དེ་རིང་སྤྱི་ཟླ་དགུ་བའི་ཚེས་གཅིག་ཉིན་ཨ་རི་ཨེ་ཊི་ལན་ཊ་བོད་མི་དང་བོད་དོན་རྒྱབ་སྐྱོར་བས་རང་ལུས་མེར་བསྲེགས་གཏོང་མཁན་གྱི་དཔའ་བོ་དཔའ་མོ་དག་གི་ཆེད་དུ་འབྲས་སྤུངས་བློ་གསལ་གླིང་ཆོས་ཚོགས་སུ་སྨོན་ལམ་ཚོགས་སོང་།
སྤྱི་ཟླ་དགུ་བའི་ཚེས་གཅིག་ཉིན་གྱི་ཕྱི་དྲོའི་ཆུ་ཚོད་བཞི་བའི་ཐོག འབྲས་སྤུངས་བློ་གསལ་གླིང་གི་དགེ་བཤེས་རྣམ་པ་དང་དགེ་འདུན་པ་རྣམས། ཨེ་མོ་རི་གཙུག་ལག་སློབ་གཉེར་ཁང་དུ་ཚན་རིག་སློབ་སྦྱོང་བྱེད་བཞིན་པའི་དགེ་འདུན་པ། སློབ་ཕྲུག ས་གནས་བོད་མི། བོད་དོན་རྒྱབ་སྐྱོར་བ་དང་ཆོས་ཚོགས་ཀྱི་ཚོགས་མི་བཅས་ཁྱོན་བསྡོམས་མི་ལྔ་བཅུ་ཙམ་ལྷན་འཛོམས་ཀྱིས་བོད་བསྟན་སྲིད་ཀྱི་ཆེད་དུ་རང་སྲོག་མཆོད་མེར་སྒྲོན་མཁན་དཔའ་བོ་དཔའ་མོ་དག་གི་ཆེད་དུ་བསྔོ་སྨོན་མཆོད་འབུལ་གྲ་རྒྱས་བ་ཤིག་བྱས་སོང། བསྔོ་སྨོན་མཆོད་འབུལ་འདི་གོ་སྒྲིག་ཞུ་མཁན་ས་གནས་བོད་མི་ཚོ་རེད།
བསྔོ་སྨོན་ཚོགས་གནང་བ་ཡི་རངས་དང་བསྔགས་བརྗོད་ཞུ། ང་ཚོའི་རང་དབང་ལུང་པར་གནས་པའི་དོ་བདག་དང་རྒྱབ་སྐྱོར་བ་ཚང་མས་བསྔོ་སྨོན་གཅིག་པོས་བསྟན་སྲིད་མི་རིགས་ལ་ཕན་པ་དཀའ་མོ་རེད། ལྷག་དོན་གཞིས་ལུས་རང་རིགས་དཔའ་བོ་དཔའ་མོ་རྣམས་ཀྱིས་གཅེས་པའི་ལུས་སྲོག་མེ་ལ་སྒྲོན་གནང་བ་ནི་བོད་དུ་བསྔོ་སྨོན་བྱེད་མཁན་མེད་མས་བྱས་པ་ཞིག་མིན། ཁོང་རྣམས་ཀྱི་མངོན་འདོད་ནི་བོད་མི་རིགས་བདེ་སྡུག་དེ་འཛམ་བུ་གླིང་སྒང་ལ་གསལ་བཤད་བྱ་རྒྱུ་དེ་ཡིན་པས་ཁྱེད་རྣམས་ཀྱི་བསྔོ་སྨོན་ཚབ་ཡུལ་དེའི་བརྙན་འཕྲིན། རླུང་འཕྲིན། གསར་ཤོག་སོགས་གསར་ལམ་རྣམས་ལ་མ་ཁྱབ་པ་མེད་པའི་གསར་འགོད་འདུ་འཛོམ་རེ་ཙམ་གོ་སྒྲིག་གནང་ཐུབ་ཚེ་མིག་སྨན་མིག་ཐོག་ཏུ་སྨིན་པ་ཞིག་ཡོང་ས་རེད། དེ་མིན་གཞུང་དང་སྒེར་སུའི་ལས་འགུལ་སྤེལ་ཀྱང་ཚང་བསྔོ་སྨོན་རྐྱང་བྱས་པས་ཁོང་རྣམ་པའི་བསམ་པ་རྫོགས་ཐུབ་མིན་ཐེ་ཚོམ་རེད། མ་གཞི་ལས་འགུལ་སྤེལ་བ་ཙམ་ལ་ཡི་རངས་དང་བསྔགས་བརྗོད་ཞུ། གོང་རྣམས་བསམ་ཚུལ་ལས་སྐྱོན་བརྗོད་མིན།
བསྔོ་སྨོན་ཞུ་བ་ཡག་པོ་རེད། ཡིན་ནའང་བོད་ཀྱི་བདེན་མཐའ་མངོན་རྒྱུ་ལ་བསྔོ་སྨོན་བྱས་ནས་ནུས་པ་གང་ཡང་འཐོན་མི་སྲིད། ཅི་བྱས་ན་བསྔོ་སྨོན་ཚོགགས་པ་དེ་ཞལ་འདེབས་ཅུང་རག་རྒྱུའི་ཆེད་དུ་ཡིན་སྲིད། བསྔོ་སྨོན་དང་ཞབས་རིམ་སྒྲུབ་ནས་ཕན་ནུས་ཡོད་ན་ལྔ་བཅུ་ང་དགུ་ལོར་རང་བཙན་ཤོར་དགོས་པའི་རྒྱུ་མཚན་ཅི་ཡང་མེད་། རྒྱ་དམག་ཆབ་མདོ་འབྱོར་དུས་བོད་ཀྱིས་གཏོར་མ་འཕངས་པའི་གནས་ཚུལ་སོགས་ཤེས་ངེས་རེད། ཤེས་ཡོན་འཐབ་རྩོད་ཀྱིས་རྒྱལ་ཁ་ལེན་དགོས་པ་ལས་སྨོན་ལམ་གསོལ་འདེབས་དང་བཀའ་དགོངས་དང་ལེན་བྱེད་ནས་བོད་ཀྱི་བདེན་དོན་གནམ་ནས་ཟག་པའི་རེ་བ་མ་བྱོས། སྤྱིར་བོད་ནི་རེ་བ་ལ་དགའ་བ་ཞིག་རེད། གཏམ་དཔེ་ལ་བོད་རེ་བས་ཕངས་ཞེས་ཟེར། ད་ནི་ཚང་མས་མཁྱེན་དགོས་པ་ཞིག་ལ་གསོལ་འདེབས་དང་སྨོན་ལམ་ལ་སྐྱབས་མ་བཅའ་བར་འཛམ་གླིང་རྒྱལ་སྤྱི་ཐོག་མངོན་ཐུབ་པ་ཞིག་གནང་དགོས་པ་ནི་ཕྱི་མ་དྲག་ན་སྔ་དྲག་གོ།
དེ་དེ་བཞིན་ནོ་ཆོས་ནི་གང་ཟག་རང་ཉིད་ཀྱིས་ཉམས་སུ་བླང་ནས་ཐར་པ་ཐོབ་དགོས་པ་ལས། སྤྱི་ཚོགས་གཅིག་གི་ཆོས་བྱེད་ཟེར་བ་ནི་སྔོན་མ་ནས་ནོར་བ་རྒྱུན་འཇམ་དུ་སོང་བས་རེད། དེ་འདྲའི་འབྲས་བུ་མཆིས་ཚེ་བོད་རྒྱལ་ཁབ་ཟླ་བའི་གྲོང་ཁྱེར་ནང་སླེབས་སྔ་ཤོས་དེ་ཡིན་དགོས་ས་རེད། ཡང་ན་བོད་པ་ཚང་མཉམ་དུ་ཐར་པའི་གོ་འཕང་ཐོབ་པའི་རེ་བ་བྱེད་ཀྱི་ཡོད་པ་འདྲ།
སྔ་མི་དྲག་ཅེས་བཅོས་རོགས།