བོད་ཡིག་གི་དྲ་རྒྱ་དག་ན་ ཨི་ཇིབ་ཀྱི་སྐོར་ལ་གླེང་སློང་མེད་པའམ་ཉུང་བ་དེས་རྐྱེན་བྱས་ཏེ། ཨི་ཇིབ་ཀྱི་སྐོར་ལ་གསར་འགྱུར་ཞིག་འབྲི་རྩིས་བྱས་མོད། ད་དུང་ལྕོགས་མ་སོང་། ཨི་ཇིབ་ཀྱི་རྙོག་ཁྲ་འདི་དག་བྱུང་ནས་ད་ཆ་བདུན་ཕྲག་གསུམ་མ་ཟིན་ཙམ་འགྲོ་བཞིན་ཡོད་པ་དང་། མི་དམངས་ཀྱི་སྟོབས་ཤུགས་ལ་བརྟེན་ནས་གཞུང་མགོ་རྟིང་སློག་ལ་ཉེ་བའི་དུས་ཚོད་ཅིག་ཏན་ཏན་རེད། ཨེ་ཤ་ཡ་རང་དབང་རླུང་འཕྲིན་དང་ཨ་རིའི་བོད་སྐད་རླུང་འཕྲིན་དག་ན་འདིའི་སྐོར་གྱི་བོད་ཡིག་གསར་འགྱུར་རེ་རྟག་པར་མཐོང་རྒྱུ་འདུག དེ་རིང་ཨེ་ཤ་ཡ་རང་དབང་རླུང་འཕྲིན་ཁང་གི་དྲ་རྒྱའི་ཐོག་ན། “རྒྱ་ནག་མི་དམངས་ལ་ཨི་ཇིབ་ནང་གི་ངོ་རྒོལ་ལས་འགུལ་གྱི་གསར་འགྱུར་རིགས་དྲ་རྒྱའི་ནང་ནས་ལྟ་ཀློག་བྱེད་རྒྱུ་མེད་པ་བཀག་འགོག་བྱས་པ།” ཞེས་འཁོད་པའི་གསར་འགྱུར་ཞིག་འདུག དེ་བཞིན་ཨ་རིའི་བོད་སྐད་རླུང་འཕྲིན་དུ་ཡང་ “ཨི་ཇིབ་ཀྱི་སྲིད་འཛིན་གྱིས་་བཅོས་བསྒྱུར་བྱ་རྒྱུ་ཁྱབ་བསྒྲགས་གནང་ཡོད་པ།”ཅེས་འཁོད་པའི་གསར་འགྱུར་ཞིག་སྤེལ་འདུག
རང་ཉིད་ལ་མཚོན་ན་ ཨི་ཇིབ་ཀྱི་གླེང་རྙོག་འདི་བྱུང་མ་ཐག་ནས་ཤེས་འདོད་པ་ནི་རྒྱ་ནག་གཞུང་གིས་འདི་ཐད་རྣམ་འགྱུར་སྟོན་སྟངས་ག་འདྲ་ཡིན་མིན་དེ་ཡིན། དམིགས་བསལ་གྱིས་ཨ་རིའི་གསར་འགྱུར་བརྒྱུད་ལམ་ཆེ་ཁག་དག་གིས་ ཉིན་མཚན་དུས་ཚོད་ཉེར་བཞིའི་རིང་ གསར་འགྱུར་འདི་དག་བརྒྱུད་བསྒྲགས་བྱས་པ་དང་། གསར་འགྱུར་ཆེ་ཁག་གི་གསར་འགོད་པ་དག་ས་གནས་སུ་བསྐྱོད་ནས་གསར་འགྱུར་སྤེལ་སྐབས་དྲག་རྡུང་དང་རྨས་སྐྱོན་ཕོག་ན་ཡང་ད་དུང་ཨུ་ཚུགས་ཀྱིས་གསར་འགྱུར་སྤེལ་བཞིན་འདུག དེ་ནི་འགྲོ་བ་མིའི་ཐོབ་ཐང་དང་གསར་འགོད་རང་དབང་གི་སྐོར་ཡིན་ཞེས་བརྗོད་བྱུང་། དེས་ན་ ང་ཚོས་མཐོང་ཐུབ་པ་ཞིག་ནི། ༢༠༠༨ ལོར་བོད་དུ་ཞི་རྒོལ་ཆེན་མོ་བྱུང་སྐབས་ ཧ་ལམ་འཛམ་གླིང་གི་གསར་འགོད་པ་གཅིག་ཀྱང་མེད་པ་ལྟ་བུ་ཞིག་རེད། ད་ཁྱད་པར་ག་རེ་རེད། ཨི་ཇིབ་ཀྱི་སྣུམ་ལ་ཐུག་པ་རེད་དམ། གཡག་ལ་གཅེས་པ་རེད་དམ་ཁྲག་ལ་གཅེས་པ་རེད། ཨི་ཇིབ་གླེང་དུ་ཕེབས། ཨི་ཇིབ་དང་བོད་ཀྱི་གནད་དོན་ལ་བགྲོ་གླེང་གནང་རོགས།
སྲིད་དབང་སྒེར་སྤྱོད་པ་ མོ་བྷ་རག་ གིས་ཉེས་རྡུང་གཏོང་བར་དོག་ནས་ཚང་མ་ཁུ་སིམ་མེར་བཞུགས་འདུག བོད་མི་ནང་ཁུལ་སྐྱོན་བརྗོད་དང་དམའ་འབེབ་རེས་ཡིན་ན་ཁྱོད་ཤི་ང་གསོན་གྱིས་ཐོན་ཡོང་གི་འདུག ད་ངོ་མ་བོད་མི་རིགས་འདིའི་གནས་སྟངས་གང་འདྲ་ཞིག་ལ་ལྷུང་ཡོད་མེད་ཧ་གོ་མ་སོང་ལགས།
Groupon ཚོང་ལས་ཁང་དང་བོད་དོན།
སྤྱི་ཟླ་དང་པོའི་ཚེས་༦ ཉིན་ཨ་མི་རི་ཀའི་ནང་རྩེད་མོ་སྐད་གྲགས་ཅན་Super Bowl ལམ་བོད་པ་ཚོས་ཨོར་འཐོམ་པོ་ལོ་ཞེས་འབོད་པ་དེ་མཐའ་མའི་རྩེད་འགྲན་ཨ་རིའི་རྒྱལ་ཡོངས་བརྙན་འཕྲིན་ཐོག་བཏོན་པའི་ཉིན་ཨ་རིའི་རྒྱལ་ཡོངས་ནས་རྩེད་མོ་དེ་བལྟ་མཁན་མི་འབོར་ས་ཡ་༡༠༦ དང་གྲངས་ཆུང་༥ བྱུང་ཡོད་ཅིང༌། རྩོད་མོ་དེ་ནི་ཨ་རིའི་མི་དམངས་ཚོར་ཚོན་ན་གལ་ཆེ་དོན་ཆེན་གྱིས་བལྟ་འདོད་པ་ཞིག་དང་ལྟོ་མོ་བཏོནཔའི་སྐབས། ནང་མི་དང་དགའ་ཉེ། གྲོགས་གྲོགས་མོ། གྲོང་པ་ཁྱིམ་མཚེས་སོགས་མཉམ་འཛོམས་ཀྱིས་བལྟ་བ་ཡིན། རྩེད་མོ་སྐད་གྲགས་ཆེན་པོ་དེ་བཏོན་པའི་སྐབས། དེའི་དབར་ན་ཚོང་གི་དྲིལ་བསྒྲགས་སྐར་ཆ་༣༠ སོ་གྲངས་བཏོན་གྱི་ཡོད་པ་དེ་ཡང་ཉིན་དེར་ཨ་རི་རྒྱལ་ཡོངས་ནས་ལྟ་མོ་བལྟ་མཁན་གྱི་མི་འབོར་ཆེས་མང་བར་སོང༌། དྲིལ་བསྒྲགས་ཐུང་ངུ་དེར་ཡང་ཨ་རིའི་ཊོ་ལར་ས་ཡ་འགའ་ཤས་ཐོབ་པ་ཡིན། བསམ་ཡུལ་ལས་འདས་པ་ཞིག་ལ། ཨ་མི་རི་ཀའི་གྲོང་ཁྱེར་Chicago ནང་དུ་རྟེན་གཞི་བྱས་པའི་Groupon ཚོང་ལས་ཁང་གིས་བྱིན་བདག་བྱས་ཏེ། ཉིན་དེའི་རྩེད་མོའི་བར་གསེང་གི་དྲིལ་བསྒྲགས་སྐར་ཆ་༣༠ བྱས་པ་ཞིག་ལ་ཨ་མི་རི་ཀའི་གློག་བརྙན་འཁྲབ་སྟོན་པ་Timothy Hutton ཡིས།བོད་ནང་གི་བོད་མི་རྣམས་དཀའ་ངལ་ཐོག་ལྷུངས་ཡོད་པའི་གནས་སྟངས་གསལ་སྟོན་བྱས་ཡོད་པ་རེད། བོད་དོན་དྲིལ་བསྒྲགས་སྐར་ཆ་༣༠ བྱས་པ་དེར་ཨ་རིའི་ཊོ་ལར་ས་ཡ་༣ ཐོབ་ཡོད་པ་དང༌། Groupon ཚོང་ལས་ཁང་གི་ཚོང་གི་དྲིལ་བསྒྲགས་ནང་བོད་དོན་འདེམས་དགོས་པའི་དགོས་པ་ཇི་ཡིན་སྐོར་ལ་བསམ་ཚུལ་ཤོད་མཁན་འདྲ་མིན་ཡོད། བཟང་ཕྱོགས་དང་ལྡོགས་ཕྱོགས་གཉིས་ཀའི་བསམ་ཚུལ་འཛིན་མཁན་འདུག བཟང་ཕྱོགས་འཛིན་མཁན་ཚོས་ཨ་རིས་བོད་དོན་རྒྱབ་སྐྱོར་བྱས་པ་གཞི་རྒྱ་ཆེ་ཤོས་ཡིན་པར་ངོས་འཛིན་བྱེད་ཀྱི་འདུག་ གལ་ཏེ་ཁྱེད་རང་གིས་དྲིལ་བསྒྲགས་དེ་གཟིགས་འདོད་ན། གཤམ་འོག་གི་Youtupe ཁ་བྱང་ཐོག་ཡོད།
http://www.youtube.com/watch?v=pOwJOcp-Mxk
བདུན་ཕྲག་གཅིག་གི་གོང་དུ་ཨེ་ཇུབ་ཀྱི་གློག་བརྙན་འཁྲབ་སྟོན་པ་རྒད་པོ་ཞིག་གིས་ཨ་རབ་ཀྱི་རྒྱབ་ཁབ་ཁག་ཏུ་དམངས་གཙོ་ཡོད་པ་མ་རེད། རིམ་བཞིན་ཨ་རབ་མི་དམངས་ཀྱིས་དམངས་གཙོ་མིན་པའི་རྒྱལ་ཁབ་དེ་དག་མགོ་རྟིང་བསློག་གི་རེད་ཅེས་གསུངས་པ་དང་། དེ་རིང་ནས་བཟུང་ཨ་རབ་ཀྱི་རྒྱབ་ཁབ་ཨ་ཇཱ་རི་ཡིས་ཀྱང་སྲིད་གཞུང་ལ་ངོ་རྒོལ་བྱེད་འགོ་ཚུགས་སོང་། ངོ་རྒོལ་འདི་དག་ནི་ཧ་ལམ་སྲིད་དབང་སྒེར་གཅོད་ཀྱིས་མི་དམངས་ཀྱི་འཚོ་བ་དོང་ཞབས་སུ་ལྷུང་བཅུག་པ་ལ་བརྟེན་ནས་ཡར་འཕགས་པ་ཞིག་ཡིན་པར་མཐོང་། ང་ལ་དོ་སྣང་ཞིག་བྱུང་བ་ནི། ཨ་རི་དང་ཡུ་རོབ་གཙོས་པའི་རྒྱལ་ཁབ་སྟོབས་ཆེན་ཚོས་ཨ་རབ་མི་དམངས་ཚོར་གཞོགས་འདེགས་ཀྱི་གསུང་སྐད་ཤོར་བ་དེ་རེད། གསུང་སྐད་འདི་དག་ལ་རྐྱེན་བྱས་ཏེ་སྲིད་དབང་སྒེར་གཅོད་པ་ཚོས་ཀྱང་མི་དམངས་ཀྱི་གསེང་ལ་འབོམ་གཡུགས་མ་ཐུབ་པ་རེད། འབོམ་གཡུགས་པ་ཡིན་ན་སྟོབས་ཆེན་རྒྱལ་ཁབ་ཚོས་མཁའ་དམག་དང་མཚོ་དམག་དྲངས་ཏེ་སྲིད་གཞུང་ཉམས་དམས་སུ་གཏོང་སྲིད་པ་རེད། ཡིན་ནའང་གལ་སྲིད་རྒྱ་ནག་ནང་དུ་འདི་འདྲའི་ངོ་རྒོལ་ཞིག་ལངས་པ་ཡིན་ན་སྟོབས་ཆེན་རྒྱལ་ཁབ་འདི་ཚོ་རྒྱ་ནག་མི་དམངས་ཀྱི་རྗེས་སུ་འབྲང་གི་རེད་དམ། རྒྱ་ནག་གིས་མི་དམངས་ཁྲོད་དུ་འབོམ་གཡུགས་པ་ཡིན་ན་སྟོབས་ཆེན་རྒྱལ་ཁབ་ཚོས་མཁའ་དམག་དང་མཚོ་དམག་འདྲེན་གི་རེད་དམ། གནད་འགག་འདི་ཡིན་པ་འདྲ།