ཉིན་རྒྱལ་གཅེས་དཔའ་བོ་བློ་བཟང་ཤེས་རབ་ཀྱིས་གཅའ་ཞང་ཐོག་ནས་རང་ལུས་མེ་སྲེག་གནང་སྟེ་སྐུ་གྲོངས་མ་ཐག་བོད་མི་བརྒྱ་སྐོར་ཞིག་གིས་ངོ་རྒོལ་སྐད་འབོད་དང་སྐུ་ཕུང་བདག་པོ་རྒྱག་སྐབས་ས་གནས་ལས་བྱེད་པ་ཚོས་ཁྱོད་ཚོས་དེ་ལྟར་མ་གནང་བར་ཅང་སྒུག་དང་རྔ་པ་རྫོང་ཐོག་ནས་དཔོན་པོ་ཞིག་ཡོང་གི་ཡོད་པས་ཁོ་སླེབས་རྗེས་སུ་ཁྱེད་ཚོའི་འདོད་པ་བཞིན་སྐུ་ཕུང་ནང་ལ་འཁྱེར་ན་ཆོག་ཚུལ་བཤད་ནས་སྐད་འབོད་འཚམ་འཇོགས་བྱེད་བཅུག་ཡོད་ཀྱང་ཅུང་མ་འགོར་བར་དམག་མི་དང་དྲག་ཆས་ཉེན་རྟོག་པ་ཕོན་ཆེན་སླེབས་སྟེ།བློ་བཟང་ཤེས་རབ་ཀྱི་ཕུང་བོ་བཙན་འཕྲོགས་དང་དེར་ཡོད་བོད་མི་ཚོར་གང་བྱུང་གཅར་རྡུང་དང་འཛིན་བཟུང་བྱས་པར་མ་ཟད། མི་མང་ལ་འཇིགས་སྐུལ་ཆེད་མེ་མདའ་གནམ་ལ་སྟོང་འཕེན་ཧ་ཅང་མང་པོ་བྱས་ཡོད་འདུག སྐབས་དེར་གཅའ་རུ་བའི་རྒས་མྱིག་ཚང་གི་ཆོས་བྷེ། རྭ་རུ་བའི་དཀོན་རིས་ཚང་གི་འཕྲིན་ལས། ནགས་ཚང་མའི་སྐལ་དབང་ཚང་གི་དཀོན་ཚེ་གཟའ་མི་གཉིས་(དཀོན་ཚེའི་བཟའ་ཟླ་ཉིན་གཉིས་ཀྱི་རྗེས་སུ་གློད་གྲོལ་བྱས་ཡོད།)སོགས་བོད་མི་མང་བོ་ཞིག་འཛིན་བཟུང་གིས་བཀགས་ཉལ་བྱས་དང་བྱེད་བཞིན་ཡོད་ཀྱང་མིང་དང་ལོ་སོགས་ཞིབ་ཕྲ་ཤེས་རྟོགས་མ་བྱུང་།
ཡང་ཉིན་དེར་རྨས་སྐྱོན་ཕོག་པའི་མི་མང་བོ་ཞིག་ཡོད་པའི་ནང་ནས་ཁག་ཅིག་ད་ལྟ་སྨན་ཁང་དུ་ཡོད་ལ། ཁག་ཅིག་གིས་སྨན་ཁང་ནས་རྒྱ་གཞུང་གིས་འཛིན་བཟུང་བྱེད་པར་དོགས་ནས་ཕྱི་ནས་སྨན་བཅོས་བྱེད་བཞིན་ཡོད་ཀྱང་སྨན་བཅོས་ཏག་ཏག་མ་རག་པའི་དཀའ་ངལ་སྣ་ཚོགས་ཤིག་འཕྲད་ཀྱིན་ཡོད་འདུག
དགོང་མོ་དེར་བློ་བཟང་ཤེས་རབ་ཀྱི་སྐུ་ཕུང་ཐད་ཀར་འབར་ཁམས་སུ་ཁྱེར་ནས་ཕྱི་ཚེས་༢༩ ཉིན་འབར་ཁམས་ནས་རྒྱ་གཞུང་གིས་མེ་སྲེག་བཏང་སྟེ་རུས་ཐལ་ཞིག་ནང་མིར་སྤྲད་ཡོད་ཀྱང་། དེ་སྔོན་དཔའ་བོ་རྡོ་རྗེས་གཅའ་ཞང་ཐོག་ནས་རང་ལུས་མེ་སྲེག་གིས་སྐུ་གྲོངས་སྐབས་ཉིན་གཉིས་རིང་གཅའ་དགོན་པའི་ནང་བོད་མི་གཅིག་སྟོང་ལྷག་མཉམ་འཛོམས་ཀྱིས་མ་ཎི་བསགས་སྒྲུབ་དང་བསྔོ་སྨོན་གྱིས་སྒོ་ནས་གདུང་སེམས་མཉམ་སྐྱེད་གནང་ཐུབ་པ་བྱུང་ཡོད་རུང་ད་ཐེངས་དེ་འདྲའི་ཆོས་ཕྱོགས་ཀྱི་བྱེད་སྒོ་ཁག་ཀྱང་བཀགས་སྡོམ་བྱས་ཡོད་པས་འབྲེལ་ཡོད་ཚོའི་འདོད་པ་ཁེངས་པའི་རྗེས་འཇུག་གི་བྱེད་སྒོ་ཁག་བསྒྲུབ་ཐུབ་ཀྱིན་མེད་པ་དང་། དེ་བཞིན་ཟླ་བ་འདིའི་ཕྱི་ཚེས་ ༢༧ ཉིན་རྔ་པ་ཀིརྟི་དགོན་པའི་གྲྭ་ཤེར་ཕྱིན། རང་ལོ་ ༢༢ ཙམ་དང་། གྲྭ་བྱང་ཆུབ། རང་ལོ་ ༡༦ ཡིན་པ་ཁོང་གཉིས་ཀྱང་རྔ་པ་རྫོང་ཉེན་རྟོག་མི་སྣས་འཛིན་བཟུང་གིས་བཀག་ཉར་བྱས་ཡོད་ནའང་གང་དུ་ཡོད་མེད་སོགས་ཀྱི་ཞིབ་ཕྲའི་གནས་ཚུལ་འབྲེལ་ཡོད་དགོན་གྲོང་གཉིས་ཀས་ཤེས་རྟོགས་ཡོང་གི་མེེད་འདུག
དེ་མིན་ལོ་སྔོན་མའི་ཕྱི་ཟླ་ ༡༠ ནང་འཛིན་བཟུང་བཀག་ཉར་བྱས་པའི་རྔ་པ་ཀིརྟི་དགོན་པའི་གྲྭ་བློ་བཟང་ཕུན་ཚོགས།བློ་བཟང་བཀྲ་ཤིས།ལྷ་བཟོ་བློ་གྲོས་གསུམ་འཛིན་བཟུང་བྱས་ནས་ཟླ་བ་ལྔ་ལྷག་འདས་ཟིན་ཡང་ད་དུང་ཤི་གསོན་གྱི་གནས་ཚུལ་ཙམ་ཡང་ཤེས་རྟོགས་ཡོང་གི་མེད་པར་གར་སོང་ཆ་མེད་དུ་གྱུར་ཡོད་པར་བརྟེན་འབྲེལ་ཡོད་ཚོས་བློ་འཚབ་ཤུགས་ཆེན་གནང་བཞིན་ཡོད་འདུག་པ་བཅས།
བཞུགས་སྒར་ཀིརྟིའི་བྱེས་གྲྭ་ཚང་གི་བོད་གནས་འབྲེལ་མཐུད་པ་བློ་བཟང་ཡེ་ཤེས་དང་ཀ་ཉག་ཚེ་རིང་གཉིས་ཀྱིས།
ཕྱི་ལོ་ ༢༠༡༢ ཟླ་ ༣ ཚེས་ ༣༡ ལ།
བོད་ནི་དེང་སང་འཛམ་གླིང་སྟེང་གི་དམྱལ་བ་རེད་ཅེས་བཤད་ཀྱང་། ཁོ་བོས་དེ་ལྟར་ཁས་ལེན་མི་ཐུབ་སྟེ། རྒྱུ་མཚན་ནི་དམྱལ་ཡུལ་ན་གནས་ལུགས་གསེད་བཀྲོལ་བྱེད་ས་ཡོད་པར་མ་ཟད་ཀུན་ལ་དྲང་སྙོམས་ཡིན་པའི་ཕྱིར།
ངོ་མ་་ཆེས་བློ་ཡིད་དུ་གཤོང་དཀའ་བའི་གནས་ཚུལ་་་་་་གངས་ཅན་པ་རྣམས་ཀྱི་ལས་ངན་ཅི་ཞིག་བསགས་པ་ཡིན་ནམ་་ཡིན་ཡང་ནམ་ཡང་སེམས་ཤུགས་མ་ཆགས་ང་ཡི་བོད་རིགས་སྤུན་ཟླ་ཚོ་་་་་་ཤེས་བྱ་རིག་གནས་ཀྱི་གནས་ལ་འབད་འབུངས་བྱེད་དེ་བསྟན་དགྲ་རྒྱ་ནག་ལ་ཁ་གཏད་བླངས་དགོས་་་
ད་ནི་རྒྱ་དམག་དང་མཉམ་དུ་གཡུལ་འགྱེད་དྲག་པོ་ཞིག་མ་བྱས་ཐབས་མེད་རེད། ང་ལ་མེ་མདའ་དང་ལག་འབུམ་ད་དུང་མེ་སྒྱོགས་ཁྱེར་ནས་ཡོང་ཐུགས་རྗེ་ཅན་ཚོ།
ད་ནི་ངར་ང་འདུག་གི་མ་བཅུག་ནི་རེད། མྱི་མང་ལ་རོ་མང་དང་མྱི་ཉུང་ལ་རོ་ཉུང་གི་གཡུལ་བཤམས་དགོས་པ་རེད། དེང་རབས་ཅན་གྱི་ལག་ཆ་སུ་ཡིན་ན་ཉོ་རྒྱུ་རག་གི་རེད།
ངའི་རྔ་བ་མི་མང་སྙིང་མ་རྗེ། དཀོན་མཆོག་མཁྱེན། བདེན་པའི་མཐའ་མྱུར་དུ་གསལ་བར་སྨོན།
རྒྱ་ནག་དམར་པོའི་སྲིད་གཞུང་འདི་ལ་སྨྲེ་ངག་དང་ཟུངས་ཁྲག་ག་ིརྒྱ་མཚོ་འཁྱིལ། ད་དུང་བར་རྡོ་རུ་འཁྱམ་པའི་རྣམ་ཤེས་ཁྲི་མ་འབུམ་གྱི་བུ་ལོན། ཉམས་པ་མེད་པའི་བོད་མི་རིགས་ཀྱི་ལ་རྒྱའི་ཆོད་སེམས། འགྱུར་བ་མེད་པའི་རང་དབང་གི་བདེན་མཐའ།
རྒྱ་ནག་དམར་པོའི་དམག་དཔུང་ལ་ངེད་བོད་མི་མང་ནས་ནམ་ཡང་འཐབ་རྩོད་ཀྱི་གཟི་དཔལ་བསྐྲུན་རྒྱུ་ཡིན།
བོད་རྒྱལ་ལོ།
ངོ་མ་་ཆེས་བློ་ཡིད་དུ་གཤོང་དཀའ་བའི་གནས་ཚུལ་་་་་་གངས་ཅན་པ་རྣམས་ཀྱི་ལས་ངན་ཅི་ཞིག་བསགས་པ་ཡིན་ནམ་་
དེང་སྐབས་གི་གནས་ཚུལ་ནི་ག་འདྲ་རེད་ཟེར་ན། བོད་མིའི་ཞུ་འབོད་དང་རྒྱ་གཞུང་གི་མཁྲེགས་འཛིན་གི་དུས་སྐབས་རེད། རྒྱ་གཞུང་གིས་ད་དུང་བསམ་ཤེས་མ་ཐུབ་ན་དུས་སྐབས་གཞན་པ་ཅིག་བསླེབས་གི་རེད། །སྐབས་དེ་དུས་གནས་ཚུལ་ཚང་མ་གོ་ལྡོག་ནས་ཡོང་གི་རེད། སྐབས་དེར་ཐོན་དུས་རྒྱ་གཞུང་གིས་ཞུ་བ་བྱས་ཀྱང་ཕན་གི་མ་རེད། གནས་ཚུལ་ཚང་མ་ལོ་རྒྱུས་གིས་ཐག་གཅོད་བྱེད་གི་རེད།