ཀོ་ལི་གྷལ་གཞིས་ཆགས་གཞུང་པ་ཚེ་དབང་བསོད་ནམས།
འདི་ལོ་སྲིད་སྤྱིའི་འོས་བསྡུའི་ལས་རིམ་ནང་ཕྱོགས་གཏོགས་དང་འགོ་འདྲེན་ལ་སྐྱབས་བཅོལ་ནས་བཅའ་སྒྲིག་ལ་འགན་འཁུར་མ་ཐུབ་པར། བཙན་བྱོལ་སྤྱི་ཚོགས་ནང་ཁ་དམག་འགན་འཁུར་འོག་ནས་སྲིད་སྤྱིའི་འོས་བསྡུ་ཟིན་རྗེས་༧གོང་ས་མཆོག་ཐུགས་ཕམ་དང་ཆོས་སྐྱོང་དྲག་ཏུ་ཁྲོས་པ་སོགས་ལ་བརྟེན་ནས། གྲོས་ཚོགས་ནས་མ་འགྲིག་པ་དེ་འོས་བསྡུའི་སྒྲིག་གཞི་ལ་ངན་ཁག་གཡོགས་ནས་འོས་བསྡུའི་སྒྲིག་གཞི་བསྐྱར་བཅོས་ཚོགས་ཆུང་བཙུགས་ཏེ་མི་མང་གི་བསམ་ཤོག་འབུལ་སའི་ལམ་ཁ་བསྟན་འདུག་ན། ད་ལམ་རང་གི་བསམ་ཚུལ་གང་ཡོད་པ་དེ་འདིར་ཁ་བརྡ་དྲ་རྒྱའི་སྟེང་བཀོད་པ་ཡིན།
སྲིད་སྤྱིའི་འོས་བསྡུའི་ལས་རིམ་ནང་ལབ་གླེང་ཉུང་བ་དང་གཞུང་གྲོན་ཆུང་བ་ཕྱོགས་གཏོགས་དང་འགོ་འདྲེན་ཚོར་གོ་སྐབས་མེད་པ་དང་མི་མང་ལ་བརྡབ་གསིག་ཉུང་བ། མང་གཙོ་སྤྱིའི་འོས་བསྡུའི་ལམ་ལུགས་དང་མཐུན་པའི་ཆེད་སྲིད་སྤྱི་གཉིས་ལ་སྔོན་འགྲོ་དང་དངོས་གཞི་གཉིས་མི་དགོས་པར་འོས་བསྡུ་གཅིག་གི་གཏན་འཁེལ་དགོས་པ་དང་། ཚོགས་སྐྱིད་དང་མི་སྒེར་སོགས་ནས་འོས་དམིགས་འདོན་མ་དགོས་པར་ཆོས་ལུགས་ཆོལ་གསུམ་གྱི་སྐུ་ཚབ་ཡོད་པའི་འོས་དམིགས་འདེམས་སྒྲུག་ཚོགས་ཆུང་(Electroel College) འཛུགས་དགོས་པ་དང་། ཚོགས་ཆུང་གི་ཚོགས་མིའི་ནང་ཆོས་ལུགས་རེ་ནས་སྐུ་ཚབ་མི་རེ་དང་ཆོལ་ཁ་རེ་ནས་སྐུ་ཚབ་མི་གཉིས་བཅས་མི་བཅུ་གཅིག་གི་ཚོགས་ཆུང་ནས་སྲིད་སྐྱོང་འོས་དམིགས་ལ་ཕོ་མོ་ཁྱད་མེད་མི་གསུམ་དང་ཆོས་ལུགས་རེར་འོས་དམིགས་མི་གསུམ་རེ་དང་། ཆོལ་ཁ་རེར་འོས་དམིགས་མི་སུམ་བཅུ་དང་དེའི་ནང་བུད་མེད་དྲུག་ངེས་པར་དགོས་པ་དང་།
གཉིས་པ། རང་ལོ་ 18དང་རང་ལོ་25 ། རང་ལོ་35དང་རང་ལོ་50བཅས་ཧྲིལ་པོ་ལོན་ཡོད་མེད་རང་ལུགས་དང་ཕྱི་ལུགས་གང་ལ་ཆ་བཞག་རུང་ལོ་དང་ཟླ་བ་ཉིན་མ་ཆུ་ཚོད་སྐར་ཆ་སོགས་བརྩི་དགོས་པའི་གསལ་ཁ་གཏོད་དགོས་པ་དང་།
གསུམ་པ། ཆོས་ལུགས་སྤྱི་འཐུས་ནང་གྲ་བཙུན་ལས་མི་སྐྱ་ཕོ་མོ་འགྲོ་མི་ཆོག་པ་བཟོ་དགོས་པ་དང་། ཆོལ་ཁའི་སྤྱི་འཐུས་ནང་མི་སྐྱ་ཕོ་མོ་ལས་གྲྭ་བཙུན་འགྲོ་མི་ཆོག་པ་བཟོ་དགོས་པ།
བཞི་པ། སྤྱི་འཐུས་གྲོས་ཚོགས་ལ་ཚོགས་གཙོ་རེས་མོས་བྱ་དགོས་ཡོད་ཚེ་བཅའ་སྒྲིག་ནང་གསལ་བཀོད་དགོས་པ་དང་།
ལྔ་པ། བཅའ་ཁྲིམས་དོན་ཚན་གསུམ་པའི་ནང་གསལ་བའི་ཡུལ་མིའི་རྒྱལ་ཁབ་(Republic) ཟེར་བའི་ཐ་སྙད་དེ་སྤྱི་འཐུས་སྐབས་བཅོ་ལྔ་ནས་ཡུལ་མིའི་སྲིད་སྐྱོང་ལ་བསྐྱར་བཅོས་གནང་འདུག་ན། ང་ཚོའི་བཅའ་ཁྲིམས་ནང་མ་འོངས་བོད་ཀྱི་མང་གཙོ་དེ་ཡུལ་མིའི་རྒྱལ་ཁབ་བྱ་རྒྱུ་གསལ་བ་དང་། བཙན་བྱོལ་བོད་མིའི་ཆབ་སྲིད་ཀྱང་དེ་དང་ཕྱོགས་མཐུན་བྱ་རྒྱུ་གསལ་ཡོད་ན། མ་འོངས་བོད་ཀྱི་ཆབ་སྲིད་ལམ་ལུགས་ལ་བཙན་བྱོལ་བོད་མིའི་གྲོས་ཚོགས་ནས་འགྱུར་བ་བཏང་བ་དེ། བཅའ་ཁྲིམས་དོན་ཚན་ལྔ་པ་བཅའ་ཁྲིམས་ཀྱི་ཚད་འཛིན་ཟེར་བའི་འབྲུ་དོན་དང་ཕྱོགས་མཐུན་བྱུང་ཡོད་མེད་ཐེ་ཚོམ་ནང་ལྷག་འདུག
ཡུལ་མིའི་རྒྱལ་ཁབ་ཟེར་བའི་ཐ་སྙད་དེ་རང་འཇགས་བསྐྱར་བཅོས་དགོས་པ་བཅས། བཅའ་ཁྲིམས་དོན་ཚན་བཅུ་གསུམ་ནང་འཁོད་པའི་བོད་ཀྱི་ཡུལ་མིའི་ལས་འགན་སྒྲུབ་ནས་གང་ཟག་སྒེར་གྱི་བསམ་འཆར་ཕུལ་བ་འདིས་ཀྱང་མ་འོངས་སྲིད་སྤྱིའི་འོས་བསྡུའི་ལས་རིམ་ནང་འགོ་འདྲེན་དང་སྐབས་འཚོལ་ཕྱོགས་གཏོགས་ཀྱི་དྲི་ངན་རྒྱང་དུ་འདོར་ཐུབ་པའི་བསྔོ་བ་མང་ཙམ་བགྱིས་ཆོག
ཕྱི་ལོ་2016 ཕྱི་ཟླ་8 པའི་ཚེས་8 ལ་ཕུལ།
ད་ལམ་ཞེས་པར་ད་ལན་ཞེས་ད་ལྟའི་དུས་འདིར་ཞེས་པ་ལ་དྭགས་སྐད་དུ་བཀོལ་པ་ཆེས་དག་པར་མངོན།ལན་གཅིག ལན་གཉིས། ལན་གསུམ་མཁས་པས་བྲིས་པ་དག་ན་ཉི་ཟླ་ལྟར་གྲགས་སོ།
༅༅། གཞུང་པ་ཚེ་དབང་བསོད་ནམས་ནས་སྲིད་སྤྱིའི་འོས་བསྡུའི་སྐོར་ལ་དགོངས་འཆར་གནང་བ་
ཡག་པོ་བྲིས་གནང་འདུག་པ་ལེགས་སོ་ཞུ།
ངས་ཀྱང་བསམ་འཆར་ཤོག་ལྷེ་གཉིས་ཕུལ་ཡིན། དོན་ཚན་གཉིས་འུ་གཉིས་འདྲ་བོ་བྱུང་འདུག་
ཚོགས་སྐྱིད་ཁག་ནས་འོས་མིང་འདོན་རྒྱུ་དེ་དངོས་གནས་ཡག་པོ་མི་འདུག་
འདི་སྔོན་སྤྱི་འཐུས་ཟླ་བ་ཚེ་རིང་ལགས་སུ་རྙོག་ཁྲ་སྐྱོན་བརྗོད་ག་འདྲ་བྱུང་སོང།
༅༅། རླུང་ཐོག་ཞེས་པར་སྒྲིག་གཞི་སུས་བཟོ་གི་ཡོད་པ་དང། ལག་ལེན་སུས་བསྟར་གྱི་ཡོད་སྐོར་གང་ཡང་
ཤེས་ཀྱི་མེད་པ་འདྲ། སྒྲིག་གཞི་བཟོ་མཁན་བོད་མི་མང་སྤྱི་འཐུས་རེད། ལག་ལེན་བསྟར་མཁན་ཡང་
སྤྱི་འཐུས་་་བཀའ་ཤག་གཙོས་མགོ་མང་ཚང་པས་ལག་ལེན་བསྟར་དགོས་པ་ལས་ཚན་པ་གཅིག་དང་
ཡང་སྡེ་ཚན་གཅིག་རྕ་བ་ནས་མ་རེད།
ཁྱོད་ཡང་ལྟ་བ་ངན་པ་འཁྱེར་མཁན་གྱི་གྲས་རེད་ཤག་
ལྟ་ངན་སྤྱོད་ངན་ཀླད་སྟོང་གསུམ།
རིག་གནས་དྲི་མེད་ལྐུགས་སྟོང་རེད།