སྤེལ་དུས། 2012-02-15 17:23:37 རྡེབ་ཚད། 336 ཡོང་ཁུངས། མཚོ་སྔོན་བོད་སྐད་རླུང་འཕྲིན་དྲ་བ།
བོད་མི་རིགས་ཀྱི་ཕུལ་དུ་བྱུང་བའི་གཟུགས་འདས་རིག་གནས་སམ་ངག་བརྒྱུད་རིག་གནས་ཉམས་པ་སོར་ཆུད་དང་མ་ཉམས་གོང་འཕེལ་གཏང་བ་དང་།བོད་ཀྱི་རྡུང་ལེན་སྒྱུ་རྩལ་དར་ཁྱབ་དང་དེའི་རྒྱུད་འཛིན་པ་གསོ་སྐྱོང་བྱེད་ཆེད། རྨ་ལྷོ་བོད་རིགས་རང་སྐྱོང་ཁུལ་ཧི་ནན་རྫོང་རིག་གནས་ལུས་རྩལ་རྒྱང་སྒྲོག་བརྙན་འཕྲིན་ལྗོངས་རྒྱུ་ལྟ་སྐོར་ཅུའུ་དང་ཧི་ནན་རྫོང་རྩྭ་ཐང་དགེ་སྒྲུབ་ཚོགས་པ་གཉིས་ཀྱིས་མཉམ་དུ་སྒྲུབ་པའི་ཨ་མདོའི་རྡུང་ལེན་འགྲན་ཚོགས་ཆེན་མོ་དེ་ད་ལོའི་ལུགས་གསར་གྱི་ཟླ་གསུམ་པའི་ཚེས་གསུམ་ཉིན་ནམ་ལུགས་རྙིང་གི་ཟླ་གཉིས་པའི་ཚེས་བཅུ་གཅིག་ཉིན་ཧི་ནན་རྫོང་ཐོག་ནས་བསྡུ་རྒྱུ་ཡིན་པས། ས་གནས་སོ་སོའི་རྡུང་ལེན་ལ་དགའ་མོས་ཆེ་བའི་རྡུང་ལེན་པ་རྣམས་དུས་ལྟར་ཞུགས་པར་དགའ་བསུ་ཞུ།
གཅིག འགྲན་ཞུགས་ཆ་རྐྱེན་ནི་ཚིག་དང་དབྱངས་ལ་ཡར་སྐུལ་གྱི་ནང་དོན་ལྡན་ཞིང་།སྒྱུ་རྩལ་དང་བསམ་བློའི་རང་བཞིན་མངོན་པར་དོད་ཅིང་མདོ་སྨད་ཡུལ་གྱི་ཁྱད་ཆོས་གཙོ་བྱས་པའི་བོད་ཀྱི་རྡུང་ལེན་ཡིན་དགོས་ལ། འགྲན་སྡུར་ལ་ཞུགས་མཁན་གྱི་རྡུང་ལེན་པས་ངེས་པར་དུ་རང་ཉིད་ཀྱིས་དཀྲོལ་ལེན་བྱེད་ཤེས་དགོས་པ་དང་། འགྲན་ཞུགས་བརྩམས་ཆོས་ཀྱི་ཚིག་དང་དབྱངས་གསར་བ་ཡིན་པ་དང་མངའ་རིས་སྒྲ་སྙན་བཀོལ་མཁན་ལ་དམིགས་བསལ་གྱི་སྐར་གྲངས་ཁ་སྣོན་བྱ་རྒྱུ་ཡིན།
གཉིས། མིང་ཐོ་འགོད་པའི་དུས་ཚོད་ནི། ད་ནས་བཟུང་སྟེ་ལུགས་གསར་གྱི་ཟླ་གསུམ་པའི་ཚེས་གཅིག་ཉིན་བར།
གསུམ། བྱ་དགའི་རིམ་པ་དང་དགའ་རྟགས་ལ་ཨང་དང་པོ་གཅིག་དང་དེ་ལ་སྒོར་ཁྲི་གཅིག་དང་ཏིང་འཕགས་བསྐལ་གསུམ་པོ་ཏི་རེ་དང་མཚན་སྙན་དཔང་ཡིག་བཅས་སྟེར་རྒྱུ་ཡིན། ཨང་གཉིས་པ་གཉིས་དང་དེ་ལ་སྒོར་སྟོང་གསུམ་རེ་དང་ཏིང་འཕགས་བསྐལ་གསུམ་པོ་ཏི་རེ། མཚན་སྙན་དཔང་ཡིག་བཅས་སྟེར་རྒྱུ་ཡིན། ཨང་གསུམ་པ་གསུམ་དང་དེ་ལ་སྒོར་སྟོང་གཅིག་རེ་དང་ཏིང་འཕགས་བསྐལ་གསུམ་པོ་ཏི་རེའམ་ཡང་ན་གློག་ཆས་སྒྲ་སྙན་རེ། མཚན་སྙན་དཔང་ཡིག་བཅས་སྟེར་རྒྱུ་ཡིན། ཕུལ་བྱུང་བྱ་དགའ་བཅུ་དང་དེ་ལ་གློག་ཆས་སྒྲ་སྙན་རེ་དང་མཚན་སྙན་དཔང་ཡིག་བཅས་སྟེར་རྒྱུ་ཡིན། དྲན་རྟེན་བྱ་དགའ་བཅུ་བཞི་དང་དེ་ལ་པི་ཝང་ཆུང་ངུ་རེ་དང་མཚན་སྙན་དཔང་ཡིག་བཅས་སྟེར་རྒྱུ་ཡིན།
བཞི། མིང་ཐོ་འགོད་དུ་ཡོང་དུས་སྒོར་ཉིས་བརྒྱ་དང་རང་ཉིད་ཀྱི་འདྲ་པར་ཚུན་གཅིག་ཅན་རེ་སྤྲོད་དགོས།
ལྔ། འགྲན་སྡུར་དུས་ཚོད་ནི་ལུགས་གསར་གྱི་ཟླ་གསུམ་པའི་ཚེས་གསུམ་ཉིན་ནམ་ལུགས་རྙིང་གི་ཟླ་གཉིས་པའི་ཚེས་བཅུ་གཅིག་ཉིན།
དྲུག མིང་ཐོ་འགོད་ས་དང་འབྲེལ་གཏུགས་བྱ་ཡུལ་ནི། ཧི་ནན་རྫོང་གི་སོག་གུར་མགྲོན་ཁང་ཆེན་མོ། འབྲེལ་གཏུགས་བྱེད་ས། རྨ་སོག་སྐལ་ལྡན། ཁ་པར་ཨང་གྲངས136-1973-1955 ཨ་རིག་དད་ལྡན། ཁ་པར་ཨང་གྲངས 159-0973-4440 ཟི་ལིང་དུ་ཡོད་པའི་མཚོ་སྔོན་རླུང་འཕྲིན་ཚོང་ར། འབྲེལ་གཏུགས་བྱེད་ས་བན་འབྲུག་སྐྱབས། ཁ་པར་ཨང་གྲངས155-0078-9917
ད་དེ་འདྲ་གནང་རྒྱུའི་དུས་ཚོད་ཅིག་ཨེ་ཡིན་ན།
ཆུ་ཕོར་པ་གང་ལ་མཐོང་ཚུལ་མི་འདྲ་བ་གསུམ་ཡོད་པ་ལྟར་ཟླ་བ་ལྷ་མོས་ཀྱང་བཙན་བྱོལ་ནང་ཡོད་ཚད་གཞང་ལྟ་བུ་མཐོང་འདུག བོད་དུ་ཡོད་མཁན་གྱི་གཞས་པ་གཞས་མ་དེ་དག་ལྐུགས་པ་དང་ལྐུགས་མ་མིན་པས་བསམ་བློ་གཏོང་ཤེས་ཀྱི་རེད། གཞས་གང་འདྲ་ཞིག་བཏང་ནའི་ཁོང་ཚོའི་འདོད་པ་རེད། ཁྱེད་ནས་བཀག་འགོག་བྱ་མི་ཐུབ། གལ་སྲིད་ཁྱེད་ལ་དེ་འདྲའི་ཤ་ཚ་ཡོད་ན་བོད་དུ་བཞུགས་པའི་རྨ་སོག་སྐལ་ལྡན་དང་། ཨ་རིག་དད་ལྡན། མཚོ་སྔོན་རླུང་འཕྲིན་ཁང་ལ་ཁ་པར་བཏང་ན་ཡག ཁ་པར་ཨང་གྲངས་ནི་འདུག དང་པོ་མིག་ལྟོས། གཉིས་པ་བསམ་བློ་ཡག་པོ་ཐོངས། གསུམ་པ་དཔྱད་པ་བྱོས། བཞི་པ་ཁུངས་ལྡན་གྱི་སྐད་ཆ་ཤོད།
དེ་འདྲ་བྱས་ན་རྣམ་དཔྱོད་ལྡན་པའི་ཟླ་བ་ལྷ་མོ་མི་ངོ་མར་འགྱུར་སྲིད།
གཞན་སྡོད་ས་པད་ཀོག་བྱས། མིག་ལ་ཐལ་བ་བཏབ་ན་ཆོ་འདུག་གས༽
བོད་ནང་ནས་ལོ་གསར་དགོང་འཚོགས་དང་རྡུང་ལེན་འགྲན་བསྡུར་སོགས་བྱེད་སྐབས་སྤྱི་དཀའ་ཚེགས་ཆེན་པོ་རེད།
རྒྱུ་མཚན་རྒྱུན་ལྡན་གྱི་ལོ་ཞིག་ལ་འགྲན་འཚོགས་བྱེད་སྐབས་གོང་རིམ་ནས་ཆོག་མཆན་མ་ཐོབ་པའི་དཀའ་ངལ། ཐོབ་ཀྱང་མཐུན་རྐྱེན་གྱིས་མ་འདེང་བའི་དཀའ་ངལ། དེར་བརྟེན་ད་ལོ་ལྟ་བུར་གལ་སྲིད་མ་འཚོགས་ན་ཡང་སང་ལོ་གཞུང་གིས་ཀྱག་ཀྱག་བྱས་ནས་ཆོག་མཆན་སྤྲོད་ལ་མ་སྤྲོད་བྱེད་ཀྱི་རེད། ཐ་ན་འོད་སྡེར་གཅིག་ཕུད་པར་འདྲི་གཅོད་དང་ཁེག་ཐག་ག་ ཚོད་ཅིག་བྱེད་དགོས་ཀྱི་འདུག སྤྱིར་ལོ་གསར་དགོང་འཚོགས་གྲ་རྒྱས་བོ་ཞིག་འཚོགས་ན་བོད་པ་རང་ཉིད་ཀྱི་གླུ་བ་གླུ་མ་གསར་བ་ག་ཚོད་ཅིག་བསྐྱེད་སྲིང་བྱེད་ཐུབ་ཀྱིན་འདུག བཙན་བྱོལ་དུ་ང་ཚོ་འགོག་མཁན་ཡོད་པ་མ་རེད་དེ། བོད་ཕྱི་ནང་གཉིས་ལ་བག་ཆགས་འཇོག་ཐུབ་པའི་གླུ་བ་སུ་ཞིག་འདུག ད་དུང་བཙན་བྱོལ་གྱི་གླུ་བ་གསར་སྐྱེས་མང་དག་ཅིག་གི་གླུ་ཚིག་ལ་ལྟོས་དང་། ང་ཚོས་ཕྱོགས་མང་པོ་ལ་ལྟོས་ནས་སྐད་ཆ་བཤད་དགོས་འདུག སོ་སོ་སྐྲག་མི་དགོས་ས་ནས་གཏམ་རིང་འཇལ་མཁན་འདི་དག་དྲང་མོར་བཤད་ན་སུམ་ཅུའི་དུས་དྲན་ལ་ཡང་ཆག་མེད་ཅིག་འགྲོ་གིན་ཡོད་མེད་ཐ་ཚེམ་ཡིན། རྒྱུ་མཚན་ངའི་ཉེ་འཁོར་ནས་མི་འགས་བཙན་བྱོལ་གཞུང་གིས་ཅིག་འགྲིག་མ་སོང་། ༧རྒྱལ་བ་རིན་པོ་ཆེ་ཡིས་ཅིག་གནང་མ་སོང་ཞེས་སྐད་རྒྱག་མཁན་འགའ། ས་གནས་ཞིག་གི་ལས་འགུལ་དང་ལས་དཀར་མངགས་ན་སྤྱི་ལེ་བཅུ་ཕྲག་ཙམ་གྱི་ས་ལ་ཡང་སྤྱི་སྤྱོད་རླངས་འཁོར་གྱི་འཛིན་བྱང་འཁྱེར་ནས་དངུལ་ལེན་དུ་ཡོང་མཁན་འདུག