ཁྲོ་གཏུམ་གྱིས་སྒྲིག་སྒྱུར་བྱས།
ཕྱི་ཟླ་ ༠༡ ཚེས་ ༢༦ ཉིན་ནི་ཨོ་གླིང་རྒྱལ་ཡོངས་ཀྱིས་སྲུང་བརྩི་བྱེད་པའི་ཉིན་མོ་སྟེ། ཕྱི་ལོ་ ༡༧༨༨ ཟླ་ ༠༡ ཚེས་ ༢༦ ཉིན་དབྱིན་ཇིའི་གྲུ་ཐོགས་པ་ ༡༡ཨོ་གླིང་ལྷོ་བྱང་མཚམས་ཀྱི་སིག་ཎི་མཚོ་མཐའ་རུ་དབྱིན་རྒྱལ་ཁབ་ཆེན་མོའི་དར་ཆ་བསྒྲེངས་ཤིང་། ཁྲེ་ར་ཨོ་སི་ཁྲོ་ལེ་ཡ༼ Terra Australis ༽ཟེར་བ་ནི་ལ་ཊིན་གྱི་སྐད་ཡིན་ཞིང་། དེ་ནི་ལྷོ་ཕྱོགས་རྒྱལ་ཁབ་ཞེས་པའི་དོན་དང་། སྐབས་དེར་ཡུལ་ཕྱོགས་འདིར་ཞི་བདེ་ལྷིང་འཇག་གིས་གནས་པའི་གདོད་མའི་མི་རིགས་མང་པོ་ཞིག་དམར་གསོད་བྱས་ཤིང་། དབྱིན་རྒྱལ་ཁབ་གྱི་ནག་ཉེས་ཅན་གྱི་བཙོན་མ་རྒྱང་འཕེན་བྱེད་ས་ཞིག་ཏུ་གྱུར། ཡིན་ནའང་ད་ལྟ་རྒྱལ་ཁབ་གང་ཞིག་གི་ཆབ་སྲིད་བཙོན་ཟུར་དང་ཆབ་སྲིད་ནག་ཉེས་ཅན་བཙན་བྱོལ་བྱེད་ས་ཞིག་ཡིན།
ཨོ་གླིང་རྒྱལ་ཁབ་གྱི་ཉིན་མོ་སྲུང་བརྩི་བྱེད་སྟངས་ནི་རྩོད་གླེང་ཁྲོད་རིམ་པས་འགྱུར་བ་དུ་མ་བྱུང་ཞིང་། མངའ་སྡེ་ཚང་མས་ཁོ་ཚོའི་ལོ་རྒྱུས་ཀྱི་གནས་སྟངས་ལྟར་ཉིན་འདི་དང་བསྟུན་དེ་སྲུང་བརྩི་བྱེད་འདོད་མ་བྱུང་བས། གཞུང་འབྲེལ་མིན་པའམ། ཡང་ན་ལོ་རྒྱུས་ལྡན་པའི་ཉིན་མོ་ཞིག་མིན་པས་མིང་ཐོག་སྟངས་ཁ་ཤས་འདུག་ལ། ལོ་འཁོར་དུས་དྲན་ཉིན་མོ། དབུ་བརྙས་པའི་ཉིན་མོ། བཙན་འཛུལ་གྱི་ཉིན་མོ། རྒྱལ་ཡོངས་མྱ་ངན་གྱི་ཉིན་མོ་སོགས་འདུག
འོན་ཀྱང་། ཉིན་མོ་འདི་ནི་དུས་རབས་གཅིག་ལྷག་རིང་ཨོ་གླིང་རྒྱལ་ཡོངས་ཀྱི་ཉིན་མོར་ངོས་འཛིན་ཐོབ་མེད་ཅིང་། ཕྱི་ལོ་ ༡༨༠༨ ཟླ་ ༠༡ ཚེས་ ༢༦ ཉིན་ནེའུ་སཱོ་ཐི་ཝེ་ནས་ཐེངས་དང་པོའི་གཞུང་འབྲེལ་སྲུང་བརྩི་དང་། ཕྱི་ལོ་ ༡༩༠༡ ལོའི་ཕྱི་ལོ་གསར་བའི་ནང་། ཨོ་གླིང་ལ་དབྱིན་ཇིའི་མི་སེར་སྤེལ་སའི་མངའ་སྡེ་རྣམས་གོང་བུ་གཅིག་ཏུ་གྱུར་ཐུབ་པ་ནི་ཨོ་གླིང་དེང་རབས་ཅན་ལ་བསྐྱོད་པའི་སྔ་ལྟས་སུ་གྲུབ་པར་མ་ཟད་ཨོ་གླིང་རྒྱལ་ཁབ་ཀྱི་རྩ་ཁྲིམས་ཀྱང་ལོ་འདིར་བཟོས་འདུག
ཕྱི་ལོ་ ༡༩༣༥ བར་དུ། ཨོ་གླིང་གི་མངའ་སྡེ་རྣམས་དང་སྲིད་འཛིན་ས་ཁུལ་གཅིག་བཅས་ཀྱིས་ཨོ་གླིང་ཉིན་མོ་སྲུང་བརྩི་བྱས་མྱོང་མེད་ཅིང་། ཕྱི་ལོ་༡༩༩༤ ལོར་ནས་བཟུང་། ཨོ་གླིང་རྒྱལ་སྟོན་དུས་ཆེན་སྐབས་གཞུང་དང་མི་མང་གིས་གུང་གསེང་ལ་རོལ་བའི་སྲོལ་དར་འདུག
ཨོ་གླིང་གི་ཉིན་མོ་སྲུང་བརྩི་བྱེད་པར་ས་ཆ་འདིའི་གདོད་མའི་མི་རིགས་ཀྱིས་མི་འདོད་པའི་ངོ་རྒོལ་དང་ཁོང་ཚོའི་རིགས་རྒྱུད་དམར་གསོད་བཏང་སྟེ་རང་བཙན་བཟུང་ཉིན་མོར་ངོས་འཛིན་བྱེད་པ་དང་། ཁོ་ཚོས་ཉིན་མོ་འདི་ནི་མྱ་ངན་དང་བཙན་འཛུལ་གྱི་ཉིན་མོར་ངོས་འཛིན་པར་བྱེད།
ཕྱི་ལོ་ ༢༠༢༠ ཟླ་ ༠༡ ཚེས་ ༢༦ ཉིན་ཁྲོ་གཏུམ་གྱིས་ཕྱོགས་བསྒྲིགས་བྱས།
ཨོ་སི་ཊི་ཡི་ལི་ཡ། ཡུལ་ལུང་ངམ་གླིང་ཕྲན་འདི། གདོད་མི་རིགས། ཨོབ་ཨོ་རི་ཇི་ནལ། གྱིས་ས་ཆ་ལ། ཨིན་ཇིའི་མི་གསོད་ཁྲག་སྦྱོར་བ་མི་རྫབ་ཆེན་ཟུར་འབུད་བྱ་ས་བཙོན་ཁང་ཆེན་པོ་ཞིག་བཟོས་པ་རེད།
དེ་ནས་འདོད་རྔམས་ཅན་གྱིས་མཚོ་གྲུ་ཅན་མི་རིགས་དཀར་པོས། ཡུལ་མིར་ཐུབ་ཚོདང་དམར་གསོད་བྱེད་སྒོ་བརྩམས་ནས་བཟུང་དེ་ནང་མི་རིགས་དཀར་པོ་དེ་དག་ནང་སེམས་ཀྱི་བདེ་སྐྱིད་ཡོད་མིན་མི་ཤེས་ཀྱང་། ཕྱི་དངོས་པོའི་ཡར་རྒྱས་ཕྱིན་པ་རེད་དོ།།