ཚེ་རིང་།
ཁོའི་སྟེང་ན་ལྷན་སྐྱེས་ཀྱི་འོད་སྣང་ཞིག་ཡོད་ལ
མུན་པ་རུབ་མཚམས་སུ
མཚན་སྨག་དང་འདྲེས་པའི་འོད་ཟེར་ལྗང་སེར་དེ་ནི
ཧ་ཅང་ཡིད་དུ་འོང་བ་ཞིག་ཡིན
འོན་ཀྱང་འོད་སྣང་ཆུང་ཆུང་ཞིག་དང
རབ་རིབ་ཅིག་ལས་མེད་པས
གཞན་གྱི་མུན་པ་སེལ་མི་ནུས་པར་མ་ཟད
ཐ་ན་རང་གི་མདུན་ལམ་ཡང་མཐོང་དཀའ
ཡིན་ནའང གཞན་ལ་མེད་པའི་ལྷན་སྐྱེས་ཀྱི་འོད་སྣང་དེས
སྨུག་ཇི་འདྲའི་གནག་ནའང
ཁོས་མཚན་མོའི་འཇིགས་སྣང་མྱོང་མི་དགོས
དེ་བས ང་སྲིན་འབུ་མེ་ཁྱེར་ལ་དགའ་ཞིང
ང་ཡང་སྲིན་འབུ་མེ་ཁྱེར་ཞིག་ཡིན་ན་བསམས
2014/08/02
རེད། ཆུང་ཆུང་དུས་སུ་སྲིན་འབུ་མེ་འཁྱེར་ལ་ཧ་ཅང་དགའ། ང་ཚོས་འབུ་དེ་ལ་སྲིན་འབུ་མེ་འཁྱེར་མི་ཟེར་པར་འབུ་མེ་འབུ་ཟེར་འབོད། དབྱར་དུས་སྨུག་གནག་པའི་མཚན་མོ་ས་རུབ་པ་དང་རྩ་སྲེང་ནས་ཡར་འཕུར་མར་འཕུར་བྱེད་པ་དང་ཞ་བྱིས་ཚོས་ཡར་གདའ་མར་གདའ་བྱས་ནས་འཛིན་གང་ཐུབ་བྱེད་པ་ཡིན།
འབུ་དེ་ནི་འབུ་གཞན་དག་དང་མི་འདྲ་བར་བྱིས་པ་ཚོར་ཐོག་དང་པོ་མཐོང་དུས་ཡ་མཚན་སྐྱེས་དུ་འཇུག་པས་མ་ཚད་བྱིས་པ་ཚོས་སེམས་ཆུང་གིས་འཛིན་པ་ཡིན། འབུ་མེ་འབུ། ཁྱོད་མ་མཐོང་ནས་ལོ་མང་པོ་འགོར་སོང་།