ཉེ་ཆར་ཨ་རིའི་སྲིད་འཛིན་ཁྲི་ཐོག་ཞེ་བཞི་བ་སྐུ་ཞབས་ཨོ་སྦ་མས་ཁོང་གི་སྲིད་འཛིན་དམ་འབུལ་གྱི་གསུང་བཤད་སྐབས་ཨ་རི་ནི་ཆོས་ལུགས་མང་པོ་མཉམ་གནས་ཀྱི་རྒྱལ་ཁབ་ཅིག་ཏུ་བགྲང་སྐབས་ཡེ་ཤུ་དང་རྗུའུ། ཁ་ཆེ་དང་ཧིན་སྡུ་བཞི་མ་གཏོགས་ནང་པ་མ་བགྲངས་པར་དེང་སྐབས་ཨ་རིའི་མི་སེར་ཡིན་པའི་ནང་པ་ཁག་ཅིག་གིས་རང་རང་གི་ལྟ་ཚུལ་འདོན་བཞིན་འདུག་པ་དང་། སྤྱིའི་ཆ་ནས་ཨ་རིའི་ནང་གི་ནང་པ་པའི་གྲངས་འབོར་དང་དེའི་འཕེལ་རྒྱས་དེ་ནི་འདས་པའི་ལོ་ངོ་བཅུ་གྲངས་ནང་ཆོས་ལུགས་གཞན་དག་གིས་འགྲན་མི་ཐུབ་པའི་མགྱོགས་ཚད་ཧ་ཅང་མྱུར་བོ་ཞིག་གི་སྒོ་ནས་འཕེལ་རྒྱས་སུ་ཕྱིན་ཡོད་པ་ཞིག་རེད་འདུག
གཤམ་དུ་དེའི་སྐོར་རྡེག་གནོན་དང་ཞིབ་ཀློག་མཛོད།
http://buddhistfaith.tripod.com/pureland_sangha/id65.html
ཨ་ལགས།
ཨ་རིའི་ནང་གི་ནང་པ་པའི་གྲངས་ཀ་དང་འཕེལ་རྒྱས་དེ་ཆོས་ལུགས་གཞན་དག་དང་བསྡུར་ན་ཧ་ཅང་མགྱོགས་རུང་།
གྲངས་ཀའི་ཐོག་ནས་ད་དུང་ཡང་ནང་པ་པའི་གྲངས་དེ་ཡེ་ཤུ་དང་རྗུའུ།ཁ་ཆེ་།ཧིན་རྡུ་བཅས་དང་བསྡུར་ན་ཧ་ཅང་ཉུང་ཉུང་མ་རེད་དམ།
ཨ་རིའི་ནང་གི་ནང་པའི་དད་ལྡན་པའི་གྲངས་འབོར་དངོས་གནས་ཆོས་ལུགས་གཞན་དང་བསྡུར་ན་ཉུང་བ་སྨོས་མེད་རེད་།ཡིན་ནའང་ཡུལ་དེའི་ནང་པའི་དད་ལྡན་པའི་བསམ་ཚུལ་དེ་དག་ཀྱང་གལ་ཆེན་ཡིན་པས་།ཀླུ་སྨྱོན་གྱིས་ལེ་ལོ་སྤངས་ནས་བསམ་ཚུལ་དེ་དག་ཉུང་ངུ་རེ་བོད་ཡིག་ནང་བསྒྱུར་ན་ལེགས་སྙམ་པ་ལས་དཔྱད་གཞི་དབྱིན་ཇིའི་དྲ་ཚིགས་ཤིག་མཁོ་སྤྲོད་བྱས་པ་ཙམ་ལས་བོད་ཡིག་དྲ་བ་འདིར་སྙིང་དོན་ཅི་ཡང་མེད་ལ་།བོད་ཡིག་དར་སྤེལ་ལེགས་སྐྱོང་གནང་བཞིན་པའི་ཁ་བརྡའི་རྩོམ་སྒྲིག་པ་རྣམས་ཀྱི་སྐུ་ངལ་བསྐྱོན་པར་གུས་བརྩི་གནང་རོགས་།
ཨ་རིའི་སྲིད་འཛིན་ཁྲི་ཐོག་ཞེ་བཞི་བ་ཞེས་བཀོད་ན་བདེའམ་ཡང་ན་ཨ་རིའི་སྲིད་འཛིན་ཞེ་བཞི་བ་ཞེས་བཀོད་ན་བདེ། ཁོང་ཁྲི་འདོན་བྱས་པའི་སྐད་ཆ་མི་འདུག་གཱ
ངེད་ཀྱིས་བསམ་ནའང་། ཁྲི་ཐོག་ཡིན་རྒྱུ་མ་རེད་བསམ་གི། གཅིག་བྱས་ན་ཨ་ལགས་ལ་རྒྱུ་མཚན་དམིགས་བསལ་འདྲ་མེད་འགྲོ
སྲིད་འཛིན་གྱི་ཁྲི་སྟེང་དུ་བསླེབས་པའི་ཆ་ནས་ཁྲི་ཐོག་པ་ལབ་པ་ཡིན། ཤུགས་བསྟན་ཅི་ཡང་མེད། ཁྲི་སྟོན་དང་ཁྲི་ཐོག་ཅེས་པ་འདི་བོད་ཀྱི་བླ་མ་དང་རྒྱ་ནག་གི་རྒྱལ་པོ་ཚོ་ལ་མ་གཏོགས་བེད་སྤྱོད་གཏོང་མི་རུང་བ་ཞིག་མཐོང་མ་སོང་ལགས།
ཨ་ལགས་སྨྱོན་པ་དེ་ད་དུང་བཞུགས་ཡོད་པ་འདྲ།
ནང་བ་ག་ཚོད་ཡོད་མེད་དེ་ལ་བོད་པ་ཚང་གི་ཕྱོགས་ཞེན་བྱས་དེ་བཤད་མི་དགོས་པར། དེ་ནི་ག་ལེར་མི་རྣམ་དཔྱོད་ཅན་དག་གིས་དཔྱད་གཞིར་བྱས་དེ་འོང་དགོས་པ་ཞིག་རེད། ཁོང་ཚོས་ཆོས་ལུགས་ཁ་ལ་འཁྱེར་ནས་ཐོབ་ཐང་རྩོད་འདོད་ཡོད་པ་དེ་ནི་ཡག་པོ་ཞིག་མ་རེད། གལ་ཏེ་ཡག་པོ་ཞིག་ཡིན་ན་ནི། ག་ལེར་གྲུབ་འབྲས་གསལ་དེ་འོང་གི་རེད། གང་ལྟར། ཨ་རིའི་ནང་དུ་ནང་ཆོས་བྱེད་མཁན་ཆེ་མང་དུ་སོང་བའི་བོད་པ་ཚང་ལ་དམིགས་གསལ་གྱིས་ཐོབ་བྱ་གང་ཡང་མེད་དོ། ཐོབ་བྱ་ཞིག་ཡོད་ན་ནི་ཁོང་ཚོ་ལ་ཐོབ་ངེས་ཡིན་པ་ལས། གཞན་བོད་པ་ཚང་གི་ཐོབ་པ་ལས་ཤོར་་་་་
སྤྲུལ་སྐུ་ྐླུ་སྨྱོན་གྱིས་ནུབ་ཕྱོགས་པར་ནང་ཆོས་སློབ་སྟོན་བྱེད་ཀྱིན་ཡོད་སྟབས་དེའི་སྐོར་ལ་རྒྱུས་མངའ་ཡག་པོ་ཡོད་པར་ཁོ་ཐག་ཆོད། ངས་གོ་ཐོས་ལ་ནུབ་ཕྱོགས་སུ་ནང་པོ་ཡིན་ཟེར་མཁན་འདི་ཚོ་མང་ཆེ་བ་ཞིག་རྩ་མི་ཚང་མཁན་འདྲ་བོ་དང་། མཚན་མཐུན་ཆགས་སྤྱོད་བྱེད་མཁན། ཡེ་ཤུའི་ཆོས་ལ་རྒོལ་འདོད་ཀྱིས་ནང་པར་འཛུལ་བ་སོགས་ཀུན་སློང་མི་ལེགས་པ་མང་པོ་ཞིག་ཡོང་གིན་འདུག་ཟེར་བ་དེ་བདེན་པ་རེད་དམ། ཚོང་གི་ཁེ་བཟང་ལེན་འདོད་ཀྱིས་ཆོས་ཚོགས་འཛུགས་ཁུལ་དང་ནང་ཆོས་སྦྱངས་ཁུལ་བྱེད་མཁན་མང་པོ་ཡོད་པ་ཏན་ཏན་བདེན་པ་རེད་འདུག