ལོག་སྨྲ་ཚར་གཅོད།
ཨེ་མ། དེ་རིང་ནི་མི་ཚོགས་དང་འཕྲུལ་ཆས་ཀྱིས་ཡོངས་སུ་ཁེངས་ཤིང་ཐལ་རྡུལ་དང་འབག་བཙོག་གིས་གཡོགས་པའི་བལ་ཡུལ་གྱི་རྒྱལ་ས་ཀ་ཐ་མན་གྲུ་ཞེས་པ་དེ་རིང་ནས་རིང་དུ་དོར་ཏེ་བྱང་ཕྱོགས་བྷོ་ཊའི་ཡུལ་གྱི་ཉེ་སའི་ཉེ་ས་ཞིག་ཏུ་སོང་བ་ན། ས་སྒང་འདི་ན་གཅིག་ཏུ་ཆེས་མངོན་པར་མཐོ་བའི་རི་བོ་ཇོ་མོ་གླང་མའི་ཉེ་འཁོར་གྱི་ཡུལ་ལྗོངས་རྣམས་འོག་མིན་སྟུག་པོ་བཀོད་པའི་ཞིང་ཁམས་དང་གཉིས་སུ་མ་མཆིས་ཤིང་བལྟ་བར་མི་བཟོད་པའི་འདྲེན་བྱེད་དབང་པོའི་བརྟན་པ་དབང་མེད་དུ་འཕྲོག་འགྲོ་བ་ཞིག་སྟེ། ཆུ་འཛིན་དཀར་པོའི་དབུ་ལ་འཁྱུད་ཅིང་ཁ་བའི་རྡུལ་རྩེག་སྟོད་ལྭར་གྱོན་ཏེ་བརྗིད་ཉམས་ལྡན་པའི་ས་འཛིན་གྱི་རི་བོ་མཐོན་པོ་མཐོན་པོ་དག་གིས་གནམ་ས་མུ་འབྲེལ་གྱི་མཚམས་སུ་གནམ་འདེགས་ཀྱི་ཀ་བ་བཙུགས།
རྫོགས་ལྡན་དབྱར་གྱི་ལང་ཚོ་ངོམས་ཤིང་སྔོ་ལྗང་གོས་སུ་གྱོན་པའི་རི་ཕྲན་ཚོགས་ཀྱིས་ཀྱང་ཕྱོགས་གང་སར་ཁེངས། གཡས་ཕྱོགས་སུ་མེ་ཏོག་སྣ་ཚོགས་ཀྱིས་བརྒྱན་པའི་སྤང་ལྗོངས་ནེའུ་གསེང་གི་ངོས་ཡོངས་སུ་རི་དྭགས་རྣམས་ཀྱིས་ཁྱུ་དང་ཁྱུ་བྱས་ཏེ་སྤྲོ་སྣང་བག་ཕེབས་ཀྱིས་བརྩེ་དགའི་ངང་ཚུལ་དུ་གནས། གཡོན་ཕྱོགས་སུ་འབྲས་ལྡན་གྱི་རྐང་འཐུང་ཚོགས་ཀྱིས་འགེངས་ཤིང་སྨུག་ཞགས་མཐའ་ནས་འཁྱིལ་བའི་ནགས་ཀླུང་ཁྲོད་ན་འདབ་ཆགས་རྣམས་ཀྱི་སྐད་དབྱངས་སྙན་མོ་ནི་དྲི་ཟའི་ལྷ་མོའི་དཔལ་ཡོན་ལ་འགྲན་པ་དང་། མཁའ་དབུགས་གཙང་ཞིང་ཡན་ལག་བརྒྱད་ལྡན་གྱི་རྒྱུག་ཆུའམ་གངས་ཆུ་བསིལ་མ་དང་རྦབ་ཆུ་རྣམས་ནི་ཕྱོགས་གང་སར་ལྷུང་ལྷུང་དུ་རྒྱུ་བས་ལྷ་ཀླུ་རྣམས་ཡིད་དགའ་བའི་རང་བྱུང་གི་ཧི་མ་ལ་ཡི་ཁྱད་འཕགས་ཀྱི་གནས་འདིར་ཁྱེད་རྣམ་པ་ལན་གཅིག་ཙམ་ཕེབས་འདོད་དམ།
དེ་ནས་མི་ལོ་བརྒྱད་ཙམ་བསྡད་པ་ཡིན།
འཁྱག་གི་འདུག་་ད་ཕྱིར་མི་འཇོ་ཡ།
རི་བོ་ཇོ་མོ་གླང་མའི་ཉེ་འཁོར་གྱི་ཡུལ་ལྗོངས་རྣམས་འོག་མིན་སྟུག་པོ་བཀོད་པའི་ཞིང་ཁམས་དང་གཉིས་སུ་མ་མཆིས་ཟེར།
རྩོམ་པ་པོ་དང་ཀློག་པ་པོ་སུས་ཀྱང་འོག་མིན་མཐོང་ཨེ་ཡོད་དམ།
ང་ནི་དཔེ་ལས་དཔེ་ཅན་རྟོགས་སླ་བ་འདུག
ཧ་ཧ་རྩེ་མོ་ཡིན།
སྙན་མོ་ཞིག་བྲིས་འདུག