འོད་ཟེར།
ཨ་མ་མེད་ན་གནམ་འོག་སྟོང་པ་ཡིན།།
མི་རུ་སྐྱེས་ནས་མི་ཚེ་མ་ཟད་བར།།
མི་ཡི་ཡུལ་ན་བློ་ཡིས་མི་ཐོང་པ།།
མི་ཆོས་དམ་ཆོས་གང་ནས་བསམས་ཀྱང་རུང།།
མི་ལུས་གཅིག་ལ་བཀའ་དྲིན་གསབ་དཀའ་མ།།
གང་ཁྱོད་དྲན་ནས་མི་ལ་རུས་པ་ངུས།།
གང་དེའི་ཆེད་དུ་རྒྱལ་བ་ལྷ་ཡུལ་འགྲིམས།།
གང་གིས་ཤངས་ཁྲག་རང་སྐུ་མ་ལ་བཞེངས།།
གང་ཆེ་སེམས་ནས་གང་ཁྱོད་བློས་མ་ཐོང་།།
མ་ལ་བུ་ཞིག་སྐྱེས་པའི་དགོས་པ་དང་།།
མི་ལུས་བླངས་པའི་དོན་ཆེན་མི་ཡུལ་ལ།།
མ་ཐུབ་མ་སྐྱོ་ཨ་མའི་དྲིན་བསབས་པར།།
མི་ཡུལ་འདི་ན་དམ་པས་དེ་ལ་བསྔགས།།
མ་གྱུར་རིགས་དྲུག་བསམས་དོན་ཚེ་གཅིག་མ།།
མ་ལུས་སེམས་ནས་བློ་ཡིས་མི་ཐོང་མ།།
མ་རིག་རྨོངས་པའི་ཇི་ལྟར་རྨོངས་ཀྱང་མ།།
མ་ལུས་དྲིན་ལྡན་ཀུན་ལས་ཤེས་དགོས་མ།།
ཨ་མའི་ལུས་ངག་ཡིད་ཀྱིས་རྒྱུན་དུ་བསྐྱངས།།
ཨ་མའི་དབང་པོ་ལྔ་ཡིས་རྟག་ཏུ་འཚོས།།
ཨ་མའི་ཡན་ལག་ལྔ་བོ་ནམ་ཡང་གཡོག།།
ཨ་མ་དོན་གྱིས་འཁོར་བའི་རྗེ་བཙུན་མ།།
ཨ་མའི་སྐུ་ཚེ་ཚེ་རིང་ལོ་བརྒྱ་ཉིད།།
ཉིད་ཀྱི་བུ་ཕྲུག་ཀུན་གྱི་བསོད་ནམས་ཉིད།།
ཨ་མའི་སྐུ་ཁམས་བདེ་ཐང་བདེ་སྐྱིད་ཉིད།།
ཉིད་ཀྱི་ཁྱིམ་ཚང་གང་པོའི་བདེ་སྐྱིད་ཉིད།།
ཨ་མའི་བཀའ་དྲིན་གང་གིས་མཚོན་ནུས་མིན།།
སུ་ཞིག་རེ་རེ་བཞིན་དུ་གཞལ་བར་ནུས།།
ཨ་མའི་སྐུ་དྲིན་སྐྱེ་ཞིང་སྐྱེ་བ་རུ།།
སུ་ཞིག་རེ་རེ་བཞིན་དུ་འདྲེན་པར་ནུས།།
ཕ་མའི་འཁོར་བའི་ཞིང་ས་སྣུམ་པོ་ལ།།
ཨ་མ་མེད་ན་བརྩེ་བའི་ཐན་པ་སྲིད།།
ཨ་མས་རིགས་རྒྱུད་སྙེ་མ་མ་བསྐྱངས་ན།།
ཕ་ཡིས་ཇི་ལྟར་འབད་ཀྱང་འཁོར་བ་སྟོང་།།