ཀླུ་སྨྱོན།
ཀ་ར་ལྟ་བུའི་བྱམས་བརྩེ་མངར་མ། །
ཁ་ཚིག་དར་དཀར་ལས་ནི་འཇམ་མ། །
ག་དུས་ཡིན་ཡང་བུ་ལ་བརྩེ་མ། །
ང་ཡིས་དེ་རིང་ཨ་མ་དྲན་མ། །
ཅ་རིལ་ལྟ་བུའི་སྙིང་གི་དབུས་ནས། །
ཆ་ཤས་ཙམ་མིན་ཡོངས་སུ་བརྩེ་མ། །
ཇ་ཆང་འཛོམ་པའི་ཨ་རིའི་ཡུལ་ནས། །
ཉ་གང་ཟླ་བཞིན་ཡིད་མཁར་ཤར་མ། །
ཏ་ལེན་ལྟ་བུའི་མ་བུ་གཉིས་པོ། །
ཐ་མར་ལོ་ངོ་བཅུ་བདུན་བྲལ་མ། །
ད་ལྟ་དགུང་ལོ་བགྲེས་པའི་ཨ་མ། །
ན་ནིང་དོ་ཚིགས་ལྷག་ཏུ་དྲན་མ། །
པ་ལས་ཆེས་ལྷག་བྱམས་བརྩེ་ཅན་གྱི། །
ཕ་མ་གཉིས་ལས་ལྷག་པའི་ཨ་མ། །
བ་ལང་མ་བུའི་ལྷན་འཛོམས་མཐོང་ན། །
མ་ཁྱོད་བཀའ་དྲིན་ལྷག་ཏུ་དྲན་མ། །
ཙ་རི་འདྲ་བའི་བུ་ངའི་ཡིད་མཁར། །
ཚ་ཟེར་ཨ་མའི་ཉི་མ་འཆར་མ། །
ཛ་དྲག་མི་ཚེ་ཕྱེད་ཀར་བསླེབས་དུས། །
ཝ་ལེར་ཨ་མ་ཁྱེད་ཉིད་དྲན་མ། །
ཞ་ཞི་ཆུང་ཆུང་ཡིན་པའི་དུས་ནས།
ཟ་འཐུང་གོས་ཀྱིས་བསྐྱངས་པའི་ཨ་མ། །
འ་ཅག་ཀུན་གྱི་སེམས་ནས་དྲན་དུས། །
ཡ་ཆུང་སེམས་པ་མིག་ཆུས་ཁེངས་མ། །
ར་བ་གངས་རིས་བསྐོར་པའི་ཡུལ་གྱི། །
ལ་ལུང་སྨུག་པ་ལྟ་བུའི་ཨ་མ། །
ཤ་ཁྲག་ལུས་པོ་སྦྱིན་པའི་ཨ་མ། །
ས་མཐའ་འདི་ནས་དེ་རིང་དྲན་མ། །
ཧ་ཅང་ཨ་མ་དྲན་པའི་ལོ་ཟླ། །
ཨ་མས་ང་རང་དྲན་པའི་ཉིན་མཚན། །
དེ་རིང་ཨ་མའི་ཉིན་མོར་བྲིས་པའི། །
དགེ་བས་འགྲོ་ཀུན་ཨ་མར་འཕྲད་ཤོག །
སྨྱོས་པ་ལགས་ནས་རྩོམ་ཡིག་ཡག་པོ་ཅིག་སྤེལ་འདུག་གདའ།
ཐམས་ཅད་ཀྱིས་གཟམ་རོགས།
ཡག་པོ་ཞིག་བལྟས་ཡིན་ཏེ
ཚིག་རྐང་ཁ་ཤས་ཀྱི་སྡེབ་སྦྱོར་དེ་ཙམ་རེད་འདུག
དྲ་གྲོགས་ཤིག་གིས་ཁོ་བོའི་དྲ་མིང་མེ་ཞེས་པའི་མིང་ཐོག་ནས་མཆན་ཁ་ཤས་འདེབས་ཀྱིན་འདུག་པས་དེ་ནི་ཁོ་བོ་ཤིས་ཚང་ལྗང་མྱུག་མིན་པ་དགོངས་འཇགས་འཚལ།
ཀ་ར་དགོས་དུས་ཨ་མར་འབོད་མ། །
ཁ་ལག་བྱིན་དུས་འཛུམ་ཞིག་བསྟན་མ། །
ག་ལ་ཐུག་དུས་ཨ་མར་དྲན་མ། །
ང་ཚོར་དྲིན་ཆེན་མ་ལས་མེད་མ། །
མི་ཚེ་ས་མཐར་བསྐྱེལ་མཁན་ང་ཚོ།།
ཨ་མ་དྲན་སྟངས་གཅིག་མཁན་ང་ཚོ།།
དྲན་སྣང་གླུ་རུ་ལེན་མཁན་ང་ཚོ།།
མ་བུ་ལྷན་འཛོམས་དུས་དེ་ནམ་ཞིག། །།
ར་བ་གངས་རིས་བསྐོར་པའི་ཡུལ་གྱི། །
སྐད་རྙིང་མིང་མཐའ་འདྲེན་ལུགས་དང་མཐུན་པས་བློ་དགའ།
ཀ་མ་ལ་ལྟར་བློ་སེམས་དཀར་མ་།
ཁ་ཞེ་གཉིས་མེད་དུང་བ་རྩོལ་མ་།
ག་དུས་ཡིན་ཡང་བརྗེད་རྒྱུ་མེད་མ་།
ང་ཡི་དྲིན་ཅན་ཨ་མ་དྲན་མ་།
གང་ལྟར་བྲིས་ཀྱང་སྦྱར་ཡང་བཤུས་རུང་བཏབ་ཀྱང་མངོན་ཡང་། ཉེར་གཅིག་བསྟོད་པའི་བྲོ་བའི་རྡུལ་ཙམ་ཡང་མི་མངའ།
ཕ་རོལ་འཕྲུལ་འཁོར་རབ་ཏུ་འཇོམས་མ།
ཅོག་རོང་ཁྱེད་གྱི་སེམས་ལ་གནོད་མ་། གནོད་པའི་རྒྱུ་མཚན་དེ་ནི་ཅི་ཞིག་།
ཀ་ར་སྦྱིན་དུས་ཨ་མ་དྲན་མ།།
ཁ་ནས་མ་གཏོགས་ཨ་མ་མེད་མ།།
ག་དུས་ཡིན་ཡང་ཨ་མས་སྐྱོབས་མ།།
ང་ཚོ་བུ་རྣམས་ཨ་མའི་གཤེད་མ།།