ཨེ་མ་ཧོ།
ན་མོ་གུ་རུ་པདྨ་ཀ་ར་ཡེ།
ཕྱོགས་དུས་རྒྱལ་བ་ཀུན་གྱི་ཡེ་ཤེས་སྐུ།།
དཔལ་ལྡན་རྫོགས་པའི་སངས་རྒྱས་པདྨ་སྐྱེས།།
འཇམ་དཔལ་ཡིད་བཞིན་ནོར་བུ་གསོལ་བ་འདེབས།།
བཀྲ་ཤིས་དོན་ཀུན་འགྲུབ་པར་བྱིན་གྱིས་རློབས།།
དལ་འབྱོར་རྙེད་དཀའ་མི་རྟག་སྒྱུ་མའི་འཕྲུལ།།
ལས་འབྲས་རྟེན་འབྲེལ་བསླུ་མེད་འཁོར་འདས་ལས།།
ཡང་དག་དམ་པའི་ཆོས་ལ་སྐྱབས་སོང་ནས།།
འགྲོ་ཀུན་ཕན་བདེའི་སྨོན་འཇུག་བྱང་སེམས་སྒྲུབས།།
སྣང་སྲིད་རྣམ་དག་སྐུ་གསུམ་ཞིང་དུ་བལྟ།།
རྩེ་གཅིག་གཡེང་མེད་རྩ་གསུམ་རྒྱལ་ཀུན་བསྒོམ།།
ཕྱིན་དྲུག་མཛད་པ་འཁོར་གསུམ་དམིགས་མེད་སྤྱོད།།
བསྐྱེད་རྫོགས་རྫོགས་ཆེན་བསླབ་གསུམ་ཨེ་མ་ཧོ།།
ཨེ་ཝྃ་ཆོས་སྨན་བརྒྱུད་པའི་གདུང་རབས་འཛིན།།
མ་ལུས་འགྲོ་བའི་ཕན་བདེ་རྟག་ཏུ་སྐྱོང་།།
ཨ་ཧོ་ཕྲིན་ལས་འཁོར་འདས་ཡོངས་སུ་སྤེལ།།
བསྟན་སྲིད་སྨན་པའི་གླིང་ཀ་ཀུན་བཟང་ཤོག།
ཅེས་པ་རིགས་མཐུན་ནང་མཆེད་ཀྱི་སྐྱིད་སྡུག་བཤད་སའི་ཨེ་མ་ཧོའི་གླིང་ཀ་ཞེས་མཁན་པོ་འོད་གསལ་མཐའ་ཡས་ཀྱིས་བདག་སྐྱོང་མཛད་ནས་སྐད་འཕྲིན་གྱི་བགྲོ་གླེང་དུ་ཤྲྰིཿ་ཨེ་མ་ཧོས་ནང་མཆེད་ཡོངས་ལ་གང་ཤར་དུ་དབོ་ཟླའི་མཁའ་འགྲོ་འདུ་བའི་དུས་ཆེན་ལ་གུས་པས་ཕུལ་བར་དགེའོ།། །།
དཔལ་ལྡན་རྫོགས་པའི་སངས་རྒྱས་པདྨ་འཁྲུངས་།
ཕྱིན་དྲུག་ཉམས་ལེན་འཁོར་བའི་རྩ་བ ་གཅོད་།
བསྐྱེད་རྫོགས་རྫོགས་ཆེན་བསླབ་གསུམ་ཉམས་ལེན་ཟབ་།
སེམས་གཏམ།
་
བཤེས་གཉེན་བསྟེན་ཚུལ་དལ་འབྱོར་རྙེད་དཀའ་ནས། །
ངེས་འབྱུང་བྱང་སེམས་ཡང་དག་ལྟ་བ་དང་། །
བློ་སྦྱོང་ཐ་དག་རིམ་པས་བློར་སྦྱངས་ནས། །
དབང་ལུང་འཁྲིད་རྒྱུན་གདམས་ངག་ཞུས་ནས་སྒོམས། །
་
ཀརྡོས།