སྨྲ་བརྗོད་དང་གསར་འགོད་རང་དབང་ལ་ཚད་བཀག་མེད་པ་མིན།

Comments (17) on “སྨྲ་བརྗོད་དང་གསར་འགོད་རང་དབང་ལ་ཚད་བཀག་མེད་པ་མིན།”

1. གསུང་བ་ལེགས། ད་བར་གླེན་པ་ལ་ལས་དོན་མེད་མི་ལ་ཁྱད་གསོད་དང་དམའ་འབེབ་ད་དུང་རྐུ་དང་འཕྲོག་བཅོམ་བྱེད་པ་དག་ཀྱང་༼རང་དབང༽ལ་འཁྲུལ་འདུག

2. ད་བར་སྤེལ་བའི་ཁྱེད་ཀྱི་རྩོམ་འཆལ་ཚོ་དེ་འདྲའི་དོ་སྣང་སྤྲོད་རིན་མ་མཆིས་མོད། གང་ལྟར་ཁྲིམས་ལུགས་ཞེས་པར་ད་དུང་ཡིད་ཆེས་ཅུང་ཟད་བྱས་ཆོག་པའི་སེམས་པ་དང་བཅས། དེ་རིང་ཁྱེད་ལ་དྲི་བ་འདྲི་འདོད་སྐྱེས།
   དེ་ན་བོད་ཡིག་ནི་རྒྱ་གར་གཞུང་གི་ཁྲིམས་མཐུན་གྱི་དེབ་བསྐྱེལ་བྱེད་པའི་སྐད་ཡིག་ཅིག་མིན་ཙང་། ཁྲིམས་ཁར་་བསྐྱལ་ནས་ཁྲིམས་གཏུགས་བྱེད་ས་མེད་ཟེར་མཁན་འདུག དེ་བས་དབྱིན་ཡིག་ནང་བྲིས་པའི་བོད་ཀྱི་གྲོས་ཚོགས་དང་ཆེས་མཐོ་ཁྲིམས་ཞིབ་ཁང་སོགས་རྒྱལ་ཁབ་ཅིག་གི་འཛིན་སྐྱོང་གི་སྒྲོམ་གཞི་ལྡན་པ་འདི་ཉིད་ཏག་ཏག་ཁྲིམས་ཁ་ནས་ང་ཚོའི་དབང་ཚད་ཡོད་པ་སྒྲུབ་མི་ཐུབ་ཟེར། འདི་གང་འདྲ་རེད། དོན་དམ་གྱི་ཁྲིམས་་ལུགས་སློབ་མ་ཞིག་ཡིན་ན་འདི་ལ་ཁྲིམས་ལུགས་རང་བཞིན་གྱི་ལན་ཞིག་སྐྱོན་རོགས། དེ་མིན་གླེན་པ་ལུག་གི་བསམ་བློ་ཞིག་ཁུར་པའི་ཁྱེད་ལ་་ཁྲིམས་ལུགས་སློབ་མ་ཞེས་པའི་མིང་མི་སྦྱོར་གི་་་་་

3. གོང་དུ་ཆད་འདུག རྒྱུ་མཚན་དེའི་དབང་གིས་བོད་གཞུང་ཞེས་པའི་མིང་དེ་ཁྲིམས་ཁ་བསྐྱལ་ས་འགྲོ་གི་མ་རེད་ཟེར་་་་དེ་བདེན་མིན་ལན་ཞིག་གནང་རོགས།

4. གཅིག དམངས་གཙོ་ཚད་ལྡན་གྱི་རྒྱལ་ཁོངས་ནང་ཁྲིམས་ཀྱི་འོག་ནས་སྐྱེ་བོ་ཚང་མ་འདྲ་མཉམ་ཡིན། དཔེར་ན། ༸རྒྱལ་བ་རིན་པོ་ཆེ་དང་། ༸འཇམ་ནོར་རིན་པོ་ཆེ་གཉིས་ཀ་ཁྲིམས་ཀྱི་སྔོན་ནས་འདྲ་མཉམ་ཡིན། རྒྱ་མཚན་ཁོང་གཉིས་མི་ལུས་རིན་པོ་ཆེ་ཡིན་པ་འདྲ་མཚུངས་ཡིན་པའི་ཕྱིར།
   གཉིས། ཁྲིམས་ཡོད་པའི་སྤྱི་ཚོགས་ཞིག་གི་ནང་རྒྱལ་ཁྲིམས་ལ་འབྲེལ་བརྗོད་གནང་མཁན་ནི་ཁྲིམས་ཞིབ་ཁང་ཁག་དང་། ཁྱད་པར་དུ་རྒྱལ་ཁབ་ཀྱི་དོན་ཆེན་དང་འབྲེལ་བའི་༼རྩ་ཁྲིམས་༽ལ་སོགས་པར་འབྲེལ་བརྗོད་གནང་མཁན་ནི་ཆེས་མཐོའི་ཁྲིམས་ཁང་ཡིན་དགོས་པ་ལས། གཞུང་གི་འཛིན་སྐྱོང་ཚན་པ་དང་། ཚོགས་པ་སྐྱིད་སྡུག་ཁག དབང་ཆ་ཅན་གྱི་སྐྱེ་བོ་སྒེར་སོགས་རྩ་ནས་ཡིན་མི་ཆོག
   གསུམ། ཆེས་མཐོ་ཁྲིམས་ཁང་གིས་ཁྲིམས་ལ་འབྲེལ་བརྗོད་རྒྱག་སྐབས། ཁྱད་པར་དུ་དམངས་གྱོད་རང་བཞིན་གྱི་ཁྲིམས་འཆར་ལ་འབྲེལ་བརྗོད་གནང་སྐབས། ༡ ཁྲིམས་རྩ་དེའི་ལོ་རྒྱུས་རྒྱབ་ལྗོང་ལ་གཞིགས་ནས་འབྲེལ་བརྗོད་རྒྱག་པ་དང་། ༢ ཁྲིགས་ཡིག་གི་ངེས་བསྟན་ཤུགས་བསྟན་ལ་གཞིགས་ནས་འབྲེལ་བརྗོད་རྒྱག་པ། ༣ སྤྱི་ཚོགས་ཀྱི་དགེ་སྐྱོན་ལ་གཞིགས་ནས་འབྲེལ་བརྗོད་རྒྱག་དགོས་པ་བཅས་ཀྱི་རྣམས་གྲགས་ཁ་གསལ་བོ་ཡོད། དཔེར་ན་སྨྲ་བརྗོད་རང་དབང་ལྟ་བུར་མཚོན་ན། ཁྲིམས་ཀྱིས་དང་པོ་སྨྲ་བརྗོད་རང་དབང་སྲུང་སྐྱོབ་དགོས་པ་དེ་ཡིན་ལ། བྱེ་བྲག་སྨྲ་བརྗོད་རང་དབང་དེའི་དོན་དངོས་གནད་དོན་ཡིན་སྟབས། ཁྲིམས་ནི་སྨྲ་བརྗོད་རང་དབང་ལ་འགན་སྲུང་དང་ཚད་འཛིན་བྱེད་མཁན་ཉིས་ཆ་ཡིན་ན། མཐའ་གཅིག་དུ་ཚད་འཛིན་བྱེད་ཆེད་ཀྱི་ལག་ཆར་སྤྱོད་མི་རུང་། ཁྲིམས་ལུགས་སློབ་མའི་གནད་དོན་འདི་དག་གི་ཐད་ད་དུང་སློབ་སྦྱོང་མུ་མཐུད་དུ་གནོང་དང་། ཡར་རྒྱས་ལ་མཐའ་མེད།

5. རྒྱུ་མཚན་དམིགས་བསལ་ཅི་ཡང་མི་འདུག སྐྱོན་བརྗོད་བྱེད་པའི་གནས་དོན་དེ་བདེན་པ་ཡིན་ཚེ་སུ་ལ་ཕོགས་ཀྱང་བརྗོད་ཆོག་ལ་ཁྲིམས་ལ་ཕྱིན་ཡང་ཁྲིམས་མཐུན་ཡིན། དེ་མིན་ཉིད་ཀྱི་ཞེན་འདོད་ཡིན་ན་དམར་ཕྱོགས་ཚོགས་དང་དབང་ཆ་སྒེར་བདག་ཅན་དང་ཁྱད་པ་མི་འདུག ངོ་རྒོལ་ཡོད།

6. ཁྲིམས་ལུགས་སློབ་མ། བློ་བཟང་གྲགས་པ་ལགས་ཀྱིས་གནད་ལ་འཁེལ་བའི་རྩོམ་བྲིས་འདིར་བརྒྱ་ཆ་བརྒྱས་རྒྱབ་སྐྱོར་དང་འབྲེལ་བསྔགས་བརྗོད་ཡོད། རྩོམ་ཡིག་བྲི་མཁན་དང་སྤེལ་མཁན་ཚོས་རང་ཉིད་བོད་པ་ཞིག་ཡིན་པ་དང་ཡུལ་གྱར་དུ་གནས་པ། རང་གི་རྒྱལ་ཁབ་དགྲ་བོས་བཙན་འཕྲོག་བྱས་པ་དེ་བསྐྱར་གསོ་བྱེད་རྒྱུ་བོད་རིགས་ཐུན་མོང་གི་ལས་འགན་ཡིན་པ་མ་བརྗེད་པ་བྱས་ནས་ནང་ཁུལ་མཐུན་སྒྲིལ་ལ་གནོད་པའི་དཀྲོག་གཏམ་རིགས་སྤྱི་ཚོགས་སུ་མི་འཕེལ་པའི་འབད་བརྩོན་གནང་གལ།

7. དྲ་གྲོགས་མཚོ་མོ་ལགས། སྤྱིར་ང་ལ་ཁྲིམས་ལུགས་སློབ་མའི་མིང་སྦྱོར་འོས་མིན་ཐད་ཁྱོད་ཀྱིས་ཐག་གཅོད་མི་དགོས་ལ། ངས་ཀྱང་དེའི་ཐད་རེ་བ་བཅངས་མི་རན། གང་ལྟར་ཁྱོད་ཀྱིས་ང་ལ་འདྲི་བ་ཞིག་བཏང་ཡོད་ཕྱིན། ངས་ཀྱང་དེ་ལ་ལེན་ཞིག་འདེབས་དགོས་པ་ནི་བཟང་སྤྱོད་ཀྱི་ཆ་ཤས་ཤིག་ཡིན།
   སྤྱིར་ཁྲིམས་གཞུང་ནས་སྐད་ཡིག་བདེ་སྐྱེལ་ཐད་ཀྱི་ཁྲིམས་ལུགས་ཡོད་པར་བདེན་པ་རེད་མོད། འོན་ཀྱང་ད་ལྟའི་སྐབས་སུ་བབས་པ་ངས་གླེང་པ་ནི་ཁྲིམས་ལུགས་ཁྱབ་ཁོངས་སུ་ཞུ་གཏུག་ཆོག་པ་དང་ཁྲིམས་ལུགས་ཀྱིས་སྲུང་སྐྱོབ་ཡོད་པའི་གང་ཟག་སྒེར་སྤྱི་གཉིས་ཀྱི་ཆེ་མཐོང་དང་མཚན་བཤེར་སྐོར་རེད། བརྒྱ་བཤད་སྟོང་ལ་ཐུག་ན། གང་ལྟར་ཀྱང་སྐད་ཡིག་ག་རེ་བེད་སྤྱོད་བྱས་མིན་ལ་མ་བལྟོས་པར། སུ་ཞིག་གིས་མི་གཞན་ཞིག་གམ་ཚོགས་སྤྱི་གང་རུང་ལ་མཚན་སྨད་དང་མ་ཉེས་ཁ་གཡོ་བྱས་པ་ཡིན་ན་ཁྲིམས་འགལ་རེད། གཉིས་པ་དེ། ཁྲིམས་ལུགས་ཀྱི་གཞི་རྩའི་ལྟ་བའི་ནང་ལ་སྤྱི་ཚོགས་བདེ་འཇགས་དང་སྤྱི་ཕན་གཙོ་བོར་དམིགས་ཡོད་དུས། གལ་སྲིད་སུ་ཞིག་གིས་སྤྱི་ཚོགས་ལྷིང་འཇགས་ལ་གནོད་པའི་སྐད་ཆ་བཤད་པ་དང་བྱ་བ་བརྩམས་པས་ན། དེ་ནི་ཁོས་ཅི་བཤད་དང་བདེན་རྫུན་ལ་མ་བལྟོས་པར་ཁྲིམས་ལུགས་ཀྱིས་སྟངས་འཛིན་བྱེད་ཆོག་པར་རེད། དཔེ་ན་འཛམ་གླིང་ནང་རྒྱལ་ཁབ་མང་པོས་རང་ཉིད་ཀྱི་སྤྱི་ཚོགས་ལ་དོ་ཕོག་དང་བརྡབ་སིག་འགྲོ་བའི་བདེ་དང་རྩོམ་ཡིག་ལ་བཀག་དོམ་བྱས་པ་མང་པོ་ཡོད། དེ་ནི་རྩོམ་འབྲི་རང་དབང་དང་སྨྲ་བརྗོད་རང་དབང་ལ་ཚོད་འཛིན་བྱེད་པ་ལས་བཀག་དོམ་བྱས་པར་མིན། མ་བདེན་ན་http://en.wikipedia.org/wiki/List_of_books_banned_by_governmentsའདིའི་ནང་སོང་དང་། ཁྱོད་ཀྱི་བདེ་ཕྲིང་དེ་ཚོ་མཐོང་ཐུབ། ང་ཚོའི་བོད་པའི་སྤྱི་ཚོགས་སུ་༧གོང་ས་མཆོག་ནི་བླ་ན་མེད་པའི་དབུ་ཁྲིད་ཅིག་ཡིན་པ་དང་། ཁོང་གིས་གསུང་པ་དང་ཁོང་ལ་མཚན་སྨད་གཏོང་པ་སོགས་ཀྱིས་བོད་ཀྱི་སྤྱི་ཚོགས་དང་སྒོས་སུ་ནང་པའི་སྤྱི་ཚོགས་སུ་བརྡབ་སིག་འགྲོ་བའི་གནས་དོན་ཞིག་ཡིན་ཕྱིན། དེ་ནི་ཁྲིམས་ལུགས་ཀྱི་སྲུང་སྐྱོབ་བཟོ་དགོས་པ་དང་བཟོ་ཐུབ་པ་ཞིག་ཡིན།
   དེ་ཙམ་ཡིན། བདེ་མོ

8. དྲ་གྲོགས་མཚོ་མོ་ལགས། ང་ཚོས་བོད་ཡིག་ནང་གཞུང་ཞེས་པ་དོན་རྒྱ་ཆེ་ལ་དོན་གྱི་འཇུག་ཡུལ་ཀྱང་ཆེ་ཆུང་མང་པོ་ཡོད་པ་རེད། དབྱིན་ཡིག་དང་སྐད་ཡིག་གཞན་པའི་ནང་འདི་ལྟར་Government ཞེས་བྲིས་པ་དང་བཤད་པ་ཡིན་ན། ད་སྐབས་བཙན་བྱོལ་བོད་ཀྱི་ཁྲིམས་ཐོག་གནས་བབས་ལ་གཞི་ན། གནད་འགག་ཡོད་པ་ཞིག་རེད། མ་གཞི་འདིའི་ཐད་ཁྱོད་ཀྱིས་དུས་ཁོམ་ཡོད་ན་༧གོང་ས་མཆོག་གི་ལ་དྭགས་སུ་བཀའ་བསླབ་སྩལ་པ་དེར་གཟིགས་ན་གསལ་རྟོགས་ཐུབ་ངེས་རེད།
   བདེ་མོ།

9. ༩༽ བློ་བཟང་གྲགས་པ་ནས།
   ་་་་་། གང་ལྟར་ཀྱང་སྐད་ཡིག་ག་རེ་བེད་སྤྱོད་བྱས་མིན་ལ་མ་བལྟོས་པར། སུ་ཞིག་གིས་མི་གཞན་ཞིག་གམ་ཚོགས་སྤྱི་གང་རུང་ལ་མཚན་སྨད་དང་མ་ཉེས་ཁ་གཡོ་བྱས་པ་ཡིན་ན་ཁྲིམས་འགལ་རེད། ་་་་་
   དང་།
   ་་་་། གལ་སྲིད་སུ་ཞིག་གིས་སྤྱི་ཚོགས་ལྷིང་འཇགས་ལ་གནོད་པའི་སྐད་ཆ་བཤད་པ་དང་བྱ་བ་བརྩམས་པས་ན། དེ་ནི་ཁོས་ཅི་བཤད་དང་བདེན་རྫུན་ལ་མ་བལྟོས་པར་ཁྲིམས་ལུགས་ཀྱིས་སྟངས་འཛིན་བྱེད་ཆོག་པར་རེད། ་་ཟེར།

10. གནད་འགོག་འདི་ཁྲིམས་ཐོག་གི་གནད་འགོག་ཅིག་རེད་འདུག་མེད་དྲིས་པ་ཡིན། བོད་ཡིག་ནང་གི་བོད་གཞུང་ཞེས་པ་འདིེར་གྱུར་བ་སོང་བ་རེད། དེ་མིན་དབྱིན་ཡིག་ཏུ་ང་ཚོར་government མི་ཟེར་ཚང་མས་ཤེས་ཤེས་པ་རེད། དྲི་བ་གོ་ཚོས་ནས་ལན་གྱོན་རོགས།

11. སྤྱིར་རྒྱལ་ཁབ་ཡོད་ནི་ཞིག་ཡིན་ན་རྒྱལ་ཁབ་དེའི་མི་སེར་བདག་སྲུང་གི་ཆེད་དུ་འཛམ་གླིང་ཡུལ་གྲུ་གང་ནས་སྲོག་ལ་གཤེད་པའི་འཇིགས་སྐུལ་དང་མཚན་སྙན་ལ་གནོད་པའི་འཆལ་གཏམ་སྤེལ་ན་ཁྲིམས་དང་ལུགས་ལ་སྦྱོར་ནིའི་བདེ་སྲུང་མི་སྣ་བདག་དབང་ཅན་རེ་ཡོད་ན་ཡང་ང་ཚོ་ལྟ་བའི་རྒྱལ་ཁབ་མེད་པ། རྒྱ་གར་གྱི་མི་སེར་མིན་པའི་མི་ལ་འདིའི་སྐོར་གྱི་བདག་དབང་སུ་ལ་ཡོད་པ་དང་ཁྲིམས་ལ་སྦྱོར་སྟངས་ག་འདྲ་ཞིག་རེད།
    འདིའི་སྐོར་གསལ་བོ་ཞིག་སློབ་ཀློག་བྱས་ནས་གསལ་ཁ་ཞིག་སྟོན་རོགས་གནང་། Wikipedia ལ་ལུང་འདེད་བྱེད་པ་ནི་རང་གི་སློབ་མའི་མཚན་སྙན་ལ་གནོད་པའི་ངོ་ཚ་རེད། ཁོངས་ལུང་བཙན་པོ་སྟག་འདྲ་གཟིག་འདྲ་མེད་ན། ང་ཚོ་ལ་ཕན་པ་ཆེན་པོ་ཅང་མེད་ས་རེད།
    ཁྱེད་ཀྱི་དུས་ཁོམ་དང་ཡར་བསམ་ལ་ངས་བསྔགས་བརྗོད་ཞུ་འགོ་ཚུགས་པ་ཡིན་ན་ཐུགས་འཛིན་མཚལ།

12. ཡ་་་་དྲ་གྲོགས་གནམ་ལགས། ཁྱེད་ཀྱིས་ཁྲིམས་ལུགས་ཀྱི་གནད་དོན་ཁ་ཤས་ཤེས་པར་ཡི་རངས་དང་དགའ་མགུ་ཡོད་མོད། འོན་ཀྱང་ང་ཚོ་ལ་རྒྱལ་ཁབ་མེད་པ་དང་རྒྱ་གར་མི་སེར་མིན་པ་ཙམ་གྱིས་ང་ཚོ་ཁྲིམས་ལུགས་ཁྱབ་ཁོངས་ནས་བདག་མེད་དུ་ལུས་པ་དང་། ཁྲིམས་གཏུག་ས་མེད་པ་དང་ཁྲིམས་གཏུག་པའི་ཐོབ་ཐང་མེད་པ་དེ་འདྲ་མིན། ང་ཚོས་རང་ཉིད་བོད་ཀྱི་ཁྲིམས་ཁང་ལ་གཏུག་ནའང་འགྲིག་ལ། རྒྱ་གར་གྱི་ཁྲིམས་ཁང་ནང་ལའང་གཏུག་ན་འགྲིག། མ་གཞི་ནས་བོད་པ་མང་པོས་རྒྱ་གར་འཁྲིམས་ཁང་དུ་བཙན་བྱོལ་ནང་ཁུལ་དང་། བོད་རིགས་ནང་ཁུལ་ལ་བྱུང་བའི་མིང་བཤེར་གྱི་ཁྲིམས་གཏུག་དང་། སྤྱི་རྫས་སྒེར་རྫས་སོགས་ཀྱི་ཁྲིམས་གཏུག་སོགས་མང་པོ་བྱས་མྱོང་ཡོད་ལ། ཁྲིམས་ཐག་ཀྱང་བཅད་ཟིན་པ་ཁ་ཤས་ཡོད།

13. ཁྲིམས་ལུགས་སློབ་མ་བློ་བཟང་གྲགས་པས་དཔྱད་བརྗོད་འདི་བདག་ལ་དོན་ཕན་ཆེན་པོ་བྱུང་། ཁྲིམས་ཐོག་ནས་དབྱེ་ཞིབ་བྱེད་པ་འདི་གལ་འགངས་ཆེ་སྙམ། དེ་མིན་ང་ཚོས་སྨྲ་བརྗོད་རང་དབང་ཡིན་མདོག་མདོག་གིས་ཡོད་ཚད་ལ་སྒྲོ་འདོགས་བྱེད་ན་སྤྱི་ཚོགས་འཁྲུག་རྐྱེན་དུ་མི་འགྱུར་བའི་ངེས་པ་མི་འདུག །མུ་མཐུད་དུ་ཁྲིམས་ཀྱི་ཐོག་ནས་སློབ་གསོ་སྤྲད་རོགས་གནང་།

14. དག་ཡིག་ཏུ།
    གཞན་ལ་བསྟེན་པ་ས་བསྟེན་ཡིན།།
    རང་ལ་བརྟེན་པ་ར་བརྟེན་ཡིན།།
    ཞེས་པ་ལྟར་སློབ་མས་དགེ་རྒན་བསྟེན་ནས་ཡོན་ཏན་སློབ། དགེ་རྒན་གྱིས་སློབ་མ་བརྟེན་ནས་འཆད་ཁྲིད་བྱེད།

15. ཁྲིམས་ལུགས་སློབ་ནས་གསུང་པ་ལ་མངོན་པར་སྟོད་དོ། བཙན་བྱོལ་བོད་མི་འདི་ཚོས་ཁ་ནས་ཐོན་ཚད་སྨྲ་བརྗོད་རང་དབང་ཡིན་པར་བསམ་འདུག བསློབ་གསོ་འདིས་ཕན་ཐོག་ངེས་ཅན་ཡོང་གི་རེད་སྙམས། བཙན་བྱོལ་སྒྲིག་འཛུགས་ལ་ཉེན་རྟོག་པ་མེད་པ་མ་བཏོགས་དྲ་རྒྱ་འདིའི་ནང་གི་དྲ་འབུ་ཁག་ཅིག་འཛིན་བཟུང་བྱེད་རན་འདུག

16. དམངས་གཙོ་ཟེར་བ་ནི་སྤྱོད་པ་འཆལ་བོ་ཞིག་དང་འདྲ་འམ།
    ལྷམ་ཀོག
    དེང་གི་དུས་ན་ཁ་ལ་སྒོ་མེད།ལག་ལ་ཚོད་མེད།སེམས་ལ་འཛེམ་སྲོལ་མེད་པར་ཀུན་ལ་འཕྱ་ཞིང་། གཞན་ལ་བརྙས་པ་ནི་རང་དབང་དམངས་གཙོ་ཞིག་གི་ཁྱད་རྟགས་ཡིན་ནམ། གལ་ཏེ་དེ་ལྟར་ཡིན་པའི་དབང་དུ་བཏང་ན་འཇིགས་སྐུལ་བ་དང་རྐུ་མ་ཆོམ་པོ་དག་གི་བཅའ་ཚུལ་ལས་ཚུལ་དེ་ཡང་ཁྲིམས་མཐུན་མིན་པའི་ངེས་པ་མེད་ཅིང་།སྨད་འཚོང་མ་དང་སྨད་འཚོང་མཁན།ནང་རོལ་བ་དང་ངོ་ལོག་པ་དག་ཀྱང་ཁྲིམས་དང་མི་མཐུན་པ་ཞིག་ཏུ་འགྱུར་ཚོད་མེད།ཁོ་ཚོ་སུ་ཡིན་རུང་རང་གི་མོས་པ་དང་རང་གི་འདོད་པ་དག་གཞན་ལ་རེག་མ་ལས་པའི་སྒོ་ནས་སྒྲུབ་པ་དེ་རེད།དེང་གི་དུས་སུ་རང་གི་འདོད་པ་ཙམ་རྒྱུ་མཚན་དུ་བྱས་ཏེ་གྲུབ་མཐའ་དང་གྲུབ་མཐའི་བར་རམ།ཡང་ན་ཆོལ་ཁ་དང་ས་གནས་ཀྱི་བར་དུ་སྣོག་རྒྱག་པ་དང་རྫུན་ཤོད་པ་དེ་དག་དང་ཅི་མི་འདྲ།དེའི་ཕྱིར་ངས་ནི་དམངས་གཙོ་ཟེར་བ་ནི་རིགས་སད་པ་དང་སྤུས་ཚད་བཟང་བོ་ཞིག་གི་ངོས་ནས་བལྟ་དགོས་པ་ལས།ཅི་ཡང་མི་ཤེས་ཤིང་གང་ཡང་མི་དྲན་པ་ཞིག་གི་ངོར་བལྟོས་ཏེ་འཇོག་འོས་པ་ཞིག་མ་རེད་དམ་སྙམ།རང་དབང་དམངས་གཙོ་སྨྲ་མཁན་ཞིག་ཡིན་ན་མ་མཐའ་ཡང་རང་གི་སྨྲ་བརྗོད་ཁྱེར་ནས་རྒྱལ་ཁབ་དང་ཁྲིམས་ལུགས་ལ་ལྟ་ཤེས་པ་དང་།སྲིད་འཛིན་དང་མི་བུའི་རིན་ཐང་ལ་དཔྱོད་ཤེས་པ་ཞིག་གི་ངོས་ནས་འཇོག་གིན་ཡོད།རང་དབང་དམངས་གཙོ་བ་ཞིག་ཡིན་ན་སྲིད་གཞུང་གི་ཁྲིམས་ལུགས་དང་སྲིད་འཛིན་མགོ་བའི་འཕོ་འགྱུར་དེ་རང་དོན་དུ་བལྟ་ཤེས་པའི་སྒོ་ནས་འོས་ཤོག་འཕེན་པར་རིག་པ་གྲུང་བོ་ཡིན་པ་ཞིག་ཅིས་ཀྱང་ཡིན་དགོས་སྙམ།དེ་ལྟ་བུའི་ཚད་གཞིར་མ་ལོངས་མཁན་ཞིག་ཡིན་ན་ཁྱེད་ཀྱི་སྐད་ཆར་ཁྲིམས་ལུགས་ཀྱི་བརྩི་སྲུང་བྱ་ཡང་།ཁྱེད་ནི་རང་དབང་དམངས་གཙོ་སྨྲ་མཁན་ཞིག་ལར་ནས་མ་རེད།དེ་ལྟ་བུའི་མི་ཞིག་ཡིན་དུས་རང་ཉིད་ལ་ཁྲིམས་ཀྱིས་བྱིན་པའི་ཐོབ་ཐང་ཡང་ངོས་ཟིན་ཡོད་པ་མ་རེད།ཁྲིམས་མདུན་གྱི་རང་གི་བྱས་ཉེས་དང་ཐོབ་ཐབ་རྦད་དེ་ཁ་ཁར་འབྱེད་པའི་བློ་མིག་ལྡོང་ནས་ཡོད་རྐྱེན།ཁྲིམས་ལུགས་ལ་བརྩི་སྲུང་བྱ་ཚུལ་ཡང་ཤེས་གི་མ་རེད།མི་དེ་ལྟ་བུའི་ངོར་སྣང་བ་གང་དྲན་དང་སྤྱོད་པ་རྒྱ་ཡན་པ་ཅི་ཞིག་འཁྲབ་ཀྱང་རང་དབང་དམངས་གཙོ་ཡིན་པར་ཞེ་ཐག་པ་ནས་འདོད་དེ། རང་གཅུན་རང་བདག་གི་བསམ་བློ་མེད་པ་རེད།གང་བྱུང་མང་བྱུང་གི་རྨི་ལམ་མང་པོ་བཏང་བ་ལ་བརྟེན་ནས་སྤྱི་ཚོགས་ཡ་མ་བརླར་བཟོ་གི་རེད།སྤུས་ཚད་དེ་ལྟ་བུར་གྱུར་བའི་མི་དག་གི་ངོར་རང་དབང་དམངས་གཙོ་དེ་ཡང་སྤྱོད་པ་འཆལ་བོར་བཟོ་བྱེད་ཅིག་ཏུ་མི་འགྱུར་གྲང་། དེའི་ཕྱིར་རང་དབང་དམངས་གཙོ་ནི་སྔོན་ཐོན་མི་རིགས་ཤིག་གི་ལས་ཀ་རེད་སྙམ། མཚམས་འདིར་མི་རིགས་གཞན་གྱི་མཁས་པ་ཞིག་གི་ཚིག་དུམ་ཞིག་དྲངས་ན།ཁོང་གིས་ད་ལྟ་ང་ཚོས་བཤད་པའི་རང་དབང་ནི།སྐྱེས་བུར་ཕྱིའི་བཙན་ཤུགས་ཀྱི་གཉའ་གནོན་མི་ཐེབས་པའི་ཐོབ་ཐང་ཞིག་དང་།སྐྱེས་བུའི་འཚོ་གཞེས་ལ་ཕྱིའི་བཙན་ཤུགས་ཀྱི་ཚོད་འཛིན་དང་སྡོམ་གཅུན་མི་ཐེབས་པའི་ཐོབ་ཐང་ཞིག་ལ་ཟེར་གྱི་ཡོད་པ་རེད།ཅེས་དང་།ཡང་ཁོང་གིས།ཕྱིའི་བཙན་ཤུགས་ཀྱི་ཚོད་འཛིན་མ་ཐེབས་ན།ཆོས་ལུགས་ཐད་དད་མོས་རང་དབང་ཡོད་བྱུང་བ་རེད།བསམ་བློའི་ཐད་བསམ་གཞིགས་རང་དབང་ཡོད་བྱུང་བ་རེད།དེ་བཞིན་རྩོམ་འཇུག་དང་དཔེ་སྐྲུན་ཐད་གཏམ་བརྗོད་རང་དབང་དང་དཔེ་སྐྲུན་རང་དབང་ཡོད་བྱུང་བ་རེད།རང་དབང་དེ་དག་ནི་ང་ཚོར་ཐོབ་འདུག་པ་ཞིག་མ་རེད་ལ།ལྷ་དང་དཀོན་མཆོག་གང་རུང་ཞིག་གིས་སྩལ་ཡོང་རྒྱུ་ཞིག་ཀྱང་མ་རེད།དེ་ནི་སྔོན་ཐོན་མི་རིགས་འགའ་ཤས་ཀྱིས་དུས་ཡུན་རིང་བོར་ཧུར་ཐག་འབད་ཐག་གི་རྩོད་ལེན་ལས་བྱུང་བ་རེད།ཅེས་གསུངས་པ་འདི་རུ་གཞིགས་ན་ཡང་རང་དབང་དང་དམངས་གཙོ་ནི་གྱི་ནར་བསྡོད་པའི་མི་རིགས་ཤིག་གི་ལྟོ་བར་ཆ་རྐྱེན་གང་ཡང་མེད་པར་འཇུ་བ་ཞིག་མ་ཡིན་པ་གསལ་བོར་བསྟན་འདུག་པས།ང་ཚོས་རང་དབང་དམངས་གཙོ་གླེང་བ་དང་རྩོད་པ།འཛུགས་པ་གང་བྱེད་ཀྱང་རྩ་བའི་ཆ་ནས་དམངས་གཙོའི་སློབ་སྦྱོང་དང་དམངས་གཙོའི་ལག་ལེན།དམངས་གཙོའི་རྟོག་པ་དང་བཅས་པར་འབད་པ་བྱ་དགོས།དེང་གི་མི་ལ་ཤས་ཤིག་གིས་ཁ་ནས་དམངས་གཙོ་དང་དམངས་གཙོའི་ཀ་བ་གསུམ་ཞེས་ཤོད་རུང་ཙམ་ལས་དོན་དངོས་ཀྱི་དམངས་གཙོའི་བརྡ་དེ་འཕྲོད་ཀྱིན་མེད་སྟབས།སྐད་ཆ་དང་སྤྱོད་པ་འདུ་ཤེས་སོགས་གང་གི་ཐད་ནས་ས་མཚམས་དང་དབྱེ་བ་མེད་པ་ཞིག་ཆགས་བཟོ་འདུག་པ་དང་།ང་དང་ང་ལྟ་བུའི་དམངས་གཙོའི་བློ་མིག་ཐུང་བ་དག་གིས་ནི་དམངས་གཙོ་ནི་འཆལ་བོའི་སྤྱོད་པ་ཞིག་དང་འཁྲུལ་ཉེན་འདུག སྔོན་མར་ཨ་རིའི་སྲིད་འཛིན་ཞིག་རྒྱ་ནག་གི་སློབ་གྲྭ་ཆེན་མོ་ཞིག་ཏུ་གཟིགས་སྐོར་ལ་ཕེབས་དུས་ཤིག་ལ།སློབ་མ་ཞིག་གིས་དྲི་བ་འདི་འདྲ་ཞིག་བཏོན་མྱོང་ཡོད་པར་བཤད།ཨ་རིའི་སྤྱི་ཚོགས་ཀྱིས་ཡོད་ཚད་རང་དབང་དང་དམངས་གཙོར་བསྟུན་དྲགས་ན།ཨ་རི་བའི་སྤྱི་ཚོགས་ནི་ཡ་མ་བརླ་ཞིག་ཏུ་མི་འགྱུར་རམ་ཞེས་དྲིས་པའི་ལན་དུ།སྲིད་འཛིན་གྱིས་རང་དབང་དང་དམངས་གཙོ་ནི་ཡ་རབས་ཤིག་གི་ངོས་ནས་བཤད་པ་མ་གཏོགས།མ་རབས་ཀྱི་ངོར་བལྟས་ཏེ་བཤད་ཀྱིན་མེད་པའི་ལན་བཏབ་པའི་སྐད་ཆ་ཐོས་མྱོང་ཡོད།སྐད་ཆ་འདིའི་སྒང་ནས་དམངས་གཙོ་དང་རང་དབང་ཟེར་བ་ནི་སྤུས་ཚད་ཅིག་གི་ངོས་ནས་འཇོག་གིན་ཡོད་པ་མཐོང་ཐུབ། དོན་འདི་ལ་རྩོམ་པ་པོ་གྲགས་ཅན་བྱང་སྐར་ལགས་ཀྱིས་ཀྱང་། ཡང་ཆ་གཅིག་ནས་བལྟས་ན་རང་དབང་ནི་མི་སྒེར་གྱི་འཚོ་བ་རོལ་སྟངས་ཤིག་ཡིན་པ་རེད།དེ་ལ་མི་ལ་ལས་རང་དབང་ཞེས་པ་ནི་ཅི་འདོད་འདོད་བྱས་ཆོག་པ་ཞིག་ཏུ་གོ་བ་ཡིན་ཡང་།དོན་དངོས་སུ་དེ་ལྟ་མ་ཡིན་ནོ།།རང་དབང་གི་དངོས་ཚད་གོ་དོན་རྒྱུད་ལ་གཤགས་པ་ཞིག་ཡིན་ན།འགན་འཁྲི་དང་།རང་གཅུན་དང་།དཀྱེལ་ཡངས་སོགས་ཀྱང་རང་དབང་དང་གྲིབ་མ་ཞིན་འགྲོགས་ཏེ་ཡོད་པ་རྟོགས་ལ།དེ་དག་དང་རང་དབང་གཉིས་བྱ་གཅིག་གི་གཤོག་ཟུང་ནང་བཞིན་ཡིན་པ་ཤེས།ཟེར་བ་སོགས་ཀྱི་གནས་ལུགས་འདི་ལ་བློ་མ་འབྱོངས་ཀྱི་བར་དུ་ཁ་ཡན་རྒྱ་ཡན་པའི་རང་དབང་ནི་དམངས་གཙོའི་ཁྲིམས་ལུགས་ཁ་ཆག་སྣ་རལ་དུ་གཏོང་བྱེད་དུ་ཨེ་མི་འགྲོ་སྙམ།ཨ་རི་བ་ཞིག་གིས།ཁྲིམས་ལུགས་ངོས་ཀྱི་ནས་བལྟས་ན།གཏམ་བརྗོད་རང་དབང་ཞེས་པ་དེ་གཙོ་བོ་ཆབ་སྲིད་དང་འབྲེལ་བའི་གཏམ་བརྗོད་རང་དབང་ལ་ཟེར་བ་རེད།དེ་གང་ཡིན་ཞེས་ན།གལ་ཏེ་ཆབ་སྲིད་ཐད་ཀྱི་གཏམ་བརྗོད་རང་དབང་མེད་སོང་དུས།དམངས་གཙོའི་སྤྱི་ཚོགས་ཆགས་སའི་གཞི་རྟེན་མེད་འགྲོ་བས་རེད།དེའི་ཕྱིར་ཨ་རིའི་རྩ་ཁྲིམས་ཀྱི་བཟོ་བཅོས་དང་པོ་རུ།གྲོས་ཚོགས་ཀྱིས།གཏམ་བརྗོད་རང་དབང་ངམ་གསར་འགྱུར་དང་དཔེ་སྐྲུན་གྱི་རང་དབང་ལ་ཚོད་འཛིན་བྱེད་པའི་བཅའ་ཁྲིམས་གང་ཡང་བཟོ་མི་ཆོག ཅེས་གཏན་འབེབས་མཛད་ཡོད་པ་རེད།ཅེས་རྣམ་པར་ཕྱེས་པའི་ཚིག་དུམ་འདིའི་ཁྲོད་ནས་བསམ་ན་ཡང་།ཆབ་སྲིད་དང་ཁྲིམས་ལུགས་ཡ་རབས་དང་མ་རབས་ཀྱི་དབྱེ་འབྱེད་ལ་བློ་རྣོ་བ་ཞིག་གི་ངོར་བཞག་པའི་སྡོམ་ཚིག་ཅིག་རེད།དེ་ལས་གཞན་དམངས་གཙོ་ལ་ཁྲིམས་ལུགས་ཡོད་པའི་ངོས་ནས་བསམ་ན་ཡང་།དམངས་གཙོ་ནི་ཚད་གཞི་ཅན་ཞིག་དང་ལྟོས་འཇོག་ཅན་ཞིག་ཡིན་པ་ཧ་གོ་དགོས་གི་རེད།ཁ་ལོག་དང་གོ་ལོག་ཐེབས་པའི་བར་ནས་རང་དབང་དང་དམངས་གཙོ་ཡིན་ཁུལ་གྱིས་ཕ་ལ་རྒོལ་བ་དང་མ་ལ་རྡེག་པ་ལྟ་བུ་ནི་བྱ་མི་རིགས་སོ།།དམངས་གཙོ་ཁྲིམས་སྐྱོང་བ་ཡིན་པའི་འདུ་ཤེས་མཐོར་འདེགས་བྱ་དགོས།དཔེར་ན།མི་དམངས་ནི་ད་གཟོད་རྒྱལ་ཁབ་ཀྱི་བདག་པོ་ངོ་མ་ཡིན་ལ་སྲིད་གཞུང་ནི་ཞབས་ཞུ་བའི་ཚུལ་དང་།སྲིས་འཛིན་པ་ལ་ནི་མི་དམངས་ཀྱིས་མངག་བཅོལ་གནང་བའི་དབང་ཆ་ཉི་ཚེ་བ་འམ་གནས་སྐབས་ཀྱི་དབང་ཆ་ཡོད་པ་མ་གཏོགས།རྒྱལ་ཁབ་བདག་པོ་ངོ་མ་མ་ཡིན་པ་དང་།དབང་འཛིན་པས་ངེས་པར་དུ་ཀུན་ཀྱིས་ཁས་ལེན་པའི་ཁྲིམས་ལུགས་ཚད་གཞིར་བྱས་ཏེ་རྒྱལ་ཁབ་སྐྱོང་བ་ལས།མི་སྒེར་གྱི་འདོད་མིན་དབང་བཙན་པར་བྱས་ཏེ་ཚད་གཞི་གང་རུང་ཅི་འདོད་བསྒྱུར་བཅོས་ཀྱིས་རྒྱལ་ཁབ་ཀྱི་བདག་པོ་སྟེ།མི་དམངས་རྣམས་ཅི་བྱ་གཏོལ་མེད་བཟོ་མི་རུང་མི་རུང་བ་སོགས་ཀྱི་ངེས་པ་ཧུར་ཚུགས་པོ་ཞིག་མེད་དུས།དམངས་གཙོའི་ལག་ལེན་ཉམས་ང་བ་དང་།དམངས་གཙོའི་བྱེད་སྒོ་ཆ་ཡ་གོ་ལྡོག་ཅིག་ལས་མི་འོང་བར་སྙམ་པའི་དོགས་པ་ཕྲན་བུ་ཁོ་བོ་རང་འདུག་གོ།ཀེ་རི་སིའི་ཆབ་སྲིད་མཁས་པ་ཞིག་གིས་ཀྱང་།ཁོ་བོས་ནི་འདི་སྐད་བཤད་སྤོབས་ཏེ།ང་ཚོའི་ལམ་ལུགས་ནི་གཞན་གྱི་མིག་དཔེ་ཡིན་ནོ།།ང་ཚོའི་ལམ་ལུགས་ལ་དམངས་གཙོའི་ཆབ་སྲིད་དུ་འབོད་པའི་རྒྱུ་མཚན་ནི།སྲིད་དབང་དེ་སྤྱི་དམངས་ཡོད་དོ་ཅོག་ལ་བདག་པ་ལས།མི་ཉུང་ཤས་ཙམ་ལ་བདག་པ་མིན་པའི་ཕྱིར་ཡིན།སྐྱེས་བུ་སུ་འདྲ་ཡིན་ཀྱང་།སོ་སོའི་རྒྱལ་ཁབ་ལ་ལག་རྗེས་ཅན་ཞིག་ཡིན་དུས།འབྱོར་བ་ཞན་པར་བསྙད་ནས་མི་དེ་ལ་ཆབ་སྲིད་དབང་ཆ་མི་སྤྲོད་མི་སྲིད་དོ།།ཅེས་གསེར་ལྟ་བུའི་ལེགས་བཤད་འདི་དག་གིས་བསྟན་པ་ནི།དམངས་གཙོའི་ཚད་གཞི་དང་སྤུས་ཚད་འགན་འཁྲི་དག་ཡིན་ཞིང་།ང་ཚོས་དམངས་གཙོ་ལོངས་སུ་སྤྱོད་པར་འདོད་ན་ནི་བསླབ་པ་དང་བསླབ་བྱ།འཛིན་པ་དང་སྐྱོང་བའི་དམངས་གཙོའི་གོ་རིམ་ལ་གཟབ་ནན་གྱིས་བསླབ་པར་བྱ་ཞིང་།གཟབ་ནན་གྱིས་བརྩི་བར་བྱ་དགོས་པ་ལས།རང་གི་དད་མོས་ཙམ་གྱིས་གཞན་ལ་བདག་པོ་རྒྱག་པ་དང་།རང་གི་འདོད་པ་ཙམ་གྱིས་ག་བྱེད་འདི་བྱེད་བྱ་མི་རིགས་པ་ནི་ཕྲན་གྱིས་བལྟས་ན་དམངས་གཙོའི་ངོ་བོ་ཞིག་གོ།

17. ཁ་བརྡའི་རྩོམ་སྒྲིགས་པ་ལགས། གོང་གི་ལྷམ་ཀོག་ལགས་ཀྱི་རྩོམ་ཡིག་འདི་མདུན་གྱི་རྩོམ་ཡིག་ནང་དུ་བཀོད་རོགས། འདིས་དམངས་གཙོའི་གོ་དོན་ཡག་པོ་མ་རྟོགས་པར་མགན་ཁུར་མེད་པའི་སྐད་ཆ་བཤད་མཁན་གྱི་མི་མང་པོ་ལ་ཕན་ཐོག་ཡོང་བར་སྙམས།