ཚེ་དབང་བསོད་ནམས།
ཀ་ཡེ་་གསན་དང་ཀོ་གྷལ་གཞིས་ཟུར་ཚོ།
ཁ་ཙམ་མིན་པའི་ལྷག་བསམ་བཟང་པོའི་ལས།
ག་ནས་བལྟས་ཀྱང་ཁྱེད་ཚོའི་ལྷག་བསམ་འོག།
ང་ཚོའི་གཞིས་ཆགས་ཡར་རྒྱས་ཕྱོགས་སུ་བསྐྱོད།
ཅ་ཅོ་ཉུང་ལ་ལྷག་བསམ་འགན་འཁུར་ཆེ།
ཆ་ཚང་མཉམ་རུབ་སྤྱི་ཕན་ཆིག་སྒྲིལ་བརྟན།
ཇུས་བཟང་གཏན་འབེབས་ནང་ཁ་མཐུན་པ་དང།
ཉ་རྒྱས་ཟླ་བ་ཇི་བཞིན་ལྷག་བསམ་བཟང།
ཏཱ་ལའི་བླ་མས་ཐུགས་སྐྱེད་མཛད་འཕྲིན་འོག།
ཐམས་ཅད་བདེ་སྐྱིད་གང་གི་བཀྲིན་དང།
དམ་ཆོས་རིན་ཆེན་ནང་བསྟན་ཆོས་ཀྱི་སྦྱིན།
ན་གཞོན་གཞིས་ཟུར་ལྷག་བསམ་རི་རྒྱལ་འདྲ།
པ་ཕ་ཨ་མས་བཟང་པོའི་བསླབ་བྱ་དང།
ཕ་བཟང་བུ་ཕྲུག་ནང་ཁུལ་དམ་ཚིག་གཙང།
བུ་རབས་ཚ་རྒྱུད་ཕ་མེས་རིག་གཞུང་ལ།
མ་ནོར་མ་འཕྱུགས་རྟགས་ཏུ་སྲུང་བར་མཛོད།
རྩ་བ་བརྟན་པའི་གཞིས་ཆགས་སོ་ནམ་ལས།
ཚ་བའི་ཡུལ་དུ་ཞིང་ལས་ངལ་རྩོལ་ལ།
ཛ་དྲག་ཞིང་ལས་གནམ་ཆུའི་འོག་ཏུ་སྲུང།
ཝོ་བརྒྱལ་ཆེ་བའི་ཞིང་ལས་གཞིས་མིའི་འགན།
ཞིང་ལས་ཚོང་ལས་གཞིས་མིའི་འཚོ་བསྟེན་ཙམ།
ཟས་གོས་གནས་མལ་ཞིང་ཚོང་རྒྱུད་ནས་སྒྲུབ།
འ་འོ་བརྒྱལ་ཡང་རང་ཁ་རང་གསོའི་འགན།
ཡ་་རབས་བཟང་སྤྱོད་བོད་མིའི་རིག་གཞུང་སྲུང།
རབ་ཏུ་དཀར་བའི་ལྷག་བསམ་གདུང་ཟླ་འདྲ།
ལ་ལུང་བགྲོད་ནས་རང་གི་གཞིས་ཆགས་ལ།
ཤ་ཚ་ཆེ་བའི་གཞིས་ཟུར་ན་གཞོན་ཚོས།
ས་ཕྱོགས་འདི་རུ་ཌོ་ལར་ཆར་ལྟར་བབས།
ཧ་ཅང་མང་བའི་རོགས་རམ་གཞིས་མིར་ཕན།
ཨ་རིར་ཞུགས་པའི་གཞིས་ཟུར་ཐུགས་རྗེ་ཆེ།
ཀོ་ལི་གྷལ་གཞིས་ཆགས་གཞུང་པ་ཚེ་དབང་བསོད་ནམས་ནས་ཕྱི་ལོ་2020 ཕྱི་ཟླ་1 ཚེས་ 23 ཉིན་ཕུལ།།
ཚེ་དབང་བསོད་ནམས།
ཀ་ཡེ་་གསན་དང་ཀོ་གྷལ་གཞིས་ཟུར་ཚོ།
ཁ་ཙམ་མིན་པའི་ལྷག་བསམ་བཟང་པོའི་ལས།
ག་ནས་བལྟས་ཀྱང་ཁྱེད་ཚོའི་ལྷག་བསམ་འོག།
ང་ཚོའི་གཞིས་ཆགས་ཡར་རྒྱས་ཕྱོགས་སུ་བསྐྱོད།
་
ཀརྡོས།
ཀ་ཡེ་་གསན་དང་རྒྱ་བལ་གཞིས་ཟུར་ཚོ། །
ཁ་ཙམ་མིན་པའི་ལྷག་བསམ་བཟང་པོའི་ལས། །
ག་ནས་བལྟས་ཀྱང་ཁྱེད་ཚོའི་ལྷག་བསམ་འོག །
ང་ཚོའི་རྒྱ་བལ་ཡར་རྒྱས་ཕྱོགས་སུ་བསྐྱོད།
ཀ་ཡེ་གསན་དང་ནུབ་ཕྱོགས་བོད་མི་ཚོ། །
ཁ་ཙམ་མིན་པའི་ལྷག་བསམ་ལག་ཡོད་དངུལ། །
ག་དུས་ཡིན་ཡང་ཁྱེད་ཚོའི་ཡུ་ཌོར་གྱིས། །
ང་ཚོའི་རྒྱ་བལ་ཡར་རྒྱས་ཕྱོགས་སུ་འགྲན། །
ཀ་ཡེ་གསན་དང་སྦྱིན་གཏོང་བོད་མི་ཚོ། །
ཁ་ཙམ་མིན་པའི་ལྷག་བསམ་རོགས་དངུལ་གྱིས། །
ག་དུས་ཡིན་ཡང་བོད་རིགས་ཉམས་ཐག་རིགས། །
ང་ཚོའི་དཔལ་འབྱོར་ཡར་རྒྱས་བཏང་བས་བཟང་། །
སྔར་གྱི་དུས་སུ་སུད་སི་གཡག་པ་བཀྲ་ཤིས་དང་། །
བལ་སྡོད་ཕྱུག་བདག་སྟོད་པ་རྒྱལ་ནོར་ཚེ་དབང་སོགས། །
གཅིག་འགྲན་གཅིག་ལྷག་གཏོང་ཕོད་སྦྱིན་གཏོང་ཆེ་བ་མང་། །
དིང་སང་དུས་སུ་སུ་ཕྱུགས་སུས་གཏོང་མཚན་སྨྲོས་འདི་ན་གྱིས། །