ཀླུ་སྨྱོན།
སྤྲེལ་སྲིན་གཉིས་ཀྱིས་གངས་ལ་བྲིས་པའི་བརྩེ་བ་དྲོན་མོའི་སྙན་ངག་ཅིག།
དྲག་ཏུ་འབར་བའི་དམར་པོ་མེ་ཡིས་མུན་ནག་ཁམས་ནས་རྨེག་མེད་བཞུས།།
མགོ་བོ་དགྱེ་ནས་ལྷ་ལ་དྲིས་པས་སྲིད་པ་ཆགས་པའི་གླུ་ཡི་གདངས།།
བསང་དུད་སྔོན་མོའི་ཁུག་པ་རེ་རེར་མིག་ཆུའི་ཐིགས་པར་སྦྲུམ་ཡོད་ཟེར།།
སྤྲེལ་སྲིན་གཉིས་ཀྱི་བརྩེ་བ་ཡིས། །
མིའུ་དུང་དྲུག་སྤུན་མཆེད་མཆེད། །
དུང་དྲུག་ས་ཡ་དྲུག་ཏུ་མཆེད། །
ས་ཡ་དྲུག་ཆེད་ལུས་མེར་མཆེད། །
ཨ་ཁུ་ཀླུ་སྨྱོན་སྙན་ངག་ཚིག་བཅད་དེའི་ནང་དོན་ཟབ་ཀི་ཡ་་་་
བོད་ཆགས་སྟངས་རྙིང་པ།
ཕ་སྤྲེལ་རྒན་བྱང་སེམས།
མ་སྒྲོལ་མ་བྲག་སྲིན།
བུ་མིའུ་དུང་དྲུག
དེང་ས་ཡ་དྲུག་པོ།
ད་ཆགས་སྟངས་སོམས་ཤིག
ཕ་ཡི་མགོ་སྐྲ་བཞར་ནས་དབེན་སར་བསྙེགས།
སྲིན་མོར་ཁྱོ་ག་མེད་པར་བྲག་ལ་འཛེགགས།
བྱེ་བ་གྲངས་ཅན་བོད་ཀྱི་མི་གྲངས་འདི།
ས་ཡར་ལྟུང་ནས་རྒྱ་མིའི་ལག་ཏུ་ཤོར།
བོད་རྒྱའི་སྲིད་པ་མཉམ་དུ་ཆགས། །
བོད་རྒྱ་གཡུལ་ངོར་ཡང་ཡང་འཁྲུགས། །
བོད་རྒྱ་ཆོས་ཡོན་སྦྱིན་བདག་ཆགས། །
བོད་རྒྱ་མཉམ་གནས་རང་དབང་ཆགས། །
དཔེར་ན།
ལ་དྭགས་བོན་ཡུལ་ཞང་ཞུང་ལ། །
རྒྱ་དཀར་ནང་ཆོས་རིམ་གྱིས་དར། །
ལ་དྭགས་རྒྱ་གར་ས་འབྲེལ་འདི། །
ད་ལྟ་རྒྱ་གར་མཉམ་གནས་ཆགས། །
བོད་ཀྱང་རྒྱ་ནག་མཉམ་གནས་དགོས། །
བོད་ལ་སྐད་རིག་ཆོས་དད་ཀྱི། །
རང་དབང་ཐོབ་ཐང་རྩོད་པ་ལས། །
རང་བཙན་རྩོད་ན་ཕན་ཐོགས་ཆུང་། །
དུས་རབས་ཉི་ཤུ་རྩ་གཅིག་ནང་། །
རང་བཙན་རྩོད་ན་ཁེ་ཕན་སོམས། །
རང་བཙན་མེད་ཀྱང་རང་དབང་ངང་། །
མཉམ་གནས་ཐུབ་ན་མི་ལེགས་སམ། །
ང་ནི་༸གོང་ས་མཆོག་གི་གསུང་། །
རྒྱ་ནག་དགྲ་རུ་སྡང་བ་ལས། །
གཉེན་དུ་བཀུག་ནས་བཞག་ན་བདེ། །
གསུངས་པ་འདི་ལ་ཡིད་ཆེས་ཡོད། །