཁྲུངས། །
འཕགས་ཡུལ་སིམ་ལིའི་གྲུ་ཟུར་ཞིག་ནས་འགྲོ་དོན་སྟོང་གི་སྐྱ་རེངས་བསུས། །
རྡོ་བྲག་དགོན་གྱི་ཕུན་ཚོགས་སྡེ་བཞི་མངའ་ཐང་ཉི་མའི་དྲོད་དུ་བསྐྱིལ། །
སྔ་འགྱུར་བསྟན་པའི་ཁྲི་རབས་བདུན་པར་བྱོན་པའི་གསོལ་བ་ཕུར་གཙུག་འདེབས། །
གསང་སྔགས་བསྟན་པའི་བརྒྱུད་པའི་ས་བོན་སྔ་འགྱུར་ཀུནྜའི་ཚལ་དུ་བཏབ། །
མདོ་སྡེ་ཟབ་མོ་དགོངས་པའི་ཆུ་གཏེར་རྣམ་དཔྱོད་གཅིག་གིས་ཧུབ་ཀྱིས་བཏུངས། །
སྤངས་རྟོགས་ལེགས་བྲིས་རྣམ་པར་བཀྲ་བ་ཐུགས་ཀྱི་ཕོ་བྲང་ལྡེབས་སུ་བྲིས། །
དྲིན་ཆེན་བླ་མ་ཉིན་བྱེད་དབང་པོས་སླར་ཡང་སྔ་འགྱུར་འདབ་བརྒྱ་ཕྱེ། །
རྣམ་ཤེས་སེང་གེ་གངས་རིར་འཕོས་ཀྱང་འཕྲིན་ལས་ངར་རོ་གང་སར་སྒྲོགས། །
སྔ་འགྱུར་བསྟན་པའི་གཡུ་རལ་གསིགས་ཤིང་ལུང་རིགས་མཆེ་སྡེར་རྒོལ་བར་བགྲད། །
གདུལ་བྱའི་ཚོགས་ཀྱི་གངས་འདབ་དབུས་སུ་ཕྱག་རྒྱའི་སྟངས་སྟབས་འགྱིངས་ཉམས་དོད། །
དྲིན་ཆེན་བླ་མ་སྟག་ལུང་བཞི་པ་སླར་ཡང་གངས་རིའི་རྒྱན་དུ་འཁོར།།
སརྦམངྒལཾ། །
དཔེ་ཆ་བས་ཡི་གེའི་དག་བྱར་དོ་སྣང་དེ་ཙམ་མི་བྱེད་གསུངས་པ་བདེན་པར་འདུག མདོ་སྔགས་ལ་མོད་སྔགས་དང་། གཤོག་ཟུང་བརྐྱངས་ལ་གཤོག་ཟུང་བསྐྱངས། རིག་པའི་ཁྱེའུ་འཁྲུངས་ལ་རིག་པའི་ཁྱིའུ་འཁྲུངས་བྲིས་པས་མཚོན་ཐུབ།
ཨག་ལོད་ལགས། བཀའ་དྲིན་ཆེ།🙏🏽🙏🏽🙏🏽
སྔ་འགྱུར་རྙིང་མའི་བླ་ཆེན་སྟག་ལུང་རྩེ་སྤྲུལ་རིན་པོ་ཆེའི་ཡང་སྲིད་སླར་ཡང་འགྲོ་བའི་དོན་དུ་འབྱོན་ནས་མཛད་པ་དང་འཕྲིན་ལས་མཐར་ཕྱིན་པར་སྨོན། །
བྱ་བྲལ་རིན་པོ་ཆེ་སྐུ་གདུང་ཡང་ད་དུང་བཞུགས་ཡོད་པར་ཐོས། སྐུ་གདུང་ཡུན་རིང་འཇོག་དགོས་པའི་རྒྱུ་མཚན་ཅི་ཡིན་ནམ། ཤེས་མཁན་ཡོད་ན་གསུང་རོགས་ཞུ། བླ་མ་ཁ་ཅིག་གི་སྐུ་ཕུང་དམར་གདུང་དུ་འཇོག་སྲོལ་འདུག ༧ གོང་ས་མཆོག་གི་ཡོངས་འཛིན་གླིང་རིན་པོ་ཆེའི་སྐུ་གདུང་ད་དུང་བཞུགས་ཡོད་པ་རེད། གླིང་རིན་པོ་ཆེའི་སྐུ་གདུང་དང་རྩེ་སྤྲུལ་རིན་པོ་ཆེའི་སྐུ་གདུང་འཇོག་སྟངས་གཅིག་པ་ཡིན་ནམ་མིན། མཁྱེན་ལྡན་རྣམས་ནས་གསལ་བཤད་གནང་རོགས་ཞུ། །
སྟག་ལུང་རྩེ་སྤྲུལ་རིན་པོ་ཆེ་མཆོག
སྟག་ཤར་ཡང་སྲིད་བོད་ལྗོངས་ཡུལ་དུ་འཁྲུངས། །
ལུང་པ་ཡང་རྩེའི་སྔ་འགྱུར་ཡང་རྩེར་སྤེལ། །
རྩེ་ཕུད་བསྟན་འཛིན་གྲལ་བཞུགས་རེ་ཞིག་འདས། །
སྤྲུལ་པའི་ཡང་སྲིད་སླར་ཡང་མྱུར་བྱོན་ཤོག །
སྙན་ངག་གི་ཉམས་འདུག
༄༅། སྙིང་ནས་བསྟོད་དོ་སྟག་ལུང་རྩེ་སྤྲུལ་མཆོག།
སྙིགས་དུས་སྐྱེ་འགྲོའི་མགོན་དུ་སླར་འབྱོན་ཞུ།།
སངས་རྒྱས་བསྟན་པ་འཛིན་པར་མྱུར་འབྱོན་ཞུ།།
དཀོན་མཆོག་རྣམ་པ་གསུམ་ལ་གསོལ་བ་འདེབས།།
ཡང་སྲིད་འཁྲུལ་བྲལ་མྱུར་དུ་འབྱོན་པར་ཤོག
བདག་གི་གནས་སུ་གཞན་བཀོད་ན།
བདག་གི་བླ་མས་བདག་རྗེས་ཟུངས།
བདག་གི་དད་དང་མོས་པ་ཡིས་།
བདག་གི་བླ་མ་བདག་རང་སྙིང་གར་བཞུགས།།
སྔ་འགྱུར་བསྟན་པའི་དབུ་འཛིན་ཁྲི་རབས་དྲུག་པ་སྐྱབས་རྗེ་སྟག་ལུང་རྩེ་སྤྲུལ་རིན་པོ་ཆེ་མཆོག་གི་ཡང་སྲིད་འཁྲུལ་བྲལ་ངེས་རྙེད་མྱུར་དུ་བྱོན་པའི་སྨོན་འདུན་ཞུ།
མཁན་སློབ་ཆོས་གསུམ་རིང་ལུགས་ཆེ། འཛམ་གླིང་ས་གསུམ་ཁྱབ་པར་འཕེལ། འགྲོ་རྒྱུད་མཆོག་གསུམ་སྣང་བ་དང་། མི་འབྲལ་དུས་གསུམ་བདེ་ལེགས་ཤོག
རང་གི་སེམས་ཉིད་མ་འདུལ་བར།
རྫུ་འཕྲུལ་བསྟན་ཙམ་བླ་མ་མིན།
ལྕགས་ཀྱི་ཁབ་ལ་མདུད་པ་བརྒྱབས།
དེ་ནི་ནངཆོས་མ་ཡིན་གསུངས།།